|
أطالب بابعاد هولاء عن المنبر العام
|
* الكذابون والأفاكين الذين هم بإفكهم يعتدون والمتداخلين معهم المادحين لهم * المجاهرون بالمعصية المتفاخرين بالموبقات والمتداخلين معهم المشجعين لهم بطريقة أو بأخري ( مجرد التضاحك والتظارف معاهم يعتبر تشجيع ) * ناس الحكومة والمعارضة وما بينهما .. قف : الهلالاب والبرشلوناب فوق البيعة . يتبع إن الله هون .
|
|
|
|
|
|
|
|
Re: أطالب بابعاد هولاء عن المنبر العام (Re: طلحة عبدالله)
|
الزاحمون للبورد وحارسنو ست وعشرين ساعة في اليوم الواحد ليفرخوا المزيد من البوستات الفارغة ومقدودة والقاعدين يكتبوا أية حاجة دون أن يقولوا أية حاجة أرجو أن يتم حسمهم بالعين الحمراء مع توجيه إنذار نهائي لهم بأن ينتهوا وإن لم .... أتمني أن ينطبق عليهم قول الشاعر القديم حين قال : علي نفسها جنت أم الزين . .............................. هذا البوست تحت شعار معا لاعادة الهدوء والوقار للمنبر العام . يتبع إن الله هون ..
| |
|
|
|
|
|
|
Re: أطالب بابعاد هولاء عن المنبر العام (Re: طلحة عبدالله)
|
Quote: * الكذابون والأفاكين الذين هم بإفكهم يعتدون والمتداخلين معهم المادحين لهم * المجاهرون بالمعصية المتفاخرين بالموبقات والمتداخلين معهم المشجعين لهم بطريقة أو بأخري ( مجرد التضاحك والتظارف معاهم يعتبر تشجيع )
|
صح لسانك....
تسلم يا حلو.
| |
|
|
|
|
|
|
Re: أطالب بابعاد هولاء عن المنبر العام (Re: Ashraf el-Halabi)
|
الشيخ يا بلد حلو الفي بالك ياخ .. كمال يا قلب أنا خاتي نفسي في حتة صعبة .. فرانكلي يا حبيب صدقني البورد دا لو قعد يكتب لينا فيهو تاج السر الملك لوحده أو خلوني أنا كل يوم كلمتكم عن الأميرة نانسي عجاج لكفي ووفي يا حلبي إتا ما معاهم ههههههه
| |
|
|
|
|
|
|
Re: أطالب بابعاد هولاء عن المنبر العام (Re: Rawia)
|
السلام عليكم ورحمة الله يا طلحة فليبق الجميع في المنبر دون حجر أو إقصاء ..لكن فلنقل : لنرتق بالأفكار ونعبر عنها أيما كانت الطريقة ..الأهم هو الفكرة ..وسقوط المجتمعات يحدث إذا سقطت أفكاره ومبادئه التي أساس بقاءه ..فلننظر إلى قضايانا الملحة وماأكثرها اليوم وأعقدها على الإطلاق فتركة الفساد كبيرة وشرذمة وتفكيك المجتمع وإعادة اللحمة له بخلق وجدان مشترك والاعتراف بالتنوع واحترامه وتحديد الخطوط الحمراء في الخطاب العام وكيفية التحاور ..اعتقد أبجديات ومفهومة لكن التطبيق العملي هو المحك وفي عدم الإبعاد لأي عضو نكون بذلك في طريقنا للتعافي فهذا المنبر ليس صفوياً ولا نخبوياً فالكل يمارس حريته بما يتفق مع القيم السودانية المشتركة في الأساس ثم قوانين ولوائح المنبر والتي قد لا يستطيع صاحب الموقع تتبع هنات الأعضاء مالم نكن نحنا كعضوية نراعي أمانة الكلمة وصداها على المتلقي ...تحياتي
خارج النص : ياطلحة لوخرج الهلاليون لما بقى في المنبر إلا أهل نجمة داؤود ( وش ضاحك).
| |
|
|
|
|
|
|
Re: أطالب بابعاد هولاء عن المنبر العام (Re: عبدالرحمن الحلاوي)
|
احمد إبن عوف لو مرقوا الهلالاب الباقين هينين .. همتك معانا نودي الناس ديل أية شجرة أمم متحدة واللا مطعم قراصة لأنو منابر الرأي دي للصفوة بس ماها للعوام والبتاع هناي ..
