|
غرقي الترع ....!
|
أضحكني للغاية رغم ما يعتصرني من ألم حكاية الموت غرقاً في الترع أفلست البلاد .... أفلست خالص خالص حتي للدرجة التي ماعاد فيها الكاذبون يجتهدون في خلق سيناريوهات توازي مآسي المرحلة .
دمت بلادي في الخالدين غرقي الترع شهداءاً ولا أجمل
|
|
|
|
|
|
|
|
Re: غرقي الترع ....! (Re: خضر حسين خليل)
|
نعم يا أستاذ خضر فالموقف رغم مرراته يدعو لسخرية نابعة من إستمرارية إستغباء هذا الشعب بأساليب غبية تشبهه وجوه القتلة واللصوص
رحم الله شهداء الوطن وربنا المنتقم الجبار ، سيريهم ما إقترفت أياديهم بحق كل من ظُلم
| |
|
|
|
|
|
|
Re: غرقي الترع ....! (Re: خضر حسين خليل)
|
المضحك المبكى يا خضر حتى الطبيب قال انهم ماتوا غرقا عجبى ؟
بلد ظالمة يا خضر بلد بت ستين ..... مابعرف ليها وصف غير انها هاملة وبدون ولى
اللهم تب على تلك البلاد من كل مايحيط بها من غبن ووجعا ابى يتفشى
| |
|
|
|
|
|
|
Re: غرقي الترع ....! (Re: سلمى الشيخ سلامة)
|
يا سلوووم
ازيك يا خ
أنا أفهم انو الزول يغرق في رحلة في نيل في حب في أيتها حاجة يا سلمي لكن قصة الترع دي جديدة وما أدونا ليها ياصاحبة في الزمن الصعب أما الطبيب يا سلمي فالمعايش إنسي بس .
| |
|
|
|
|
|
|
Re: غرقي الترع ....! (Re: خضر حسين خليل)
|
الشاهد انه المقصود من هذه ال"عملية " ان الطلاب الذين تم اغراقهم فى الترعة انهم "ماشافوا موية قبل كدا ؟ عشان كدا انخلعو لمن شافو الموية ووقعو فى الترعة ترعة يا كبار ؟ترعة عديل كدا ؟
| |
|
|
|
|
|
|
Re: غرقي الترع ....! (Re: خضر حسين خليل)
|
خلاص يا خضر عشان نمشى بالحاجة دى لنهاياتها المنطقية حاكمو لينا الترعه!! ادفنوها، جففوها ، اعرشوها يعنى اتصرفوا لانه طالما ان هنالك مظلوم لابد من وجود ظالم ماطلع غير الترعه الاسنه دى، زول يصل الجامعه يستحمى ليه فى قاذورات ما طالب واحد اربعه طلاب كتلهم ال###### قالو يت######و زياده مساكين من دارفور ما سمعو بالبلهارسيا ولا الكلزار نزلو يستحموا عشان الجامعه مافيها حمامات يلا يا خضر تم لينا الحجوة ما تقطعنا،،،
| |
|
|
|
|
|
|
Re: غرقي الترع ....! (Re: سلمى الشيخ سلامة)
|
هلا خضر
شفت سخرية القدر ياخ الناس ديل ما احترمونا ابدا
هاك المفارقة الجابها ابو الجعافر دي
Quote: صحافتنا التعيسة كالعادة تناولت خبر غرق طلاب الجزيرة كما جاءها "من فوق" صرة في خيط.. وحدها صحيفة القرار انفردت بمعلومة مهمة جدا وهو ان الترعة التي "غرق" فيها الشهداء لا يصل عمقها الى متر واحد.. يعني ماؤها لا يصل الى صدر شخص راشد.. وما زال الاستخفاف بالعقول والآرواح مستمرا |
| |
|
|
|
|
|
|
Re: غرقي الترع ....! (Re: osama fadlalla)
|
يعنى على الاقل كانوا يكبرو اللفة شوية عشان ما يضرسونا يقول انقلبت بيهم عربية "مثلا " والعربية جروها لانها عربية اى حاجة ياخ معقولة ؟ الدحش الصغيرونى ما بغرق فى الترعة ,دحش ؟ دحش دا كبير السخلة ما بتغرق .. عاد دى يبلعوها بياتو كربونات صوديوم ؟ ترعة ؟ ترعة مين يابشير طه استاذ علم "النفاس " هل هذه تخريجة نفسية جديدة من حاكم "دولة الجزيرة " الشنو كدا ما عارفة بامر الله الله يغتس حجركم يا اوغاد
| |
|
|
|
|
|
|
Re: غرقي الترع ....! (Re: سلمى الشيخ سلامة)
|
غرق الترع اديتو الطيور ودنو البحر ياخ كان احسن يودوهم البحر زى خبر عم عبد الرحيم معقول ياخضر ؟ الله يسالنى الكلام دا ما مبلوع ت ر ع ة ؟ بعد شوية حيجينا زول يقول فى واحدين لقوهم ميتين فى المشيش تعرف المشيش ؟ ولا الجمام محل يحفرو فيهو للموية وبعد كم بوصة بتجى الموية طالعة.... فى نيالا فى خور نيالا هسى الفرق شنو بين الجمام والترعة ؟ اجى يا الترعة ؟
| |
|
|
|
|
|
|
|