|
|
|
 Re: لقاء الاستاذ صلاح غُريبة مع قناة الشروق (فيديو) (Re: بشير أحمد)
|
مداخلتك يا ابو النيز كانت الاولى ولكن نستميحك عذراً في ان نقدم الحاجب على العين
استاذنا الفاضل صلاح غريبة
لك الشكر والتقدير على تكرمك بالدخول الى هذا البوست والتفضل بالرد علي لاول مرة في هذا المنبر منذ انضمامي اليه على ما اعتقد وانت قامة وطنية شامخة تستحق ان تحتل مكاناً عالياً في صدر هذا البوست وذلك تكريماً لاعمالك الخيرية والادبية والثقافية والاجتماعية والسياحية التي يُشار اليها بالبنان فالى الامام ومزيد من التقدم
اها يا ابو النيز
الديباجة الفوق دي ما بتوديك انت واب صلعة التوج؟ 
للاسف لم اشاهد حلقة امس على قناة امدرمان لانه عندي زول مريض في المستشفى بزوره كل يوم وحلقة 6 بتاعة اليوم برضو احتمال ما احضرها لكن قبل شوية اتصلت على واحد فني دش وقلت له شوف لي جهاز انفيجن من مافي وتقابلني بعد العصر طوالي في البيت عشان اركب الجهاز وامشي مشواري واجي راجع القى الحلقة مسجلة واستمتع بمشاهدتها . الغريبة الفني قال لي يا زول ما تاخرني في حوار مع الاستاذ غريبة الساعة 6 على قناة الخرطوم وما داير افوته!!!! ما قلت لك بضيعك يا ناذر 
احمد محمد بشير
ياخي بطل البتعمل فيهو دا وخلى الكوادر الوطنية دي تشوف شغلها غايتو عالم لا تجدع لا تجيب الحجارة
عمنا وحبيبنا صديق الموج
غايتو لو عملت في الدنيا دي قدر ما عملتا اعتقد انه صبرك واحتسابك طوال الفترة الماضية في الرياض حتكون شفاعة ليك يوم القيامة
صابر على غريبة وتلفزيوناته وود الباوقة وصقرياته
يا بشير
سلامات يا حبيب
والله تبارينا الفشفاش ذاتو الا نهردو ليك وناس الشروق احسن ناس وافهم ناس لانه كان ليهم سبق الحوار مع القامة غُريبة قبل قناة امدرمان وقناة الخرطوم و (اسير الاذاعة السودانية.
الى الامام استاذ صلاح ولا تلتفت الى هذه الاصوات النشاذ زي بشير احمد ومحمد احمد بشير (عليك الله عاين لهم مقلبين كيف، التقول من قلة الاسامي) ومعاهم الحاج العجوز صديق الموج
| |
 
|
|
|
|
|
|
|
|
Re: لقاء الاستاذ صلاح غُريبة مع قناة الشروق (فيديو) (Re: محمد عمر الفكي)
|
في الحقيقة ان الجُهد الذي يقوم به الاستاذ غُريبة هو جُهد تطوعي دون هبة او مساعدة او منحة من احد وهو واجب على الدولة وليس على الاستاذ
من هنا اطالب الدولة ممثلة بوزارة السياحة ووزارة الشئون الاجتماعية ووزارة الاعلام بتوفير كافة انواع الدعم المادي والعيني للاستاذ غريبة من اجل الاستمرار في نشاطاته الانسانية والخيرية والاعلامية. يعني شنو لو ادوهو عربية اخر موديل مكيفة يواصل بها طوافه مع دعم مادي معتبر للصرف على تلك النشاطات
ناذر ال knockout دي محمد علي ما اداها لفورمان
| |
|
|
|
|
|
|
|
|
|
Re: لقاء الاستاذ صلاح غُريبة مع قناة الشروق (فيديو) (Re: محمد عمر الفكي)
|
غريبة في بداية حديثه زوّد جرعة المجاملة للجهات الرسمية وصرف ليهم صك براء من التقصير وانهم عملوا اللي عليهم لكنه وفي سياق آخر ما قدر ينكر ان هناك تقصير تتحمل مسؤوليته الوازات المختصة بس ابت نفسه الا وان يستمر في (التستر) على الجهات الرسمية واقصى ما استطاع ان يجهر به هو ان المتوقع من هذه الجهات اكبر مما تقوم به الان
امس في اذاعة القوات المسلحة وفي الفترة المفتوحة احد المتصلين اسمو بدر الدين ان لم تخني الذاكرة نوه بالفعالية التي ستقيمها منظمة ارض الطيبين الخيرية، موضوع البرنامج كان عن حسن التعامل مع الوالدين
| |
|
|
|
|
|
|
|
|
|
Re: لقاء الاستاذ صلاح غُريبة مع قناة الشروق (فيديو) (Re: جمال خضر)
|
الإخوة الكرام
الأخ صلاح غريبة يستحق منا الثناء بدلاً عن السخرية على ما يقوم به من أنشطة طوعية، خاصة النشاط الذي تتناوله هذه المقابلة التلفزيونية. استطاع الأخ صلاح أن يكسب احترامي وتقديري على ما يقوم به من جهود طوعية وعلى محاولته تسليط الضوء على عمل اجتماعي هام نتجاهله جميعاً وهو العناية بالمسنين.