صبري طه بالحيل في عوجة .. غايتو إتا لو ما فيديوهاتك دي كان ضميتك لقائمة المبعدين باعتبارك غالاط وبتاع نقة كتيرة
سيف الدولة يا حبيب راجع الرد على أحمد إبن عوف أعلاه
تبارك جبريل الألفوات دي فاتت علي صراحة، لكن كلامك عن إبعاد المريخاب لا يعدو كونه رد فعل طفولي
يا راوية ما عندي مانع والله في حكاية المفتاح دي ولو لمدة أسبوع واحد عشان في ناس كدا تاني قدحة ما يشموهوا .. (ضرفو) يعني شنو ؟
الحلاوي يا حبيب الحلول المثالية دي شايلنها دعاة إصلاح المنبر ديباجة ردحا من الزمن لكنها ظلت كبندق في بحر أو آذان في مالطا كما قال الشاعر عشان كدا يا حبيب لم يتبق إلا البتر .. تشبيه نجمة المريخ بنجمة داوود خطأ توصيفي ساذج او فرية أطلقها الحاقدون ..
| |
|
|
|
|
|
|
Re: أطالب بابعاد هولاء عن المنبر العام (Re: ismeil abbas)
|
الحلاوي يا حبيب الحلول المثالية دي شايلنها دعاة إصلاح المنبر ديباجة ردحا من الزمن لكنها ظلت كبندق في بحر أو آذان في مالطا كما قال الشاعر عشان كدا يا حبيب لم يتبق إلا البتر ..
يمكن يا طلحة محاكمة كتابابتهم اسفيريا يفتح بوست محاكمة ومن ثم نترك لصاحب الكورة يخليهم يلعبوا معاهو او يشيل كورتو هو حر ( وش ضاحك)
| |
|
|
|
|
|
|
Re: أطالب بابعاد هولاء عن المنبر العام (Re: عبدالرحمن الحلاوي)
|
يا شرف الزاكي حسستني زي كأنو الممتاز دا قاعد يشيلو الهلالاب بكتابات الهلالاب الهنا ديل من جهة تانية يا خوي إسم الممتاز دي ممكن تطلقوا على أي شىء إلا الدافوري السوداني دا ..
يا سماعيل يا حبيب صدقني لو ختونا الهلالاب ديل الحاجات بتكون كويسة
يا حلاوي صدقني لا هدوء ولا وقار مالم يتم إبعاد الكائنات الإسفيرية الفوق دي .
| |
|
|
|
|
|
|
Re: أطالب بابعاد هولاء عن المنبر العام (Re: طلحة عبدالله)
|
Quote: هذا البوست تحت شعار معا لاعادة الهدوء والوقار للمنبر العام . يتبع إن الله هون .. |
الأخ/ طلحة سلام
معك نبصم بالعشرة ونسأل الله أن يوفقنا في اعادة الهدوء والوقار...
لكن الرشاشات ديل نغلبهم في الميدان ورشهم هنا أحلى ..
تحياتي
| |
|
|
|
|
|
|
Re: أطالب بابعاد هولاء عن المنبر العام (Re: Abdlaziz Eisa)
|
الحبيب طلحه سلام و اشواق
Quote: تاج السر الملك لوحده |
ده الكلام الصح....تجو ده بعذب الكلام عذاااااب .... لكن ننوسه بتاعتك دي شوف ليها ركن تاني ههههههه..... داري عينيك عينيك داريها...... غنايه جد البنيه دي .....
بالله عليك ضيف لينا مذيع استديو هلال مريخ امس لقائمه المشاطيب ضعيف و مهزوز وما كان جاهز :)
| |
|
|
|
|
|
|
Re: أطالب بابعاد هولاء عن المنبر العام (Re: Sayed Bekab)
|
أخونا Abdlaziz Eisa مشكور ع المرور والدعم والضرب ع الرشاشات حرام ههههه
الحبيب Sayed Bekab الملك أديب إستثنائي يا رجل .. وشكرا لمشاركتك لي الإعجاب بالأميرة ننوسة وأرجو أن أؤكد لك أن الأميرة في ركن قصي من قلبي .. ربنا يحفظا ويخليها .
| |
|
|
|
|
|
|
|