|
|
|
 Re: يا بخت من نام غالب.. أو ما أحلى هزيمة الهلال (Re: هاشم عبدالله بشير)
|
الف مبروك يا هاشم يا صفوة ..
وما أحلى هزيمة الهلال ..
ما أحلى ذلك الموعد المتجدد ..
وأما الغربلة ..
فحدث ولا حرج ..
هناك لعيبة لا يجوز شرعا ان يلعبوا فى المريخ العظيم يا هاشم ..
واعنى شرعة أهل المريخ ..
الولاء ..
والدماء المتحفزة للانتصار ..
والغيرة على الشعار ..
والحرفنة ..
مبروك يا صفوة ..
| |
  
|
|
|
|
|
|
|
 Re: يا بخت من نام غالب.. أو ما أحلى هزيمة الهلال (Re: ABDELMAGID ABDELMAGID)
|
| Quote: يا بخت من نام غالب |
هو الغلب دا غيرو مع دوري المحترفين دا ولا شنو ؟
المباراة انتهت بالتعادل يا حبيب ... غايتو يالوصيفاب بقيتو تحننوا والله
دايرين تخلقوا ليكم فرحة من لا شيئ
دي موش بطولة الكاس القلتو السنة الفاتت انها بطولة ضعيفة ولا تستحق ولا دي بطولة تانية ؟
قال هزيمة الهلال قال
والله دا (عنف ذهني) منكم بس !!
________________
والسنة القبليها خالد عبدالرحمن الحكم موش اداكم ليها بدون خجل ولا خشا
بعلية أشبه بالخيال العلمي عديل ... يا زول كاس شنو الانت فرحان بيهو دا
نحن فزنا بالدوري ما سوينا سواتكم دي اختشوا خخخخخخخ
| |
|
|
|
|
|
|
|
|
|
Re: يا بخت من نام غالب.. أو ما أحلى هزيمة الهلال (Re: عبدالوهاب علي الحاج)
|
أهو واحد أعصابو باظت وحرقو الموضوع ..
| Quote: والله دا (عنف ذهني) منكم بس !! |
وقيل هلل وكبر عند البلنتى الأول بتاع كاريكا ..
ثم أصابه الحضرى بنوع من الحريقان مع بلنتى سادومبا ..
قبل يباغت بى زمًه صدرية مع بلنتى مهند ..
هذا ولم يشاهد بلنتى خليفة حتى الآن ..
| Quote: نحن فزنا بالدوري ما سوينا سواتكم دي |
الدورى الانجليزى ؟!!!
قرقرقرررررر
| |
|
|
|
|
|
|
|
|
|
Re: يا بخت من نام غالب.. أو ما أحلى هزيمة الهلال (Re: محمد حيدر المشرف)
|
ثم انو رمضان عجب ده داير ليهو مدرب شاطر يوزنو ..
خامة جيدة تحتاج لعملية صقل ومن بعد ذلك عملية تأهيل وحتى يكون لاعب وسط صاحب شخصية وحضور تليق بلاعبى وسط المريخ ..
وما أدراك ما لاعب وسط فى المريخ ..
ثم ما أدراك ما لاعب وسط فى المريخ ..
الا رحم الله سامى عزالدين رحمة واسعة !!
| |
|
|
|
|
|
|
|
|
|
Re: يا بخت من نام غالب.. أو ما أحلى هزيمة الهلال (Re: محمد حيدر المشرف)
|
Quote: أنو خشومن ملح ملح ..
وأن تتبسم فى نومك وأنت على يقين تام
انو الموضوع حارقم شديد .. حارقم جووووه .. حارقم للطيش |
سلامات يا ود المشرف
والله وبكل صدق ما حارقنا
بعد أنت تناوشتنا الفرق المغمورة والضعيفة وبعد هزيمة المنتخب من أثيوبا، والمنتخب الشاب من الصومال،
والهلال من دجوليبا والمريخ من ليوبارد، أصبح جلدنا تخين..
أول مرة لا أحزن لخسارة الهلال من المريخ.
لم أفرح لفوز الهلال بالدوري قبل عدة أيام والآن لم أحزن لخسارة الكأس..
أعتقد أنها علامات بداية شفائي من داء كرة القدم السودانية.
والحمدلله..
عقبالك يا ود المشرف.
| |
|
|
|
|
|
|
|
|
|
Re: يا بخت من نام غالب.. أو ما أحلى هزيمة الهلال (Re: عمار عبدالله عبدالرحمن)
|
والله يا ود المشرف اول مرة قريت لي حاجة عن الكورة كان في صحيفة الميدان عن العنف الرياضي .......وكان مقال جميل يتحدث عن طبيعة كرة القدم بشكل خاص وعن الرياضة بشكل عام .........وكيف انها تدعم السلام ........
