كتب الكاتب الفاتح جبرا المتوفرة بمعرض الدوحة
|
Re: غريبة..!!! (Re: اسامه خليفه)
|
تحياتي يا اسامة
خندق شنو البكون فيهو غريبة؟
ياخي ده خصم علي الكيزان !!!
____
العوّاف عاف ؛وسمع وشوف
قال شنو صوتي حنين وعايز يسمع صوتوا
يلا يا شاطر امش اسمع صوتك لايف في جخانين الاسافير.
قال حموني قال
| |
|
|
|
|
|
|
Re: غريبة..!!! (Re: Al-Shaygi)
|
تحياتي يا الشايقي
Quote: ياخ السلوكيات المشينة بين الإنقاذين ممارسة يومية والكل يعلمها بس البتكجنوه بتمرقوا ريحتو وتهببوا فوقها عشان الكل يشمها...
|
ياخي في ذمتك بتعتبر صلاح غريبة ده انقاذي!!!
براهو شرشح روحو ؛الوداهو يحكي اسرارو لناس تانيين شنو؟
وكمان بالثابتة ما بيقدر يقول ده ماصوتي.
| |
|
|
|
|
|
|
Re: غريبة..!!! (Re: بشير أحمد)
|
يا بشير الزول دا شغال كل يوم يصرح في الصجف والتلفزيون والاذاعه ..
اها الغلط وين يابشير في اعلامكم ولا في غريبه ؟
الزول دا الان في لب المعمعه وشكلك يالبشير انت الخارج التشكيله...
| |
|
|
|
|
|
|
Re: غريبة..!!! (Re: اسامه خليفه)
|
Quote: الزول دا الان في لب المعمعه وشكلك يالبشير انت الخارج التشكيله... |
ههههههه ضحكتني يا اسامة ؛
تشكيلة شنو وبطيخة منو الدايرة انا؟
احمد ربي شغال بي ضراعي ومبسوط والحمدلله .
قال برة التشكيلة قال.
| |
|
|
|
|
|
|
Re: غريبة..!!! (Re: بشير أحمد)
|
نحن فى رابطة معجبى صلاح غريبة الظهر الإسبوع الفائت فى قناة الشروق
نشجب وندين الهجمة الشرسة والإستهداف لشخص الأستاذ وما يتعرض
له من محاولات لإغتيال الشخصية ونعتبر غريبة خط أحمر وقد أُعذر من أُنذر.
الأخ بشير أحمد بعد التحية أبعد سهامك المسمومة عن غريبة وإلا فسوف ترى والسلام .
رابطة معجبى غريبة المتوقع ظهوره فى القريب العاجل بقناة ام بى سى ...
| |
|
|
|
|
|
|
Re: غريبة..!!! (Re: جمال خضر)
|
تحياتي ياجمال
زولنا الكضاب ده ملانا فقر وفرّج فينا العالمين والدنيا كلها ؛
اليوم سمعت كلامو لايف والزول الجاب الكلام الايام الفاتت اصلو ما كضب فيهو ؛ وصلاح هنا يقول ليك حموني والمغصة كاتلاهو !!!!
كدي يجي يعتب البوست ده عشان انزّل ليهو طمام البطن حقو هنا.
قلت شنو ياجمال رابطة معجبي غريبة!!
بخيت وسعيد
هههههههه.
| |
|
|
|
|
|
|
Re: غريبة..!!! (Re: بشير أحمد)
|
ســلام د. بشير ..
إنت بتتكلم عن المهندس صــلاح غريبة الأمين العام لمنظمة أرض الطيبين ولا زولاً تاني ؟
يا زول الراجل ده عــدى خــلاص وبعد شوية ما تقدر تقابله الا تمر على صف من السكرتارية
هييييع ...
الفهم اللعبة صاح أخونا ناذر الخليفة...
