|
|
|
 Re: زمن و مبدع - محمد أحمد عوض - ملك الغناء الشعبى - رحلة توثيقية (Re: يحي قباني)
|
دا الخال يا خال
ربنا يرحمو و يتقبله القبول
الحسن كما اسعد الناس
و نحنا لسه في اللفه(المتوسطه)
كنا يتحوقل حوله في الكشك و نتناول
الطعام من يديه و يتلاطف و يتحدث معنا
حديث طفل لطفل و في كتير من الاحيان
حين يزدحم الكشك بالزباين يطلب مننا
مساعدته في تقيطع العيش للفته و كنا
نفرح بذلك اشد الفرح لان من يساعده
في نهاية الأمر سياكل معه من صحن و احد
و ياله من حظ كبير .
الحمد لله انا كنت محظوظ في هذه المسألة
و اشكر الله و فضله يا قباني بأن سنحت ليّ
الاقدار (رغم صغر السن شديد) أن تعرفت على
الخال (ايضاً) صديق الكحلاوي و ياله من رجل
عجييييب ياخ الزول دا و طراز فريد من البشر.
متابع معاك
تحياتي .
| |
  
|
|
|
|
|
|
|
|
Re: زمن و مبدع - محمد أحمد عوض - ملك الغناء الشعبى - رحلة توثيقية (Re: يحي قباني)
|
سلام يا قبانى ..
ولا أعلم كونها حالة عامة أم هى حالة تخص الحي الامدرمانى الذى نشأت فيه ..
إذ كنا - أطفالا لم يتجاوزوا الابتدائية - نتحلق فى الامسيات ونغنى أغنيات الأستاذ ..
أذكر تماما تلك الايقاعات التى نوقعها "على باغات الطحنية"
تلاتة اربعة باغات ..
وثلة من الاطفال ..
فى مساء أمدرمانى ..
يغنون .. ويا للدهشة .. وبمشاعر صادقة .. كلام جميل جدا .. جدا
عندي كلمة احب اقولها ... عن مصيري وعن مصيرك
ايه كسبتي بعد فراقي ... غير ألم عذب ضميرك
ما لقيتي بلاي سعادة ... وما قدرته احن لغيرك
انتي لو ضحيتي زيي في سبيل مبداه فكرة
او وقفتي تشدي ازري لما كانت عيشتي مرة
كنا نتخطى المصاعب وننتصر في العمر مرة
بس هربتى تركتي قلبي بى جفاك واطيلو جمرة
ماصبرتي معاي شوية مارضيت اتخلى عنك
كنت اقوى من الاعادي اقوي من شكك وظنك
احتفظته بوعدي ليك وما التزمتى بكلمة منك
في النهاية بقت خصومة تحكي ظلمي واشكي غبنك
ايه جنينا من الليالي غير حديث الحب روانا
من دموع البهجة فينا .. ضحكت الاحزان معانا ..
غير ثقافة ملت عقولنا .. غير أعاصير فى دمانا
تصور !
اطفال بغنو انتى لو ضحيتى زى .. فى سبيل مبدأ وفكرة
وأستاذ فى الغناء المثقف الجميل يبدأ ذلك الابداع بعد انتهاء دوامه الرسمى فى زنك اللحمة ..
واصل يا قبانى ..
قومت نفس الذكريات .. فما تقعد .. واصل .. واصل
يا لأمدرمان !
ما أجمل ذاك السودان ..
| |
|
|
|
|
|
|
|
|
 Re: زمن و مبدع - محمد أحمد عوض - ملك الغناء الشعبى - رحلة توثيقية (Re: محمد حيدر المشرف)
|
.
قباني وضيوفه الاكارم
مساء الجمال ,,,
في حضرة الجمال والخال محمد أحمد عوض .......
وبوست مبشر للغاية يوثق لمبدع بتصور كان السهل الممتنع
في معادلة العناء الشعبي .... وميزتوا أنوا أعتمد على الصوت
الكانت دائما المؤثرات من إيقاعات وأصوات مساعدة بتدعم الصوت
ده وتزيدوا بهجة وألق
في الخاطر "نغيم فاهك يا أم زين دواي"
البختار منها :
رق جسمي وصابه انتحال...
