|
|
 المشاعل يا موصلي ياااااخ...عادل صديق أدبها ليك (يوجد أدب)
|
عندي تسجيل ممكن يكون ما نادر...(زمن الإنترنت دا ما في حاجة نادرة)..
بصوت وأداء وعزف عادل صديق..طبعاً عزف عادل حكاية قايمة بذاتها...
"أسألي الشوق في عيوني قدر إيه جواي مساحتك"
كلمات الشاعر الجميل سعد الدين إبراهيم..
طبعاً ألحان معاليكم حفظكم الله..
بس عايز أسألك يا أستاذي موصلي:
إنت متأكد إنكم ناس عاديين تأكلون الطعام وتمشون في الأسواق وكدا؟؟؟
ياخ الله يخليكم وينفع بكم..
تحياتي لك أيها العملاق..
تحياتي للصديق الجميل الفنان الضخم عادل صديق..
..
ممكن إضاءات زيادة على هذا العمل الكبير يا أستاذ؟؟
وكل سنة وأنت تزداد علماً وفناً وألقاً وجمالاً أيها الإنسان العظيم..
..
.
|
|
  
|
|
|
|
|
|
|
|
Re: المشاعل يا موصلي ياااااخ...عادل صديق أدبها ليك (يوجد أدب) (Re: Elmosley)
|
شحتفتوا روحنا !
يأخ واحد يجى ينزل لينا الشغل ده .
عادل الصديق فنان كبير كبير .
لكنه غياظ برضو غياظ كبير ,, لا بظهر ولا بعمل حفلات
ولا عندو شرائط أو سيديهات ولا بمشى للقنوات !
لكن يخيل لى إن العيب ليس منه ! فمثل عادل الصديق يجب على
كل القنوات وكل الصحف أن تشد الرحال إليه , فالرجل بحق
مبدع ولا يقل إبداعا عن عمالقة الغناء السودانى .
فعلا بلدنا السودان الفضل بقى محير ! يلمع فيه فرفور وكركور وجزار وإمبراطور !
وأمثال عادل الصديق لا يكاد يعرفهم إلا القله أصحاب الأذن المميزه !
بالله ياموصلى قبل ما تلقى الضوء على الأغنيه حدثنا عن هذا الفنان الجميل ؟
| |
|
|
|
|
|
|
|
|
|
Re: المشاعل يا موصلي ياااااخ...عادل صديق أدبها ليك (يوجد أدب) (Re: hassan bashir)
|
سلام يامحمود يافنان
كل عام وانت والاسره بالف خير
عادل الصديق فنان صاحب صوت قوى واحساس عالى
كان مفروض اسجل معاهو سهره تلفزيونيه بس الظروف ماساعدت
وموسيقارنا الجميل ابو هديل الحان تمشى بين الناس
والتحيه للاستاذ الشاعر سعد الدين ابراهيم
وللجميله الاستاذه زينب الحويرص اينما كانت
كت اوت :
اغنية المشاعل العندك بالعود يامحمود ؟
| |
|
|
|
|
|
|
|
|
|
Re: المشاعل يا موصلي ياااااخ...عادل صديق أدبها ليك (يوجد أدب) (Re: Mahmoud Mustafa Mahmoud)
|
محمود يافنان
Quote:
خضر يا صاحب..
عيدك مبارك...وشربوتنا خليهو ساي..والله حاجة ما تخلص..
Quote: اغنية المشاعل العندك بالعود يامحمود ؟
بالحيل...هو لكن عود نصاح؟؟ إني آمنت بالله يا خضر..
..
. |
والله نحسدكم على الشربوت المركز دا
الظاهر انو من الفم للدم
ولا انتو بتشربوهو بالكوره ؟
احذر الاخيره دى ..لوول
الاغنيه جاهزه صوت ذى ماعندك
وبحاول اجهزا فيديو
لانى ملاحظ انو فى مشكله فى البنبر دا بالنسبه لملفات الصوت
...
هاك دى اتصبر بيها والاغنية دى جمعت اجمل ثلاثى
الموصلى .. وزينب .. وعادل
| |
|
|
|
|
|
|
|
|
|
Re: المشاعل يا موصلي ياااااخ...عادل صديق أدبها ليك (يوجد أدب) (Re: hassan bashir)
|
العزيز حسن بشير...
تحياتي وكل سنة وإنت طيب...
رابط البوست من أول نظرة عرفت من تاريخه إنه حا يكون فيهو مداخلة للحبيب الراحل سمندلاوي وقد كان:
Quote: ياموصلى شعللت النيران مرة اخرى
رجعت لى وهج نيران استوديوهات
عمار الشريعى فى الوكت داك...
وهنا زدت الشعللة وبقت نيران موقدة
والجميل عادل الصديق ذلك الكوكب الذى
اتى من كوكب آخر غير الكواكب التى نعرف
اما سعد ابراهيم فهذا حديث آخر وان اردت
ان تعرفو, فماعليك إلا ان تعرف الشوق المدفق
ومساحات الحب التى لاتحدها حدود....
اما انت, فانت موقد شرارة الحب وماالنار
إلا من مستصغر الحب....
مساحات الحب مرسلة للغالى ودالصديق
ولك عزيزى الشاعر المرهف سعدالدين ومثلها
لك انت حبيب الروح يوسف.... |
فكان أن قلبت علينا العيد بكاء بكاء بكاء..
الله يرحمك يا سمندلاوي يااااااااااااااخ..
..
.
| |
|
|
|
|
|
|
| |
Mahmoud Mustafa Mahmoud
Elmosley
كمال سالم
hassan bashir
خضر الطيب
فيس بوك
تويتر
انستقرام
يوتيوب
بنتيريست