|
|
 طلب إنضمام للمؤتمر الوطني ..!!!
|
والله لقيت المنبر ده اقرب لينا من امانة الشئون التنظيمية
الداير يستقيل بدل يمشي الحزب يجي هنا يستقيل
الدار ينضم كمان اقرب ليه هنا
لاني والله شارع المطار ده مابقدر اصله
اها ياناس المنبر زي ما وصلتو الاستقالات كمان الامانة في الذمة وصلوا طلبي
ولو دايرني نتلاقى في شات الفيس
كلو من هنا ..تدخل هنا ..تمرق من هنا ... ساااهلة ومريحة
|
|
  
|
|
|
|
|
|
|
|
Re: طلب إنضمام للمؤتمر الوطني ..!!! (Re: Ahmed musa)
|
واوووووووووع واحد يجي يقول لي امانة شئون عدلية ولا ثقافة ولايحزنون
انا داير لي امانة من لابتوبي ده ما اقوم
ولو في اجتماعات تكون في الشات
ولو في تكاليف الايميل شيال تقيلة
هنا ننضم .. هنا نستقيل ... هنا نسقط الحكومة ...هنا نبني سودان جديد او حديد او شديد
الشارع نوووووو
هنا بس
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: Ahmed musa)
|
الناس ديل يا احمد وصلوا استقالاتهم عبر الطرق التنظيمية ثم جو هنا اعلنوا براءتهم من المؤتمر الوطني حزب القتلة و اللصوص.
ده المنبر المتاح ليهم و هنا سجلوا مواقفهم من قضايا البلد و السياسة عشان كده طبيعي أنهم يحرصوا على الاعلان عن وضعهم
التنظيمي و علاقتهم الجديدة بسيئ الذكر.
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: سيف النصر محي الدين)
|
Quote: انتظر مولانا دهب
يرجع البطاقة وبنرسل ليك ,,
ع/ ابورزقه الوطنى |
عمار لو على مولانا زميلي وصاحبي ممكن اشيل بطاقته
لكن في مشكلتين
الاوليشايف السيدح بلمح لانو مولانا ماعنده بطاقة
شكلو الجماعة سيّكو
الشئ التاني انا زات نفسي ماداير بطاقة
لان البطاقة معناها التزامات واشتراكات
وانا جني وجن الالتزامات والاشتراكات
انا داير عضوية اسكتو اول زهجة اجي املصها هنا وافوت
زمان قالوا واحد عرس واحدة في زواج جماعي في الاستاد
زعلت
قالت ليه رجعني اهلي قال ليها اهلك البعرفهم هم ناس الاستاد
وهسع الدوري شغال خلي في نهاية الموسم ارجعك الاستاد
اها انا داير عضويتي تكون هنا بس لا التزام لا اشتراك
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: سيف النصر محي الدين)
|
شكراً ياسيف النصر فقد وضحت ما انوى ان اكتبه ........اذا افترضنا ان هناك كادر خطابي في تنظيم معين ومتحدث في جامعة ، اليس من المنطقي ان يخطب في ركن في نفس الجامعة ليبين قناعاته الجديدة ..........؟اذن هذا منبر حوار اظهروا فيه هؤلاء الناس ميلوهم السياسية ....وكتبو عن تواجهاتهم السياسية فمن المنطقي ان يكتبوها هنا ........
بعدين اخونا محمد موسى بالله انت لسة ما عندك عضوية ؟ هو التكتب فيهو ده كلو مجان سايييييييييييييييي؟ عافيت منك والله جواد وكريم ؟؟؟؟؟؟
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: ibrahim alnimma)
|
بعدين اخونا محمد موسى بالله انت لسة ما عندك عضوية ؟ هو التكتب فيهو ده كلو مجان سايييييييييييييييي؟ عافيت منك والله جواد وكريم ؟؟؟؟؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تص\ق يا ابراهيم .؟؟؟؟؟
الغريبة كلما اسال عمر صديق ولا بدرالدين ولا علاءالدين يوسف يقولوا لي المرسسية مابتديك
انا المؤسسية دي ماعارفه تصدق انها طلعت العضوية ؟؟؟
بعدين للتذكير فقط انا اسمي احمد موسى ما محمد موسى
فلو مابتعرفني ما مشكلة المشكلة تكون مابتعرف تقرا انجليزي
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: Ahmed musa)
|
Quote: اهلا بيك ود موسى
حللت اهلا ونزلت سهلا
Quote: الدار ينضم كمان اقرب ليه هنا
مدير المؤتمر الوطني بتاع (هنا) |
من (هنا) نبدأ
بس كدي اتبن بطاقتك حاكم ناسنا ديل مرات بمسكونا اضان المرفعين
ولو ماعندك وريني عشان اكون عارف
السؤال انا عندي فرصة كم استقالة من (هنا)
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: Ahmed musa)
|
بعدين يا ابراهيم النعمة انت ياكا ابراهيم عنكبة الكنت بتجينا فى معهد الموسيقى والمسرح ولا شبه ..ساى
ايام داخلية بانت ..و(الوابور جاز) خلي اليشتغل و (الشغل بالجاز)
غايتو فى الذاكرة زول قصيرونى .وشعرو سبيبى .
