لو طيارات اسرائيلية اخترقت الحدود و طارت كل المسافة لغاية جبرة و الشجرة و ضربت ضربتها و اتخارجت و ناس الحكومة بامنهم و قيادتهم - وزير دفاعهم ما حنجيب سيرتو لأنو ما منه نكهة - و دفاعهم الشعبي يغطون في النوم العميق يبقى فعلا عليه العوض و منو العوض . يعني لما قالوا انو الدولة دي دولة فاشلة قلنا يا ربي تكضب الشينة و بعض مثقفينا قالوا انو ده كلام يسهل ضحده و انو ما قايم على أسس علمية و انو هدفه سياسي و هو عبارة عن سلاح يوجه ضد الدول المستعصية على الاخضاع للنظام العالمي الجديد و واك و ويك و كلام كتير شيتا مفهوم و شيتا ما مفهوم ، اها تقوم تجيك متل المصيبة دي و تنسف اي أمل لديك في انو الحال افضل من الوارد في تقارير مجلة فورين بوليسي و تقرير الأمم المتحدة للتنمية الاجتماعية. و اذا فعلا في طيارات جات من الخارج و ضربت مواقع داخل الخرطوم و اتخارجت يبقى المعارضة السودانية التقليدية ناس حزب الأمة و ناس مولانا و الشيوعيين و البعثيين و من لف لفهم هم و الحكومة في سرج واااحد و اذا الدولة فاشلة فهم افشل منها ، و اذا هي ضعيفة هم اضعف منها. غايتو اظن انو حق اسيا خيري ما راح هدر يا حكومة السجم قاتلة مواطنيها العزل مكتوفة الأيدي امام المعتدين الاقوياء
10-24-2012, 00:42 AM
Dr.Elsadig Abdalla
Dr.Elsadig Abdalla
تاريخ التسجيل: 12-10-2005
مجموع المشاركات: 2198
شهود عيان من الأسرة وغيرها - ماذا حدث في مجمع اليرموك ؟ يبدو انو الموضوع صاروخ و زي ما حصل في مصنع الشفا الناس ما قدروا يميزوا الصاروخ من الطيارة و هو أمر مفهوم في حالتنا نحن الناس العاديين و لكن لما يجيك بكرة من يدعون أنهم خبراء و يبتدوا في التنظيرات الفارغة و ما يعرفوا الضربهم شنو هنا بتكون الكارثة و هنا نعرف انو نحن فعلا اي كلام.
10-24-2012, 00:59 AM
عادل خياري
عادل خياري
تاريخ التسجيل: 03-13-2008
مجموع المشاركات: 1229
دكتور سيف أولا سلام عليك حكاية طيارات تضرب دي ما اول مرة واتمني ان تكون آخر مرو لان المتضرر المواطن الغليان ثانيا الخبر ده متين شيتا جديد وهل الأهداف مدنية ولا حكومية يعني الطيارات دي جات من بره ضربت بيوت ناس ساي كده ولا ابنية مشكوك فيها آشيا ممنوعة ماشفنا الأخبار لسه يا وبك صاحي
10-24-2012, 02:35 AM
عادل خياري
عادل خياري
تاريخ التسجيل: 03-13-2008
مجموع المشاركات: 1229
دكتور سيف أولا سلام عليك حكاية طيارات تضرب دي ما اول مرة واتمني ان تكون آخر مرو لان المتضرر المواطن الغليان ثانيا الخبر ده متين شيتا جديد وهل الأهداف مدنية ولا حكومية يعني الطيارات دي جات من بره ضربت بيوت ناس ساي كده ولا ابنية مشكوك فيها آشيا ممنوعة ماشفنا الأخبار لسه يا وبك صاحي
10-24-2012, 00:50 AM
محمد عبدالله مختار
محمد عبدالله مختار
تاريخ التسجيل: 08-20-2009
مجموع المشاركات: 2896
سلام دكتور سيف وان شاء الله انتو طيبين الاسرائيليين عندهم طيارة بدون طيار ضخمة اسمها Eitan ليها فترة لافة فوق الخرطوم دي بتصور والكلام ده قريتو في كم موقع الكتروني ومتذكر مرة لقيت نقاش في منتدى عبري اضطريت استخدم مترجم قوقل واداني النجيضة دي صورة الايتان
10-24-2012, 00:52 AM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
شكرا يا باشمهندس محمد عبدالله الوصف في بوستك وصف لا يدع مجالا للشك أن الموضوع موضوع قصف كان بصاروخ او بمصيبة تانية يعلمونها و لا نعلمها، و سبحان الله جبت رابط البوست لقيت مداخلتك.
10-24-2012, 02:44 AM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
عمر الجزلي مخاطبا والي الخرطوم : انت الآن بالقرب من موقع الحدث مش كده؟ والي الخرطوم : نعم..انا قريب جدا من موقع الحدث..و النيران الحمد لله بدأت آآآآ في..في ال..في الخمود. عمر الجزلي بحماس: يعني تمت السيطرة على..على النيران. الوالي : اعتقد أنه تمت السيطرة جزئيا و لكن لم تتم بالكامل..و انا الآن قريب جدا من الموقع و ارى ألسنة النيران يعني.
______________________________________________________________________ دي المناظر الكوميديا الحقيقية بكرة لما يجي عبد الرحيم.
10-24-2012, 02:53 PM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
Quote: أولا سلام عليك حكاية طيارات تضرب دي ما اول مرة واتمني ان تكون آخر مرو لان المتضرر المواطن الغليان
سلامات يا عادل المواطن الغلبان مكتوي بنارين، كان قعد في الخرطوم و بورتسودان و غيرها من مدن المركز تضربوا طيارات اسرائيلية و كان قعد في جبال النوبة و كردفان و النيل الازرق و غيرها من مناطق الهامش تضربوا طيارات الحكومة. يقبل وين عاد الغلبان ده؟
10-24-2012, 03:01 PM
مهدي صلاح
مهدي صلاح
تاريخ التسجيل: 08-21-2012
مجموع المشاركات: 5092
البلد قاعدة في الصقيعة والحديث عن مصدر الضربة وانها جات من اسرائيل محض كلام يلقى على عواهنه دون اي ادلة ... الدليل الوحيد الملموس المتوفر للمسؤولين المشاهدات بالعين المجردة
10-24-2012, 04:46 PM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
عواهنه كيف يا مهدي صلاح.مصنع ذخيرة و اعادة تصدير اسلحة صينية و خبراء ايرانيين و طائرات تجسس اسرائيلية بدون طيار تحلق حوله منذ مدة و سوابق لضربات اسرائيلية داخل الاراضي السودانية و برضو تقول تكهنات و عواهنه؟ غايتو ارشحك ناطق رسمي فانت تتمتع بالمواهب اللازمة.
10-24-2012, 05:01 PM
Elawad
Elawad
تاريخ التسجيل: 01-20-2003
مجموع المشاركات: 7226
سلام يا دكتور سيف من ناحية أي كلام دي بقى مفروغ منها... بلد بعد الأزهري والمحجوب يكون رئيسها البشير ووزير خارجيتها كرتي! ياخي كان ما أي كلام عبد الرحيم محمد حسين دا يكون وزير وكمان أكتر من مرة وأكتر من وزارة؟ دا انهيار كامل وزي ما قال دكين لو السودان دا خلوه للعشاير والقبايل والناس قعدت ساكت من غير حكومة حاله كان حيكون أحسن من كدا أو على الأقل ما كان حيكون أسوأ مما هو عليه الآن. حاجة مؤسفة والله.