على حبك حمل الرحال...
ومن بعدك أنا حالي حال...
يالقمرة وصالك محال...
أنا أعيد الحب من جداد...
أنا الحافظ حق الوداد...
أنا الهائم والناس شداد ...
أنا اللابس توب الحداد...
أنا الكاتم السر ما حكى...
أنا الحاضن البلا ما أشتكى...
أنا الحجة بحل مشبكا ...
أنا المساح دمع البكا...
مع متابعة للبوست في حضرة صوت مميز لسه منو في خواطرنا الكتير
-------------
تقديري ,,,,,
| |
|
|
|
|
|
|
|
|
|
Re: زمن و مبدع - محمد أحمد عوض - ملك الغناء الشعبى - رحلة توثيقية (Re: عبد الناصر الخطيب)
|
Quote: ولا أعلم كونها حالة عامة أم هى حالة تخص الحي الامدرمانى الذى نشأت فيه ..
إذ كنا - أطفالا لم يتجاوزوا الابتدائية - نتحلق فى الامسيات ونغنى أغنيات الأستاذ ..
أذكر تماما تلك الايقاعات التى نوقعها "على باغات الطحنية"
تلاتة اربعة باغات ..
وثلة من الاطفال ..
فى مساء أمدرمانى .. |
هلا بالمشرف ...
حتما هي حالة امدرمانية خالصة مخلصة ...
لا يحسها ... ولا يفهمها الا عيال قلبها ...
يا لها من ذكريات ...
الخال ارتشف من بحر بيت المال ... وشم هوا حي العرب ...
الله يديك العافية يا مشرف ... وبنرجع ...
| |
|
|
|
|
|
|
|
|
|
Re: زمن و مبدع - محمد أحمد عوض - ملك الغناء الشعبى - رحلة توثيقية (Re: يحي قباني)
|
Quote: في حضرة الجمال والخال محمد أحمد عوض .......
وبوست مبشر للغاية يوثق لمبدع بتصور كان السهل الممتنع
في معادلة العناء الشعبي .... وميزتوا أنوا أعتمد على الصوت
الكانت دائما المؤثرات من إيقاعات وأصوات مساعدة بتدعم الصوت
ده وتزيدوا بهجة وألق |
معانا يا خطيب ...
فمحمد احمد عوض ... هرم تراه من كل بقاع السودان ...
| |
|
|
|
|
|
|
|
|
|
Re: زمن و مبدع - محمد أحمد عوض - ملك الغناء الشعبى - رحلة توثيقية (Re: يحي قباني)
|
يا سلام يااخى
وتانى يا سلام يا سلووم من فريع البان اليسوح نديان
- لك التحية يا حبيب ومتعك الله بالصحة والعافية
ونسال الله ان يغفر للمرحوم المبدع محمد احمد عوض
-زول راقى ياخى
- شاهدته فى حفل زواج وهو يسال الناس اها دايرين شنو؟
فقال احدهم واظنه حضر متاخرا - جافونى الاحباب
فقال له آخر ياخى ما غناها قبيل
فقال الراحل نغنيها ليهو تانى-- وبالفعل دخل فى شادن العمراب
--شكرا جميلا صاحب البوست
| |
|
|
|
|
|
|
|
|
|
Re: زمن و مبدع - محمد أحمد عوض - ملك الغناء الشعبى - رحلة توثيقية (Re: عبد الحكم ابراهيم الحاج)
|
Quote: يا سلام يااخى
وتانى يا سلام يا سلووم من فريع البان اليسوح نديان
- لك التحية يا حبيب ومتعك الله بالصحة والعافية
ونسال الله ان يغفر للمرحوم المبدع محمد احمد عوض
-زول راقى ياخى
- شاهدته فى حفل زواج وهو يسال الناس اها دايرين شنو؟
فقال احدهم واظنه حضر متاخرا - جافونى الاحباب
فقال له آخر ياخى ما غناها قبيل
فقال الراحل نغنيها ليهو تانى-- وبالفعل دخل فى شادن العمراب
--شكرا جميلا صاحب البوست |
مرحبتين حبابك اخونا عبد الحكم ...
محمد احمد عوض له نكهة مختلفة ... وشخصية اجتماعية لا تضاهي
ورجل يكرم الناس ... فاكرمه الله كثيراً ...
الله يرحمه بقر ما اسعدنا ...
| |
|
|
|
|
|
|
|
|
|
Re: زمن و مبدع - محمد أحمد عوض - ملك الغناء الشعبى - رحلة توثيقية (Re: جميلة ابراهيم السيد)
|
Quote: تــــوبة
توبة يا أحباب
أنا لو غشيت داركم
الله يرحمه بقدر جماله وروعة غناهو
محمد أحمد عوض ضمن فنانين قلائل جدا
لم يعرفو الزمن الفارق والشترة
ولا سمعوا بها سمع حتى
متمكن
فعلا متمكن
الله يجعل قبره كله فرح بقدر ما أسعدنا
ميرسي يحيى
|
جميلة كتر خيرك يا صديقه علي رفع البوست ...
وآسف يا راوية ... دقست شويه من البوست ده ...
محمد احمد عوض يا راوية فنان ما عنده شبه نهائياُ ...
و الفن بيجري في عروقه و شرايينه ...
زى ما بيقولوا المصريين .... فنان مالوش حل ...
| |
|
|
|
|
|
|
|
|
|
Re: زمن و مبدع - محمد أحمد عوض - ملك الغناء الشعبى - رحلة توثيقية (Re: يحي قباني)
|
ود الصايم ... بركه الجابت لينا ...
لازم العيار يكون من وزن الخال حتين تظهر ؟؟؟...
عارف يا ود الصايم ...
زمان كنت لما نقرب مع الشله من بيت حفله " او بيت لعبه " ...
لازم نقيف ناخد سنده بره و نتراهن علي الفنان منو من نقرة الرق او نقرشة العود ...
محمد احمد عوض يا ود الصايم ...فِـــرِد نقرة ... بتقول ده الخال ...
ماركة مسجلة ... غير قابله للتقليد ...
| |
|
|
|
|
|
|
|
|
|
Re: زمن و مبدع - محمد أحمد عوض - ملك الغناء الشعبى - رحلة توثيقية (Re: يحي قباني)
|
"سالَم الناس"
*****
سالم الناس إلا لي ما مدّ إيدو ماهو عارف ماهو حاس كيفن بريدو...
*****
كنت بفتكر الظروف لو يوم تجيبو.. يطرا زولا شوقو ياريت كان يصيبو..
كنت عشمان قلبي ما يزود لهيبو.. إلا يظهر ناوي جمر الصبر يزيدو...
*****
ما ده حالو ما ده طبعو الكنت عارفو.. الغرام خلى القلب يهواه ويوالفو..
الغرام حكم منو البقدر يخالفو.. والقلب إخلاصو باين ما بفيدو...
*****
يا حليلك يا الغناوي العنو كانت.. يا حليلك يا الأماني العندو بانت..
ما بقول دي القسمة أو أيامي خانت.. بس بقول ان شاءلله يعرف كيف بريدو...
فعلا يا يحيي ملك الغناء الشعبي الرجل الهاش الباش المتواضع .بتعرفه من
علي البعد عند سماع صوت النقرشة علي الرق , له الرحمة والمغفرة ,,
ناس القطينة يا يحيي يحيروك في الغناء والسياسة وحريفين كنكان ,
التحية لكل الاحباب في القطينة .
زي ما قال سفيان فعلا شبه كتييير بين محمد احمد عوض والكحلاوي وخلف الله حمد.
لهم الرحمة والمغفرة جميعا .
| |
|
|
|
|
|
|
| |
يحي قباني
سفيان بشير نابرى
محمد حيدر المشرف
مرتضى احمد عبد القادر
عبد الحكم ابراهيم الحاج
Rawia
khaleel
محمد عبد الماجد الصايم
جميلة ابراهيم السيد
سيف الدولة كامل
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست