|
Re: لا بأس ببعض أداء تماضر (Re: Hussein Mallasi)
|
سلام حسين
Quote: وجهة نظري كحسين ملاسي. |
حسين ملاسى (الصحفى) تعلم تماما بان مثل تلك الاعمال لايتم انتقادها بنفس طريقة كتابتك دى
عشان تنتقد عمل فنى بتحتاج لامتلاك ادوات النقد وبتفند العمل من السناريو والاخراج والممثلين
وحركة الكاميرا ومواقع التصوير وظروف الانتاج والمونتاج وحاجات ثانيه كثيره.
والاشياء دى كلها يفترض انها ماتنفصل عن بعضها حتى يكون العمل متماسكا وجاذب
اذا وضعت كل الاشياء دى فى الاعتبار بتقدر تقيم العمل تقييم منصف ,
اما له او عليه .... وعليه انا كقارئ حاحترم وجهة نظرك ايا كانت فى نقد العمل دا.
انا حقيقه شفتا الاعلان عن الفيلم فى بوست نزلو احد الاخوان لكن للاسف ماشاهدت العمل كامل
كنت اتمنى انى اشاهدوا كامل وبعدها ممكن الواحد يدلى بدلوه.
عنوانك الفوق دا اى شخص ممكن يقولوا ويرميهو كده بكل بساطه .
طيب وبعدين ؟
ياريت لو عندك المقدره على نقد العمل كلف نفسك كم سطر زياده عشان نستفيد
| |
|
|
|
|
|
|
Re: لا بأس ببعض أداء تماضر (Re: Abdelrahim Mansour)
|
الخبرة فى التمثيل واضحة جدا فى شغل الفنانة تحية زروق والفنانة تماضر شيخ الدين شكرا تحية وتماضر شفناكم بعد غياب طويل, البنية الصغيرونة بنت تحية بتمثل كويس عليش شغال كويس مافى مشاكل فى التمثبل بشكل عام المشكلة فى الاخراج اكيدة الموضوع المطروح مهم ياها مشاكل البلد دى بس ما ممكن الحوار مدور حول الناس القادمين والجايين والرايحين والمفتوح ليهم بيت الضيافة ولا طرف توب معقول غالبهم يحيبو لينا حركة فى البيت ,
Quote: ولا بأس – أيضاً - بعض ببدل علي مهدي وجلاليبه! |
البدل دى اغرب حاجة لان البلاد دى ما بلبس فيها بدلة الا اوباما مافى ناس بتمشى الشغل بى بدل وعليش شغال دور شاب فى امريكا البدلة شنو اكبر راس فى البلاد دى بشتغل بى تيى شيرت وجينز والجزم الابسنها على مهدى وجمال بشتروها للسهرات بس, المخرج كان مكن يحرك الناس ديل برة فى مناطق فيها لمة ناس قهاوى دكاكين شوية تعب كدة ما معقول شايت اللقطات الخارجية كلها من بعيد وفى فسحات شبه فاضية, اخلاص نور الدين معقول سايقة عربية فى شوارع امريكا وما رابطة حزام .
| |
|
|
|
|
|
|
Re: لا بأس ببعض أداء تماضر (Re: المسافر)
|
Quote: وبتفند العمل من السناريو والاخراج والممثلين وحركة الكاميرا ومواقع التصوير وظروف الانتاج والمونتاج وحاجات ثانيه كثيره. |
شوف العمل في الإعادة .. ولو لقيت فيهو حاجة من حاجاتك الفوق دي - غير بعض أداء تماضر - أبقى اتكلم.
