|
|
|
 Re: القبض علي ٥٠٠ مليون دولار بطرف كبر قبل مغادرته ل (Re: عثمان دغيس)
|
هذا كلام غير علمي ولايمكن تصديقه
لايستطيع حتى الأمير الوليد بن طلال الحصول على 500 مليون دولار في يده
500 مليون تساوي سعر بنك خليجي!
ياخي بنوك السودان كلها لو هزيتها ماتطلع ليك المبلغ دي
كميات الفلوس الكبيرة يتم تهريبها بمعاملات بنكية وطرق لغسيل الأموال مختلفة ليس من بينها حمل هذه الكيات في خيش!
ممكن أصدق تقصد500 الف دولار
مع أكيد ودي
| |
  
|
|
|
|
|
|
|
 Re: القبض علي ٥٠٠ مليون دولار بطرف كبر قبل مغادرته ل (Re: MOHAMMED ELSHEIKH)
|
Quote: هذا كلام غير علمي ولايمكن تصديقه
لايستطيع حتى الأمير الوليد بن طلال الحصول على 500 مليون دولار في يده
500 مليون تساوي سعر بنك خليجي |
** مُــــبـــالـــغــــه.. فعلاً ياود الشيخ ...
## غايتو ياكُبر لو سوق المواسير جاب ليك الفله الكتيره دى مفروض تعلن إنفصال مملكة دارفور الدولاريه عن دولة سازونيا اللإسلاميه##
## حتى لايفقد هذا المنبر مصداقيته ,, وحتى لانضطر لحلاقة القنابير الموجوده فى صـلـعتنا أرحمونا وأدونا معلومه من المُمكن أن يصدقها عقل المُتلقى ##
^
^
^
** كسره :- قول :- 50,000$ - 500,000$ (ودى برضو كتيره).... لكن 500,000,000$ (نص مليار) ياراجل دى دايره ليها كونتينر **
** صاحب البوست
** سلام
## كترت المحلبيه.
| |
|
|
|
|
|
|
|
|
|
Re: القبض علي ٥٠٠ مليون دولار بطرف كبر قبل مغادرته ل (Re: عبدالكريم أحمد الامين)
|
محمد الأمين ..
مشكور ياخي على جهدك و نضالك في تعرية النظام ..
لكن بس حافظوا على ( الصدق ) في مخاطبة الشعب السوداني ..
و عاملوه بوعي .. و بدراية في لملمة الخبر و صياغتو .. و مدى صدقو ..
و خلوا ( الصوت المعارض ) يكون نزيه و ( معقول ) .. عشان الناس تفتح اضانا كويس ..
( تهويل ) الأمور لهذه الدرجة ضار جداً ..
و سلبياتو كتيرة ..
( كبر ) دا ؛ بالمناسبة ؛ ( نجيييييض ) .. ما بعمل دي !!
تحياتي ...
| |
|
|
|
|
|
|
|
|
|
Re: القبض علي ٥٠٠ مليون دولار بطرف كبر قبل مغادرته ل (Re: محمد الامين محمد)
|
محمد الأمين ..
تشكر ياخي ..
الكوبي للناس كلها ..
و ليس تحديدا لي انا ..
و بعدين .. ما قلت كبر دا ( عفيف ) و ( طاهر يد ) ..
انما فقط ( نجيض ) ..
شاف ( الجماعة ) خامين و تخاااااااان .. و داير ( شليتو ) بلا شك .. قبل فوات الأوان ..
و ممكن يكون عندو المبلغ دا بسهولة .. و ممكن يلقاو في ( أقرب لفة ) في دارفور ..
خاصة و انها منطقة تحت سمع و بصر العالم ..
أبلد حرامي ممكن يمشي هناك و يخم ..
انما ( يهربا ) ؛ و بالطرقة دي .. ؟
هذا ما كان محل إستغراب .. بل و عجب !! يسمح بالـ ( شك ) في كامل الخبر ..
و ( كبر ) في النهاية ( مدماك كبير ) في نظام لصوص ..
تحياتي ..
| |
|
|
|
|
|
|
|
|
|
Re: القبض علي ٥٠٠ مليون دولار بطرف كبر قبل مغادرته ل (Re: Hisham Ibrahim)
|
كتير من الانقاذيين عندهم بزنس مع سعوديين و بمبالغ تفوق الـ500 الف دولار بكثير.
كنت اعرف واحد سعودي دائم السفر للسودان و على معرفة شخصية بالمتعافي و واحد اسمو كاشا و ناس تانيين
و كان دائما بيقول لي لو محتاج واسطة لي اي حاجة في السودان بس اتصل علي و ما يصير الا اللي يرضيك..هههههههه
| |
|
|
|
|
|
|
|
|
|
Re: القبض علي ٥٠٠ مليون دولار بطرف كبر قبل مغادرته ل (Re: الغالى شقيفات)
|
إتهم والى شمال دارفور،عثمان محمد يوسف كبر ،الحركات المسلحة بأنها وراء كافة الأحداث القبلية التى وقعت بجنوب الفاشر فى كل من « سجلى» و»شاوا» ،وأبودليق وشنقل طوباى وأم زريقة وكتم والواحة ،واصفا إياها بسلسلة مترابطة من الأحداث مقصودة لذاتها لإحداث شرخ وسط النسيج الإجتماعى لأهل شمال دارفور، وضرب التعايش السلمى فى مقتل ،نافيا أن تكون لديه شخصيا أو لقبيلته التى ينتمى إليها قوات أو مليشيا مسلحة ،وشدد كبر على تجرده من أى إنتماء قبلي، مطالبا الجميع بإعلاء القيم الوطنية والكرامة الإنسانية على القبيلة والجاه ،مؤكدا إحكام سلطة القانون وإعلاء قيم العدالة والمساواة بين كافة الناس ومحاسبة كل من تثبت إدانته ،ولوح الوالي بمحاسبة كل من له يد في تلك الاحداث من قبل أفراد من المؤسسات الحكومية ،مشدداً على ألا كبير على القانون ،كما نفى بشدة أن تكون هنالك قوات حكومية كاملة متمردة ،كما انه ليست هنالك قبيلة كاملة متمردة ،وجدد ثقته فى القوات النظامية في القيام بدورها كاملا للكشف عن الجناة الذين تسببوا فى الأحداث الأخيرة، مؤكدا ألا تفريط ولا مجاملة ولا مماطلة فى أمن الوطن والمواطن .
وطالب الوالى خلال مخاطبته لقاءً جمع كافة قيادات الولاية ونفرا من المركز على هامش لقاء الشورى إنتهى فى ساعة متأخرة أمس الأول ، سلطات الجمارك والأمن الإقتصادى والحكومة وكافة السلطات بأن تقول رأيها لوسائل الإعلام فيما يشاع بأن وزير ماليته عبدو داؤود قبض وبحوزته مبلغ «500» ألف دولار، قال إنها خاصة بالوالى ،نافيا بشدة أصل الحادثة معتبرا إياها إحدى الشائعات المغرضة لإغتيال شخصيته ووزير ماليته ،وقال إنها مقصودة لذاتها لدواعى قد تكون إنتخابية أو حسدا لما ظلت تقدمه حكومته من إنجاز تلو الآخر أو غيره ،مبينا أن تلك محض شائعات وأضاف «الكذب لو غداك ما بعشيك « ،وأكد ان مثل هذه الشائعات لن تصرفنا عن القيام بواجبنا تجاه خدمة مواطنى الولاية .
وكشف كبر عن قيادته وفدا كبيرا رسميا وشعبيا يضم قيادات المجتمع المدنى بالولاية لكل من ليبيا وتشاد قريبا لمزيد من توثيق الترابط والتنسيق.
-------------------------------------------------------------------------------
| |
|
|
|
|
|
|
| |
محمد الامين محمد
البحيراوي
Mohammed Ahmed Saeed
MOHAMMED ELSHEIKH
عبدالكريم أحمد الامين
عبداللطيف خليل محمد على
aosman
بشير حسـن بشـير
اسماعيل عبد الله محمد
ismeil abbas
Ammar Elyas Babiker Hassan
Hisham Ibrahim
سيف النصر محي الدين
الغالى شقيفات
فيس بوك
تويتر
انستقرام
يوتيوب
بنتيريست