يلا...
| |
|
|
|
|
|
|
Re: غريبة..!!! (Re: Dr. Ahmed Amin)
|
تحياتي يادكتور احمد؛؛
Quote: يا زول الراجل ده عــدى خــلاص وبعد شوية ما تقدر تقابله الا تمر على صف من السكرتارية |
المشتهي الحنطير يطير!!! لو يوم من الايام داير لي خدمة وعند صلاح غريبة ح انتحر عدييل كده !
| |
|
|
|
|
|
|
Re: غريبة..!!! (Re: بشير أحمد)
|
Quote: لا أستبعد أن ينطلق غريبة بسرعة الصاروخ فى المناصب فيُعين وزيرا للسياحة والفنادق
|
من ناحية ينطلق بسرعة الصاروخ ح ينطلق مافي شك تب؛
بس إنطلاق للاسفل.
| |
|
|
|
|
|
|
Re: غريبة..!!! (Re: بشير أحمد)
|
شفت فضيحتك بقت بي جلاجل ؛ الوهم خضر الطيب جا يتفسح ؛
الرجاء طرد صلاح غريبة من كل المنابر شوه سمعت بنات كتار في النت.
كدي اخدو جولة في قائمة اصدقاء غريبة في الفيس بوك
فعلا خبير فيسبوكي يامريض.
| |
|
|
|
|
|
|
Re: غريبة..!!! (Re: بشير أحمد)
|
العزيز بشير أحمد
جمعة مباركة
انا سمعت طراطيش كلام حول الموضوع دا وفتشت لتسجيل صوتي ولكنني فشلت في الحصول علية ، عليك الله لو عندك تسجيل صوتي ادي أخوك لكده بيهو باقي الزول دا من أصحابي في الفيس بوك عشان أخارجوا قبل مايجيب لي السمعة السيئة باقي أنا زول فوق السوق
_____________________________________________________
ياصلاح غريبة زمنك دا كلو قادينا حبوبتي قالت ليكم وأنت أتاريك متمولص وقاعد ميطي في الاسكاي بي ومقابل الكام؟ وقعتك سوده ومنيله بستين نيله لوطلع الكلام دا صاح ، والله ماتقول لي خبير فيس بوك لو تلعب بي خطه أربعة أربعة ثلاثة مافي مخارجة ليك .
النجيضة الي حين تتضح الرؤية أي زول صلاح غريبة دا صاحبوا في الفيس بوك يركبوا التونسية سريع بقي زول مشبوه
| |
|
|
|
|
|
|
Re: غريبة..!!! (Re: عادل الباهي عبدالرازق)
|
الاخ/عادل الباهي
تحياتي ؛؛ وجمعة مباركة؛؛؛
يازول اعمل دليت طوالي لصداقة غريبة وعلي مسؤليتي لو عندك اندرويد اعمل إسكانينق للكود الفوق ده واسمع التسجيل الصوتي.
| |
|
|
|
|
|
|
Re: غريبة..!!! (Re: بشير أحمد)
|
انا لله
أتاريهوا أب كضوم مكبر اللفه من البورد ليهو فترة
عارف نفسوا هبب شنو
ياغريبة تجيء براك ولا نرسل ليك شيخ الغفر ، وجاي شابكنا الاسبوع الفات في التلفزيون كبار السن والمسنين وما ادراك ماهم ، بعد كدة أنا بنأشد المسؤليين يبعدوك بعيد ولو كان لابد يخلوك مع المسنيين ويبعدوك نهائيا عن المسنات ، انت ماعندك قشة مره هههههههههههه
| |
|
|
|
|
|
|
Re: غريبة..!!! (Re: بشير أحمد)
|
بشير أحمد.
شغلك ده شغل حسادة ساي.
دي مش ياه فتنة السلطة بين أخوان السودان!
التوقيع:
دينق
من معجبي الفلتة صلاح غريبة.
| |
|
|
|
|
|
|
Re: غريبة..!!! (Re: Deng)
|
دينق
تحياتي؛؛؛
Quote: شغلك ده شغل حسادة ساي.
دي مش ياه فتنة السلطة بين أخوان السودان!
التوقيع:
دينق
من معجبي الفلتة صلاح غريبة. |
غريبة شنو البحسدو!!! انا ما مستني وظيفة من الحكومة ؛لاني ما محتاج وظيفة.
| |
|
|
|
|
|
|
Re: غريبة..!!! (Re: بشير أحمد)
|
الاخ العزيز بشير
طبعا اصبح ما عندي وقت علشان اضيعه مع هلافيت زيك
او مع (ستك )
وانت عارف ستك منو ...........
والاخفقت من 6 شهور انها تنشر اي حاجة ضدي
اتذكر كويس .
6 اشهر والكل مترقب النشر .....
وطلع فشنك ....
فلو عندك اي حاجة انشرها هنا فضائح صلاح غريبة
واكتب عليها فضائح صلاح غريبة
وياريت ما تكتر كلام ونقة لانو اكيد الناس ما بتصدق كلام انشائي
اقرب لقتل الشخصية
وبالمناسبة
سمعت بحاجة اسمها : صلاح غريبة ... الرجل والتحدي
فانا صلاح غريبة .. الرجل والتحدي
وكلم ( ستك ) ... بانه :
لا يضير السحاب نباح الكلاب
وطبعا السحاب مقصود بيها انا
اتمنى ان تكون وصلتك الرسالة .....
مداخلة:
كنت زمان متخيل انه في متنوضلي الكي بورد وبس
واول مرة اعرف ان بعض متنوضلي الكي بورد اذناب ستات
واي ستات هم ......
صلاح غريبة - القال ليهم موقع اليوتيوب فاتح 24 ساعة
| |
|
|
|
|
|
|
Re: غريبة..!!! (Re: صلاح غريبة)
|
اكيد الزول البكتب دا ما صلاح غريبه
Quote: والاخفقت من 6 شهور انها تنشر اي حاجة ضدي
اتذكر كويس .
6 اشهر والكل مترقب النشر .....
وطلع فشنك ....
فلو عندك اي حاجة انشرها هنا |
يازول انت قاعد وين .. ؟؟
التسجيل دا كان قريب يكون وصل مكتبة الكونقرس الامريكى
وبالاماره مدة التسجيل 13:01 دقيقه ..
واعترفت فيهو انو الباسووردات بتاعتك عند واحده ( عذيره ) اسمها سهام .. انا ماعارف عذيره دى معناها شنو ؟
عموما التسجيل الصوتى عادى ممكن يتحول لفيديو فى اليوتيوب
ياريت ترسل لى صوره مناسبه تكون شايل فيها موبايل ومتكى ام فكو
هاك ام فكو دى
| |
|
|
|
|
|
|
Re: غريبة..!!! (Re: بشير أحمد)
|
وهرب غريب السلوك صلاح غريبة مرة أخري
بعد أن سمع صوتة الحنين
قلت لي ياغريبة أكثرهن نساء المغتربين هن من يمارسن الموضوع دا بعد أزواجهن يناموا بحجة الاستعداد للعمل باكرا ، وهن نائمات النهار كلو ؟؟؟ عليك الله شوف أنت أفتريت وتجنيت علي كم اسرة ؟ عشان تاني تتعلم ماتفك آخرك بسرعة البوست دا فوق عشان الماسمع يسمع
المثل بيقول التور لو وقع طااااخ كدة سكاكين الغلابة بتبقي الف
عادل الباهي الاستمع للتسجيل وعرف صلاح غريبة بيسوق العبط مع الشيطنه
| |
|
|
|
|
|
|
Re: غريبة..!!! (Re: عادل الباهي عبدالرازق)
|
الأخ صلاح غريبة
أعانك الله علي هذا التشهير
من سجلت لك إتبعت ذات الأسلوب الذي أوقعت به الأستاذ صلاح بن البادية مع الشاعر محجوب سراج وأسرته
إذا إفترضنا بأن الأستاذ صلاح بن البادية لا علاقة له بالنت ولا يعلم عن من تتحدث معه سوى التعريف بأنها إعلامية وتتصل من أمريكا بخصوص جديد الاستاذ، وهو شريط يحمل إسم أغنية للشاعر محجوب سراج وكان هذا هو المدخل الذي إنساق فيه الأستاذ صلاح إبن البادية الى حافة الهاوية حيث وقع في المحظور من الكلام وإنتهت القصة في المحاكم ولا أدري الى أي مدى إستمرت!!