وثاني مرة بوست عن كرة القدم .........لحسن موسى في فور اول ........وثالث مرة هذا البوست لاني لا استطيع ان افوت لك كلمة .........
علي كل حال الف مبروك الفوز
| |
|
|
|
|
|
|
|
|
|
Re: يا بخت من نام غالب.. أو ما أحلى هزيمة الهلال (Re: Mahmoud Mustafa Mahmoud)
|
الصفوه محمود مصطفى محمود ..
سلامات آ زول و .. مشتاقين
| Quote: أسعدني البوست يا صفوتنا أكثر من سعادتي بالمباراة... |
نعم يا صديقى ..
كان هناك مواعيد أجمل ولكن ..
أنهى المريخ الموسم بكاس السودان ..
ولعب نصف النهائي بالكونفدرالية ..
وكان الاقرب للعب النهائي فيها ..
بوضع هذه النتائج ازاء معطياتنا فى السودان ..
كان حالنا ياهو ذات الحال القديم ..
هذا الم يكن أفضل قليلا ..
فصبرا جميلا يا مصطفى ..
ف ..
فى أمل .. ومحتمل جدا كمان
تحياتى ...
| |
|
|
|
|
|
|
|
|
|
Re: يا بخت من نام غالب.. أو ما أحلى هزيمة الهلال (Re: نادر الفضلى)
|
فعلا يادكتور
أحلي نومة وانت فائز على الهلال واحلي صباح الذي يعقب الفوز
ولو كان هناك حكم له ضمير ما كانوا سيصلون معنا لضربات الترجيح لان بديل المعز الذي يستحق الطرد كان سيكون بهاء الدين ملوص كما سموه هم انفسهم
ولكن هذا هو السودان لا يوجد به حكام لا فى الكورة ولا فى السياسة
| |
|
|
|
|
|
|
|
|
|
Re: يا بخت من نام غالب.. أو ما أحلى هزيمة الهلال (Re: معاوية محمد الحسن)
|
| Quote: كاس السودان ده يا هلالاب .. كاس ما تشيلو الا تغلب المريخ .. |
عليك نووووووووووووووووووووووووور يا دكتور
وعشان كده طوالي المريخ شايلو
امبارح بقت 12 مرة قصاد 6 مرات
السته مرات فيها انسحابين
وفيها مرتين قدام فرق تانية غير المريخ
يعني شايلنو مننا مرتين قصاد 12
بل تقيل
هاهاهاهاهاهاهاهاههااههااهاهاه
في كاس السودان
لا هلال كادكلي فتح ولا النسور شرد
| |
|
|
|
|
|
|
|
|
|
Re: يا بخت من نام غالب.. أو ما أحلى هزيمة الهلال (Re: وليد محمد المبارك)
|
Quote: ده الكاس .. وهنااااك المريخ
تصل هناااااك فى الاول ..
وتغلب المريخ تانيا ..
حتين تمد ايدك للكاس ..
وكاسك يا وطن ..
ورقصنى يا جدع على واحده ونص ..
وطوبى لمن بات غالب ..
أو ما أحلى هزيمة الهلال ..
ما أحلى هذا الموعد المتجدد ..
والف مبروك لصفوة البلاد ..
الف مبروك لصفوة المنبر ..
كونوا على الوعد ..
سيكون المريخ على الموعد ..
وقريبا جدا ..
ستنقضى هذه السنوات العجاف ..
أقل حاجه فى أمل ..
فتفائلوا خيرا تجدوه عند المريخ .. |
عزيزي الصفوي ود المشرف
سلام
بدأت الكورة عندنا الساعة 12:30 ليلا..
ومع ضربات الترجيح يعني انتهت قريب 3:00 صباحا..
سهرة ليها طعم
ونومة أطعم وصباح بالأطعمين..
كلامك الفوق ده مريح بشكل..
الصافي علي الصافي..
والخمج على ناس الخمج
وكلامك الصافي أيضا عندهم حار وخمج..
معليش
العيون مضهبة من أمبارح
والى الموسم القادم..
باصطحاب الصفر الدولي..
وتبقى الصفوة صفوة
ماضي - حاضر - مستقبل..