.ياخ ما متذكر السطوح ونورى وعمار له الرحمة ...؟؟؟
غايتو ده لو انت ..كتر خيرك صحيت فينا حاجات
ـــــــــــــــــــــــــــــــــــــــــــــــــــــــــــــــــــــــ
(سكران) ماشي في الطريق شاف ليه موزة من بعيد عاين ليها وقال ( هيع وقعنا )
غايتو كان ياكا يانا الهيع وقعنا
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: الشفيع وراق عبد الرحمن)
|
شكراً يالشفيع .......بس يالشفيع لمن يعرف اللغة الانجليزية ،اين التقارب بين احمد ومحمد بالاحرف الانجليزية؟ نعم هما قريبن جداً بالاحرف العربية .......ولكن ليس هناك ادني علاقة تقود الانسان للخبطة بينهما حينما يكتبان باللغة الانجليزية ........
لصورة دي ما بتكون الصورة التي في ذهن "محمد موسي " .....لانو الزمن اكل الشعر السبيبي داك كما ذكر الاخ أحمد موسى........هههههههههههه
بعدين يا "محمد" ياخي ياني زاتي ابراهيم..... قريبي عليش حمدالنيل وعمار النورابي الله يرحمه ...........وكمان بعرف تقريباً كل ناس المعهد ..آنذاك ........فاتمني ان اكون قد صحيت فيك حاجات كتيرة ....كما ويؤسفني اني لا اذكرك ........
وعشان اعطيك معلومات زيادة الصورة الفوق دي في مسجد قباء.
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: ibrahim alnimma)
|
والله يا أحمد موسي ..
ودعنى أصدقك القول يا عزيزي ..
لست مرتاحا نوعا ما لتقييمى الايجابى لك ..
بالتأكيد هو تقييمى الخاص ..
ولا أفترض مطلقا أهميته لك أو لاى زول فى الدنيا ..
ولم أفترض وطلقا أحقيتى بنشره ..
بل على العكس تماما ..
أنا موقن تماما بخطأ الاعلان عن ذلك هنا ..
ولكنى أتحدث عن أشياء !!!
دعنا نقول عنها أنها أكثر أنسنة من تفاصيل هذا العالم الافتراضى الذى يلمنا ..
أنسنة تسمح بالتجاوز والعشم فى الفهم الأجمل ..
لا الفهم الصحيح ..
الفهم الأجمل يا احمد ..
تحياتى ..
ثم ولا تسألنى مطلقا عن التدليل على ذلك ..
هى كذلك لا أكثر ولا أقل ..
وتمثل فى ذاتها مبررا كافيا ..
او كما قال صلاح احمد ابراهيم
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: محمد حيدر المشرف)
|
....كما ويؤسفني اني لا اذكرك ........
