|
|
|
 Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
Quote:
يا عادل..النوع الشفَعو إيدهم خررَااابة ديك...يجيك مكركر شفَعو و يطلعوا يخلوا ليك البيت خرابة!! |
زياد ياحبيب أها ديل نوع ، الشفع يقلبوا ليك البيت اب صائد داوون وأهلهم كل البيقدروا
يعملوا ياولد لا ، ياولد أقعد ساي ، بقوم عليك بدقك والواحد جالس في مكانوا طيب ماتقوم
عليهوا محنن ؟ والشفع واقعين كسير تحلف تقول طالبنك مغصة ولا دا بيت يهود.
| |
 
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
* ضيف يدفر باب الشارع ويجيك نابل زي ميسي في خط ستة ، تلقاهوا قدام كرعينك
لا بيستأذن ياكافي البلاء ولا بيضرب جرس . شنو هو وكاله بدون بواب؟ طيب الناس
تعبانين لية وعاملين أبواب وأجراس .
* ضيف من يسلم عليك ينقطع ليك في غرفة النوم زي الغنماية الضاربا البرد مع
انوا غرفة النوم دي المكان الوحيد الفي البيت مكان خاص وتلقاهوا يقول في
سرو دا عزابي يعني عادي . للضيافة أماكنها سبب واحد بيخليك تدخل غرفة النوم
مافي ياضيف الغبره .
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
الاخ عادل الباهي سلام
الاخ سميرالشيخ وصف واوفى حالنا لما نكون ضيوف في السطور ادناه
| Quote: ولو ما كنت سوداني...كنت انتظرت دورك في الصف وخلصت معاملتك بنظام بدل الململة البتعملوها وكنت ح تنهر أولادك لما يبهدلوا ليهم بيت زول ويعيثوا فيهو فسادا وحضرتك قاعد تضحك ومتعوجب لي اولادك ورافع لي ناس البيت الضغط والسكري....كنت حا تتوقع بحصل شنو لما ترقد طفلك الصغير بدون بامبرز في سرير في بيت ناس!!واولادك الاكبر شوية بعملو شنو في نباتات وازهار الناس التعبانين عليها وزارعنها وراوينها بي دم قلبهم ..والطامة الكبري لو كان عندهم حوض سمك ...و كنت ح تتردد في أخذهم معاك المرة الجاية لنفس البيت, علشان يبهدلوه مرة تانية...كنت ح تتردد في إعطاء رقم تلفون أو عنوان شخص ما.. دون إذنه او حتي سؤاله اذا كان عندو رغبة يتواصل مع الناس ديل أو مفهمم انو ما عندوا تلفون من اصلو بدل تورطو وتحرجو كدة!!!.وكنت امتنعت عن السماح بجلوس طفلك الرضيع في المقعد الأمامي على حجر والده او والدته ولمن يحصل حادث الحبيب ياكلها لا لذنب جناهو سوي انو اهلو سودانين!!...كنت ح تترد في زيارة شخص ما.. أنصاص الليالي و صابح تاني يوم مدارس و عمل وتساهر بالناس وتطلع روحهم تشرب العصير والشاي ويعملو ليك العشاء علي امل انك تمشي وتخليهم ينومو وانت برضو قاعد تبرأ فيهم وما تحس الإ قبل آذان الفجر بشوية وتقوم تنكشح بعد ما الديك قرب يعوعي!!! |
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: د.ماجدة ميرغني)
|
الاخت د. ماجدة
حياك الله
فعلا الاخ سمير شيخ ادريس اوفي وصدق كل مايدور في ذهني من نوعية ضيوف العله
في احدي المرات زارتني اسرة ونسوا احضار بامبرز احتياطي لطفلهم فتبول علي
المرتبه فماكان من والدتة مخاطبة زوجها عادي بكره عادل بيتزوج واطفالوا
بيعملوا كده ، أكلتها في حناني هم أدوني عرض أك########م عتلت المرتبه علي
الزباله عدل .
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
* ضيف عارف مسبقا بأنك تعمل في وردية الليل وجاي وش الصبح
يجيك ناطي من الثامنة صباحا التقول بيبيع لبن واريتوا لو
عندوا حاجة ضرورية بس لانوا أتخمد باكر وأستيقظ باكر وماعندوا
موضوع يجيك يطير النوم من عيونك ويمسك بيك زمن يخليك ترجع
العمل زي المسطول الليل كلوا تشرب في القهوة وتغسل في وجهك
عشان تقاوم النعاس .
* ضيف يقعد يقلب في المكتبة بدون ما يستأذن وهاك يا مقابضة
في الكتب والسي دي هات ، الله يقلب لونك وفي النهاية يفتح
نفسوا ويقول ليك حأشيل المرجع دا والسي دي دا وبرجعهم ليك
وتاني لا بتشفوا ولا بتشوف المرجع أو السي دي وهو زاتوا ماعارف
الواحد اغتناهم كيف ولمن تحتاج ليهم ترجع تاني للمربع رقم واحد
وتقعد تفتش للشراء .
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
Quote:
وكمان ضيف ثقيل يرمي ليك السفة في الاصيص وطفله يشخبط ليك في الحيطة ومرتو تحرض ليك
الولية واخر اليليل توصلهم بالعربية تقول طالبينك دين .. يا اخي ديل زردية |
عبدالعزيز ياحبيب
موضوع السفه وشخبيط الجدران وتحريض الزوجة ماعندك حلل الا تحضر حبوب
الضغط وتكظم غيظك اما توصيل السيارة آخر الليل عندي ليك علاج ناجح ومجرب
تمعط السيارة لمن السرعة تصل 160 وتقبض فرمله اليد عشان يستفرغوا الاكل
وتاني شهر مايجيهم نوم
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عبد العزيز عبدالكريم نهار)
|
Quote:
يا زول كمان يمكن نروح فيها |
يازول مابتجيك عوجة تعرف زمان في السودان كان عندنا عمك عجوز كدة
في الحي مجهج ليك باكاتي كل ما تشرق الشمس واكون طالع من البيت
أفتح باب البيت اشوف ليك ولد العجوز طوالي يقول لي أبوي قال ليك
أنتظرني ماشي معاك السوق العربي ، التقول مشاركني فيها
ولا بيدفع حق البنزين المهم أقعد أنتظروا وكلي غيظ وانا جني وجن
أشيل معاي راجل من صباح الرحمن تاني اليوم كلوا ما بتنعدل علي
دائما بحب فضل ظهري للجنس اللطيف ( الكضب خيبةوالواضح مافاضح)
لمن جاب كثافتي في يوم كده قال لي ماشي معاك قلت ليهوا أنا ماماشي أتجاة السوق العربي
انا ماشي العمارات عشان يحل عن سماي طوالي عمك كتل لي الدش في يدي وقال لي عمرك أطول
من عمري . سألته ليه قال لي انا ماشي السوق الشعبي الخرطوم وصلني في طريقك
بلاهي بقيت شايف عمك خمسة خمسة المهم ركب لمن وصلت ميدان ديم سلمان الارض دلجة معطت ليك السيارة
الي ألآخر وقبضت فرملة اليد والكواريك رقدت شيء حسبي الله ونعم الوكيل وشيء شهادة نزل في الواطه
استفرغ ليك اكل شهر لي ورا وشبكني ليك انت ولد طايش ومن ديك تاني لاشفتوا ولاشفت ولدوا من الصباح
مش بيقولوا الحيله احسن من العار ؟ وطيب.
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: صبري طه)
|
سلام للجميع ...
قابلت واحد من الاصحاب وكان معاى اولادى بعد التحية والسلام والاخبار الراجل قدم لينا دعوة نزورهم فى البيت
فى يوم معين فاعتذرت لانى ماشى اعمل عمرة فى اليوم ده واتحرك من لرياض لمكه بالسيارة ...
تجهزنا انا والعيال وهمينا بالخروج فاذا اتفاجا بواحد من المعارف داخل وهو يقول لى كويس لانى لحقتكم لانوا
فلان كلمنى انكم ماشين عمرة وانا ذاتى ماشى معاكم ...
ياخى انا ارد ليه كيف بانو معاى العيال وما ينفع يركب معاى الف كيلو من الرياض لى مكه ( موقف محرج )
بالله رايكم شنو فى نوع الضيف ده ؟؟؟
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: نور الدين عثمان)
|
عادل يا حبيب
سلام
| Quote: * ضيف من يسلم عليك ينقطع ليك في غرفة النوم زي الغنماية الضاربا البرد |
ياخي خليتني اضحك لي درجه....زولك ده الدخلو غرفة النوم شنو....يمكن عايز يشوف التصميم...غايتو الزول ده اذا معانا هنا في البورد ما حايجيك تاني ويمكن ما يسلم عليك زاتو........ ضيف زي ده تقول ليه قفلت الباب وراك وانت داخل عشان يعرف حاجه ويفهم انو البيوت حرمات.
تحياتي
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: نور الدين عثمان)
|
تحية...
الموضوع ليس عن الضيوف انما عن انواع الثقالة..
