أحد الاصدقاء يعيش في مدينة صغيرة تعتبر ابعد نقطة من البحر على الجزيرة البريطانية كنت اتحدث معه على اسكايب ، كنا نتحدث وكان هو يتنقل بين صفحات الانترنت فجأة توقف وقال لي (" يعني المصريين ديل شردنا منهم من دول الخليج وفرحنا ليهم لمن عملوا حركتهم بتاعة ميدان التحرير يجو بعد دة يشردوا من بلدهم ) سالته : الكلام ده كيف ؟ قال ( بس شوف حوالينك كان ما لقيت في مصري لمن تلاقييني اديني كف) سالته مرة اخرى : والبخليك تقول كدةشنو؟ اجاب ( انا ساكن هنا لي عشرة سنين ما شفت لي مصري واحد لكن قبل كم يوم راجع من الشغل وكنت بتكلم مع الاهل وبعد ما خلصت اسمع ليك واحد وراي بقول : ازييك يا بن النيل ! وطبعا بن الزفت دي ما بقولها الا مصري . ضحكت كثيرا ولكن بعدها اكد لي اكثرمن شخص ان الجنسيات المصرية والتونسية قد تزايد اعدادها فيما قلت او عاد معظم المعارف من الجنسية الليببية.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osama Mohammed
فيس بوك
تويتر
انستقرام
يوتيوب
بنتيريست