|
|
|
 Re: قدّم الكيشة ... (Re: Safia Mohamed)
|
يتخيّل لي صحيحة يا عصام مافيها حاجة
دعواتك يا دكتورة ما بستحمل يا بكري شيل تاني :)
افتكر كون الفريقين ضامنين الصعود خلاهم يلعبوا بدون تنشن وقدموا شوط اول جميل
| |
  
|
|
|
|
|
|
|
|
Re: قدّم الكيشة ... (Re: ABUHUSSEIN)
|
كيشة بتاع فنيلتك ههههههه
و الله الليله اللا تقول الرووووب
و عندك واحد هدف تالت و العجب جووووة الملعب
الله يغطي علي كراسينا ديل ههههههه
| |
|
|
|
|
|
|
|
|
|
Re: قدّم الكيشة ... (Re: وضاح عبدالرحمن جابر)
|
هذا ونيابة عن سيد البوست الراح :) أقووووووول :
- الليلة حسيت المريخ ليس نداً للهلال رغم الفوز الما " عندو طعم أصلاً * "
مدرسة التمريرات والفنيات وضّحت مدي إتساع مسافة النشاز الموجود في هرجلة المراريخ
- الحضري يلبعب بالخبرة فقط ومهند الطاهر ( سيد الشوت ) في العجوز ده ، بالطريقتيتن البطيئة والصاروخية
غايتو عندو حركات جيش لامن تنتهي بيطلع من المريخ ( مفلوق )
- الغيابات ليس لها أثر ، فقط غياب مساوي ، الباقين يشبهوا بعض
- سادومبا أدوهو دولاراتو وجيبوهو لكورة زي دي " ان شاء الله رسالتو وصلت للإدارة " !!
- كاريكا ده ختوهو في فندق ومعاهو صديقو ، واردموهو تمارين لياقة وأكل صاح باقي الأسابيع دي " أهم شي ما يعيِّد عند أهلو " :)
تنظير :
سيلتقي " الهلاريخ " في النهائي ، سينتصر الهلال " رايح جايِّ " بعون الله .
-
-
أبو حسين ومحمد عمر الفكي سيكونون أشد نحساً على المريخ بثرثرتم الكتيرة عن المريخ " ود القاضي وحمزاوي تمامة عدد ساي :) "
.....................................
* فوز لا يعني شيئاً وربما يكون وبالاً
| |
|
|
|
|
|
|
|
|
|
Re: قدّم الكيشة ... (Re: ABUHUSSEIN)
|
يا وصيفاب نقول ليكم مبروك الفوز
وقبل كدا نبارك الأداء و الروح الرياضية للتيمين
زمن من كورة هلال مريخ يكون فيها إنذار واحد و إحتجاجات محدودة على التحكيم - من اللاعبين المدرب دا ما محسوب :)
و زمن من كورة ينصرف فيها الجميع لكرة القدم فقط لا لعب على الأجسام أو تأخير للزمن أو استفزاز
ودا برجع طبعا لخلو المبارة من الشد لعدم أهميتها من ناحية الصعود لدور الأربعة لكن نتمنى انها تكون فاتحة خير للكور الجاية و نشوف مباريات بنفس المستوى من ناحية السرعة و الكرة المفتوحة و الروح الرياضية
دا ما يمنع انو الحكم عربي
و بكري مفروض يشيل - بس فالح لي في تنفيس لساتك البوستات ديك :)
| |
|
|
|
|
|
|
|
|
|
Re: قدّم الكيشة ... (Re: محمد البشرى الخضر)
|
هههههههههههههههههههههههههههههه
ثبت لي بالدليل القاطع ان المدعو جرجير اشام من طويس
بالله خليك كدا طوالي لما سيد اللبن دا يكون لاعب
قال الكيشة قال
