|
Re: الضربنا يضربو الضريب شقاق العناقريب (Re: الامين موسى البشاري)
|
ومن يضـــرب مرة ثم يصمت سيتلقى المزيـــد من الضربات لأن سكوته سوف يغري المعتدي لكي يعاود الكرة ... وهذا ما يحدث بالضبط الآن اســـرائيل تستبيح حرمة أجواء الســـودان وتصول وتجول فيها كما يحلو لها ومتى شـــاءت طالما اثبتت نظـــرية الدفاع بالنظر فشلها
| |
|
|
|
|
|
|
Re: الضربنا يضربو الضريب شقاق العناقريب (Re: الامين موسى البشاري)
|
وبعـــدين مش قلتوا عايزين تدخلوا الجنة وتموتوا شــهداء أهو الله فتح ليكم باب الجـــنة عبر طريق تل أبيب ود الباوقة يلا على الجهاد يا فـــرده حتخش الجنة بالمزيكا هنا مش تمشـــي تقعد ليك في خندق وتتصور بالكاكي وتجي يقول الله تعالى :" إن الله اشترى من المؤمنين انفسهم ..........." الآية غايتو الا تكونوا عايزين تقابلوا النــبي وأنتم أحياء ... والله صحي أو تكون قد شغلتكم أموالكم وأهلوكم عن الجهاد في سبيل الله .. ..
| |
|
|
|
|
|
|
Re: الضربنا يضربو الضريب شقاق العناقريب (Re: الامين موسى البشاري)
|
Quote: وبعـــدين مش قلتوا عايزين تدخلوا الجنة وتموتوا شــهداء أهو الله فتح ليكم باب الجـــنة عبر طريق تل أبيب |
ديل فالحين بس في ابناء الوطن،،، الجنوب لما استغل و بقى دولة ... الجماعة عردوا من هجليج و ما رجعوا الا بعد ما قال سلفاكير انه حيطلع منها اليوم الفلاني. .... يومها البطولات ما تديك الدرب.
يا اخي ديل بخافوا من الاجانب .... جنة شنو البيدخلوها من هناك. ديل فاهمين انهم بيدخلوا الجنة بقتل اخوانهم.
عيد مبارك
| |
|
|
|
|
|
|
Re: الضربنا يضربو الضريب شقاق العناقريب (Re: Zoal Wahid)
|
ذكرتنى كنا فى دورى الجامعة فى جامعة الخرطوم وكان فريقنا اقتصاد قوى جدا
كان عندنا فريق تشجيع نسائى قوى جدا وكان لمن واحد يضرب لاعب من اقتصاد يقوم يقولو ليه
ضربتو ليه يضربك الضريب ضاره ليه يضربك الضريب
وطبعا بلحن جميل كان يثير الكثير من المرح والضحك حتى ان المدافعين كانو يتعمدون ضرب لعيبة الاقتصاد ليسمعوا هذا الهتاف
ناسك ديل قالو ما حيداعوهم لكن حايردوا عليهم فى المكان والزمان المناسبين !!!!!!
| |
|
|
|
|
|
|
Re: الضربنا يضربو الضريب شقاق العناقريب (Re: عبد الحكم ابراهيم الحاج)
|
Quote: بالنسبة للعنوان نقول آمين يارب العالمين -لكن بالله مش بالغو ا الناس ديل عينن فى الفيل ويطعنو فى ضلو اقرب نحنا ولا ايران؟ فى شى ما راكب فى الراس على قولك والله صحى |
وعند اسرائيل الخبر اليقين لو جاوبت على تساؤلي الاول في صدر البوست كان ما احترته وهو:
ما الذي يجعل اسرائيل يضرب مصنعاً في السودان مع العلم أن السودان دولة ليست جارة ولا عدوة مباشرة لها؟
| |
|
|
|
|
|
|
Re: الضربنا يضربو الضريب شقاق العناقريب (Re: وضاحة)
|
Quote: أيمنوف كل سنة وانت طيب |
وضاحة يا فجر المشارق
وانت طيبة يا الملكة والســــنة الجاية كل امانيكـ متحققه ان شاء الله
Quote: الضربنا يضربوا دابي حلفة يديه لفة لفة يخلى دموا يتصفى
الضربنا يضربوا دابي الجزيرة لا حنة لا ضريرة لا سيرة لا عديلة |
عارفة رغم (الاستلاب) الانت فيهو دا الا انو عاجبني فيك انك بتعرفي حاجات كتيرة وبتحفظي كويس غايتو لو جيتي اشتغلتي في السودان سنتين بس تاني ما بنفرزكـ من كرجاكة بت حلتنا ....... والله صحي () التحية ليك ولي حبوبتك ياخ
| |
|
|
|
|
|
|
|