أنت يا أستاذ صلاح غريبة تدعي بأنك خبير نت وفيس بوك ومواقع ألكترونية وصفحاتك كثيرة، وبما أنك مسجل في موقع الإعلامية الأمريكية فكيف لم تدلف الى منتديات موقعها وتستمع الى التسجيلات لتعرف كيف تدير الأستاذة حواراتها وهي تسجل دون علم المتحدث!! المكالمة ليست بالبعد الذي منحته هي لها في بوستها عنك بموقعها ولكن عثرت لسانك ببعض من نزوات لم تغفر لك وأنت الآن تقدم نفسك كشخصية عامة وتحت المجهر فأكيد ستجد هذه المكالمة الكثير من التحليل وستأخذ منك الكثير.. أكتب هذا وانا حزين لك حقاً لأنني أتعاطف معك منذ زمن وأنا أتابع حماسك وهمتك في العمل الطوعي بالسودان وأنت ممتلي أمل بعودتك الطوعية لخدمة الوطن، ولكن كانت تنقصك الدبارة وحسن التخطيط والتركيز في مجال واحد حتي تثبت قواعدة ثم تنطلق لمجال آخر!!
تحياتي أخي بشير وعفواً لأنتهازي بوستك هذا لأقول للأستاذ صلاح غريبة هذه الكلمات والتي اقصد بها النصح وليس المزاح والسخرية كما كان يعتقد في مداخلاتي السابقة التي لم يكلف نفسه مشقة التداخل! فصلاح غريبة ملامحة تنم عن طيبة وعفوية وهذا سبب مزاحي له وطبعا لا يعلم النفوس إلا خالقها وعلينا بظاهرها..
فأرجو أن لا ينزلق صلاح غريبة الى التهاتر وأتمنى أن يتفهم الأخوة ما رمت إليه سارة منصور وأعتقد قدامى مشتركين سودانيز أونلاين دوت كوم يعرفونها جيداً فهي كانت من الأعضاء قبل أن تبني الويب الخاص بها وتسميته بذات الإسم وذلك لأسبابها التي كلنا يعرفها جيداً. وأرجو من الاخت سارة منصور أن تتوقف عن تعرية عورات الناس بحجة الفضيلة وتصحيح المجتمع.
لكم كامل التقدير والإحترام
| |
|
|
|
|
|
|
Re: غريبة..!!! (Re: عزيز)
|
تحياتي اخي عزيز
تشكر علي النصائح لاخونا غريبة ولعله يسمع النصح ويعمل بيها؛
لكن اتهامه لاخوات عزيزات لن يمر مرور الكرام.
| |
|
|
|
|
|
|
Re: غريبة..!!! (Re: بشير أحمد)
|
يا دكتور بشير نحن ناس معانا اولادنا في البلد دي وسمعتنا فوق كل اعتبار بالله رغم اختلافنا مع الحكومة الا انه الواحد لو سمع بحاجة عملها سوداني يحلف يمين انه ما سوداني وانه الزول دا قال انه سوداني عشان السودانيين معروفين باخلاقهم العالية وبتعمل كدا عشان سمعة بلدنا وشعبها يجي الاستاذ دا يسلم شرف السودانيات وشرف بلدنا لشماشة الانترنت وملاقيطه ومقطعينو؟ الموضوع دا ابداً ما ممكن يمر بالساهل
| |
|
|
|
|
|
|
Re: غريبة..!!! (Re: محمد عمر الفكي)
|
الزول ده اهان جموع حريم المغتربين ياودالفكي؛
هسع الليلة جا وقال مشي فتح فيني بلاغ في الخرطوم.
تحياتي؛؛؛
__________
يلا يا غريبة اطبع البوست ده وارفقوا كمستندات في المحكمة.
غايتو اصلو ما بخليك كلو كلو
| |
|
|
|
|
|
|
|