بكري بجيب الناس من وين؟ اقترح اضافة سؤال فلسفي كلاتي:
لو ح يديهم فِرِد مداخلة يتيمة امها وابوها .. جايبم ليه من الاساس!؟ ودي آخر محن ابصلعة .. اقصد (فلسفتو) شنو يعني في (الغصة) دي وبنرجع للغصة دي في معرض الترحيب الحار الذي يليق بعودة الملك* .. او في رواية مجيدة (الحبشي)
11-09-2012, 04:11 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
يا ستي القوم أهل الطريق (اقري "العارفين) بقولوا : الطريق ليس لمن سبق .. الطريق لمن صدق .. وفي رواية اخرى وردت (لمن سلك) السبق الزماني مجرد احساس نسبي ساكت .. الزمن كلو نقطة واااحدة (ابد وازل، ماضي وحاضر ومستقبل) القيمة الكلية بتتجسد في السلك بصدق في مدارج اليقين او هكذا قد خبرونا .. ثم قالوا لنا ترجلوا
---------
انتو ما بتخافوا كلو كلو؟ علي بالحلال واحد/ة تاني يقول لي زي كلامك السمح دا .. اصدقو واقوم افكا فيكم! ما تقولي كمان -كمثقف- لا ينقصني سوى عدم المكتبة في مطعم الباشا دا .. وعضوية الفورسيزونس بس مفيش حظ (او كما قال الـchــيو)
11-09-2012, 04:24 PM
aydaroos aydaroos
تاريخ التسجيل: 06-29-2005
مجموع المشاركات: 2965
اخينا دا كيشة بالدرب العديل داك في الشطرنج والله صحي
- الجـchـيو الرخ دا صفارت ضربت - اهـ .. شيلو .. انا ذاتو ما محتاج ليو! - الجيو الحصان داك ضنبو رقّا - اهـ .. شيلو .. انا ذاتو ما محتاج ليو! - يا الجيو الوزير دا انحشر في زاوية ضيقة! - اهـ .. شيلو .. انا ذاتو ما محتاج ليو! - يا الجـchـيو الملك بعد دا الا يشوف ليو جحر نمل يبقى ملك عليهم!! - مفيش حظ!!!
(هكذا باللهجة المصرية المعلوفة بامباز غزاتنا عديل كدي)
----------
شفت البوست الجبتو ليكم دا صادف اول ما دخلت لقيتو ليك ..
قلت في سري، الواحد ما يغيب معاكم يعني ول شنو يا بكري؟
الحبشي رجع .. وفي كامل لياقته الذهنة (بطل مقولة الوقفة بتضر باللاعبين .. الاثيرة) ود البشرى اثبت انو بالو اطول من بال الخواجة همسلف وفي روابط معجبين بتتسوا من ورانا و ابو روضة قايم ليك بالجماعة سداري .. وبالطريق الدائري ود الباوقة ينكر ضوء الشمس ... من رمدٍ مرمد عينيه من يومو مازال السلفيين، كما وصفهم الملا السيلفي (بتاع سيلفيا) يصطادون في المياه العكرة .. بل مرات مرات يعكروها براااهم ويقعدوا يصيدو
اكتشفت انو مافي حل غير تقعد تصاقر مطعم الباشا دا
11-09-2012, 05:06 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
ههههههههههههههههههههههه كامل الشجب و الإدانة و اطالب بكري بتطبيق اللائحة - أو المزاج كالعادة - على قيقرا لجلبه موضوع الخواجة المحرج للسطح مرة اخرى ما صدّقنا الموضوع اتنسى يا حبيب مالك علينا :)
11-09-2012, 08:06 PM
وضاحة وضاحة
تاريخ التسجيل: 01-16-2005
مجموع المشاركات: 9116
يعنى تاني نرحب من أول جديد ولّ كيف؟ مش تقول ياخي .. وأنا شايل حالك في بوست اللغة المحكية .. كل مرة أقول قيقا وين قيا وين !؟ ( ؤ) ما يلكزني أي واحد من العاملين صحابك ديل .. ويقول لي روق ياخي لامن الزول دا يسلم من صلاتو أم تسبيحة حساب دي !
هسه ناو إزيك.
11-11-2012, 10:23 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: مش تقول ياخي .. وأنا شايل حالك في بوست اللغة المحكية .. كل مرة أقول قيقا وين قيا وين !؟ ( ؤ) ما يلكزني أي واحد من العاملين صحابك ديل .. ويقول لي روق ياخي لامن الزول دا يسلم من صلاتو أم تسبيحة حساب دي !
هسه ناو إزيك.
حبيبنا الملك المالك ملك الكلمة
مشتاقين والله .. وخرمانين للحكي واللغة المحكية .. الا القلم ليو رافع! هو لو كان المقادير بلييد و اليمين مطلوق، كان بنشنق (ود ابكريق)* في السوق!؟
(او كما قالت، وغالت)
الله في .. والمافي زمن .. وخُلق بس
-----------
* المقصود البطل عبد القادر ود حبوبة
11-09-2012, 11:19 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
لحدت امبارح القريبة دي محبط جداً من فكرة وجدوى الكتابة .... تماماً اسبعرت ليكم شخصي السمين ككاتب ساي ... خليكم من (مفضل) عدييييل اكتشفت اني قارئ جيد جداً جدن حتى آدم همسلف قمت سجلت بهنااااك .. في الفور سيزونس.... كقارئ عزيز على ألبهم .. المافي شنو؟ وكت ابونا
ياخ والله الشيخ محمد الشيخ كاتب بوست الموسم وكل المواسم
11-10-2012, 07:12 AM
بخاري عثمان الامين بخاري عثمان الامين
تاريخ التسجيل: 10-25-2007
مجموع المشاركات: 3456
لك التحية المحترم قيقراوي ولقائمة طويلة من كبار سودانيز كبار كبار وليس انتفاخ بالون فارغ لمجرد اقتراب دبوسة منه دوى وتطاير ولن تجد منه غير الفرقعة ثم من بعد ذلك العدم اقلام مشرقة يجبرونك على حضور انيق يفضفض كل كلمات الشكر في ظرف مشاركة واحدة هذا الوضع بالتاكيد كل لو جمعت كل المعاجم ليست بقادرة على الهامي لشرح ما اود ان اقوله في حقهم مرتضى عبدالجليل جميلة ابراهيم السيد aydaroos معاوية الزبير حيدر حسن ميرغني محمد البشرى وضاحة سامية حامد محمد على طه الملك بخاري عثمان الامين صبري طه
وكل من كلف نفسه بكلمة ولو مجاملة في صراع اجبرني عليه الاخرين بغير ذنب ارتكبته غير انني قلت لهم كفى مهزلة ولا اخفيكم سراً في الايام الماضية احسست بانني مهدر من كم من مهدرين المؤتمر الوطني ومن اعتادوا على التواجد من خلال غسيل غزر حقيقة اشفقت على نفسي وقررت بانني ساثبت لاخر المطاف ثم من بعد الرجوع اراكوبتي الوهيطة راضياً ذاك المنبر الذي اصابه منهم ما لا يستحقه ليس لعيب لا لعيب فيه فقط لانهم يدركون بانهم غير قادرين على الاطلالة من هناك وانا اتحداهم في ذلك ولا اخففيك سراً اخي قيقراوي بانك عضو بمنبر الراكوبة والتقينا من هناك وشاهد اثبات بالله عليك كم منهم نال عضوية من هناك ترك احذيته في ذاك الكيان ثم خرج ولم يعد قبل امس الجميل قيقراوي وفي محادثة مع عدد من الراكوباب المني جداً ان يلومني الكثيرين منهم على عدم انتصاري لموقع ذل بسبب شخصي الضعيف قلت لهم بشي من خجل هم منحوكم دعاية مجانية يشكرون عليها واليوم قد ازلت الحرج عني بدفاعك وباحترام المدرك لمعنى زملاء المنابر الاخرى . فاعضاء سودانيز من امثالك هم الذين نعرفهم ونستشف الوعي منهم وليس سواهم يا قيقراوي هم تحدثوا عن الراكوبة . وعن من اين اتيت وعن انني لا استحق مداخلة واحدة وبانني يجب ان اعتذر كل ذلك في تصوري لانهم ارادوا اقتلاعي من المنبر باي وسيلة كانت بعد جرجرتي لمستنقع اعتذارت يتم من خلالها ابتزازي مالهم كيف يفكرون هؤلاء ومن اين اتواء او قال طيب الله ثراه اديبنا الراحل الصالح ود صالح . الم يطوف بخاطرهم ############ بانني قد خبرتهم جيداً واهدوني معين من كل موضوعاتهم وردودهم ؟؟؟ نقطة سطر جديد في حكاية المشاركة الواحدة ومن هنا انا اقولها ليك يا قيقراوي اخوي ليس امامي غير شكر الاخ بكري على منحه لي شرف عضوية منبر سودانيز وتجدني شاكراً له لحظة حدد عضويتي . وابشرك يا قيقراوي ايه فائدة الباسورد لو كان مرهون بالصمت او الاستجابة لرؤية ديناصورات اعتادت على مثل هكذا تصرفات في وجه الاعضاء الجدد ؟؟ بكل امانة ومصداقية انا لست نادماً على كل ما سطرته هنا لانني لم اعتدى على احد ولم اهضم حقوق مظلمة واضحة للعيان اما لو كان الاخ بكري في تفكيره بانني فرحان بالعضوية والباسورد كما هم ففي هذه الحالة لا تثريب عليه شي مهم جداً يا قيقراوي في الايام الماضية اختلط على الحابل بالنابل فلو كنت ترى بان هناك من اذته حروفي بشي من عدم فهم موقفه من رائي فشخصه لي بهذا البوست الوهيط اعتذر منه بكل تواضع وطيب خاطر تسجيل خروج في ختام المسك شكراً شكراً قيقراوي ان تهديني نشيد دندنة وسط كل الحكايات المؤلمة فهذا بمثابة سيفنة انقاذ لي فرد اليوم كما وعدتهم من هناك كان من المفترض ان يكون عاصفة العاصفة وانت سيد سيد العارفين من وجد مكان لممارسة كل الرحابة وطول البال وفهم الفهم العالي اعتذل معمعة كلاب المذابل من هنا وعد الوعد بان لا تراجع للوراء ولا التفات اليهم
