|
|
 بوست للصفوه فقط..للتهاني بكاس الكونفدراليه
|
...
اتمنى من جميع الصفوه التجمع في هذا البوست والاحتفاظ به عاليا للتهاني والتبريكات ..
أنا متاكد إنو رغم التحذير أعلاه،لن يسلم هذا البوست من الحاقدين فاقدي البطولات القاريه والعالميه ....
اتمنى من مشجعي نادي الهلال السوداني التمتع بالروح الرياضيه والابتعاد عن هذا البوست الخاص جدا ..لمشجعي النادي الكبير أوي والخاص جدا ..
تحياتي لكم جميعا
|
|
 
|
|
|
|
|
|
|
|
Re: بوست للصفوه فقط..للتهاني بكاس الكونفدراليه (Re: سيف الدولة كامل)
|
سلامات يامنتصر ..والله الخطه ماعندك ياخ ..
أستاذ سيف سلامات وكل سنه وانت طيب وكل الأسره بخير ..وانشاء الله ساندي مايكون إتلوم معاك
إنت واحد من الهلالاب مرحب بيك جدا هنا لانك حاتقلب بعد نشيل الكاس
--البشاري يازول مافي كج ولا حاجه ....وخت الرحمن في قلبك ..وجماعتك ديل رايحين فيها رايحين ..أسمع كلامي ده
| |
|
|
|
|
|
|
|
|
|
Re: بوست للصفوه فقط..للتهاني بكاس الكونفدراليه (Re: Dr.Elsadig Abdalla)
|
تحية طيبة للجميع
مع حبنا للمريخ ، لكن صراحة و من ارض الواقع
هذة المرة لن يناهلها المريخ (ربنا يكضب الشينة) خصوصا و الحضرى فى المرمى!
الهليل هو الاقرب للفوز بها هذة المرة، خليهم يفرحو مره ، على الاقل يشيلو ليهم كاس
بدل شراب العصير فى الاكياس :) :) :)
==================
تخريمة : سمعت كلام ما ظريف عن خرمجة الاتحاد الفاشل و برمجته لمبارة المريخ مع
الاهلى الخرطوم يوم 7 نوفمبر 2012 !!! يعنى قبل يومين من مبارة دولية و مهمة - نصف نهائى
و يجى يقول ليك الاتحاد بيعرف شغلو - اتوقع تصعيد من ادارة المريخ بهذا الصدد
| |
|
|
|
|
|
|
|
|
|
Re: بوست للصفوه فقط..للتهاني بكاس الكونفدراليه (Re: Dr. Ahmed Amin)
|
حضور وآخر حبور
ناس جبل الرجاف ديل ساعدونا بالسكات والموية الباردة بالله
قطعنا 75% من الطريق نحو النهائى وباذن الله فى مفخرة الرد كاسل الخبر اليقين بالصعود الى النهائى
دحين النهائى دا كان مع دجوليبا تبقى محتاجة حسابات دقيقة وجادة
الا كان حصلت معجزة والنهائى بقى مع الجلافيط اها من حسى انا ببدأ مشروع الاحتفالات
وما حا احضر الكورة زاتو لانها مضمونة
بس المرة دى الطلاق ما دايرنو بالتلاتة ... دايرنها طلقانة بنص دستة عديل كدا
اصلها عايرة وخلونا نديها سوط
| |
|
|
|
|
|
|
|
|
Re: بوست للصفوه فقط..للتهاني بكاس الكونفدراليه (Re: Dr.Elsadig Abdalla)
|
د/الصادق لك التحية وكل عام وانت بخير.
كنت أتحدث مع شذى بنتى بعد مباراة المريخ ألأخيرة فى الكنفدرالية وقلت ليها المريخ إنهزم إثنين لكن الهدف الجابو ده بنفعهم لقدام..قالت لى يا بابا أريتهم لو إنهزموا ما تقول لى المريخ لاعب بأسم السودان وجنس الكلام ده الناس ديل تقول ليهم كده يقولو ليك البفوز ده المريخ ما بأسم السودان..
| Quote: بس لو طرنا أكيد الكاس ماهلالي |
كم أتمنى أن يلتقى الهلال والمريخ فى النهائى لسمعة الكرة السودانية..وبعدها يفوز الهلال..
تقديرى وإحترامى..
| |
|
|
|
|
|
|
|
|
 Re: بوست للصفوه فقط..للتهاني بكاس الكونفدراليه (Re: Dr.Elsadig Abdalla)
|
Quote: د. الصادق
روق المنقه عليكـ الله وما تكجها ياخ
وحركات الهلالاب دي بطلها عليكـ الله
والله صحي
فريقنا تمام وكل حاجة بس ما تشمت فيك الناس بعدين
الحاجات دي علمها في الغيب
احترامي وودي الذي تعلم |
دكتور الصادق حبابك والعيد مبارك عليكم إن شاء الله
اها نحـــــــــــمد الله جاتكم من الليكم والله صحي
عاااارفين روحكم مكجوجين يا ود البشاري من قولة تيت , دحين ما تلصقها في الراجل ساي
بعديييين البوست ده محجوووز على قول اهلنا الأهلة لي المباركة لينا إن شاء الله
والله يا دكترة لامن قريت الصفوة جيتك جارية قلت اسالمك بي توبي الأزرق ده
لكن قهمتني بي حمرتكم المشاترة دي , والله صحي
متاوقة
دكتور احمد ود عمي اللمين حباااابك
والعيد مبارك عليك
لكن لقيت عييينكم حمراء وشرااارة زي لونكم المو سمح ده والله صحي
اغنية يا يابا سعدابي دي من ما قمنا حقت الهلال وخااااايلة فيه والموسيقة زاتها ماااااشة معانا
النبي فيكم لاحظو لي شتارة إنصاف مدني في الأغنية دي رغم صوتها الجميل والأداء الأروع
لكن من تجي لي قول المريخابي تلقى الكلمة معســـــمة والله صحي
خلوا لينا اغنيتنا وكان دايرلكم فوز وكاسات اطردوا عجوز الفراعنة ده
ياهو هو الكاجيكم ,,
| |
|
|
|
|
|
|
|
|
|
Re: بوست للصفوه فقط..للتهاني بكاس الكونفدراليه (Re: اسماء الجنيد)
|
Quote: متاوقة
دكتور احمد ود عمي اللمين حباااابك
والعيد مبارك عليك
لكن لقيت عييينكم حمراء وشرااارة زي لونكم المو سمح ده والله صحي |
والله متاوقتكـ سمحة بالحيل بت عمي الجنيــــد ..
وحات الله انت بتشبهي الصفـــوة بس تاه بيكـ الطريق
كاااااااااك
لأنكـ صفــوة فلازم تكوني مع الصفــوة ...ثمح ..
* غايتو يا د. الصادق بوستيكـ ده ......
| |
|
|
|
|
|
|
|
|
|
Re: بوست للصفوه فقط..للتهاني بكاس الكونفدراليه (Re: Dr. Ahmed Amin)
|
سلام يادكتور
اذا فاز دجوليا النهائى فى مالى
واذا فاز الزعيم النهائى فى المقبرة
عموما جهزوا الحكام
او جهزوا براميل الموية للبلع
عموما انا عندى احساس ما بخيب الكاس ازرق ازرق
وان لعبتوا بكذا حكم,,,لان هجوم الهلال لا يقاوم
نشوفكم ياصفوة وانتو شايلين حجارة وطوب
جهمور الازرق قدم درس فى التشجيع,,
| |
|
|
|
|
|
|
|
|
|
Re: بوست للصفوه فقط..للتهاني بكاس الكونفدراليه (Re: abuguta)
|
بني كجة تعبير تاج النضّاااام
نستلف منو ونضيف ونقول " كبني هلال وبس " نقول : بوستات الكجَةالله يكتِّر منها 
البشاري
والحروف الكبيرة الحمراء
ومنو كده " المايقوما زمان " :)
..
خايف يا دكتور نجي شايلين أمواسنا ونخت إيدينا " زي بنيتكـ الجميلة دي " ونجز بوستيكـ ده والبوستات المجاورة
كان ما حلقنا ليكـ .
غايتو شغالين " كلكـ & save "
إن شاء الله كمان يظهر المتطرِّف أساسي ويتم الناقصة
| |
|
|
|
|
|
|
|
|
|
Re: بوست للصفوه فقط..للتهاني بكاس الكونفدراليه (Re: abuguta)
|
Quote: والله متاوقتكـ سمحة بالحيل بت عمي الجنيــــد ..
وحات الله انت بتشبهي الصفـــوة بس تاه بيكـ الطريق
كاااااااااك
لأنكـ صفــوة فلازم تكوني مع الصفــوة ...ثمح ..
* غايتو يا د. الصادق بوستيكـ ده ...... |
حباااابك إت يا الحنيين وتسلم يا خوي
لكن الفيك إتعرفت تـــب لقيتك مريخابي وكبرت لي كوم الأحباب الأعداء
حكمة الله يا ود امي رفاقتي نصهم مريخاب وقاعدين لي لي الأزية
مرة قلت اصاحبكم وقت الغلب ما تكايدوني , النعمنو آآآآ بقدر على المكاواة وبراى دميعاتي في طرف العين
اها اقووووممم كده افتح لي بوستي مريخي نمرة واحد واقووول كده ابارك ليكم فيهو الفوز .
مرة كده غايتو جاكم فوز غفلة كدة في كرتلة ظنيتها !
كرتلة دي طبعا ضربات جزاء , انا مسمياها الكرتلة ,,
اها بدل ما القى لي شكر ومديح! وحاتك نزلوا فيني لسنات المريخ وخلوني اتضاير في البوستي الليلي
برااااااااااي سويتها في رقبتي
ناس ود الموج وود البشارى وابو حسين ومهوية وإيييييك ما خلولي صفحة , اخرتها جاء ود الجنيد سيد البوست تم الناقصة
اها هسه إت بقيت من القوم الفوق ديل, غايتو نحمد الله , البتجي من السماء بنتلقاها نحن,,,
متاوقة تانية
عارف يا دكترة قريت في بورفايلك بداية كلمة أبو ،، ح ’ وحات الله كنت قايلاها ابو حسين لوووووووولز والله صحي
دايرة اجيك ناطة اقول ليك ابو حسين ده مالك معلقو في خشم الإستبالية حقتك ؟ لوووووووولز بعدين قريت آخر إسمك
غايتو الله لا جاب لينا الزهايمر اكتر من كدي.!!! كفانا الطشاش ده
دكتور الصادق إت يا يابا تتعلا ما تدلا وكتتتتتر خيرك في المطايبة الحنينة دي
| |
|
|
|
|
|
|
|
|
|
Re: بوست للصفوه فقط..للتهاني بكاس الكونفدراليه (Re: اسماء الجنيد)
|
دكـتور الصـادق سـلام
وأسـمحوا لى بالطلة فى بوستكم الخاص دا. لكن فى مداخلة عجبتنى :
Quote: وكان دايرلكم فوز وكاسات اطردوا عجوز الفراعنة ده
ياهو هو الكاجيكم ,, |
والله يادكـتور أمسـكو فى كلام أختكم الفاضلة أسماء الجنيد دى قوى.
الراجل دا أنا مـستعد أقسم إنه أما مرتشى أو داير يطلع المريخ من البطولة أو عندة غرض
زى ماكتبت فى بوست أخونا الامين موسى البشاري:
الحضري يعتــــذر لجماهير المريــــــخ ويهاجم الحكم الزامبي
أنا لعبت كورة ودربت وشـفت فى حياتى آلاف المباريات فى كل أنحاء العالم وعندى مكتبة
فـيها فيديوهات كورة كثيرة جدا، ومتابع المباريات العالمية على كل القنوات. وما حصل فى
حياتى شفت لى حارس مرمى بنقـز الكورة بى طريقة الراجل دا. ومافى معنى لطريقته
دى إلا إنه عاوز يصلحها للاعب ليوبار عشان يسـجل.
يا أخـوانا والله حقو يتم تحقيق فى الموضوع دا وخلو المـتخصصين يحـللوا الفيديو
أنا من تحـليلى مقتنع 100% فى المية إن عـمليته دى مقصودة. وماعندى أدنى شـك !!!
بعدين عشان ما فى واحد يقول أنى بتبلى على الراجل دا وماعارف البقول فيه، زى ماواحد
مرة قال لى إنت العرفك شنو؛ ياخى أمشى درس تدريسك!!! أرجو تراجعو محاولاتى التحليلية هنا
مشـروع مــهـرجـان أهــداف فـيـديـو هـــدف رهـيب هـ...لـعـبـة الـجـمـيـلـة
وأتـمنى لكم وللهلال الفوز الـمؤزر، بإرادة المولى عـز وعلا. بعدين صفوا حساباتكم مع بعض فى المباراة النهائية
| |
|
|
|
|
|
|
|
|
|
Re: بوست للصفوه فقط..للتهاني بكاس الكونفدراليه (Re: Dr.Elsadig Abdalla)
|
| Quote: غدا الخطوه قبل الأخيره في الطريق إلى الكاس إنشاء الله ..وخليكم قراب |
أم كلثوم جدة الحضري لزم
وقالت ليكم:
يا خوف فؤادي من غد...
الله يمرقكم من الناس الطرش ديل[/green]...ديل بيلعبوا بره بلدهم
أحسن من داخل بلدهم...وقلوبهم مييييييتة...
وأحتمال جدا يكونوا طرش فعلا...هدير جماهير الخصوم بيعمل ليهم زأر
غلبوا المغاربة...ودجوليبا...عند أهلهم
إذا قلنا أحتمال دجوليبا باااااع
المغاربه برضهم باعوا؟؟؟
| |
|
|
|
|
|
|
| |
Dr.Elsadig Abdalla
الامين موسى البشاري
منتصرمحمد زكى
سيف الدولة كامل
محمد الامين احمد
وائل عبدالخالق مالك
7abib_alkul
Sayed Bekab
عثمان الحسن أبوروف
جدو
ismeil abbas
اسماء الجنيد
Emad Mohamed
abuguta
عمران حسن صالح
عبدالرحمن إبراهيم محمد
nazar hussien
محمد عبد الماجد الصايم
Nasruddin Al Basheer
عبد العظيم احمد
معتصم مصطفي الجبلابي
السيد أحمد إبراهيم
محمد البشرى الخضر
عبد المنعم سيد احمد
فيس بوك
تويتر
انستقرام
يوتيوب
بنتيريست