لا والتاني داك الجاي يفش غبينتو في محمد عمر وابو الحسين ؟ التقول نحناضُفر وساكواها!!!! يا زول نحن هبشناك؟ عينك في ساكواها تطعن فينا؟
بالمناسبة
الحكم دا احسن حكم يدير مباراة مريخ هلال منذ زمن بعيد
شاحد ربي دجيوليبا يرشكم ذهاب واياب
الكيشة 
| |
|
|
|
|
|
|
|
|
|
Re: قدّم الكيشة ... (Re: محمد عمر الفكي)
|
ههههههههه
المريخاب زعلانين عشان غلبونا بالطريقة دي
الهلال لعب وسيطر طوال عمر المباراة
المريخ ماشاف الكورة ولا عندو لاعبين يشوفوها زاتو
باصات وتابلوهات وتحركات بكورة وبدون كورة
حاجة تمام اسياد البلد
| |
|
|
|
|
|
|
|
|
|
Re: قدّم الكيشة ... (Re: الصادق صديق سلمان)
|
ود البشرى
زمان كان في واحد اسمو تاج السر حسن (تجتوج)
بوستاتك زي بوستاتك الأخيرة دي في الاخير احترم نفسو وبكثرة المغصه فك اخروا ورفدوه من المنبر
جاء بعدو ود السنوسي وهسع شايفــو عمل نائــم
ومن بعدو شايفك ماسك نفس الدرب والله استر
بس اهم حاجة الضغط والسكري ما يكونوا ارتفعو
وكتر لينا عليك الله من البوستات دي عشان نشوف بوستك وننوم قفــا
مع تحياتي
أبومصطفى
| |
|
|
|
|
|
|
|
|
 Re: قدّم الكيشة ... (Re: طارق جبريل)
|
Quote: زووووووووووووووووووووووووووووووووووووووووووووووووووووووووووووط
|
ومثلها من مصب النيل
كاااااااااااااااااااااااااااااااااااااااااااااااك
| |
|
|
|
|
|
|
|
|
 Re: قدّم الكيشة ... (Re: طارق جبريل)
|
تاااني ..؟
تاني يا شلاقــة ..؟
يا جماعة دي مصيبة شنو الوقعنا فيها دي .. قلنا ليك بين الشوطين ما تجي هنا .. مالك عايز تبقى لينا زي عمنا ..
عندنا عمنا زمان كان اي كورة للهلال بي (عمـة) .. او لو شئنا الدقة اي هدف للهلال بي (عمـة) مرات لما رصيدو يكمل ومداخلاتو تبقى زي مداخلات بكري دي بقوم بخش ليك في الجلابية طوالي .. 
كان بدخل الكورة معاهو عمي التاني وخالي ..
الناس بتكون بتكورك .. بولع ليك في العمة .. لما يفكرو ليهو يلقو ليك العمة (عطاربته) في السما
بعد شوية الهلال يجيب قوون يدقسو منو .. يطلع ليك الجلابية زيييييييطك يولع فيها في المدرجات ..
اها كان جا قوون والجماعة دقسو منو .. بجي البيت (ميطي)
قامو الجماعة اتامرو ليك عليهو .. وحرموهو مباريات الاستاد .. وحرمو نفسم برضو .. فبقى يحضر لينا الكورة في البيت
اها
حضرانو الكورة في البيت اخير منها المريخ يغلبك اتنين صفر
كواريك .. جري علي التلفزيون .. حرقان اعصاب .. كسير حاجات ..
اها تخيل عملو معاهو شنو ؟؟
بقو يربطوهو لينا في رجل (العنقريب )
يغفلوهو قبال بداية الكورة ويهجروهو ليك في الواااطـة .. يربطوهو في رجل العنقريب وعلى شرط العنقريب يكون قاعدين فوقو على الاقل اربعة انفار من الحجم العائلي .. وبعداك بيعافر ومرات كتيرة بقوم بيهم ..
المهم ..
دا اخر بوست تفتحو بالطريقة الوهمية دي ..
المرة الجاية وحيات ابتسامتك تتربط زي الترتيب
كرهتنا ياخ وشرطته عينا .. كل كورة امسكو ود البشرى .. امسكو ود البشرى .. شربتنا عديل كدا ياخ .. انت ما بتحس ولا بتشعر ..؟ ناس طارق جبريل ديل اكلوم لحمنا عديل ياخ الواحد من الصباح كلما يجيب سيرة البورد .. يقعد يرفس وقلبو يدق
| |
|
|
|
|
|
|
|
|
|
Re: قدّم الكيشة ... (Re: tmbis)
|
Quote: تاااني ..؟
تاني يا شلاقــة ..؟ |
والله زي ما قال القرموطي " اسم ادم دا اسم عالمي"
مبروك العالمية يا جرجير
| |
|
|
|
|
|
|
|
|
|
Re: قدّم الكيشة ... (Re: محمد عمر الفكي)
|
| Quote: زي ما قال القرموطي " اسم ادم دا اسم عالمي" |
والله يا ود الفكي بقينا نجي البورد الواحد ملاوز من بوستات ود البشرى اكتر من بوستاتكم بتاعت المقارز
اخير بوستاتكم الراسه عديل دي معروفة ...
لكن دا يفتح ليك بوست في النص بين الشوطين يجهجه باكاتك ..
بلاي زي (جقمــة) الشاي الحارة البتقيف ليك في النص ديك لا تعرف تبلعه لا تعرف تطلعة
بكري دا بس لو مرة واحدة وفصل معانا ورفع لينا بوست ليهو .. يكون اصلو ما قصر معانا عشان الناس كلها تكون عارفه
| |
|
|
|
|
|
|
|
|
|
Re: قدّم الكيشة ... (Re: tmbis)
|
| Quote: والله يا ود الفكي بقينا نجي البورد الواحد ملاوز من بوستات ود البشرى |
ربنا يحفظو لينا ويحليهو لينا ويغطي عليهو
عليك الله يا تمبس خليهو احتمال تلاقونا في النهائي
| |
|
|
|
|
|
|
|
|
|
Re: قدّم الكيشة ... (Re: tmbis)
|
يا تمبس صاحبك "شفقة" ده خليهو الجماعة يرشوه لمن يعرف حاجة ..
يا اخي انا بقيت من ادخل البورد والقى عبارتو الفوق، بكون عارف انو بعد مداخلتين ثلاثة بجي يقول لي عمك "شيل"..
يا زول ربنا يشيل حالو زي ما بشمت فينا الاعادي..
ويا نصر الدين البشير بالله كلم صاحبك "شفقة" .. ولا اقول ليك يوم كورة الهلال شوف ليهو اي برنامج بعيد من النت.
| |
|
|
|
|
|
|
|
|
|
Re: قدّم الكيشة ... (Re: محمد البشرى الخضر)
|
| Quote: بركة عجبني ليك البوستات كلهن قفلوهن ليك |
شفته المتعة دي كيف بالله ....؟؟؟
أي وهم طلع راسو أخد على راسو لمن آمن...
و واحدين فضلوا الهروب لي بوستات جانبية خوفاً و خجلاً على مواقفهم الشترا...
عايزين لينا كم بوست زيهم أيام العيد علشان عيد الغربة دا نستمتع بيه ...
| |
|
|
|
|
|
|
|
|
|
Re: قدّم الكيشة ... (Re: ABUHUSSEIN)
|
| Quote: شفته المتعة دي كيف بالله ....؟؟؟ |
أصلها كورة الواطة الرايقة كدا
بتجهجه الكيشة و ناس الشلاليت :)
يمين لو الحكم كان ما نهاها كان تشوف ليك جنس أكل نجيلة وشلاليت في الهوا واحد
| Quote: عايزين لينا كم بوست زيهم أيام العيد علشان عيد الغربة دا نستمتع بيه ... |
ههههههههههههه ياخي انت حاقد
امس اليوم كلو لا اشتغلنا حاجة لا قضينا غرد مالك علينا ياخ
| |
|
|
|
|
|
|
|
|
|
Re: قدّم الكيشة ... (Re: محمد البشرى الخضر)
|
Quote: ههههههههههههه ياخي انت حاقد
امس اليوم كلو لا اشتغلنا حاجة لا قضينا غرد مالك علينا ياخ |
حاقد أنا ....؟؟؟
إنت عارف أنا كنت موجود و كان لي شرف لعب ضربة البداية
السادة الحاقدين كانو مأملين أكون الصوت النشاذ و إردموني و إقومو فرحانين و منتشين بالفوز
أها لم جو بقية الشلة الجماعة كلهم إتخارجو عرفو إنو الموضوع أكبر من ما كانو متوقعين
قالو خطأ و إعتذار ........
| |
|
|
|
|
|
|
|
|
|
Re: قدّم الكيشة ... (Re: ABUHUSSEIN)
|
العفو ياخ ما تزرزرني عليك النبي في قولة حاقد دي
خلاص ياخي اعتبرني (أخطأت )
يعني بقت على خطئي دا :)
ثم لو سمحت ما ترفع البوست دا تاني
| |
|
|
|
|
|
|
|
|
|
Re: قدّم الكيشة ... (Re: محمد عمر الفكي)
|
يا ود الفكي من يضحك أخيرا يضحك كثيرا
اصبر و ح تشوف وتعال قول ابو حتوت قال :)
__________________
انتو بترفعوا البوست دا ليه
أجيب اسي كابشر اخلي المعلم ينفّس لساتكو ولاّ كيف :)
| |
|
|
|
|
|
|
|
|
|
Re: قدّم الكيشة ... (Re: محمد عمر الفكي)
|
ياود البشرى
هو غير الاخطاء دى فى شيتاً مودرنا
هسع تبلع البوست دا بخطأ تقدير حالة الماتش
وابو حسين يرفعو لامن تقول بس, بخطأ سوء التغطية لضفر
لكن يسألنى الله وانا متابع الكورة ونحن مرشوشين اتذكرتك
وقلت الليلة يا ربى ود البشرى حيبلع كيفن اذا من اول 15 دقيقة 2/0
بس كالعادة طلعت مبدع وجيت بالبوست دا,,
هنياً مرياً يا حبيب
مع التأكيد على وصايا الشباب بابعادك فى دور الاربعة عن النت طوال زمن المباراة
| |
|
|
|
|
|
|
|
|
|
Re: قدّم الكيشة ... (Re: احمد الأمين على إدريس)
|
يا ود الأمين حتى واحنا مرشوشين ما جاك احساس انو ح ندرن ونغلب
ياخي الهلال دق كفر زي الكفر خاصة الشوط الأول
ثم علي اليمين محطة مهند اللبد منها الحضري تستاهل بوست براها
بعدين البوستات دي بي فهم ما ساي
بكتب و استمتّع كان صدقت خير بحميهن القعدة وكان جلّت - كالعادة - البركة فيييييي متيع روحي دي :)
| |
|
|
|
|
|
|
|
|
|
Re: قدّم الكيشة ... (Re: محمد البشرى الخضر)
|
Quote: بعدين البوستات دي بي فهم ما ساي
بكتب و استمتّع كان صدقت خير بحميهن القعدة وكان جلّت - كالعادة - البركة فيييييي متيع روحي دي :) |
يالا متع نفسك زيادة .....
| |
|
|
|
|
|
|
| |
محمد البشرى الخضر
عصام علي أحمد
Safia Mohamed
ABUHUSSEIN
ناصر احمد الامين
الفاتح شلبي
أسامه الكرور
وضاح عبدالرحمن جابر
عمران حسن صالح
الشيخ إبراهيم الشيخ
على محمد على بشير
عبدالوهاب علي الحاج
معاوية المدير
محمد عمر الفكي
الصادق صديق سلمان
keiga2000
طارق جبريل
حبيب نورة
tmbis
حسن البشاري
احمد الأمين على إدريس
فيس بوك
تويتر
انستقرام
يوتيوب
بنتيريست