خارج السطر بالله شوف المشاركة دي لو محتاجة لبعض تعديل اكتب عليها عدل عدل والبياكلو الاسد اخيرلو من الضبعة على قول العبادي هههههههه
Quote: فرح الطاهر ابو روضة كتب: في حكاية المشاركة الواحدة ومن هنا انا اقولها ليك يا قيقراوي اخوي ليس امامي غير شكر الاخ بكري على منحه لي شرف عضوية منبر سودانيز وتجدني شاكراً له لحظة حدد عضويتي . وابشرك يا قيقراوي ايه فائدة الباسورد لو كان مرهون بالصمت او الاستجابة لرؤية ديناصورات اعتادت على مثل هكذا تصرفات في وجه الاعضاء الجدد ؟؟ بكل امانة ومصداقية انا لست نادماً على كل ما سطرته هنا لانني لم اعتدى على احد ولم اهضم حقوق مظلمة واضحة للعيان اما لو كان الاخ بكري في تفكيره بانني فرحان بالعضوية والباسورد كما هم ففي هذه الحالة لا تثريب عليه
أخي أبو روضة .. لك التحية ... وأعتقد أنّ سبب تحديد مُشاركاتك بُمشاركة واحدة هو انتهاكك للائحة حيث أنّها تمنع إعادة نشر مواضيع تمّ إغلاقها .. وهي عُقوبة مؤقتة سيتم رفعها عنك فيما بعد ...
Quote: 4- يمنع إعادة نشر مواضيع محذوفة سابقا أو مخالفة قوانين المنتدى أو مواضيع تم قفلها من قبل الإدارة ..... قوانين المنبر العام ولوائحه اضغط هنا
ولك كل الود والتقدير ،،،
11-10-2012, 09:50 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
بعد اذنكم يا باخ وصبري والملك المالك ملك الكلمة العامية ...
النعقب على ابو روضة - حالة كونو من المحتفى بهم هنا- وهو هبش موضوع بالجد محرقني تورط اخوة كرام في البوست داك في ازراء منبر بقامة شبكة ومنتديات الراكوبة دون مسوغ كافي مسالة بالجد محزنة .. وخصوصاً انو الازراء طايل المنبر دا ذات نفسو .. ومرة مسمنو ليكم زريبة بكري، ومرة ملجة، وفي احسن الملافظ مطعم الباشا ليه كل القدرة دي على ايذاء الناس ياخي!! بدل اطلاق احكام القيمة هبتلي ساي كدي امشوا شوفوا اي موقع بعمل رانكنغ للمواقع .. وشوفوا ترتيبو الكم في المواقع السودانية، بدل تجوا تتبرعوا بجهلكم او اقلو احفظوا للشباب .. النساء والرجال الباذلين كل جهدهم ووقتهم ومالهم، من اجل تقديم خدمات جليلة وكبيرة ما ليكم حق والله
--------
اخيراً يا ابو روضة .. المنبر دا حق بكري ملك يمين وعرق جبين وكل الهنا ديل نحل .. وبكتبوا ملح ساي هنا اصلك ما تعير اي كلمة انتباه الشوربة للجميع ... مجاناً المافي شنو انت قايل!؟
11-11-2012, 00:07 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: لعماد الرحمة ولنا الصبر المر .. المر شديد يا مرتضي .
ولروح عماد نهدي ( الاغنية ) بصوت ابو ذر
صديقنا العزيز بخاري,عساكم بخير,علمت انك ونجولة و العيال إضطررتم لترك السودان وعندما سالت الاصدقاء ,تشابهت عليهم الدول, تبا لهم يا بخاري,تبا لهم تحياتي االحارة للاسرة وعايزك في موضوع مهم في المسنجر.
Quote: الكتابة الكتيرة دي يجيبوا ليها وقت من وين عشان يقروها ؟
ما هو عشان كدي قلنا انتهى الزمن المخصص للغثاء .. ويممنا وجهنا صوب قبلة تسع قراءتنا كلنا
---------
اقرا .. واوعك تقول ما انا بقارئ .. سمعتا؟
[ثالثاَ، علمتني هذه التجربة معنى الشجاعة، ليست الشجاعة ألا تخاف، فالخوف غريزة، الشجاعة أن تتقدم وأنت خائف. ليست الشجاعة ألّا تيئس، الشجاعة أن تتقدم رغم اليأس وحيداَ في الظلام. لأن من طبيعة الأشياء أن يكون الأمل في نهاية النفق. ]
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
قيقراوي
جميلة ابراهيم السيد
aydaroos
معاوية الزبير
حيدر حسن ميرغني
محمد البشرى الخضر
وضاحة
ساميه حامد
محمد على طه الملك
بخاري عثمان الامين
فرح الطاهر ابو روضة
فيس بوك
تويتر
انستقرام
يوتيوب
بنتيريست