تحياتي
| |
|
|
|
|
|
|
|
|
|
Re: يا بخت من نام غالب.. أو ما أحلى هزيمة الهلال (Re: صبري طه)
|
الأخ الصديق/الدكتور محمد حيدر المشرف
بوست خفيف الظل ، أعدت لي فيه طيف الراحل المقيم البروف على المك عليه رحمة ربي. كان مريخيا (وبلغة الكرة السودانية: مريخابي!!). يكتب عن الكرة مثلما تكتب أنت الآن
لغة تجمع بين حزالة الفصحى وطلاوة العامية. كان يحفظ كل شيء جميل وأصيل عن المريخ والهلال (أو الهلال والمريخ) وعن ام درمان. تعلمت من على المك وقلة آخرين من مثقفي ونخبة بلادي أن المثقف الحقيقي هو الذي يهبط بقلمه إلى قضايانا اليومية. يعرف أن الناس يستطعمون فول أبو العباس والأقاشي في الأبيض و"سلات" بورتسودان..وكول ريحتو طاقة في السما يعرفه ويعرف سحره أهلي الميامين في دارفور ..يتغزلون فيه بقولهم: ول ميسر تاكلوا بالأيمن وتشمو بالأيسر !!! وفي عفونته - الحلوة يقولون: دفنوه في دار فور..في مصر كتل زول !!! فاعجب لأدب شعبي يفيض حكمة ، يطربك ويشهيك في وجبة "الكول" .. ومن النقائض يا دكتور وصلتنا "شحنة" كول من السودان!! استغربنا كيفن تكنولوجيا مطار هيثرو دي كلها ما حاصرت الشحنة ذات الريحة التي تكتل زول شم "عبيرها" في مصر !! النقيضة التانية: بينما أنا والمدام فرحانين بيهو..رغم إنها لا تتناوله، الشباب في البيت حلفوا دا ما يكون مقره المطبخ. كانوا يستغربون: ما الحكمة ان يأكل السودانيون هذا الشيء العفن؟!
ما لا يعرفه أبنائي وأبناء الكثيرين - خاصة في الشتات السوداني- أن الأكل ثقافة وأن العالم مليء بمثل هذه الوجبات التي هي جزء من طباع وثقافة الشعوب.
نعود لمقالك الذي أكبرت فيه اثنتين: لغتك الجزلة والمحكمة كما هو شأنك دائما حين تكتب (كان ذلك بالعربي الجزل أم بالدارجة الفصيحة)..وأعجبني فيه إقامة المثقف التقدمي مع العامة حين ينظر إلى هذه الرياضة الأكثر شعبية وتأثيرها في المزاج العام. و"مكاواتك" الظريفة لأصدقائك من فرقة الهلال (ند المريخ القوي)، حيث لا تحلو الكرة السودانية في نظر البعض بدون هلال - مريخ. وكما قلت لك ، كان لي أساتيذ تعلمت منهم كيف أن الشعب هو المدرسة التي نظل - ونحن نعالج الكتابة- في حاجة ماسة لتلقي الحكمة منها. من بين أولئك أمير القافية في الشعر السوداني الأستاذ محمد المهدي المجذوب.. فقد كتب عن بائعة الكسرة وعن سيرة العرس وعن مولد المصطفى (ص) فكان يقدم لقارئه الثقافة الشعبية السودانية في طبق من ذهب.
الهلال والمريخ كانا جزءا من مزاج عام..وكنت أشجع أحدهما بتطرف (المريخ)، لكني صمت عنهما تماما..ربما أن حزنا بحجم وطن يتمزق على مرأى من عيني صرفني عنهما.
لكني قرأت بوستك والمداخلات الظريفة وضحكت من قلبي على خفة دم البوست. تسلم أيها الصديق الأديب.
| |
|
|
|
|
|
|
|
|
 Re: يا بخت من نام غالب.. أو ما أحلى هزيمة الهلال (Re: صبري طه)
|
أوووو صبري ..
| Quote: حن ناس نجيضة وبنعرف نكتل الدُش كيف يا مان |
دش شنو الاتكتل ..
فى طرح واضح جدا ..
كاس السودان ده ..
عبارة عن مباراة ما بين الهلال والمريخ ..
ده المريخ ..
وده الهلال ..
وداااك الكاس ..
وبحسب كلام وليد ..
الموضوع ده اتكرر 14 مرة ..
غلبناكم فى 12
وغلبتونا فى اتين ..
أين الدش ؟؟؟؟
| |
|
|
|
|
|
|
|
|
|
Re: يا بخت من نام غالب.. أو ما أحلى هزيمة الهلال (Re: وليد محمد المبارك)
|
ولى يا صديقى يا صفوة ..
بالله شوف الكلام ده عجيب كيف !!
Quote: امبارح بقت 12 مرة قصاد 6 مرات
السته مرات فيها انسحابين
وفيها مرتين قدام فرق تانية غير المريخ
|
ال 6 كاسات بتاعتم ..
مرتين انسحاب !!
ومرتين قدام فرق تانية !!!
تعرف !!
لو جردنا الحساب كويس حيكون آخر اتنين تصاريف حكام ..
