|
|
 اختشوا ما تشتكوا - عامود الصحفي الرياضي سلك لهذا اليوم :)
|
Quote: بسم الله الرحمن الرحيم
في السلك
ما تشتكوا ,,,اختشوا
·الليل كلو نتقلب
·النوم يجينا من وين !!!!
·من اديس !!!
·ننوم كيف ومنتخبنا نام بدري
·ننوم نحنا ومنتخبنا !!!!
·ايها الناس
·مجاملات مازدا حذرناهو منها كتير
·وفي الآخر جات علي راسو
·وللاسف علي راسنا برضو
·شنو البشرك علاء يوسف القادم من الاصابه
·المابلعب في فريقو اكتر من دقائق
·وشنو الببعد سعيد السعودي المشارك في اكتر من خمسين مباراه في هذا الموسم
·وكان نجما في غالبيتها !!!!!!
·شنو البلعب كاريكا في الوسط ولي منو يلعب كاريكا قدام ؟؟؟؟؟
·وشنو البشرك هيثم الواقف تسعه شهور
·وببعد العجب الذي استعاد كثير من اراضيه هذا الموسم ؟؟؟؟؟
·وشنو البلعب بشه والباشا مع بعض
·وشنو البمرقهم سوا
·وشنو البجبر علي توليف مساوي قلب دفاع
·والبلد فيها ضفر الذي اثبت تواجده في معظم اللقاءات الافريقيه !!!!
·وشنو المابلعب ضفر الي جوار معاويه نيل الحصاحيصا في قلب الدفاع
·ونجم الدين في الطرف اليمين
·وعمر سليمان في الطرف الشمال
·وشنو المابلعب السعودي ومساوي وعمر بخيت محاور
·وشنو المابلعب العجب صانع العاب
·وشنو المابلعب كاريكا وعنكبه مهاجمين
·نحنا مشينا عشان ما نتغلب اتنين
·يبقي محتاجين باكين مكتوب في الرقم الوطني بتاع الواحد فيهم باك
·ومحتاجين محاور لا بتفتر ولا بتقيف تتفرج ولا قادمه من اصابه
·ومحتاجين صانع لعب مهول وحريف
·انشاء الله يلعب باص قون واحد في المباراه يودينا جنوب افريقيا
·ونبدأ دفاعنا من الهجوم
·كاريكا وعنكبه ما بوصوهم علي المطارده و الشنكبه
·تفتكروا بي تشكيله زي دي
·لو اثيوبيا جابت ابرهه راكب فيلو
·ما كان طارت !!!!!
·ماشين عشان ما نتغلب اتنين
·نلعب اطراف قدراتهما الدفاعيه اقل من الهجوميه ؟؟؟؟
·ايها الناس
·شنو المابخلينا ننادي بتغيرات كتيره في المنتخب والاتحاد والجهاز الفني ؟؟؟؟
·قال ناس الاتحاد يشتكوا
·لانو حارس اثيوبيا (ملص ) الفنيله للاعب آخر واصل بيها
·ولا يجوز للاعبين من فريق واحد ان يلعبا بي رقم واحد
·عليكم الله
·قون الحبشه لو طلع
·وخته فنيلتو في خط المرمي
·كان جبنا قون بي طريقتنا دي ؟؟؟
·والزول البديل جاتو يا كوره طلعها ؟؟؟
·ايها الناس
·ياناس الاتحاد
·اخجلوا
·اختشوا وما تشتكوا
·المهم
·بالامس
·وبدار النادي
·بارض الحضارات
·حفيدات سيده فرح بالغن عديل كده
·اقمن تكريم لابونا حسن محمد عبدالله منتهي الروعه
·تكريم اثبت ان الابداع في المريخ متوارث بين الاجيال
·النادي لبس حله زاهيه
·والاحتفاليه كانت في السلك
·والحضور انيق يشبه المريخ
·بدأ من الريس الجميل
·والاقطاب
·جيل بعد جيل
·ورواد النادي
·وشرفنا بالحضور الانيق الراقي
·اخونا وحبيبنا
·الرائع دوما
·الرجل الازرق صاحب القلب الابيض
·الرجل الازرق الذي عودنا بتشريفنا بحضوره
·الرجل الازرق في القلعه الحمراء
·الرائع احمد دوله
·شاركنا التكريم والاحتفال
·وهو الهلالي القديم
·ولكنه الرياضي الرائع
·ابو ادب العكننه والقلب النضيف
·شرفتنا يا اخي دوله
·وبنردها ليك في ناديكم
·بس انتوا اعملوا حفله
·انشاء الله نعملها نحنا عندكم لو الاتحاد الافريقي مادينكم يا دوله
·ايها الناس
·السته بقت حته
·والليله ممكن تبقي مافي حته
·وممكن تضيع الحته ونزيد كمان نقطه
·عشان كده
·كلنا من بدري
·نشجع
·علينا نقطتين في المدرجات
·وعلي اللاعبين نقطه في الميدان
·يبقن تلاته
·ماتنسوا
·المهم
·محمد عبدالماجد حضر الكوره جوه استاد اديس
·اتاريك كج قدر ده يا ابو حميد
·انشاء يا محمد عبدالماجد اشوفك جوه الاستاد في كل مباريات الهلال
·صدقني
·السته تتمسح ونزيد نحنا سته
·اتاريك ما بتدخل مباريات الهلال ؟؟؟
·الفيك انعرفت يا ابو حميد
·يوم عشرين عازمك
·طالما لما تدخل بدخلن قونين في المعز
·عازمك يا ابو حميد
·المهم
·اسلام مارقه ماشه مع امها مناسبه عند الجيران
·لبست فستانها بتاع الحبش
·من دخلت الحفله
·الحفله كلها جرت
·الا الفنان
·كان بغني
·المازمزي تاني المازمزي تاني
·تاني ده ما الطيرنا زاتو
·مازميزي يعني قون بلغة الرندوك بتاعت الحبش
·مازمزي تاني يعني القون التاني
·الناس ماليها حق تجري لما سمعت الاغنيه وشافت فستان اسلام ؟؟؟؟
·اها
·نجي لشمارات والي الخرتوم
·كان شفت يا والينا
·مشينا نشرب شاي ست الشاي ضحكت علينا
·قلنا ليها بتضحكي مالك ؟؟
·قالت ليينا يا والينا
·انت شاي ماتشرب , انت حلبه تشرب عشان مغص بتاع انت شديد
·قلنا ليها خلينا الشاي ادينا قهوه
·قالت قهوه كبابي ولا فناجين ؟؟
·قلنا ليها فناجين شنو ؟؟؟كبابي
·قالت قهوه كبابي وبن حبشي؟؟؟
·قمنا خلينا القهوه يا والينا
·ست الشاي بقت تضحك علينا
·الشاي هين
·الحلاقه كيف ؟؟
·انا غايتو ممكن اصبر لما الموضوع يتنسي
·وامشي بعد داك صالون اديس باند
·كلهن صوفتين
·بصبر وبستحملن يا والينا
سلك كهربا
ننساك كيف وتسفاي مشي بي هناك وختانا بي جاي
والي لقاء
سلك |
نقلا عن صفحة المريخ في الفيس بوك ..
|
|
  
|
|
|
|
شهاب الفاتح عثمان
فيس بوك
تويتر
انستقرام
يوتيوب
بنتيريست