اجازتي الفاتت شلت معاى جلابية ناصعة البياض مع شالها - وكمان غالية بالمناسبة - عيدت بيهم اول يوم وقلت تاني لبسة ليهم تكون في دعوة اخونا العوض المسلمي ..قمت في الخرطوم فتشت لي محل مغسلة اتوماتيكية وفعلا لقيتها وشكلها راقي جدا كالتي اراها في المهجر ...سلمتهم ليها وقلت ليهو غسيل ومكوه ....جيت للاستلام قبل ساعتين من موعد الدعوة ...وعينك ماتشوف الا اللون السكري ...الجلابية والشال ناصعي البياض بقوا سكري ... ماعرفت اعمل شنو ؟ الغى المشوار ولا البس بدلة وانا الاشتريت المركوب عشان امشي بيهو ...مجبر مشيت الدعوة والجماعة قايلنها سكرية لغاية هسه والمزعلني الطاقية ماكانت معاهم لذلك فضلت في لونها الابيض الناصع ..تقول لى ارصفة !!! المسألة كلها ياجلال انهم مابعرفوا يعملوا اى حاجة ..عالم جربندية لا بتعرف ولا عايزة تتعلم ...اى شغل عشان تنجضه عايز معرفة وده ماعندنا في السودان ...
تحياتي ،،
12-01-2012, 09:53 AM
عمار عبدالله عبدالرحمن عمار عبدالله عبدالرحمن
تاريخ التسجيل: 02-26-2005
مجموع المشاركات: 9162
Quote: المسألة كلها ياجلال انهم مابعرفوا يعملوا اى حاجة ..عالم جربندية لا بتعرف ولا عايزة تتعلم ...اى شغل عشان تنجضه عايز معرفة وده ماعندنا في السودان ...
صحو ناذر الخليفة ,,
12-01-2012, 01:33 PM
جلال جبريل جلال جبريل
تاريخ التسجيل: 02-21-2008
مجموع المشاركات: 2002
ياخي عليك الله و حبيبتك البتعزها دنيا و اخرى.. ما تبقى (كووووووز)..!!!
فيما يخص الأرصفة.. اسمها مسار عبد الغني...قالت ، لمن يفترض فيهو انو حبيبها :
Quote: قالت ، ضاحكة : بتسمي دي أرصفة ؟ .. ياخي لو شفت قطارات الليل و المطارات المغسولة ، و غابات الضوء الهفهافة و هي تسور المدن ، ح تسوي شنو؟
عبارة وردت في رواية ، لم تنشر بعد ، اسمها ، (التعاريج).. لصاحبها محمد النور كبر..
المناسبة.. الحبيب.. قاعد في مدخل كلية القانون ، جامعة الخرتوم..و كان مفتكر انو متسكع ارصفة..لمن فقطعوها ليهو في راسو..!!! اوعى يا جلال تكون من الناس اللسع بتحسن الظن في كتابة اسمها (الرواية)؟!!!
Quote: المسألة كلها ياجلال انهم مابعرفوا يعملوا اى حاجة ..عالم جربندية لا بتعرف ولا عايزة تتعلم ...اى شغل عشان تنجضه عايز معرفة وده ماعندنا في السودان ...
ود القاضي حبابك
أنا حسب رايي المشكلة إدارية، لأنو هنا الشغل كلو بعملوهو الهنود والهندي يعلم الله المشرف بتاعو
يبعد بي جاي هو يقيف بيجاي. ولو ما الإدارة صحيحة والاشراف سليم والعين مسلطة علي العامل مافي شغل
بينجح.. لذلك كلام الأخ عبد الخالق قد يكون فيهو شيء من الصحة. المقاول بيشيل حقو ويفك بي عدلو ودي هنا
محلولة بي "مشتشار" والمستشار ما شخص بل شركة أعلى من المنفذة تستلم الشغل وتوقع علي جودته...
شكراً فايز والجاتك في جلابيتك سامحتك
12-01-2012, 01:44 PM
جلال جبريل جلال جبريل
تاريخ التسجيل: 02-21-2008
مجموع المشاركات: 2002
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جلال جبريل
عمر عبد الخالق سعيد
فايزودالقاضي
عمار عبدالله عبدالرحمن
Kabar
ناذر محمد الخليفة
طارق زروق
فيس بوك
تويتر
انستقرام
يوتيوب
بنتيريست