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
طبيعي
لكن وان تذكر فان ليالي المعهد كان يمر بها كثيرون
اللهم ارحم عمار
وارحم تلك الايام الجميلة
وارحمنا
ربما كنت انت حينها مشهوراً بخلافك
او ان (ذاكرتي) اكثر صحوا من ذاكرتك
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: Ahmed musa)
|
| Quote: ولو ماعندك وريني عشان اكون عارف |
ما عندي والله وما سعيتها
اها عشان انت تعرف وغيرك
نحنا ناس هنا وما عندنا علاقة بي ناس هناك
تخش بي بوست
وتطلع بي بوست
وأمانتنا كلها لابتوبية
حتى القسم عندنا الكتروني
انت بس دف لي ايميلك، وح نوريك البرنامج واللازم منو
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: الشفيع وراق عبد الرحمن)
|
Quote: ما عندي والله وما سعيتها
اها عشان انت تعرف وغيرك
نحنا ناس هنا وما عندنا علاقة بي ناس هناك
تخش بي بوست
وتطلع بي بوست
وأمانتنا كلها لابتوبية
حتى القسم عندنا الكتروني
انت بس دف لي ايميلك، وح نوريك البرنامج واللازم منو |
اهاااااااا اكان كدة منفقين تب
وااادي ايميلي دفيتو ليك
وكان على القسم الالكتروني وروني الفيرشن حقوا واقعدوا فراجة
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: Ahmed musa)
|
المع عنكبة دا انت يا شفيع؟
-------
سلامات يا احمد موسى
المافي شنو!؟
الاستثالات الاسفيرية ظاهرة صحية جداً
المنبر دا قايم على الرأي والموقف، والطبيعي انو أي زول بدل موقفه او تخلى عن رأي يعلنو (هنا) دا!
بعدين ليه التقليل من قيمة هنا لولا هنا دي لما اهتمننا اصلاً لو كان فلان او علان اصلاً عضو في المؤتمر الوطني ول مؤتمر غاندي همسلف!
انا غايتو شايف انو الطبيعي انو اي زول انتمى او تخلى عن انتماء سابق يكلمنا
دا ابسط حقوق شركاء الحوار هنا
مافي زمن ياخي
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: قيقراوي)
|
Quote: سلامات يا احمد موسى
المافي شنو!؟
الاستثالات الاسفيرية ظاهرة صحية جداً
المنبر دا قايم على الرأي والموقف، والطبيعي انو أي زول بدل موقفه او تخلى عن رأي يعلنو (هنا) دا!
بعدين ليه التقليل من قيمة هنا لولا هنا دي لما اهتمننا اصلاً لو كان فلان او علان اصلاً عضو في المؤتمر الوطني ول مؤتمر غاندي همسلف!
انا غايتو شايف انو الطبيعي انو اي زول انتمى او تخلى عن انتماء سابق يكلمنا
دا ابسط حقوق شركاء الحوار هنا
مافي زمن ياخي |
طبعا ياقيقراوي انت وسيف النصر اصبتم هدف البوست
الغرض ليس انضمامي او عدم انضمامي للمؤتمر
لان المؤتمر حزب عنده اليات دخول وخروج
الغرض إثارة سؤال : هل المنابر هي المكان الامثل لدخول الاحزاب او الخروج منها
منك ومن سيف النصر علمت بضرورة ان يعلن العضو لنا وللقراء انتمائه او تنصله من انتمائه
وبكدة انا مقتنع بشرط يكون قدمها هناك واخطرنا هنا
برضه لو قهران من الحزب وماداير يهببو ليه ممكن يجي هنا يقول كلامه والحزب يفهم الرسالة
انتو صاح ...
اها ياريس البوست ده انا بلعته كان تشيله كان تخلي
او زي ماقال حامد الميكانيكي كان تلحسو كان تجازفوا
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: قيقراوي)
|
| Quote: انا غايتو شايف انو الطبيعي انو اي زول انتمى او تخلى عن انتماء سابق يكلمنا |
تمام .. لكن الما طبيعي هو قبول و رفض الإستقالة و الزرزرة البتم من الشباب هنا
كان لهم دور أكتر من القراءة و العلم
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: محمد البشرى الخضر)
|
تعرف يا قيقا ؟ نحن فعلا اسرة واحدة كزملاء وكتاب هنا
وعائلة كبيرة ككتاب وقراء
وفعلا ابوابنا مفتوحة على بعضنا البعض
لكن انا الاستقالات البتم هنا وقبلها المظاهرات البتم هنا
خلتني اسال نفسي سؤال : هل يمكن للعالم الافتارضي ده ان يحدث تغيير ؟
ام انه يكتفي بالتحريض عليه ؟؟
نحن علاقتنا ببعض عاطفية حب وكراهية مؤازرة وانتقاد
مرات بيحصل انعتاق من الفضاء ده ونسقطه للواقع في شكل مبادرات بتبدأ هنا وتنتهي في الواقع
ببقى السؤال هنا برضك عن دور الافتراي في احداث المبادرة وتطبيقها
الكلام جايط شوية لكن بترتب
ودالبشرى حبابك محل مابتقت ...وحمدالله على السلامة
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: محمد البشرى الخضر)
|
Quote:
تمام .. لكن الما طبيعي هو قبول و رفض الإستقالة و الزرزرة البتم من الشباب هنا
|
دا جهل منهم ساي
اي عضو حزب عارف الدرب التنظيمي
وعارف انو (هنا) دا ما مكان مناقشة التنظيمي .. ولا بتهم الهنا
--------
المسالة دي ذاتا تقرأ كموقف سياسي ..
