|
|
|
 Re: يوسف محمد بلال - " كان بدري عليك " - رِقْ فقط ( ومجموعة (Re: Rawia)
|
يا بت العباسي ...
ده الزمن الاتعلمنا فيهو كل الحاجات الصح ...
الزمن الاتعلمنا الحاجات بالترتيب يا راوية ...
بالنسبة لطريفة السمع التانية ... الا ادخل الاوديو واعمله فيديو وارفعه في يو تيوب ...
خلاص اشرب كباية شاي " كوباية " حسب لغة العصر ...
واجي اشتغل اليوتيوب ... ولا يهمك ...
| |
  
|
|
|
|
|
|
|
|
Re: يوسف محمد بلال - " كان بدري عليك " - رِقْ فقط ( ومجموعة (Re: يحي قباني)
|
ياقباني
ديل اولاد مدينة الصحافة مربع 25
اذكر منهم محمد بشير/ محجوب ود نفاش / حمزه/ حميدة
عوض سيد / عز الدين سيد أحمد وعوض جون ويحي.
وكانت بروفة في البرندة في بيتنا بمربع 27 الصحافة منزل رقم 199
---------------
وقبل الرحيل الى الصحافة
كانت الفرقة اسمها بلابل الغربي وسميت كذلك
نسبة لصعود نجم البلابل
كانوا مهدي قرشي / محمد الغراب / سيف الدين مكي/ بدر الدين رحمة الله
مهدي بابكر / كمال رحمة الله (كريازي) وعوض الحجاب أها تاني منو ياربي
كنا شفع ساكت وحبيبين ههه
| |
|
|
|
|
|
|
|
|
|
Re: يوسف محمد بلال - " كان بدري عليك " - رِقْ فقط ( ومجموعة (Re: Elmosley)
|
يا الله يا الله يا قبانى
رجعتنا للصحافة مربع 25 فى السبعينات
( كنا شفع الزمن داك )
اول ما سكنا المربع كان بضم فنانين الموصلى و جلال الصحافة
ما مهم الحفلة بمنــو .... المهم ننط و نساهر لحدى الصباح
وتانى يوم نايمين فى الحصة الاولى
موصلى يا حبيب
ممكن الان ان اتخيل شكل الصيوان والناس القاعدين
والكورس و المرحوم سيد ربيع على الايقاع
فردة من الصيوان مفروشة على الارض تتوسط الجميع
اول اغنية ببتدى بيها الحفلة
الحب عذاب واحلام سراب
عليكم الله ما تحبو ....
(( بالله عليك يا موصلى تم باقى كلمات الاغنية ))
تلاتة شبابات يدرسن بمدرسة الخرطوم القديمة بنات
اتنين قريبات بعض و التالتة هى فتاة الاحلام و الغناء ده كلو ليها
هن من يبتدى الرقيص ... لابسات فساتين شفون منفوش نفس اللون و نفس القصة
اخلاص - ناهد - سكينة .... تحيط بهن شابات الحي فى ذلك الزمن الغض
عمر سيداحمد و صلاح النكهة يتباريان فى الرقيص .. خنفس و بناطلين شارلستون
و دبابة كارقص اتنين فى الزمن داكــــ .....
نحن شفع بنرقص على استحياء خوفا" من ابوك يسمع
و تاخد ليك دقة بعد ما ترجع من الحفلة
تانى يوم بنجيب علب اللبن الفارغة و نجلدها بكيس النايلون
ونقعد فى تحت الشجرة و ندق و نغنى
سمرة فى لونا ... شايلة ليمونة .... و ماشة تتقدل
كلمة من الريد وكلمة من الحب ...
وريدة مجنونة ..... ( سمحة )
الى اخر الاغنية بتتقفل بكلمة فى 18 ..... سمحة
،،،،،
ولنا عودة
| |
|
|
|
|
|
|
| |
يحي قباني
Rawia
Elmosley
عبد الدائم سيد أحمد
فيس بوك
تويتر
انستقرام
يوتيوب
بنتيريست