|
Re: *** إلى الـمـدعـوا تـمـبـس tmbis :) :) :) *** (Re: ismeil abbas)
|
Quote: شوف ياعمو تمبس أنا ما بتهدد ليك ما تقوم تعمل لى حركاتك دى بتاعة أولاد أم د رمان دى والله أنا لما أقوم لابعرف تمبس ولا داليا. |
الغريبة يا سمعــة انا كنت فاكر انو علاقتي معاهو كويسة .. او كنت اتوهم ذلك .. يعني البيناتنا عامرة شديد مرات كتيرة كدا قاعد يقسم معاي الشوكولاتة .. ويجاسف مني التسالي بتاع باجـة خلصة .. رغم اني بكون داسيهو .. يعني ابوهو يجيب التسالي بي ايعاز مني .. يقوم هو يجي يجاسف بالدس .. كأنك يا زيد ما غزيت المهم انا علاقتي كويسة كانت لحدت فترة ما قبل كتابة البوست دا .. لكن داليا قاعده تطقطقو ليك زي الما حصل حاجة .. قاعده تكسرو عادي وماف ارضية حوار مشتركة بيناتم .. لكن طالما انو بقى كمان يسال من كتاباتي في منبر سودانيزاونلاين .. فشنو ..؟ انا بفضي ليهو نفسي عديل كدا .. ارشو ليك هو .. وارش ليك ابوهو زاتو .. غايتو لحدت الآن سامية ما مقصرة معانا .. وكمونية الضحية لحدت الان قاعده في الفريزر وتسمع في كلامك دا ..
| |
|
|
|
|
|
|
Re: *** إلى الـمـدعـوا تـمـبـس tmbis :) :) :) *** (Re: طارق ميرغني)
|
والله انا ادوني فرصة احي الناس المتضامنة معاي في البوست دا .. دي اول ميزة . وبالنسبة للمريخاب الجايين يضرو عيشم ويتضامو مع أحمد الوهم دا .. زي ناس البشاري ماف مشكلة بكتب ليكم في السلم بتاع ابو حسين زاتو .. وامنقة حاجة رش الوصيفاب في صحن واحد .. ..
Quote: تمبس ....يفتح عينو وهو بكتب...البورد فيهو مراقب حصيف. |
والله فعلا يا الشيخ بعد كدا الواحد يخلي بالو لي كتاباتو .. يعني يكتب وييتلفت ومرات مرات يكتب ويهز كيبوردو .. ويقرا المداخلة مية مرة قبال ما يرسله .. والله انا ما واجعاني المتابعة .. واجعني الاستفزاز .. وكمية التهميش والتحقير في طريقة طرحو للسؤال .. Quote: أقري لي تمبس دا كاتب شنو ....؟؟؟؟ |
.. انا لو ما عارف مساختو دي كان اقول ابوحسين دا زهجان منو ساكت .. وعايز يبرمج بي انا دا .. يعني هو الوكت كلو قاعد في الجهاز .. بيضرو شنو كان قراها بي نفسو عندو شنو بيعمل فوقو للبشرية دي مهم كدا ؟؟ .. على الاقل ياخ يراعي لي اني قاعد في البورد دا لي مية سنـة .. يعني نهى لي تاريخي دا كلو .. ما عايز يتحرك من مكانو ويكلف نفسو .. عايز يقروها ليهو كمان .. ياخ دي مغسة تشق الواحد عديل كدا .. ..
Quote: غايتو من هســـي أنا بكبشر ليهو كلامكـ الفوق دا يا تمبس |
.. المشكلة يا البشاري انو حركاتو دي تطلع حركات نت ساكت .. هو طبعا اول ما يشوفني قاعد يجر واااطي لما يكون عامل حاجة ما دسيسه ... ويطلع لي سنيناتو القدام .. لكن اقوليك حاجة .. ؟ انا ح اكبشر كلام ابوهو دا عشان تكون عندي مستندات في يدي اقدر اواجهو بيها .. اصلو المريخاب ديل ما مضمونين ..
Quote: بالله ياتمبس DO IT |
لا لالا يا باشمهندس .. الموضوع دا خليهو علي .. بنجضو ليك .. بلقاهم ليك الاتنين في خط ميت وعينك بتشوف
| |
|
|
|
|
|
|
|