بعد طول أنتظار دام أعوام وعنت وحوامه في الدلالات وتوصية الاقارب والاصحاب والمعارف ظفرت بعربيه أسكودا زرقاء اللون ذات خمسة أبواب خلقت في عالم السيارت منذ عامان عشقتها من أول نظرة انها تناسب ظروفي المالية وكانت في متناول يدي لذ لك كل الحب أيتها الدابة العزيزة التي سوف تقلني في الصيف والخريف والشتاء
أللهم أجعلها بداية خير عميم علي وأجعل فيها البركة لكي تعيش أزمنة طويلة بلا أعطال أو بنشر وسهل أمر البنزين والزيوت والشحم وأمنحني من الوقت لكي أقوم بواجبي الكامل تجاهها باعد بيني وبين عساكر المرور وكل متهور و مأفون لا يحسن القيادة أنك سميع مجيب والله جميله ومستحيلة وسوف تقضي معي العمر أن مكثت في بلاد السودان
*بركوا لي عليكم الله وسوف يكون الاحتفال بالدابة الزرقاء في منزلنا العامر بأمدرمان
Quote: بعد طول أنتظار دام أعوام وعنت وحوامه في الدلالات وتوصية الاقارب والاصحاب والمعارف ظفرت بعربيه أسكودا زرقاء اللون ذات خمسة أبواب خلقت في عالم السيارت منذ عامان عشقتها من أول نظرة انها تناسب ظروفي المالية وكانت في متناول يدي لذ لك كل الحب أيتها الدابة العزيزة التي سوف تقلني في الصيف والخريف والشتاء
أللهم أجعلها بداية خير عميم علي وأجعل فيها البركة لكي تعيش أزمنة طويلة بلا أعطال أو بنشر وسهل أمر البنزين والزيوت والشحم وأمنحني من الوقت لكي أقوم بواجبي الكامل تجاهها باعد بيني وبين عساكر المرور وكل متهور و مأفون لا يحسن القيادة أنك سميع مجيب والله جميله ومستحيلة وسوف تقضي معي العمر أن مكثت في بلاد السودان
نبارك للإسكودا مالكها الجديد ...
ونهدي له بإسمها اغنية:
(يا أول غرام عاش داخل ضلوعي .. نور حبّو دربي وقاد باود شموعي .. عاد بالبهجة ليّ وهل مع ربيعي .. الحب في عينيك ظاهر .. والشوق ما تخبّى!)
وعقبال للأحبة .....
... المهم ....
10-16-2012, 11:45 PM
Ashraf el-Halabi
Ashraf el-Halabi
تاريخ التسجيل: 10-08-2006
مجموع المشاركات: 5508
زي ما قالوا الشباب فوق يا بو الزهراء "ربنا يديك خيرها ويبعد عنك شرها" وأوصيك ونفسي بحكمة الفيلسوف المروري سيرجنت جون قراي: "أعمل السبعة وذمتا، BUT WHATEVER YOU DO, DO NOT D&D"
ألف مبروك يا زهير تركبا بالعافية و ما تخلي زول غيرك يركبا وإن شاء الله تغلبك بالمشاوير وتغلبا بالزيت و البنزين ____________________________ إسمها إشكودا ŠKODA
10-16-2012, 11:51 PM
احمد محمد بشير
احمد محمد بشير
تاريخ التسجيل: 06-17-2008
مجموع المشاركات: 14987
أللهم أجعلها بداية خير عميم علي وأجعل فيها البركة لكي تعيش أزمنة طويلة بلا أعطال أو بنشر وسهل أمر البنزين والزيوت والشحم وأمنحني من الوقت لكي أقوم بواجبي الكامل تجاهها باعد بيني وبين عساكر المرور وكل متهور و مأفون لا يحسن القيادة أنك سميع مجيب
ــــــــــــــــــــــــــــــــــــــــــــــــــ ماعصرت علينا شوية ؟؟! :) يازول الف مبروك ان شاء الله تتربي في عزك وتركب الهمر من امها والقصة دي دايرة ليها قندهار وكدة
10-17-2012, 06:02 AM
مازن فيصل هلال
مازن فيصل هلال
تاريخ التسجيل: 10-15-2009
مجموع المشاركات: 1003
اولا :: الوصية عاجلا مستعجلا ده وصية نقلا عن والدتي رحمها الله عند كل حديده قديمة او جديدة الدم .. الدم يا زهير .ان شاء لحم طير مما يشتهون . اهلنا البعرفو قالو خروف العيد ما بقضي عموما الف مبروك .. وعقبال المرسيدس .. والليكسيس
10-17-2012, 08:50 AM
Mohammed Awad
Mohammed Awad
تاريخ التسجيل: 11-13-2009
مجموع المشاركات: 3441
أحبابي الاعزاء فردا فردا ولكل الذين باركوا عربيتي من خلال البوست أو بالاتصال الهاتفي من كل الدنيا شكرا ليكم كتير وأنشالله ربنا ما يحرمني منكم لا خر العمر ومن صحبة الاماجد في البورد دا متعكم ربي بالعافية وأدام علينا متانة الاواصر أخواتي وأصدقائي وقبيلتي في المنبر شكرا ليكم كتير مع صادق ودي للجميع
10-18-2012, 00:27 AM
صديق الموج
صديق الموج
تاريخ التسجيل: 03-17-2004
مجموع المشاركات: 19433
شوهد ابو الزوز مساء يوم الخميس اول امس يتطي دابته الزرقاء وبمعيته ثلاثة من الحسان بعض الشماراتية والمغرضون ربطو بين يوم الخميس والعربية والحسان الثلاثة غايتو يا ابو الزوز لو كلهم ليك تبقى انت ارجل من ود ابرق ذاتو \
10-20-2012, 09:02 PM
زهير عثمان حمد
زهير عثمان حمد
تاريخ التسجيل: 08-07-2006
مجموع المشاركات: 8273
الاخ علي تحياتي طبعا يوم الخميس يوم مميز في حياة كل سوداني ألا لوكان عايش في زمن التدجين الحاصل دا وبعدين التلاته ديل زميلات حتي حافظ أنقابو جا عرف منو اللي معي بعدين كان الوقت نهار ياناس وأنا كنت ماشي البيت والله أنتو بس ما عندكم غيري في ناس قاتلين البيضه والجداده
المهم الدنيا ليل أشوفك الصباح
10-20-2012, 09:05 PM
حمزه بابكر الكوبي
حمزه بابكر الكوبي
تاريخ التسجيل: 04-13-2009
مجموع المشاركات: 2121
Quote: شوهد ابو الزوز مساء يوم الخميس اول امس يتطي دابته الزرقاء وبمعيته ثلاثة من الحسان بعض الشماراتية والمغرضون ربطو بين يوم الخميس والعربية والحسان الثلاثة غايتو يا ابو الزوز لو كلهم ليك تبقى انت ارجل من ود ابرق ذاتو
ايه العبط دا!!! و عامل فيها صحفي كمان ... بس اتخيل انو واحدة من الجماعة الفي العربية قريبتك او تربطك بها اي علاقة ... هل كنت ستقبل ان ياتي احدهم و يشهر بها هنا في هذا البورد لانها ركبت العربية مع الاخ زهير و هي بصحبت اخريات زملاء له؟؟!!
10-21-2012, 08:46 AM
المسافر
المسافر
تاريخ التسجيل: 06-10-2002
مجموع المشاركات: 5061
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة