|
|
 الشطة التايلاندية
|
الشطة التايلاندية
نحن السودانيون شعب يحب الشطة أو غالبيتنا كذلك
والشطوط أنواع وطرق تحضيرها متباينة
وحتى أننا نأخذ طرق التحضير المختلفة من الشعوب الأخرى
مثل الشطة الحبشية (او ما تسمى بالدليخ أو الجليخ)
ولو إكتشف السودانيون الشطة التايلاندية سوف يؤثر مثل هكذا إكتشاف
على الخزينة العمومية وسعر العملة
وذلك من جراء عمليات إستيراد الشطة التايلاندية
غايتو من عيد الضحية دا لو في طريقة يرسلوا عينات من الشطة التايلاندية للسودان
كانت الضحية حتكون بطعم الشطة التايلاندية
الشطة التايلاندية دي يا أخوانا أكتر زول شطاط حيكتفي بحبتين منها
وهي شطة طازجة بس لونها أحمر ما أخضر
لكن شطة مبالغة تشبه التايلانديات وحارة زي التايلانديات
نتمنى لكم شطة تايلاندية لعيد الضحية
والجميل في الأمر إنها موجودة في السعودية ويا بخت السودانيين في جدة والرياض
بتلقوها في كارفور
كل عيد وإنتوا مشططين
|
|
 
|
|
|
|
|
|
|
 Re: الشطة التايلاندية (Re: Asim Fageary)
|
فوائد الشطة
الشطة الحارة من المواد الغذائية والتوابل الهامة والمفيدة ، فتناول قليل منها مفيد للجسم ، لكن الإكثار منها يتسبب ببعض المشاكل الصحية مثل التهابات الجهاز الهضمي.
ومن فوائد الشطة تنشيط الدورة الدموية وإكساب الشرايين والأوردة والأوعية الدموية المرونة
كما أن تناول القليل منها يعالج قرحة المعدة ، ويعطي طعما لذيذا للأكلات، ويساعد على إفراز الإنزيمات الهاضمة.
وحول فوائد السطة للجسم قال خبير التغذية باتريك هولفورد أن الشطة مقاومة لالتهابات الجهاز الهضمي،
وأنه توجد أنواع من التوابل لا تهيج القناة الهضمية، بل قد تكون مفيدة للصحة وهي تشمل الفلفل الأحمر (الكايين أو الكابسيكم) الذي يحتوي على
الكابسيسين، وهو عامل مضاد للالتهاب معروف علميا.
وقد بينت دراسات كثيرة أن الكابسيسين يقلل الالتهاب بكفاءة، ففي إحدى الدراسات تبين أن 42 مريضا بالالتهاب المفصلي
حدث لهم انخفاض ملحوظ في الألم والإعاقة بعد تناولهم مركبات التوابل الحارة لمدة ثلاثة أشهر، بينما، في دراسة أخرى،
انخفض التهاب أقدام الفئران المصابة بالتهاب مفصلي بدرجة كبيرة بعد إعطائها كلا من الكابسيسين والكركمين،
وقد يكون وضع الكابسيسين موضعيا فعالا أيضا في تخفيف آلام الالتهاب المفصلي العظمي.
من فوائد الشطة تخليص الجسم من الكوليسترول الزائد، والعمل على سيولة الدم، والحماية من الجلطات،
وتحسين المزاج، ومقاومة الإجهاد، وتقليل الوزن، والتخفيف من الزكام، وقتل البكتيريا الضارة.
وبالإضافة إلى أن الشطة تفتح الشهية للطعام وتنشيط الدورة الدموية في المعدة والأمعاء، والمساعدة على هضم الطعام،
وتسهيل عملية الإخراج، وتطهير الأمعاء من بعض الميكروبات والطفيليات، كما أنها تعد علاجا فعالا للمثانة والمسالك البولية.
| |
|
|
|
|
|
|
|
|
|
Re: الشطة التايلاندية (Re: البشير دفع الله)
|
سلام يا عاصم
| Quote: وتسهيل عملية الإخراج |
إخراج الزكاة ؟
أصلها شطة ولا برتقال؟
ياخ العالم القال الكلام دا ماسورة ساي
كدي قول ليهو أكل شطة حمراء وأمشي أعمل خروج وعودة أو خليهو يجي يحضر معانا عيد الضحية السنة دي
| |
|
|
|
|
|
|
|
|
|
Re: الشطة التايلاندية (Re: الامين موسى البشاري)
|
يا الأمين بشاري
سلام
تعرف شطوطك خطيرة
لكن الفرق بينها وبين التايلاندية إنه التايلاندية طازجة
والتايلاندية دي ليها علاقة بحرورية التايلانديات ذاتن
إنت جرب وشوف وما بتندم
وعلى فكرة تسميتها بالتايلاندية محتكر فقط من باب الشهرة
ولكنها موجودة في ماليزيا وكمبوديا وكوريا
بنفس المواصفات
وأهم حاجة إنها طازجة وفي نوع منها بيجي مجفف وبتطحنه بس ما تطحنه ناعم زي السودانية
خليهو مخشن شوية كدا وأديهو الليمون وشوف
والطازجة دي أكلها قضمة صغيرة ما بين الفينة والفينة أثناء الأكل
\
ولازم أكلك يكون دسم وبروتينه تقيل يان لحوم يان الفول المكرب بالإضافات المعروفة
وتعال قول لي بعدين رايك
دي ياخي في ناس أكلوها جابوا البشكير جنبهم عشان ينشفوا العرق
وبالذات ناس الصلعة أصحاب الصلع
| |
|
|
|
|
|
|
|
|
|
Re: الشطة التايلاندية (Re: Asim Fageary)
|
http://t1.gstatic.com/images?q=tbn:ANd9GcQlQ4...u4zy5yvAZmCODhEL0CPN
يا خي مالك ومال التايلادنية خليك مع التونسية .
وكل سنة وأنت مع الشطة بالدكوة وبالعافية .
الهريسه التونسيه
المقادير:
- قرون فلفل احمر ممكن كيلو اواكثر
- 3روؤس ثوم
- زيت زيتون
- ملعقة كبيره من كل من كراوية
- كسبرة ناشفة او كزبره
- ملح حسب الرغبة
- ملعقة صلصة طماطم .
الطريقة:
تاخذ الفلافل الحمراء الحارة, تنظف قرونها وتزال بدورها ويقشر الثوم ويطحن الكل (اي الفلافل و الثوم) فى المفرمة اليدوية او الخلاط يوضع الخليط فى قدر اى طنجرة وتضاف البهارات والملح ومعها صلصة الطماطم فوق نار متوسطة ويضاف نصف كوب زيت زيتون ونتركها تغلى مدة عشرة دقائق ثم نتركها تبرد ونضعها فى قوارير او قنينات في الثلاجة وعند الحاجة تؤخذ منها فى صحن التقديم ونضع عليها زيت الزيتون .و تقدم مع الطعام مثل الشطة بالصحة و العافية
| |
|
|
|
|
|
|
|
|
|
Re: الشطة التايلاندية (Re: ولياب)
|
(لاحظ حجمها)
المصيبة الفوق دي يا عاصم اسمها HABANERO
بتجي غالبا من المكسيك
ناس الأمن لو عرفوها حيضيفوها لوسائل التعذيب في بيوت الأشباح
لو قدرت تكمل قرن واحد منها في أسبوع تبقى جدع
| |
|
|
|
|
|
|
|
|
|
Re: الشطة التايلاندية (Re: Asim Fageary)
|
عاصم فقيري
تحياتي
عندي صديق محب للشطة جدا وحتي انا سميته ( الحبيب الشطي ) وده اسم مسئول تونسي اسبق
انا مثله احب الشطوط ولكن بدرجة اقل ولكن تمت اضافة التايلندية لقائمة التسوق من كارفور المرة الجاية
يا أخي كرقي اج نلوي
| |
|
|
|
|
|
|
|
|
|
Re: الشطة التايلاندية (Re: Asim Fageary)
|
سلامات يا عاصم والجماعة
فى السوق فى بلحححححححححححححححححححح ح ح ح ح
بكم اللأدحححححححححححححححح ح ح ح ح ح ح ح ؟؟
دا عشان ما تبردها بالزبادى
زى ما كنا نعمل لمن كنا نضرب الزغنى زماااااااااااااااااان
| |
|
|
|
|
|
|
|
|
 Re: الشطة التايلاندية (Re: Asim Fageary)
|
.
عصام فقيري
والدنيا قبايل عيد نهنئك بعيد الاضحية
وعن الشطة
فوائد الشطة:.
- تنظيم ضغط الدم و تقوي نبضات القلب.
- تخفض الكوليسترول في الدم.
- تنشط الدورة الدموية وتعمل كمضاد للكآبة.
- توقف النزف وتسرع من شفاء الجروح وترميم الأنسجة التالفة.
- تساعد علي الهضم وتخفف من الارتبكات المعوية فهي
تساعد المعدة علي انتاج مزيد من الافرازات المخاطية التي
ترطب جدار المعدة.
- تخفف من آلام المفاصل والروماتيزم.
- تستخدم كفاتح للشهية وتكثر من افرازات اللعاب
الذي يساعد المعدة علي الهضم.
- تساعد الشرايين والاوعية علي استعادة مرونتها.
- تقلل من نسبة حدوث الجلطات ولذلك وجد
أن سكان الهند وباكستان وأفريقيا وكوريا والمعروفون
بتناول كميات هائلة من الشطة لا يعانون من أمراض
تجلط الدم كما هو الحال لدي سكان القوقاز الذين
لا يتناولون الشطة
- تخفف من اثار الاجهاد الذي يتعرض له
جسم الانسان.
- يحتوي الفلفل الاحمر علي كميات هائلة من فيتامين أ
الذي يساعد في شفاء قرحة المعدة كما تحتوي الفلفلة الحمراء
علي كميات كبيرة من الاملاح المعدنية و فيتامين سي وبالتالي
فهي علاج ناجح ضد مرض السكر والتهاب المفاصل والبنكرياس.
- تساعد في علاج الصداع.
- تطهر المعدة من الطفيليات والميكروبات.
أضرار الشطة:.
*الاكثار من تناول الشطة يسبب التهابات الجهاز الهضمي
ويحدث الكثير من الالتهابات اثناء الإخراج.
*الإكثار من الشطة يؤدي الي قتل بعض الخلايا الدهنية في
جسم الانسان.
*الإكثار من الشطة يؤدي الي آلام مزمنة بالمعدة والجهاز الهضمي.
وبالتالي فأن الشطة كما يقولون قليلها مفيد وكثرها مؤذي
-------------------------------------------
*عن الشطة الحبشية باربره/ شطة هي نفس الشطة البنعرفه في وضعها العادي
بعد يتم تحضيره بتبقي ( الدّليخ ) الزليخ التانية دي ياعصام إلا بلغة حبش تانيين
وكل عام وأنت بخير
| |
|
|
|
|
|
|
|
|
|
Re: الشطة التايلاندية (Re: Asim Fageary)
|
عاصم شطا
العيد مبارك عليك وايامك كلها اعياد
كلام قريبي فيصل هو المهم امسك فيهو كويس
لانو شطتك دي مافي زول بقدر عليها امس اتذكرتك في كارفور
اول ماجيت في قسم البهارات لفيت بعيد
قلت يازول انت صاحب بواسير
اختى نصايح عاصم عيني لو وقعت على شطة تايلند نفسي ضعيفة والدناوة بتغطس حجر الزول فينا
خلينا كده كويسين ونسنا بيها
عيدك شطا
| |
|
|
|
|
|
|
|
|
Re: الشطة التايلاندية (Re: محمد سنى دفع الله)
|
أخونا الفنان الأستاذ محمد السني
طبعاً يا محمد السني أنا بعرفك شخصياً من مدني لكن إنت ما بتعرفني
كنا لمن نشوفك بنقول داك الممثل محمد السني
لكن يا أستاذ ما ممكن تكون إنت بتخاف من الشطة
ياخي إنت متربي في مزارع الشطة ذاتها
هو شطتنا الفي مدني ديك في السودان في زيها
ياخي التايلاندية جرب منها قرن واحد بس
ما تكتر منها وكمان الأكل ذاته يكون قضمة قضمة
يعني القرن كمله في خمسة قرمات
ما بتسوي ليك حاجة وخلي جنبك جك موية
أو حليب للضمان
كل سنة وإنت والأسرة طيبين وسالمين
| |
|
|
|
|
|
|
| |
Asim Fageary
فيصل محمد خليل
بشير حسـن بشـير
البشير دفع الله
حمد عبد الغفار عمر
الامين موسى البشاري
ولياب
Ashraf el-Halabi
عباس محمود
محمد سنى دفع الله
فيس بوك
تويتر
انستقرام
يوتيوب
بنتيريست