|
|
 عندما يرقد دفاع وطن كامل سلطة......!!!
|
كان العنوان الافتراضى لهذا البوست هو
هو اضربوهم ضربهم شيخ الجيلى.....!!!
ولكن سيرة العزل والابرياء فى نواحى ابوادم والعزوزاب والشجرة والكلاكلة وكل نواحى جنوب الخرطوم بكل جغرافيتها الوديعة تجعل من هكذا مقولة امر مثقوبا اثقاب تحاكى نملية تنام على قدود كبار كبار...
هولا الابرياء الذين جعلت لهم الاقدار احداثيات زماننية ومكانية فى وطن تحكمه جوقة وعصابة من الاشخاص الغريبى الاطوار ...!!!
|
|
  
|
|
|
|
|
|
|
|
Re: عندما يرقد دفاع وطن كامل سلطة......!!! (Re: عبدالكريم الامين احمد)
|
وقبل ان نفرر الباكات الكيزانية التى رقدت رز
نتاسى عل حال واحوال تامين سلامة وارواح العزل الاهمال والورجغة العالية التى توشح مناطق سكنهم
فبيوت الناس الطيبة فى تلك المناطق ترقد على بارود وقنابل كارثية لست بالتاكيد هى من اهتمامات بنى كوز فى دولتهم اللصة
مناطق سكنية
ومصنع ذخيرة
ومستودعات غاز
ومستودعات بترولية
كلها معبكة ومتواجدة فى (زوون واحد)
مافى مقولة تقال هنا الا يا النبى نوووووووووووح
وحسرة على حال واحوال التخطيط العمراني فى بلد اسمه السودان (ان وجد هنالك تخطيط عمرانى)
| |
|
|
|
|
|
|
|
|
|
Re: عندما يرقد دفاع وطن كامل سلطة......!!! (Re: عبدالكريم الامين احمد)
|
قصة الدفاع المكعكع دى ما بدات مع الهبت الاسرائيلى بل هى سليلة فرامل لاندكروزات الذراع الطويلة عندما تم دوسها على مضارب كبرى النيل الابيض فى رحلة اخترقت البرارى السودانية مئات الكيلو مترات
ومن ديك اى زول عندو شوية مخيخ ممكن يعى جييدا بان هنالك خلل عظيم وفوضى امنية وتسيب فى المنظومة الامنية السودانية الدفاعية...
وفى وطن يحترم ارضه ويحترم مواطنه كانت هذه دعوة للعمل والتطوير والدراسة والاحلال والابدال...
ولكن اين للسودان الفضل فى تحت مظلة بشة وصديقه الشهير ببحة
| |
|
|
|
|
|
|
|
|
|
Re: عندما يرقد دفاع وطن كامل سلطة......!!! (Re: عبدالكريم الامين احمد)
|
ولكن المتامل للتطور فى فقه تعامل بنى ورجغة مع هذه الضربات نجدهم ذهبو الى اقرب طرق الوعى الشمولى.. هو الانكار
فالضرب الاسرائيلية الاولى تم ممارسة فقه (الغتغتة) لحدى ما نبلت فى احدى الصحف فى نواحي مصر وفى الجرائد الاسرائلية وساعتها كان النظام عامل ميت
وممارس لعب دس الكورة المفضلة عندها
يدس كورة البترول
يدس كورة الدقانا منووووووووو
ويدس كل كورة ممكن تعمل ليهو متاعب
| |
|
|
|
|
|
|
|
|
|
Re: عندما يرقد دفاع وطن كامل سلطة......!!! (Re: عبدالكريم الامين احمد)
|
هو ياكيكى دفاع الوطن ده راقد سلطه من الليله ؟؟!!
يأخ وزارة الدفاع والداخليه وجهاز الأمن بقوا تجار
زيهم وزى تجار سوق أم درمان .
أى إستثمار كبير وأى بضاعه فى السوق ما بتمرق
من التلاته ديل .
يأخ حتى الفراخ زاحموا الناس فيها !!
والسلطه البتقول عليها دى والله فارشنها للبيع فى
زنك الخضار !
يا خ ده دفاع أخير منو دفاع الهلال .
| |
|
|
|
|
|
|
|
|
|
Re: عندما يرقد دفاع وطن كامل سلطة......!!! (Re: عبدالكريم الامين احمد)
|
سلامات يا كيكي وضيوفك ويبدوا اننا موعودون بسلسلة دفاع سلطة واحيانا برقد فتة عديل
Quote:
لقدام برضو عاوزين نسال
اسرائيل دى الجابها شنووووووووووووووو..؟؟؟
المشى هبشها منووووووووووووو...؟؟؟
وابكر وهارون وسيد احمد وادروب مالهم ومال حماس ولا هنية لحدى ما يدفعو ارواحهم وقوتهم ثمنا لهذه البلاوى التى لاناقة لهم فيها لا جملون |
اجابة السؤال دي اعتقد هي الرشاقة الكتلت اشراقة ... وداير تظهر تلبس احمر .. غير كدة شي واحد يقرنا مع اسرائيل دي مافي .. مع العلم ان حب الظهور لسة متواصل والجماعة "بحفظوا حق الرد في الزمان والمكان المناسبين" وشكلها زي ما قلت في بوست ود الباوقة حمار وراء حمار لحدي تل ابيب .. ولا عزاء للوطن .
| |
|
|
|
|
|
|
|
|
|
Re: عندما يرقد دفاع وطن كامل سلطة......!!! (Re: جميلة ابراهيم السيد)
|
Quote: اجابة السؤال دي اعتقد هي الرشاقة الكتلت اشراقة ... وداير تظهر تلبس احمر .. غير كدة شي واحد يقرنا مع اسرائيل دي مافي .. مع العلم ان حب الظهور لسة متواصل والجماعة "بحفظوا حق الرد في الزمان والمكان المناسبين" وشكلها زي ما قلت في بوست ود الباوقة حمار وراء حمار لحدي تل ابيب .. ولا عزاء للوطن .
|
هلا وغلا جميلة وحبابك سيرة دفاع البلد الرقد (فتة) على قولك
ايوووه انه (الشوبير) ومقارعة الكبار والعبث بمقدرات البلد والزج بكل اشيائها فى معركة ومعمعة لا لينا كشعب فى عيرها ولا نفيرها
وحكومة يومى مهبوتة فى نواحى كادوقلى وخوربرنغا وجيشها فاكى البيرق مالها ومال تحرير فلسطين ومشكلتها العويصة الليها عشرمية سنة وحتى سيادها فتحو ليها وشافو ليهم شغلة تانى...
شعار الطاغية الامريكان ليكم تدربنا طلع شعار (بندق فى بحر)
فهاهو(نركوك) امريكا الصغير يحول الارض والاجواء السودانية الى شوارع ويخيطها ماشى وجاى دون ان يجدوا من يقول لهم بغم
وسنتابع
| |
|
|
|
|
|
|
|
|
|
Re: عندما يرقد دفاع وطن كامل سلطة......!!! (Re: عبدالكريم الامين احمد)
|
عاجل : مسيرة ضخمة وحملة تبرعات
عاجل : ائمة المساجد سيحسمون اسرائل على الميكرفونات
عااااجل : طائرات من نوع سابحات والزبير فائقة الدقة تدك بطاريات باتريوت وتأسر عدد من الضباط الاسرائليين
عااااااااجل: ايران تتعهد ببناء مصنع يرموك جديد .
عاااااااااااااااااااااجل : ربنا يلطف بشعب السودان
| |
|
|
|
|
|
|
|
|
|
Re: عندما يرقد دفاع وطن كامل سلطة......!!! (Re: عبدالرحمن الحلاوي)
|
Quote: عااااااااجل: ايران تتعهد ببناء مصنع يرموك جديد .
|
هلا يا الحلاوى وعيد سعيد
وايران دى بالذات لو ما فكو سكتها الناس ديل ستقضى وعبر كفاويها فى المنطقة من الاجهاز على ما تبقى من السودان الفضل...
مالانا ياخ ومال الملالى ونظرتهم الشرانية للكون
الرد حيكون يا عبدالرحمن عبر تطوير ايضا استراتيجية الدفاع بالحواس الخمسة
المرة دى طالما القصة فيها غازات فمن الموكد سى عبدالرحيم بيه حيطور لينا خاصية الشم
| |
|
|
|
|
|
|
|
|
|
Re: عندما يرقد دفاع وطن كامل سلطة......!!! (Re: عبدالكريم الامين احمد)
|
فشل سيادى وخيبة انقاذية ظهرت عالية وخفاقة فة المشهد السودانيى فى الامر الهجليجى
ودولة الجنوب ذات اليوم الواحد صحى الشعب السوداني ذات صباح ليجد كل قوتها هجيلج جووووووه
واحتلال كامل وشامل لارض تتدعى حكومة السودان بانها سودانية مية مية ثم فجاة الكذبب الصريح على الشعب الفضل فى امر التحرير
| |
|
|
|
|
|
|
|
|
|
Re: عندما يرقد دفاع وطن كامل سلطة......!!! (Re: فرح الطاهر ابو روضة)
|
كيكي يا طابور خامس .....
سلطة شنو وأم فتفت شنو؟
نحن عندنا أهم دفاع لا تقوى عليه طائرات بني صهيون.
(الدفاع بالنظر العبد الرحيمي).
جميع قواتنا متمرسة على هذه التقنية منذ نعومة أظافرهم وهم يلعبون (البلّي) ويصوّبون نحو البلية بـ(حكم النظر).
أما إذا أُرهق نظر أحدهم، فعليه بعيادات (يجلي النظر يا صاحي)
| |
|
|
|
|
|
|
|
|
|
Re: عندما يرقد دفاع وطن كامل سلطة......!!! (Re: فرح الطاهر ابو روضة)
|
Quote: والحيكومة دي قعدت ام فكو
ومن زمان تكته اترخت
|
حبابك فرح
وخلينى فى البداية ارحب بحضورك اليى سودانيز ونتمنى لك اقامة طيبة بين صفحاته
ومعليش فاتنا الترحيب بك فى بوست قدومك فلقد جيتنا يا فرح والبلد مدقوقة دق العيش والنفس قايم صوف فلك العتبة
--------------
البلد يا فرح سروال ماعندها وبعد ده عاوزة تشيل قرقاب الشعب البسيط الفضل لينا ده وماشة تسمسر بيهو فى نواحى حماس ومن لف لفها فى اسواق السلاح والموت والدمار
وهى فجيعة وكارثة واحدة من اقوى الاسباب التى تجعل هذه الحكومة خطر كبير ومهدد لهذا الشعب الطيب الذى لا يستحق مثل هذه البلطجة
وتحياتى وتقديرى
| |
|
|
|
|
|
|
| |
عبدالكريم الامين احمد
كمال سالم
الصادق اسماعيل
جميلة ابراهيم السيد
عبدالرحمن الحلاوي
محمد حيدر المشرف
فرح الطاهر ابو روضة
محمد أبوالعزائم أبوالريش
khaleel
بدر الدين الأمير
فيس بوك
تويتر
انستقرام
يوتيوب
بنتيريست