بالنسبة لرحلة العمرة ببساطة توضح للضيف الغاء اصطحاب الاولاد ومرافقته وحده الي هناك ثم تاتي لاحقا لاصطحاب الاولاد في نفس اليوم...لاحظ في نفس اليوم دي... شفت انا ضيف ما ثقيل كيف؟
هناك بعض الناس همهم الاوحد معرفة تفاصيل حياتك الخاصة باسئلة تبدأ ب--( قاعد براك ولا معاك زول).....ياتي بعدهم من يدخل اليك حاملا سيجارة... ياتي بعدهم من تتداخل معه في حوار ولا يجاملك ذوقا او تادبا..وده ترميه في اقرب لفه..
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: محمد الكامل عبد الحليم)
|
Quote:
ود اختى و رأئك شنو فى الضيف البسلم عليك بيد وبالاخرى يكنكش فى الريموت لما
يطلع من عندك ؟ تقول سبحه طق طق لابقول انت متابع برنامج معين واللا المقعداك
فى البيت كورة واللا عندك مسلسل امك ممثله فيه راجى بفارق الصبر!!!
احييييييييييييييييييييييييييييى من الضيف البشيل الريموت بتاع التلفزيون،،، |
سلام ياخال هنا بيجي السؤال في حالة قدمت له الدعوة في وقت معين هنا تحتسب طوالي
وزي ماقال ليك صبري من الاتيكيت تخليهوا ياخد راحتوا علي الاخر وتتجنب مستقبلا تقديم دعوة
في زمن عندك فيهو برنامج او كورة أو مسلسل ، أما أذا أستأذنك في الزيارة عبر
الهاتف فيك برضو تقدم او تأخر موعد أستقباله من حقك . أما أذا جاك ناطي من
غير موعد دا يبقي زول سبهلل ساي ماعندو اتيكيت وفي الحالة دي أحيييييي وتساعدها
بحبوب الضغط
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
Quote:
يا قعدت إتونست معاهو يا أدّيتو الريموت عشان ياخد راحتو ... |
يا صبري دا لو ضيف محترم لكن لمن يكون ضيف عله تبقي مشكله ، قبل مدة
كنا في زيارة لاحد الاصدقاء ونحن جلوس جاك ضيف نابل ماتم ليهوا ربع ساعة
طبق ليك اللاب توب بتاع صاحب المنزل والريموت وانتكأ في كنبة الجلوس ومدد
أرجله شويتين يهابش في اللاب ويرفع راسوا يقلب القناة وتاني يرجع للاب توب
ونحن مانركز شويتين في التلفاز تاني يرفع راسوا ويقلب القناة بلاهي طمم بطنا
زاتوا خلانا كل واحد يعاين للتاني هسع ضيف زي دا تتصرف معاهوا كيف ؟
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
Quote:
قابلت واحد من الاصحاب وكان معاى اولادى بعد التحية والسلام والاخبار الراجل قدم لينا دعوة نزورهم فى البيت
فى يوم معين فاعتذرت لانى ماشى اعمل عمرة فى اليوم ده واتحرك من لرياض لمكه بالسيارة ...
تجهزنا انا والعيال وهمينا بالخروج فاذا اتفاجا بواحد من المعارف داخل وهو يقول لى كويس لانى لحقتكم لانوا
فلان كلمنى انكم ماشين عمرة وانا ذاتى ماشى معاكم ...
ياخى انا ارد ليه كيف بانو معاى العيال وما ينفع يركب معاى الف كيلو من الرياض لى مكه ( موقف محرج )
بالله رايكم شنو فى نوع الضيف ده ؟؟؟ |
نورالدين سلام ، تعرف مشكلتنا كسودانيين تقابل شخص يسألك ماشي وين تقول
ليهوا ماشي السنتر ،تديهوا ضهرك يقابل شخص تاني يسألوا منك طوالي يرد عليهوا
قابلتوا قبل شوية وقال ماشي السنتر يديهوا خط سيرك كلوا أو يسأل من رقم تلفونك
طوالي يسلموا ليهوا بدون مايرجع ليك ودي مشكلة كبيرة وعدم فهم يأخ يمكن انا الزول
دا مابهضموا يمكن زايغ منو فصاحبك دا هو الجاب ليك البلاوي مافي داعي يقول لية
أنت ماشي عمرة من أصلوا وانا لو مكانك مابخليهوا يخت رجلوا في السيارة لو المشوار
ربع ساعة ، نصف ساعة الواحد بيستحمل الضيق لكن الف كيلو دي سفره محتاجة الواحد يكون
جالس مرتاح ماذنب العيال الواحد يصل معسم عشان خاطر انسان مابيفهم .
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
Quote:
ياخي خليتني اضحك لي درجه....زولك ده الدخلو غرفة النوم شنو....يمكن عايز يشوف التصميم.
..غايتو الزول ده اذا معانا هنا في البورد ما حايجيك تاني ويمكن ما يسلم عليك زاتو........
ضيف زي ده تقول ليه قفلت الباب وراك وانت داخل عشان يعرف حاجه ويفهم انو البيوت حرمات.
|
الشيخ ياحبيب
طابت أوقاتك بكل خير
تعرف اناعندي قصص عجيبة مع ضيوف العله ديل في عام 2008 مشيت السودان
اجازة وشايل معاي أمانات ناس وأدوية فأتصلت بأصحابها ووعدتهم سوف
أزورهم في السادسة مساءا لتسلميهم الامانات وقاعد ليك في صالون البيت ، سخانة
وسموم والنفس زاتوا في تلتله منتصف النهار يجيك ضيف من العينة دي يتدبا زي
الحرامي ماشفتوا الا في نص الصالون المهم قمت معه بواجب الضيافة وقعد يمعط فيني
لا انا فاهم هو بيقول في شنو بس شابكوا ليك أيوة أيوة لمن صلاة العصر جأت صلينا
العصر وأتغدينا قلت خلاص حيكسح أتمطا ليك في السرير وكورك لشقيقي الاصغر يا ولد
أملي الابريق موية جيبوا نتجهز لصلاة المغرب بلاهي من كثرة ما كسلان ماعاوز يمشي
الوضايات يتوضأ عاوز الابريق يجيهوا في باب الصالون ، عاينت للساعة لسع خمسة
الا ربع قلت في سري أبو الزفت عمك دا حيكسر كرونه هنا شكلوا كدة وانا عندي مواعيد
عند السادسة مشيت بيت النسوان سألت ليك أختي قلت ليها عمك دا حيرني عديل كدة
قالت لي شايل معاهوا حاجة في يدو قلت ليها شنطة زي بتاعة تمكنا ديك قالت لي
الشنطة دي اسمها ( يمكن أبيت )
المهم اتصلت بشقيقي الاكبر لكي يرجع المنزل عشان افكوا فيهوا واتخارج لمواعيدي ولمن جيت أستأذن
منو لاني موصل أدوية وأمانات ، أتصور قال لي ماتخليها بكره يعني الزول المريض دا الدواء بيشفيهوا
في باقي الليل دا ؟ لمن أصريت وأتخارجت بلاهي شايل حالي الي يومنا هذا
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
Quote:
الموضوع ليس عن الضيوف انما عن انواع الثقالة..
بالنسبة لرحلة العمرة ببساطة توضح للضيف الغاء اصطحاب الاولاد ومرافقته وحده الي هناك ثم تاتي
لاحقا لاصطحاب الاولاد في نفس اليوم...لاحظ في نفس اليوم دي... شفت انا ضيف ما ثقيل كيف؟
هناك بعض الناس همهم الاوحد معرفة تفاصيل حياتك الخاصة باسئلة تبدأ ب--( قاعد براك ولا معاك زول).....
ياتي بعدهم من يدخل اليك حاملا سيجارة... ياتي بعدهم من تتداخل معه في حوار ولا يجاملك ذوقا
او تادبا..وده ترميه في اقرب لفه.. |
محمد الكامل
حياك الله
فعلا والله الضيف لمن بكون محترم وعندوا اتيكيت لو جلس معاك شهرين ما تملء منو وفي نوعية
بلاهي لو قعد معاك ساعة تشوفا عشرة سنين ويجيب ليك كاروشة ويفقع ليك مصرانك الاعور يدخل
هنا ويقلب هنا ويسألك أسئلة لا تعرف ترد لا تعرف تفتح الباب وتقول ليهوا بارك الله فيمن زار
وخفا ، يورمك ورم .
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
يا عادل هاك نوع دا
كانو جماعة في الخلاء طالعين رحلة والجماعة بالعرقي والمريسة حقتهم فجاهم واحد من ناس الخلاء ديل ومعاهو ولدو صغير 10 او 11 سنة المهم ادوهو اكل وشرب بيبسي قال لهم ادو الشافع دا حبة مريسة يهضم بها الاكل دا قامو ادوهوهو ولدو المريسة شوية قال لهم ادونا عرقي ادوهو العرقي واحد زهج منو قال لهم يا جماعة شغلو لي غنية عرضة في المسجل دا وفي نص الغنية انا بمسدسي دا بجي من وراء عمكم دا وبفك لي طلقة والزول بخاف وبيتخارج، شغلو الغنية وعمك قام يتنقز وفي تنقزتو ديك الزول فك الطلقة من وراهو ، عمك اتلفت عليهو ودق كراعو بكل قوته في الواطة وضرب الزول امدلدوم في كتفو وقال له
"حرم تبشر"
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
الاخ عادل الباهي
لك التحيه
نفرز بين الزوار العاديين و الضيوف و بلا شك في الاثنين هنالك الثقيل .
الزوار هؤلاء ما جنته ايديك باخيارك لاصدقائك فهنالك الغث و هنالك الثمين . فانظر من تخالل و لا تتزمر بعد داك . هذا ما جنته يداك .
ام الضيف الضيف ، فهذا اكرامه من الواجب ، من كان يؤمن بالله و اليوم الاخر فيكرم ضيفه .
اخر الليل السلام عليكم ، يطرق باب الحوش ، منو في الباب ، ضيف
تطلع السرير ، تفرش المرتبه ، تدبر العشااء ، تتركه ليرتاح
بكره الصباح ، تجهز الشاي ، اللقيمات لزوم الضيف ، و تسال ، ان كان عابر سبيل الي اين الوجه ، اما اكان من المعارف او الاهل ففي تلك حكايه و روايه .
ان كان عابر سبيل علي الاغلب بعد الافطار بتوكل علي الله
اما الضيوف من الاهل و المعارف فغالبا الحضور لقضاء امر بالمدينه ، هنا واجب الضيافه 3 ايام بالتمام و الكمال ، اكل و شرب و نوم و توصيل و عصر او مده ( اعطاء مصاريف )
قبل رصف الطرق شرق و غربا و شمالا و نيليا ، كان اكثر ما يقلق البنات غسيل هدوم ( ثياب ) الضيف مع كامل دسم الضيافه و بذلك كافنا الله شر الامراض و البلاء و الغلاء و الفواحش ما ظهر منها ما بطن
بعد رصف الطرق شرق و غربا و شمالا و نيليا ، قل الضيوف و زاد المرض و البلاء و الغلاء و الفواحش ما ظهر منها و ما بطن
نكته : قالوا ضيف ثقيل جا في قريه و صادف واحد عزمه البيت . الزول قام بواجب الضيافه علي اكمل وجه ، اكل شراب نوم ، علوق للحممار ، اليوم الاول
اليوم الثاني اكل شراب نوم ، علوق للحممار
اليوم الثالث بعد اكل شراب نوم ، علوق للحممار قام الضيف قال لي صاحب المنزل بكره عليك الله املئ الخرج ( بضم الخاء ) بي عيش عشان انا بكره بسافر ، الزول زعلان قال ليه ان شاء الله بكره لا انا و لا انت و لا الحممار ما نتلقي .
نرحب بالضيوم في اي زمان و اي ماكن و اي نوع
نحترس من اصطحاب و التعارف بالناس الثقيلين في هذه الدنيا ، يا اخي هي ناقصه
الزبير
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: الزبير بشير)
|
Quote: ود اختى و رأئك شنو فى الضيف البسلم عليك بيد وبالاخرى يكنكش فى الريموت لما
يطلع من عندك ؟ تقول سبحه طق طق لابقول انت متابع برنامج معين واللا المقعداك
فى البيت كورة واللا عندك مسلسل امك ممثله فيه راجى بفارق الصبر!!!
احييييييييييييييييييييييييييييى من الضيف البشيل الريموت بتاع التلفزيون،،، |
والله النوع دا يا ود الموج بقرررررب أطردوا من البيت
لا وكمان شنو ؟؟ يعيد ليك برمجة الرسيفر .. عشان فى قنوات ما ظاهره عندك
تانى تقعد تفتش لى القنوات وتتم شهر عشان ترتبها زى ما كانت
التحيه لصاحب البوست وضيوفه
ياخ من الزعل نسيت أسلم عليسكم
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: أسامه الكرور)
|
Quote:
إها ياعدولة نديك دى
واحدة تخمخم ليك شفعها من الصباح وتلقاها واقفة في خشم الباب بشفعها وانت لسه ماصحيت من
النوم تمشي شغلك وترجع وهي موجودة لعد صلاة العشاء بعد يجئ رجالها يسوقها
ومافي علاقة بتربطك بيها غير انها كانت يوم جارتكم.
