|
Re: مواجهات خميسية ...! (Re: aydaroos)
|
عيدروس يا صديقي الجميل كيفنك يا صديق الهم والله الواحد بي صراحة كدة شكلو ماشي يفقد (ترقوتو) بالحاصل ده قلنا نشوف خمايس الناس وكتين خميسنا راح يا صديق غايتو
| |
|
|
|
|
|
|
Re: مواجهات خميسية ...! (Re: خضر حسين خليل)
|
سلامات يازول يا فنان في غيابك الطويل المامعروف سببو يا خضر . فتشنا عنك وفتحت عنك بوست . بعدها جيت السودان وسألت سألت عنك جاي جاي في اللفة وفي بيوت الحجر . كنت شايف من الواجب أعزيك في المشايخ الرحلو . جملة من أجمل الجميلين . تخيل البلد بدون حميد بدون وردي بدون نقد بدون بشير بكار . بشير بكار ده يا خضر والله لا هسع ما قادر أكتب عنو حرف . والله الواجب كان نتقابل . جيت السودان يا خضر ومشيت المقابر قبر قبر ترحمنا علي الاحباب . ومشيت السجن سجن سجن قابلت مساجين الشيكات وبعض المتهمين بزيادة المريسة موية . ومشيت مكان الدهب الجديد . خلاف الدهب المدكن في الأرض يازول ده بلد سماو شبعان بالنجوم . و مهما تبدل الحال لسع في رقشة همبريب .
كانت زيارة جميلة قابلت ناس كتار .
قابلت يا خضر ناس يسالموك بعد صلاة العيد سلام يشفط من قلبك سجم الغربة ست . سلام للجميع
| |
|
|
|
|
|
|
Re: مواجهات خميسية ...! (Re: Osman Musa)
|
العزيز عثمان موسي تحياتي يا صديقي ياخ في البداية كل سنة وانت طيب والسنة الجاية كما تريد يا صاحبي أحزنني للغاية كونك جيت ماري بي هادي الدروب وما نتلاقي كان صدفة كان في غشيوة (سجين) ياقول حميد كان زيارة مقابر ساي . البوست قريتو وللأسف ما لميت فيهو بعد جيتي عشان أقول ليك علي الأقل مشكور علي السؤالات يا صاحبي البلد دي يا عثمان كما قال لي صاحبي نهار اليوم بقي ما عندها كبير رحلو يازول واحد ورا التاني
التقول ياخ شبعنا من جمايلهم كانو مطمنين علي الأقل الواحد حلموا كان مزدان وجميل غايتو
ومشتاقين وخلينا نتكاتب ياخ
| |
|
|
|
|
|
|
|