| |
|
|
|
|
|
|
Re: لا بأس ببعض أداء تماضر (Re: Hussein Mallasi)
|
قريت امس موضوعك واتمنيت اشوف التمثيلية وقدر الله انو شفتها امس بالصدفة وحضرتها كامله .. حقيقه عجبني جدا جدا اداء تماضر لعدة اسباب اهمها : 1/ قدرتها الكبيرة على التعبير بالوجه والجسد تعبير يتوافق مع النص والمشهد لانو الجزء ده بالذات يعمل ليك وجع قلب عند الممثلين التانين .. يعنى تلقى النص عادي والجملة عادية والواحد يقلب وشو تفتكرو عاوز ياكل الكاميرا او المشهد والنص يكون عاوز حركة جسد من مشى او تقليب يدين او اوا او تلقى الواحد كانو راسمنو رسمه وقيس على كده حاجات كتيرة زى نهير الكلام من غير سبب 2/ برضو قدرتها على الدخول فى الحوار والخروج منو بطريقة متوافقة مع المشهد والنص .. يعنى ما فى بحلقة فى حيطة الجيران اخر النص فى انتظار انو الكاميرا تتحرك .. او ما فى دخلة فى الحوار كانو الزول اتفاجأ انو دورو جا عشان يقول حاجه 3/ كأنما السناريو الاتكتب ليها ما اتكتب لغيرها .. او هى اتصرفت فى المفردات .. فكانت دارجيتها هى الدارجية البنعرفها .. ما الحاجه الغريبه البقولوها الممثلين التانين .. الما قداردين نهائى يتكلمو بسهولة بمفردات طبيعية وعادية .. حتى تحية وعلى مهدى وغيرهم تحس انو عندهم مفردات فى النص تعمل وجع حلق .. ودى مشكلة النصوص والسيناريو والفكرة فى انو الزول المثقف او نقول المتعلم بتكلم بدارجية ارفع من دارجية الناس فى الشارع وده تنميط قديييم فى المسلسلات السودانية .. وبخلى الكلام والنص يضرس الزول 4/ ما في انفعال زائد فى ادائها ... ونهير ونطيط عيون .. بتعرف حقيقه تعكس حالة الحزن وحالة الفرح وحالة الغضب اما البقية فعلي مهدي برضو كان متوازن وجيد .. عبدالسلام جلود .. ما قدر يفرز بين اداء الزول الماشادي حيلو وزول القرية فتلقاهو متلخبط فى المفردات وطريقة الكلام ... الغريبة ما عجبني نهائى اداء تحية زروق .. فيهو تكلف والسلبيات المكتوبه فوق دى ... محمد عبدالسلام بتكلف كتير .. اخلاص بتتكلف .. وبتفتكر انو التمثيل انفعال بس ونطيط عيون .. الشباب كانو كويسين خصوصا الزول فى دور امجد جمال عبدالرحمن ياهو جمال كل الشخصيات كل الادوار بمثلها بى نفس الطريقة ...
....................
تنظير زول ساى شاف التمثيلية
| |
|
|
|
|
|
|
Re: لا بأس بكــــل أداء تماضر (Re: Mahmoud Mustafa Mahmoud)
|
يجب أن لا يُحكم على العمل الفني إيجاباً أو سلباً أو بما فيه من ملاحظات بتسرع ..! ، ، أعتقد لابد من المتابعة أثناء العرض برؤية تحدد جوانب أساسية في هيكل العمل ومن ثم منظومته الفنية الإبداعية التي تخلق الحدث فى لحظته المترابطة ببعضه البعض ، ومن ثم تتجلى الملكات الإبداعية التى يتميز بها كل فرد من المجموعة ككل .. تحيتي .. محمد مختار جعفر
| |
|
|
|
|
|
|
Re: لا بأس بكــــل أداء تماضر (Re: محمد مختار جعفر)
|
يا جماعة النقد ذات نفسه فن لا يجيده أى شخص خصوصاً إن كانت المادة المنتقدة لها علاقة بالفن أو المسرح أو الشعر، لابد أن تمتلك جزء من هذه الأدوات حتى تستطيع أن تشخص التشخيص السليم للنقد الفنى، قبل فترة رأينا كيف إتفتح خيط من قبل دينا خالد أرادت فيه تسليط الضوء عن آداء الفنانة الشابة سارة القاضى و كيف أنبرى لها الجميع الأعمى شايل المكسر بمعاول هدم أساسية فى مشهد كان يندى له الجبين خجلاً! نفس الشيئ يتكررهنا فيأتى شخص يقول ليك التمثيل ما بدل و الآخر يقول ليك فى أمريكا لا بلبس بدلة إلا أوباما! بلاهى تعالوا شوفوا التنظير المجافى للواقع دا؟ أمريكا دى كمان المكان الوحيد الناس بتلبس فيها فل سوت و بتمش العمل! و الشايفوا ملاسى كونه عرض لأثاثات منزلية دا ديكور مطلوب فى الدراما وهو الذى يجذب إنتباه المشاهد ويشده لمتابعة الحوار و تنقلاته. لا أعتقد يوجد فى وسطنا من يستطيع تقديم نقد فنى لعلى مهدى بطل عرس الزين و لا لتحية زروق نجمة نجوم المسرح السودانى و لا لتماضر شيخ الدين التى نقلت لنا إيقاع حياة وادى أمسدر فكنا نحسب أن هؤلاء فعلاً عرب بدوا أتو بهم من وادى أمسدر لتقديم العرض وليس هم ممثلون نشأوا وتربوا فى بندر الخرطوم!! العمل الذى قدم فى تقديرى يعتبر من أمييز الأعمال الفنية السودانية التى شاهدتها على الإطلاق على قلة زمنه و لا يوجد له إستثناء إلا عرس الزين!! صحيح توجد عليه شوية ملاحظات و قد برع فى إبرازها محمد سيد أحمد إذا لم أكن مخطئاً فى الإسم فى بوست مجاور، خصوصاً فى حديثة عن عدم تصويرهم لإيقاع الحياة الأمريكية و إختلاط السودانيين فيها سواء كانوا فى أماكن عملهم فى الإستورات التجارية أو المطاعم أو فى أسواق المدينة داخل سيارات الأجرة، كنا نتمنى أن نشاهد ذلك، وكذلك الملاحظة الأخرى هو غلبة التركيز على نقل المشاهد الخارجية للأماكن العامة فى واشنطون مثل البيت الأبيض و الكونقرس و حدائق المسلة و التايمز إسكوير بنيويورك بدلاً عن إجراء الحوار داخل مؤسسات حقيقية تكون مملوكة لسودانيين وهى بالطبع كثيرة. الملاحظة الأخيرة هى لم يقدم العمل نوع البزنس الذى إنخرط فيه على مهدى ومعاونوه فكان بالضرورة الإشارة لنوعية البزنس مثلاً كإدارة شركة لموزيين، أو شركة ريال إستيت أو ما شابه ذلك من الأنشطة التجارية التى إنخرط فيها المهاجرين السودانيين بأمريكا لعكس شيئ من الواقع. تعظيم سلام كبير لتحية زروق وتماضر شيخ الدين فى حوارهم القوى عن جوهر موضوع الفيلم وهو مشكلة تربية الأبناء فى أمريكا وضرورة ربط الأبناء بوطنهم الأم وهذه الفكرة يمكن أن تتطور لتعكس الإشكالية الحقيقية التى تعانى منها الأسر هنا و إبراز جميع سلبياتها دون أى تحفظات، لأن الأبناء هنا ليس فقط يرفضون مجرد التفكير للعودة إلى وطنهم وإنما أبتعدوا عن ثقافتهم الأصلية و لأسباب كثيرة، فجيد كون الفيلم يشير إلى هذه الجزئية بل يعتبرها محور عمله.
| |
|
|
|
|
|
|
Re: لا بأس بكــــل أداء تماضر (Re: الصادق الزين)
|
لا بأس ببعض إطراء حسين ملاسي ...
انا طبعًا كان سكتت ووب ... وكان نضمت ووبين ...
(واحد زرزرني لغاية ما قلت الفيلم "عظيم" مقارنةً بمتوسط مستوى الإنتاج السوداني!)
وكلاااااااام ... يا عوض دكام ...
... المهم ....
| |
|
|
|
|
|
|
Re: لا بأس بكــــل أداء تماضر (Re: تبارك شيخ الدين جبريل)
|
سلام ياملاسى
Quote: شوف العمل في الإعادة .. ولو لقيت فيهو حاجة من حاجاتك الفوق دي - غير بعض أداء تماضر - أبقى اتكلم. |
انا مابكتب تلغرافات ذيك فى عمل يفترض يتناقش من كل جوانبه
فما تجيب لى جزء وتخلى الباقى ..
ياخ خليك منصف انا من امس بشاهد فى العمل دا وعندى عليهو ملاحظات لسه ماكملتا المشاهده
لانى بعيد كل دقيقه وبركز فيها عشان اكون منصف
واضح انك مجرد مشاهد ساخط او ساخر
انطباعى الاولى عن العمل دا انو اتفوق على كل ماعرض قبله
كت اوت :
انا ما حاناقش العمل دا فى البوست بتاعك دا حاناقشو فى بوست عبد الرحيم منصور
وممكن بعد داك انقل ليك الحاجه دى هنا كوبى بست
ومحتاج جدا لرأى الاستاذه سلمى الشيخ سلامه
والسر السيد
وخطاب حسن احمد
وجمال حسن سعيد
والمشاركين فى الفيلم
والنقاد المتخصصين
| |
|
|
|
|
|
|
Re: لا بأس بكــــل أداء تماضر (Re: نيازي مصطفى)
|
حسين ملاسى يهمه كثيراً ان يكتب ما قل بنرجسية يحسده عليها اكبرالطواويس كى ينال اعجاب او احترام او تقدير القارى.. لايهمه ان يظلم بتاملاته او لا بأساته هذه مبدع او عمل، المهم ان يوجز فى هذه التلغرافات المصنوعة، والله يا حسين نصيحة لوجه الله ، الايجاز مهما استحسن الا انه غير مطلوب فى كل مرة و لان اخاك من صدقك تذكر وانت بتطمس قلمك فى محبرة ان تطمسه ايضاً فى ضميرك واستصحب معك بيت شعر شاغل الدنيا المتنبى لانه يشبهك تماماً حيث يقول: ولم أر في عيوب الناس عيبا.... كنقص القادرين على التمام..
| |
|
|
|
|
|
|
Re: لا بأس بكــــل أداء تماضر (Re: Hussein Mallasi)
|
Quote: Quote: ولا بأس – أيضاً - بعض ببدل علي مهدي وجلاليبه! |
البدل دى اغرب حاجة لان البلاد دى ما بلبس فيها بدلة الا اوباما |
والحال كذلك .. لا بأس ببعض أداء تماضر وبعض جلاليب على مهدي .. فقط!
| |
|
|
|
|
|
|
|