10-24-2012, 05:56 PM
Amani Al Ajab
Amani Al Ajab
تاريخ التسجيل: 12-18-2009
مجموع المشاركات: 14883
Quote: عمر الجزلي مخاطبا والي الخرطوم : انت الآن بالقرب من موقع الحدث مش كده؟ والي الخرطوم : نعم..انا قريب جدا من موقع الحدث..و النيران الحمد لله بدأت آآآآ في..في ال..في الخمود. عمر الجزلي بحماس: يعني تمت السيطرة على..على النيران. الوالي : اعتقد أنه تمت السيطرة جزئيا و لكن لم تتم بالكامل..و انا الآن قريب جدا من الموقع و ارى ألسنة النيران يعني.
10-24-2012, 06:00 PM
مهدي صلاح
مهدي صلاح
تاريخ التسجيل: 08-21-2012
مجموع المشاركات: 5092
بالقول ان الحديث عن مسؤولية اسرائيل عن الضربة هو حديث ملقى على عواهنه انا قصدتا التركيز على ان اتهام وزير الاعلام لاسرائيل مبني على قرائن واستنتاجات وقصدتا التركيز على عجز الحكومة عن رصد الطائرات وهي تخترق المجال الجوي السوداني وتصل لقلب العاصمة خاصة وهم فاكينها فينا عن مدى التقدم الذي احرزوه في المجال العسكري
10-24-2012, 08:39 PM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
انا فعلا أسف يا اخ مهدي على الفهم المتعجل و لكن ايضا يظل أن حكومة السودان تعرف على وجه التحديد ما الذي يدور في ذلك المصنع و تعرف الجهة المتضررة من انشطته و تعرف من الذي يمكن أن يستهدفه و اعتقد أن جزء كبير من تلك المعلومات هو اصلا متوفر لدى اجهزة استخباراتية كثيرة و من ضمنها بالطبع الأجهزة التابعة للىظام القائم في الخرطوم. إذن و الحال كذلك اتهام وزير الإعلام لاسرائيل لم يأت من فراغ. اما إن كنت تتحدث عن قدرة الحكومة على توفير أدلة ملموسة تدين دولة اسرائيل و تثبت بما لا يدع مجالا للشك تورطها في الضربة فنعم ربما يكون كلامك صحيحا على الأقل في الوقت الراهن و قبل اكتمال التحقيقات و توفر الأدلة أو اعتراف اسرائيل نفسها بتوجيهها الضربة لنظام الخرطوم الخائب.
10-24-2012, 08:44 PM
الزبير صالح الزبير
الزبير صالح الزبير
تاريخ التسجيل: 08-16-2007
مجموع المشاركات: 2580
يا سيف النصر انت عندك شكك انو إحنا فعلا اي كلام يا اخوي ما محتاجين طيارات تورينا ، تشاد القريبه دي ممكن تديك دليل وغزوة ذات الموز كمان بتديك الف دليل ودليل طيارات شنو ناس جايين بالعربات وفيها المدافع لغاية ام درمان بعد ما قطعو الغرب دة كله من دارفور واشتروا الأكل من سوق ليبيا وقالو بسم الله وركبو الكبري وهاك يا ضرب جاي بعد دة كله تتساءل إحنا اي كلام ولا لا يا اخي إحنا قاعدين ام فكو ووزير دفاعنا الهمام ينورنا ويقول انو حا يشتغل الدفاع بالنظر الله يلعن الإنقاذ والترابي الحمار الوقعنا في البلوة دي
10-25-2012, 02:32 AM
Ali Sirelkhatim
Ali Sirelkhatim
تاريخ التسجيل: 06-17-2008
مجموع المشاركات: 4000
Quote: كذلك اتهام وزير الإعلام لاسرائيل لم يأت من فراغ.
دكتور سيف ياحبيب
الموضوع بدا بى بتاع لحام وكانوا دايرين يزيدو ليهو واحد بتاع طعمية لكن لقوا صاجو ومنقدو بعاد شوية من المصنع وانتهى بصواريخ اسرائيلية والخطوة الجاية استغلال الموقف وتعبئة عامة للجماهير واخراجهم فى مظاهرات تندد باسرائيل وتزيد من عمر الانقاذ والتفاف الشعب حولها ... شفت شعبنا ده مسكين وعلى نياتو كيف؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة