|
Re: الأب يربح دعوي ضد زوجته بـ 120 $ والسبب عجيب. رأيكم مطلوب (Re: ABUHUSSEIN)
|
Quote: لكن معاهو حق .. مفروض تكلمو بالعملية وتجيب ليهو صور ما قبل وما بعد |
سلامات ياوضاح وده السبب الـلي أسس عليه الدعوي
Quote: لكن كدي قول لينا 120$ و ل 120,000 $ |
هلا ابوحسين 120 الف دولار يابوحسين دولار ينطح دولار بعدين إنت أظنك زايغ من الحتة الـفيها الحديد عشان كدي ماجيتني راجع في بوستي التاني ـ البوست الحسن في منبت المنبر ـ
Quote: ازيك يا فاضلابي وينك يا عمك |
كيفك حبيبنا ود البشري ـ انت ينطبق عليك ماقلناه لأبوحسين كدي ارجع للبوست بتاعي التاني تلقاني سالخك بي هنا.
Quote: غايتو هو عرفناه صيني جنينة و طاير ليه المحكمة مالها ؟ |
كيف المحكمة مالها ـ كدي ارجع أقرأ الخبر بالإنجليزي
| |
|
|
|
|
|
|
Re: الأب يربح دعوي ضد زوجته بـ 120 $ والسبب عجيب. رأيكم مطلوب (Re: Fawzi Babiker)
|
Quote: سلامات يا عزيز
والله ياخ حارة شديد و الصينيين اصلو مسموح ليهم بى ولد واحد كمان يكون شين!!!
والله لو كنت مكانو زى انت ما قلت بقطعها فى مصارينى واقعد معاها عشان ولدى الشين ده... واكان ادتنى 60000 بكون مكسب عشان ما تكون شنه وخراب ديار. |
هلا بفوزي ـ الزول ده قبض مائة وعشرين الف دولار, الناس ماعندها علاقة بـ ويصورَّكم في الأرحام كيف يشاء ـ عشان كده الزول كان اتخارج جا امريكا الجاينيزيات خلقة ربنا مايدنَّك الدرب.
| |
|
|
|
|
|
|
Re: الأب يربح دعوي ضد زوجته بـ 120 $ والسبب عجيب. رأيكم مطلوب (Re: عمر موسي منجي)
|
Quote: يوفرها في حساب لبتو عشان لمن تكبر يعمل ليها عملية تجميل و " يخوزق " واحد تاني و الساقية تدور سلام اخونا الفاضلابي |
وعليكم السلام عمر ـ ومرحبا بك
Quote: و " يخوزق " واحد تاني و الساقية تدور |
ساقية الجن دي مدوِّرة من يوم اكتشفوا الكريمات وعمليات التجميل غايتو ماعارف حمد الريح كان بقصد شنو بي ساقيتو المدورة.
| |
|
|
|
|
|
|
Re: الأب يربح دعوي ضد زوجته بـ 120 $ والسبب عجيب. رأيكم مطلوب (Re: عبدالعزيز الفاضلابى)
|
فاضلابى ياخوى زولك دا ملكلك براهو عامل ذى الراجل المحييل على مرتو قال ليها لو قعدتى طلقانة ولو رقدتى طلقانه ولو وقفتى طلقانة ... الا تطيرى ... وهى عملية التجميل كان بكلمو بيها .. عاملينها لييه ؟؟
ـــــــــــــــــــــــــــــ مش صاحبك المحييل دا ؟ هسه كان ما كانت عملتها برضو كان اشتكاها للقاضى العاجب ود البشرى دا .. وقال لى داير تعويض لانها كانت مفروض تعمل عملية تجميل وما عملتها .. وخلتنى ارفل فى كوم الشنا دا ...
| |
|
|
|
|
|
|
Re: الأب يربح دعوي ضد زوجته بـ 120 $ والسبب عجيب. رأيكم مطلوب (Re: دينا خالد)
|
Quote: عامل ذى الراجل المحييل على مرتو قال ليها لو قعدتى طلقانة ولو رقدتى طلقانه ولو وقفتى طلقانة ... الا تطيرى ...
وهى عملية التجميل كان بكلمو بيها .. عاملينها لييه ؟؟ |
قلتي كدي يادينا؟ تعرفي كلامك ده ـ مانكته ـ حصل في دنيا الواقع. مرة دخلت في الستينات . الراجل راقد فوق العنقريب ـ جابت ليهو الشاي ختَّتوا قدامو قام صاحبنا حوَّل رقدتوا للناحية التانية ـ المرة حولت الشاي معاه. فتحة خشموا قالها يامرة إنتي طلقانة!!! قالت ليه: ياراجل سجمي انا سويت ليك شنو؟ وبعد العمر ده اقول لأهلي شنو؟ قال لها: قولي لهم خُلْقي ضاقت مِنِّك. ******************************* ليس سراَ يادينا ـ كتابتك بتعجبني بلحيل ـ خاصة اللوووووبات بتاعتك الشهيرة وأخص مايعجبني ما بعد الخط. عايزين بوست زي بتاع اليابان ـ العملتيه لأخونا ودالباوقة ـ مازال عالق بذهني.
| |
|
|
|
|
|
|
|