ولا مرة ولا مرتين !!!!! |
النوراني ياحبيب الزولة دي شغالا مسحراتي ؟ دائما توقيت الزيارة ليه دور
اساسي في طريقة أستقبالك من أصحاب المنزل ، الواحد تلقاهو قدام وشك من ماعينك
تفتح ويرجع يشيل حالك ما أستقبلني كويس التقول هو جاء في توقيت كويس. غايتو نوعية
زولتك دي عندها حلين يا تحرش زوجها يدبل فيها يا كمان تشيل عفشك وتغيير السكن مسافة
ساعتين منها
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
Quote: يا عادل هاك نوع دا
كانو جماعة في الخلاء طالعين رحلة والجماعة بالعرقي والمريسة حقتهم فجاهم واحد من ناس الخلاء
ديل ومعاهو ولدو صغير 10 او 11 سنة المهم ادوهو اكل وشرب بيبسي قال لهم ادو الشافع دا حبة
مريسة يهضم بها الاكل دا قامو ادوهوهو ولدو المريسة شوية قال لهم ادونا عرقي ادوهو العرقي
واحد زهج منو قال لهم يا جماعة شغلو لي غنية عرضة في المسجل دا وفي نص الغنية انا بمسدسي
دا بجي من وراء عمكم دا وبفك لي طلقة والزول بخاف وبيتخارج، شغلو الغنية وعمك قام يتنقز
وفي تنقزتو ديك الزول فك الطلقة من وراهو ، عمك اتلفت عليهو ودق كراعو بكل قوته في الواطة
وضرب الزول امدلدوم في كتفو وقال له
"حرم تبشر"
|
محمد عمر سلام زولك دا الطلقة دي ماكانت تكون من وراء كان مفترض تكون سلاخية عشان
يآمن زاتوا . قال ليك في واحد تاعب ليك جارو تعب مؤقت ليك الزيارة مع زمن الثلاثة وجبات
بس الناس يختو الصينية يجيك كابس لاسلام علي طعام يعلف ويغسل أياديه وباب الشارع جاك زول
تعب ليك الزول دا تعب مبالغ فيه ، صاحبنا فكر في حيله قام قال لزوجتة واولادة الليلة ساعة
الوجبة نخلع كلنا ملابسنا والزول دا لمن يجيء بيشوفنا عرايا بيخجل ويفحط وقاموا نفذو
الفكره الزول جاء كالعادة مع مواعيد الوجبه شاف ليك ناس البيت أمفكو ميطي ساي عاين ليهم
كدة وقال ليهم قلتو الليلة امفكو ؟ أمفكو أمفكو وخلع ليك ملابسو وقعد معاهم
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
Quote:
نفرز بين الزوار العاديين و الضيوف و بلا شك في الاثنين هنالك الثقيل .
الزوار هؤلاء ما جنته ايديك باخيارك لاصدقائك فهنالك الغث و هنالك الثمين .
فانظر من تخالل و لا تتزمر بعد داك . هذا ما جنته يداك .
ام الضيف الضيف ، فهذا اكرامه من الواجب ، من كان يؤمن بالله و اليوم الاخر فيكرم ضيفه . |
العزيز الزبير بشير
حياك الله
والله يأبن عمي مافي زول بيرفض الضيوف أو الزوار الا أنسان بخيل
أومنزوي أو في نفسه مرض. الضيف حبابو والزائر حبابو لكن قلنا نسلط الضوء
علي النوع الثقيل البيرفع ليك الضغط ويجيب كثافتك. في النهاية
مهما اكون كريم انا أنسان ولي قوة تحمل معينة ولي ترتيبات لحياتي
الخاصة عارف مواعيد نومي متين يجيك واحد من النوعية يطلع منك وش الفجر
أو يولع ليك سيجارة في الصالون وعارف مسبقا انت عندك حساسية ووو
الامثلة كثيرة لو الناس بتتعامل بي اتيكيت علي ما أعتقد بتكون مافي مشكله .
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
Quote:
لا وكمان شنو ؟؟ يعيد ليك برمجة الرسيفر .. عشان فى قنوات ما ظاهره عندك
تانى تقعد تفتش لى القنوات وتتم شهر عشان ترتبها زى ما كانت
|
العزيز اسامة
طابت أوقاتك بكل خير
والله العظيم بعد مداخلة الخال صديق الموج كنت عاوز أكتب عن النوعية
البتعيد ليك برمجة الرسيفر معناها الآلم واحد ياحبيب
تكون واضع القنوات الاخبارية في الاول تجيك النوعية دي يطلع منك تقعد تفتش لقناة الجزيرة
تلقاها وصلت بقدرة قادر رقم 470 والله تكره اليوم الشفتو فيهو .
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
* في نوعيه مضره المضره الواحدة دي بلاهي تلقاهو هو منبع ومصب
للنزله ( الرشح) وبعد دا يصر أصرار غريب لزيارة الناس ، يجيك
يقعد يعطس وينفنف ويتمخت يلطع فيك الانفلونزا ويتخارج يأخ أنت
مريض مالك لافي زي كــلب الحر؟ حتي ولو تمت دعوتك أعتذر في داعي تجيب ليك نزله أو أي مرض
معدي للناس ؟
* الناس الحشريين يجيك يلقي عندك ضيف وصل قبله ومابيطيقوا يقول ليك في
همس يأخ دا الجابو شنو ؟ لا خلاس المره الجاية بستأذن منك عشان أدعو ضيف
علي منزلي .