أعجبتني شجاعة الأخ صلاح وهو يطرق مجال العمل الطوعي والذي بات من ضروريات العصر وأعتقد أنه يلزمنا، بدلاً من أن نسخر منه، أن ندعم جهوده ولو بالإمساك عن محاولات تثبيط جهوده المقدرة.
أتفق مع الكثيرين أن العمل الطوعي في السودان مسيس تماماً وأن الحزب الحاكم يحاول أن يستغل ذلك في تحقيق المزيد من المكاسب السياسية وأنه في كثير من الأحيان يمن بما يقدمه من خدمات ضئيلة للشعب من أموال الشعب، ولكن السبيل الوحيد لمجابهة ذلك يكمن في انخراطنا نحن المتذمرين والمنتقدين في أعمال طوعية نبيلة المقاصد لمساعدة مختلف شرائح المجتمع بدلاً من الانتقاد والسخرية.
في تقديري أن الأخ غريبة رجل طموح للغاية. وأنا شخصياً متابع لأنشطته ومعجب جداً بتفاؤله بإمكانية قيام قطاع سياحي نشط وفعال في السودان رغم أننا نعرف جميعاً أن ذلك شبه مستحيل في ظل ظروف وأوضاع آخذة في التردي يوماً بعد يوم وفي ظل بنيات أساسية متهالكة وغياب تام لأي مقومات تجذب السائح السوداني المقيم في الخارج، ناهيك عن السائح الأجنبي، بل وحتى هواة السياحة في المناطق المحفوفة بالمخاطر extreme tourism
خلاصة القول أن الأخ صلاح غريبة، والذي لم أتشرف بمعرفته إلا من خلال ما يكتبه هنا، يحاول ينجز شيئاً في مجالات كثيرة منها العمل الطوعي والترويج السياحي وعلينا أن نشكره على ذلك حتى لو اختلفنا معه. ولا يحق لنا أن ننتقده إلا إذا كنا منخرطين في أعمال طوعية مماثلة.
| |
|
|
|
|
|
|
|
|
|
Re: لقاء الاستاذ صلاح غُريبة مع قناة الشروق (فيديو) (Re: hassan bashir)
|
شاكرين لمرورك الكريم يا مهدي
يا معاوية
حبوبتو ما قاعدة مع المسنين ديل
| Quote: الأربحا يا ود الفكـي !! |
هسي دي حاجة بتضحك يا عبد الله؟ غايتو الما بدورك في الضلام بحدر لك
محمد الشيخ
هو يا دوب سيد التراب جاء
يا بشير
انت البوديك تكابس شنو؟
استاذ غريبة
والله ما قادر اصدق 4 مداخلات في البوست مرة واحدة؟ عمرها ما حصلت (رغم انه في مداخلة مكررة، لكن بنعتبرها مداخلة)
الشروق براها يا معاوية؟
خالد الجزولي
Quote: ناس الشروق اختاروا فعلاً الوقت المناسب لهذا البرنامج ((صباحاً))
وقت الرجال في الشغل والنسوان في التكل ههههههه |
يا جمال
لقد عبرت عن دواخلي خير تعبير
الاخ حسن
مداخلتك الماكنة دي بجيها راجع براها
| |
|
|
|
|
|
|
|
|
|
Re: لقاء الاستاذ صلاح غُريبة مع قناة الشروق (فيديو) (Re: محمد عمر الفكي)
|
| Quote: هلا هلالي يا بشير ، قلت لي خصم عليكم؟ حد يصحي نائب الرئيس |
والله شِدة ما خصم ؛ده بقي لزج عديل ياود الفكي؛
والله موضوع التسجيل ده بقي بوليس كيس(نايلون)
وغريبة مزرزر زرزرة شديدة رايت ناو في الخرطوم
اسالو ليهو الثبات عند الحساب الان في جخانين الخرطوم؛
والله الموضوع تطور الي مناحي خطيرة جدا جدا
___________
تحياتي يامحمد.
| |
|
|
|
|
|
| |
محمد عمر الفكي
ناذر محمد الخليفة
صلاح غريبة
احمد محمد بشير
صديق الموج
بشير أحمد
عزالدين عباس الفحل
هشام عباس
معاوية المدير
Abd Alla Elhabib
جمال خضر
إسماعيل وراق
مهدي صلاح
معاوية عوض الكريم
MOHAMMED ELSHEIKH
خالد حامد الجزولي
hassan bashir
عبدالله الشقليني
فيس بوك
تويتر
انستقرام
يوتيوب
بنتيريست