يا الباقر اخوي البلد قاعدة ام فكو اذا وزير الخارجية في لقاء الطاهر توم في برنامج في الواجهة بقول نحن لحد الآن ما عارفين ضربونا بي صاروخ ولا بي طييران تقول مصر ما تضرب ؟؟؟ الساتر الله ياباقر وميزانية الدفاع والامن اعلي من ميزانية الصحة اضعاف وبرضو الساتر الله ناكل في حناننا بس
11-14-2012, 01:43 AM
Elbagir Osman Elbagir Osman
تاريخ التسجيل: 07-22-2003
مجموع المشاركات: 21469
Quote: اذا وزير الخارجية في لقاء الطاهر توم في برنامج في الواجهة بقول نحن لحد الآن ما عارفين ضربونا بي صاروخ ولا بي طييران تقول مصر ما تضرب
و الز حاجة قالوا يشتكو للأمم المتحدة. هسع كان واحد ضربك و مشيت القاضي إشتكيت اول حاجة ح يسألك عنها ضربك بي شنو؟ تقوم تقول ليهو : بي عصاية ، لا إمكن بي سكين ، و الله إحتمال يكون أداني أم دلدوم. القاضي طوالي ح يقول ليك: قوم لف لمن تعرف ضربك بي شنو تعال إشتكي.
11-15-2012, 07:55 AM
مهيرة مهيرة
تاريخ التسجيل: 04-28-2002
مجموع المشاركات: 1355
Quote: الشئ الذى اقلق حتى مصر الجارة التى طالبت بألا يتم وصول سلاح لأيادي عدد من الجماعات في قطاع غزة والتى لها صلة مباشرة بما تقوم به جماعات الإسلام الجهادي المسلحة في سيناء من عمليات تهدف لتقويض السيطرة المصرية على شبه الجزيرة ,*
Quote: فيما تضمن تقرير نشرته جريدة "الأهرام" المصرية في الأول من أغسطس/آب 2012 خبراً يفيد بأن الطيران الحربي المصري تولى هو الآخر قصف قافلة أخرى لتهريب السلاح من السودان إلى مصر، وأن مصر أبلغت السودان غضبها من استمرار عمليات تهريب السلاح هذه.
استاذنا الباقر, انا فى حيرة من امرى فى قصة من يحكمون السودان. قوة عين هولاء تفوق الخيال. وزير دفاع النظام كان قاعد فى جوبا الزمن دى كله, لا جاب سيرة الضرب و لا علق على حكاية السفن الإيرانية. محادثات اللجان الامنية فشلت فى جوبا لان الخرطوم بتفسر فك الارتباط بين جيشى الشعبى, و قد فك الارتباط قبل الانفصال, بان يشارك الجيش الشعبى فى قتل النوبة و الانقسانا و ان يعود الجيش السودانى للجنوب لكى يقوم بتفتيش ثكنات الجيش الشعبى و مواقعها و اعتاده العسكرى لكى يتاكدوا بانو ما فى دعم للثوار فى السودان . وزير دفا الجنوب جنرال كونج, و دى زول ما بيحب اللف و الدوران, قال لعبدالرحيم بالانجليزى, go and fxxck yourself و تدخلت الوساطة و اخبرت عبدالرحيم بان هناك إتفاقية و هناك قرار من المجلس الامن. شوفت مسرحية بتاعت تزوير قرار مجلس الامن و السلم الافريقى?
ما يتسرب من غرف المفاوضات بين الشمال والجنوب أقرب إلى الكوميديا منه إلي أي شئ آخر
يروون أن وزير الدفاع عبد الرحيم قال لأحد المفاوضين الجنوبيين - أظنه فاقان أموم - أنهم يريدون من جيش الجنوب "أن ينزع سلاح الحركة الشعبية في جنوب كردفان"
فرد عليه المفاوض "عاوزنا ندخل جيشنا في دولتكم ؟"
قال "آي"
قال له " طيب .. النوبة ديل 30 ألف .. وهم مقاتلين صعبين.. لو عاوزين ننزع سلاحهم دايرين نرسل لكل واحد ثلاثة .. يعني نرسل جيش قرابة المائة ألف"
قال عبد الرحيم "أيوه"
قال الجنوبي" طيب إذا سكينا النوبة ديل .. ودخلوا الخرطوم.. نرسل جيشنا وراهم .. يدخل الخرطوم؟"
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Elbagir Osman
عمار يس النور
مهيرة
على زين العابدين
Zakaria Joseph
فيس بوك
تويتر
انستقرام
يوتيوب
بنتيريست