|
|
 غَبَشة كِرْعيــك !
|
غَبَشة كِرْعيــك !
شاذلي جعفر شقَّاق
غبَشة كِرْعيك
آ الليلْ الهضْلَمْ
وساقْ قِدَّامــو
سبايــا الشـوف
آ الليل الغطَّى
جبال الحَقْ
بي توب الخــوف !
ها ليلْ نِعلاتَك
عرْض اكْتافـك
نجْمَك عافـك
إيدْ في المركب
وإيدْ في الطــوف !
غبَشة كِرْعيك
آ الليل النوَّم ناســو
وقام يدبَّ
على حُرَّاســو
الكَبَّرْ كومو
كَبِرْ بي فاســو
وقام اندشَّ
رخاهو لِباســو !
وقال بالسُحُت
الفايِحْ من أنفاســو
المجْد الهولكُم
أصبح هولي
يا داقْسين
أنا ساسو وراســو !
غبَشة كِرْعيك
آ الليل الدَمْدَمْ
وقال مافيك
يا دنيا سِـواىْ
الخَبَطْ الجِلِدْ الرزَّ
وكاوَشْ غادي
وصقَّرْ جــاىْ
الهزَّ ضُراعـو
وجسَّ جفيرو
وقال للضَّوْ :
انْشهَّدْ ســاىْ !
غبَشة كِرْعيك
آ الليل الدَّغْمَسْ
فيـنا معاني
الوطن الواحــدْ
وبَعْزَقْ خيرو
شليَّة شليَّة
وقام اتمطَّقْ
مِطِّيقْ جاحــدْ
يا كاتْل الطين
الحَيْ بالدمَّ الباردْ
وقبَّل لقَّط
كلَّ مَن شافوا
شــاهِدْ . شــاهِدْ !
غبَشة كِرْعيك
آ الليل القَرَشتْ
حِسَّكْ غُنية فخورة !
وقدلتْ عنْدَك
منَّ الطوق لي فوق
الســورة !
البايِعْ دينَك
بي تهليلة
وكم تكبيرة
بلا فاتورة !
غبَشة كِرْعيك
آ الليل الدرْدَم
ديشــو
مغفَّل ونـــافع
حين عبَّاهم
صوتاً وصــورة !
اللمَّ الناس
في الجامع
وزاغ بي غادي
على المطمورة !
سُحُقــاً سُحُقــاً
للراكــــوبة
صِبِحْ يتبلَّجْ
في (المعمــورة )!
غبَشة كِرْعيك
غبَشة كِرْعيك
آالليل الضرَّ
نشــيدو
وكلِّ وعــيدو
طلع مــاســـورة !!!
|
|
  
|
|
|
|
shazaly gafar
بله محمد الفاضل
سيف النصر محي الدين
فيس بوك
تويتر
انستقرام
يوتيوب
بنتيريست