زي ما (الاستقالة الاسفيرية) تقرأ ضمن الفكري
هي في حد ذاتها محاكمة فكرية/سياسية
ودي حق للجميع .. بينما حق الحزب التنظيمي (فغط) لا غير
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: حليمة محمد عبد الرحمن)
|
Quote: الصديق احمد موسى
هناك مواضيع لا تحتمل الهزل
اما ان كنت جادا ؛ فهذه مصيبة اكبر
بوست غير موفق . |
عادل عبدالعاطي درسنا بالمعهد العالي للموسيقى والمسرح أن الكوميديا تخاطب العقل والتراجييا تخاطب القلب
وهنالك مواقف تغيظ وتدعوك قسراً للسخرية منها وبها
....
...
...
الغريبة فكرت حشرك حشرا في هذا البوست بانك قد نبهتني قديما ومن خلال هذا المنبر عدم مناقشة الشئون التنظيمة بالمنابر
انت وزميلة اخرى لا أذكرها جيدا واظنها الاميرة لنا مهدي
فأن ينضم هذا اوذاك لهذا الحزب او ذاك (هنا) فهذا محير .. وان يستقيل زيد او عبيد (هنا) فذلك محير
هذا ما حاولت التنبيه له
لعلمك ....انا أنتمي فقط لقناعاتي ولا أظن بوجود حزب سوداني يوائم قناعاتي (هذا بيان للناس)
أما بظنك ان هذا البوست بوست غير موفق فهذا رأي ... محترم عندي .
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: Ashraf el-Halabi)
|
Quote: دا جهل منهم ساي
اي عضو حزب عارف الدرب التنظيمي
وعارف انو (هنا) دا ما مكان مناقشة التنظيمي .. ولا بتهم الهنا |
تعرف يا قيقراوي .؟! انا الليلة قاعد براي بفكر ...ووقفت عند المحاولة التخريبية الاخيرة
وعند الانشقاقات الحزبية أو (تأمبب)* الاحزاب والإنسلاخات الكترت
ودي كلها رجعتها لعدم وجود مواعين تنظيمية ديمقراطية
يقوم الواحد لمن يلقى نفسه بأذن في مالطا داخل الحزب
يا انسلخ (هنا) او (هناك) في الجرايد بعيد من حوش الحزب
لأنو بكون كره (...) الحزب ذاته
أها التخريبيين الأخيرين ديل لسبب متعلق بيهم وبمعرفتهم بشراسة حزبهم عرفوا الانشقاق حينضرب والانسلاخ حينضرب
قالوا يا غرقنا يا جينا حازمنها وده كووووله بعد قنعوا من خيرا في زول يسمع ليهم داخل الحزب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(تأمبب)* من الانشطارات الاميبية السياسية السودانية
| |
|
|
|
|
|
|
|
|
|
Re: طلب إنضمام للمؤتمر الوطني ..!!! (Re: Ahmed musa)
|
سمح يا احمد موسي طالما قلت | Quote: انا داير لي امانة من لابتوبي ده ما اقوم |
اها انا سويتا ليك في ذميمتك دي .....امانةً جاتك الجماعة ديل بشبهوك ؟
امانةً تلقها مع الجماعة ديل تشمها قدحه يا احمد موسي .. عوس عواستك يازول
| |
|
|
|
|
|
|
| |
Ahmed musa
عمار عبدالله عبدالرحمن
سيف النصر محي الدين
ibrahim alnimma
الشفيع وراق عبد الرحمن
Abd Alla Elhabib
محمد حيدر المشرف
قيقراوي
محمد البشرى الخضر
Abdel Aati
حليمة محمد عبد الرحمن
Ashraf el-Halabi
محمد مصطفي مجذوب
فيس بوك
تويتر
انستقرام
يوتيوب
بنتيريست