* تكون مشغول بأكرامه يرن جرس المحمول أو هاتف المنزل طوالي يضغط علي زر أوكي ويرد بدلا
عنك زي دا والله بشوفو خمسة خمسة .
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
نكتك يا عادل بتاعة الاكل دي ذكرتني واحدة تانية قريبة ليها
جماعة مشو رحلة قبل ما ينزلوا حاجاتهم جاهم واحد ضيف "سلام عليكم" واحد قال له يا زول كدي خلينا نقول بسم الله وننزل حاجاتنا دي، الزول مشى وبعد شوية نادوهو ادوه عيش وطماطم وفات، بعد ما ضبحو وشدو الشية بس ختو الاكل قدامهم كدا اكان يجيهم واحد تاني (سلام عليكم" فواحد من الجماعة رد عليهو وقال له
حبابك يا البتوقت
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: محمد عمر الفكي)
|
عادل الباهي وضيوفه ... سلااااام
قبل فترة ابتليت بضيف من العينة المتعبة شديييييد
أولاً : لا علاقة لي به ولكنه نسيب أحد أحبابنا
ثانياً : استمرت ضيافته برفقة زوجته الكريمة ثلاثة أشهر ودقداقة
من أول أسبوع صرح بأن الحالة واحدة والبيت بيته وصدق القول بالعمل ... في أي لحظة تهف ليهو تلقاهو جوة المطبخ
فاتح التلاجة ويعلم الله الرجل ساحوتة ما بشبع .. كل ما في التلاجة معرض للفناء من فواكه وبارد وخلافه
يعني ممكن ببساطة يقوم نص الليل ويضرب حلة الملاح بتاعت غداء بكرة يخلي ليك المدام تلف حول نفسها
مرة من المرات جونا ضيوف المدام رحبت بيهم ودخلت المطبخ تجيب البارد صاحبنا ببرود يحسد عليه
لحقها في المطبخ وأداها التعليمات : اسمعي .. الضيوف سوطي ليهم عصير تانق ولا أخلطي ليهم أي حاجة
الببسي دا لي ناس البيت فقط ما للضيوف .. الكلام دا بجدية شديدة خلاص ورجع لقواعده سالماً زي الما قال شي
طبعاً في الأيام الأولى لدخوله في البيت اجتهدنا في إكرامه بأطايب الطعام والتحليات وخلافه ولما امتدت الضيافة
لأشهر بدأ التراجع تدريجياً لأكل البيت العادي وصاحبنا بحب حاجتين .. الأكل الطيب .. والنوم الهانئ
يعني نصحيه للغداء .. ونصحيه للعشاء وكدا .. آخر الدور بضجر شديد قال لينا .. يا أخوانا تاني لو العشاء فول ما تصحوني
دا الضيف الوحيد الضايقني في حياتي + واحد تاني لحدي الآن ما عارف مسكت أعصابي وما طردتو من بيتي كيف
التاني دا مرة بسأل الأولاد وين ألبوم الصور .. اتلقف وجاوبني .. في الدولاب الوسط تحت الملايات
علماً بأن اقامته كانت في الصالون والدولاب في غرفة الاولاد ومافي سبب يخليهو يدخل الغرفة ويفتح الدولاب كمان
ويفتش لما يصل للألبوم تحت الملايات .. ملالة جمرها حي .