الكلام ده واضح كالشمس فى رابعة أمدرمان ..
راس لى راس الناس ديل ما بياكلوا معانا عيش ...
والموضوع لو ما فيهو دغمسة ولولوة وحجابات وتعاويذ وحكام ..
غير هيثم مصطفى الهلال ده ما فيهو التكتح ..
| |
|
|
|
|
|
|
|
|
|
Re: يا بخت من نام غالب.. أو ما أحلى هزيمة الهلال (Re: معاوية محمد الحسن)
|
معاوية محمد الحسن ..
إزيك ياخ وان شاء الله طيب ..
| Quote: ولو كان هناك حكم له ضمير ما كانوا سيصلون معنا لضربات الترجيح |
أجمل تعليق كان لبابكر سلك ..
قال :
| Quote: لو في زول جا ماشي في الشارع سااااي ·وقلنا ليهو احكمها لينا ·كان طرد المعز ·المعز زاتو ·لو قالوا ليهو اختار الكرت المناسب ·كان شال الكرت اﻻحمر |
وكما قلت ..
بلد مافيها حكام بى تعريفة !!
| |
|
|
|
|
|
|
|
|
|
Re: يا بخت من نام غالب.. أو ما أحلى هزيمة الهلال (Re: ibrahim alnimma)
|
ابراهيم النعمة يا صديق ..
سلامات وكيف الحال ..
قلت لى | Quote: والله يا ود المشرف اول مرة قريت لي حاجة عن الكورة كان في صحيفة الميدان عن العنف الرياضي |
ههههههه ..
تعرف !!
الزملا بكونوا حكو ليك الموضوع لمن جاب الدم ..
وبالتأكيد كانو عنيفين جدا تجاه العنف الرياضى !! ..
وأما حسن موسي !..
فالرجل .. والحق يقال .. زول ممتع جدا .. وصاحب رؤية و .. فنان
ولا أعلم له انتماء ..
وأجدر به -كمستنير يعنى- أن يكون مريخابى
أو كما نتمنى يا عزيزي ..
شكرا يا ابراهيم ..
| |
|
|
|
|
|
|
|
|
|
Re: يا بخت من نام غالب.. أو ما أحلى هزيمة الهلال (Re: عمار عبدالله عبدالرحمن)
|
يا عمار يا صفوة يا حردان ..
كيفك وكيف كيفك يا صديق ..
Quote: ع ان ما قادر اتصالح مع الكورة في السودان
من بعد الرياضة الجماهيرية |
وعلاقتى بالكورة أكثر حميمية ..
وشغال معاها بى فكرة الجانى منك ومن تباريح الهوى وصفو يصعب يا جميل ..
وهى -أى الكورة- جزء لا يتجزأ من الإنتماء الكبير ..
والذى وبدوره شغالين معاهو بشيء من لا شيء بس كفاية ..
علو بمسو نجد نصاح !!
قلبت معاى غناوى يا عمار
| |
|
|
|
|
|
|
|
|
 Re: يا بخت من نام غالب.. أو ما أحلى هزيمة الهلال (Re: محمد حيدر المشرف)
|
Quote: البلنتى الاول فى احضان الحضري
البلنتى التانى فى احضان الحضرى ..
والرجفة بتاعت خليفة قدام الحضرى ..
وعييييييك ..
ده ما ياهو الاستلاب بتاع بشاشا !! |
اوسكار عديل يا صفوة ..
مبروك النصر الخصم و الكاس الاهل ,,
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
|
Re: يا بخت من نام غالب.. أو ما أحلى هزيمة الهلال (Re: شهاب الفاتح عثمان)
|
مش كده يا دكتور شهاب !!
Quote: اوسكار عديل يا صفوة ..
|
خليفة كان بعانى من حالة استلاب واضحة جدا للخديوي عصام الحضرى ..
وهكذا أضاع البلنت لانهزامو الذاتى قدامو ..
فالمستلب كاره ذاتو لن يسنطيع مجرد توجيه الكره نحو المرمى ..
ناهيك عن إحراز الهدف ..
وعيييييييييييك ..
ده ما كلام بشاشا ذاتو يا دكتور ..
| |
|
|
|
|
|
|
| |
محمد حيدر المشرف
هاشم عبدالله بشير
طارق جبريل
عبدالوهاب علي الحاج
حاتم محمد حاج المهدي
ABUHUSSEIN
عمار عبدالله عبدالرحمن
ibrahim alnimma
Mahmoud Mustafa Mahmoud
نادر الفضلى
معاوية محمد الحسن
Abdlaziz Eisa
فضيلي جماع
شهاب الفاتح عثمان
فيس بوك
تويتر
انستقرام
يوتيوب
بنتيريست