|
|
|
 Re: عاجل: اليــــوم السبت تشييع الطلاب بمقابر السوق بمدني بعد صلاةالعص (Re: احمد محمد بشير)
|
تنويه
تبدأ اليوم الساعة الخامسة عصرا تشييع جثامين الشهداء من امام بوابة مستشفي ود مدني التعليمي حيث المشرحة
+
تبدأ غدا الساعة العاشره صباحا مراسم التشييع الرمزي للشهداء في جامعة الخرطوم إنطلاقا من شارع المين
و نهيب بالحركة الطلابيه داخل و خارج السودان ان تقوم بالمثل بالتزامن مع التشييع الرمزي الذي سيقام بجامعه الخرطوم
و نهيب بالاخوة المواطنون الانضمام و المشاركة و الدعم ، مقتل طالب مقتل امة
إتخذ موقفا و كن مع السودان ............. كن مع الحق
| |
  
|
|
|
|
|
|
|
|
Re: عاجل: اليــــوم السبت تشييع الطلاب بمقابر السوق بمدني بعد صلاةالعص (Re: احمد محمد بشير)
|
{ من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا }
(صدق الله العظيم)
إلى الثلاثة الذين صعدت أرواحهم لسماء الحق
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
دمك مهر عرس القضية
حقك عهدك علينا بالتار بحد النار
روحك نبراسنا للدرب البيوصل شوقنا نهاية المشوار
...
...
...
ياتو دم بحجب نفس ميلاد جنين الثورة من رحم الجماهير
ياتو ظلمة بتمنع الضو للصعود زي سارية سامقة تسامر القمرة بنفوس تواقة للحرية والعدل السلام
ياتو حاكم
ياتو ظالم
ياتو متسلط حرم زغرودة شقت ليالينا وفتّحت سجون الخوف يطير منها الحمام
يناضم السماوات ... يهابش في النجم ... ويصرخ صرختين
صرخة لينا
وصرخة نديانة بدعاش مخضب حنة منقوشة مليون ميل مربع بالغمام
ونغزل نحن في الغنوات
للكراكير والحواكير والعتامير و(التُرع) والجبال الصامدة زي لحظة شهيقك ياوطن
تفتح طاقة للشمس المُحملة بالضياء
تغسل فينا احزان السنين وتزرعنا اشجار للبقاء
صامدين ومتفائلين ومشحونة ارواحنا بنقاء
ونرقص رقصة السودان ...على نقارة العرضة المجرتقة بالدليب في ساحة مشرورة بفضاء
وننده ربنا الخالقنا يملانا بيقين
او يمنح ارواحنا الشرف مبذولة للجايين وحلمانين
تسأل نفوسهم عن بلد ,
عيونهم مفتّحة بالأمل ..صدروهم زي أرضنا ونفوسهم زي طنابير السفر
وننده ربنا الخالقنا يملاهم حنين
...
...
...
ونقسم بحقك يابلد
لا بنخونك
لا بنجامل في حقوق شعبك
لابنهاب الموت عشانك
ونقسم بحقك نفتديك بالغالي والروح والنفيس
يا متنا ..يا فُتنا ... يا اوقدنا ليك شمعة امل ..!!!
أحمد موسى عمر ـ الخرطوم 8/12/2012
| |
|
|
|
|
|
|
| |
احمد محمد بشير
Ahmed musa
تبارك شيخ الدين جبريل
عبد المنعم سيد احمد
مها عبد الله
فرح الطاهر ابو روضة
فيس بوك
تويتر
انستقرام
يوتيوب
بنتيريست