تحياتي
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: عادل الباهي عبدالرازق)
|
Quote: لا وكمان شنو ؟؟ يعيد ليك برمجة الرسيفر .. عشان فى قنوات ما ظاهره عندك
تانى تقعد تفتش لى القنوات وتتم شهر عشان ترتبها زى ما كانت
|
اسامة الكرور والله التقول كنت حاسي بي عندنا في زول عمل كدا وصاحب البيت مسيكين
من يوم تركيب الجهاز عارف انو السودان رقم 1 والنيل الازرق رقم 2 والشروق رقم 3 والبقية كيري ساي حسب المرور بالتتابع (ماعايز اقول التوالي)
بالرغم من ان هذه القنوات لا تستحق ان تكون في صدر الرسيفر
وبعد عناء بحث عن قنواته التي يشاهدها تم استدعاءنا بتناول غداء يوم جمعة وطلب مني اعادة ترتيب القنوات حسب البرمجة القديمة فقمت بالواجب
حسب الطلب مع اضافة القنوات السودانية الجديدة مع غض الطرف عن قناة امدرمان حنقا من صاحبها السيئ الصيت للرطانة
في ذات يوم من ايام الجمعة الشتوية القليلة الساعات نهارا وصلت الى شقتنا عائلة تحتوي مجموعة من فرقة اكروبات اكبرهم في العاشرة واصغرهم لم يكمل السنة ولكنه سيسبق اخويه الاكبرين
ترررررررم نررررررررم
ابني الصغير يجري ليفتح الباب وفتحه ولكن عينو ما شافش النور الا وانطبق بخلف الباب من جراء عنف الوحوش الصغار
ودون سلام وظوالي على العربية اللعبة للطفل واستلم احدهم مسدس قد احضرته لابني قبل مجيئهم بساعتين واصبح يطلق اصوات طاخ تراخ
حتى اكنمل الرصاصات قبل ان تستقر بقية الاسرة في الاسرة ومن ثم بدأ الشافع الاصغر بالصراخ لان الشافع الاكبر يجلس فوق العجلة ويغير
الشافع الاكبر ليجلس على كرسي طفلنا المدلل ويحطمه تحطيما ولم يكترث بالرغم من الدهشة المرسومة على وجه طفلنا فانفجر باكيا من هذا الطوفان البشري
الذي لا يرحم فحاولت اسكاته بانني سوف اشتري لك اجمل واحدث واقوى حتى سكت.
انتهينا من الغداء ولا زالت اصوات كسر الصحون والكبابي تأني من المطبخ ومع كل صوت مجلجل ينقبض له قلبي ونفسي ان اثور في وجه زوجتي
وهي التي طلبت منهم الحضور.
اذن العصر صلينا ورجعنا ولا زال صاحب الفرقة بارد القلب ويؤذن المغرب ويزداد قلبه برودا ولا يوجد في الجو ما يوحي انهم قافلون الى حيث اتوا
حتى أذن المؤذن للعشاء فطلبت من ام الاولاد ان تجهز عشاءا سريعا يخلصنا من هؤلاء القوم فقد كانت.. بعد تناولنا العشاء استأذنته لتوضيب السيارة
من غيار الزيت وملء البنزين لزوم تجهيز ليوم السبت, فقال بالمرة وصلنا البيت.
بالله الواحد يقول شنو اسع؟؟؟؟
المهم للكلام بقية!!!!!!!!!!
| |
|
|
|
|
|
|
|
|
|
Re: أنواع من الضيوف الله لا وراءكم ليهم ( يوجد عدم اتيكيت) (Re: Zomrawi Alweli)
|
Quote:
نكتك يا عادل بتاعة الاكل دي ذكرتني واحدة تانية قريبة ليها
جماعة مشو رحلة قبل ما ينزلوا حاجاتهم جاهم واحد ضيف "سلام عليكم" واحد قال له
زول كدي خلينا نقول بسم الله وننزل حاجاتنا دي، الزول مشى وبعد شوية نادوهو ادوه
عيش وطماطم وفات، بعد ما ضبحو وشدو الشية بس ختو الاكل قدامهم كدا اكان يجيهم واحد
تاني (سلام عليكم" فواحد من الجماعة رد عليهو وقال له
حبابك يا البتوقت |
محمد عمر شكلنا كدة حنقلب البوست نكات
قال ليك في عمك كدة في أستراحة العمل في موظف شاب مجننو ليك جن كل ماعمك يطلع الفطور يشوف
ليك الشاب قدامو يقوم يقول ليهو أتفضل ، الشاب يقول للعجوز والله أنا فطرت
في البيت لكن لأبأس بنقر معاك ويكفكف القميص ويقعد يأكل بشراهة حير
ليك عمك زاتو وأستمر علي هذا المنوال كل يوم أتفضل يرد لية والله أنا فاطر لكن لابأس
أنقر معاك ويرجع يأكل بشراهه لمن العجوز كثافتو جات يوم قال ليهو أتفضل كالعادة
الشاب قال ليهو أنا فاطر في البيت لكن لابأس بنقر معاك قام العجوز مسك ليك يدين
الشاب وقال ليهو أسمع كل يوم نقر في بيتكم وتعال أكل معاي بدل تأكل في بيتكم
وتجي تنقر معاي
| |
|
|
|
|
|
|
| |
عادل الباهي عبدالرازق
زياد جعفر عبدالله
عبد العزيز عبدالكريم نهار
صديق الموج
نور الدين عثمان
الشيخ سيد أحمد
محمد الكامل عبد الحليم
elnawrani margan
محمد عمر الفكي
الزبير بشير
أسامه الكرور
هجو الأقرع
طارق جبريل
Dr.Elsadig Abdalla
Zomrawi Alweli
محمد جلال عبدالله
إدريس محمد إبراهيم
فيس بوك
تويتر
انستقرام
يوتيوب
بنتيريست