كتب الكاتب الفاتح جبرا المتوفرة بمعرض الدوحة
|
|
 الحدس في العمل الشرطي توجد (قصص قصيرة)
|
*الحدس intuition لغة، هو الظن والتخمين والتوهم والنظر الخفي، أما اصطلاحاً فهو شكل خاص من أشكال النشاط المعرفي،
أو المقدرة على فهم الحقيقة مباشرة دون استدلال منطقي تمهيدي. حيث يُدرك به ما هو معقول وما هو وراء العقل ، أي ما هو منطقي
وما هو غير منطقي.
* منقول.
|
|
  
|
|
|
|
|
|
|
 Re: الحدس في العمل الشرطي توجد (قصص قصيرة) (Re: omer osman)
|
مضجر وممل وقت العصر في مناوبة القسم الشرقي الخرطوم
فهو في العادة وقت ميت وطويل يصيب القسم بهدوء قاتل حتى
مغيب الشمس حيث تبدأ الحياة تدب مرة اخري في اوصال القسم
وتزدحم ممراته بالاشخاص المبلغين او زوار المحبوسين في
الحراسات ولان الكهرباء قاطعة كعادتها في تلك الايام حملت كرسي
وجلست امام بوابة القسم التى كان في ذلك الوقت يفصلها ميدان
كبير من ناحيتها الجنوبية عن منازل حي اركويت ومن ناحية
الميدان الغربية يمتد الميدان حتى يلامس شارع المطار او
شارع افريقيا كما تقول الاوراق الرسمية. الجلوس امام بوابة
الاقسام عادة شرطية اصيلة لا ادري بالضبط من الذي ابتدعها
وهي باى حال تشكل نوع من الترويح بمشاهدة المارة او السيارات
على قلتهم في تلك المنطقة.
| |
|
|
|
|
|
|
|
|
|
Re: الحدس في العمل الشرطي توجد (قصص قصيرة) (Re: omer osman)
|
إلا انني وبعد حين عندما نقلت من القسم
الشرقي الى القسم الاوسط الخرطوم (الجنوبي سابقاً) ادركت كيف
الجلسة امام بوابة القسم عصراً تختلف عندهم تماماً فوقت
العصر عندهم يصادف وقت خروج اسراب الحسان من مدرسة
الخرطوم الجديدة بنات (مدرسة الأم) بزيهم اللبني المميز المريح
للعين قبل ان يتحولوا بزيهم الحالي الى جنود في قوات الصاعقة !!!!!
قبل ان ننشغل باسراب الحسان والفي العصر مرورو دعونا نعود
الى تلك الجلسة في ذاك اليوم من ايام مناوبتي بالقسم الشرقي.
| |
|
|
|
|
|
|
|
|
|
Re: الحدس في العمل الشرطي توجد (قصص قصيرة) (Re: omer osman)
|
توقف البص العتيق امام القسم على بعد خطوات من مكان جلوسي
وبدأ بعض الركاب في النزول كان اولهم الكمساري الذي يقبض
بتلاليب احد الصبية ويجره للنزول من البص وما لبث بعد ان
اطمئن لنزوله ان بدل قبضته ليجعلها من خلف لياقة قميص الصبي ورقبته
وهو يدفعه نحو مدخل القسم تتبعه مباشرة امرأة اربعينية ترتدي توب
نظيف وراقي ملامحها هادئة ونظرتها خجولة !!! الصبي كان يتعثر
في مشيه جراء دفع الكمساري الغليد له.
| |
|
|
|
|
|
|
|
|
|
Re: الحدس في العمل الشرطي توجد (قصص قصيرة) (Re: omer osman)
|
استوقفتهم قبل دخولهم القسم وقبل ان يتكلم اى واحد فيهم ادركت
بالتاكيد ان الامر متعلق بحالة نشل وواضح ان الشاكي سيكون
المرأة والمتهم هو الصبي الذي يرزح تحت قبضة الكمساري الغتيت !!!
وبالفعل صح ما توقعته ولما لم يكن هناك اى شهود يمكن الاستفادة
منهم طلبت من الركاب العودة الى البص وطلبت من السائق ان
يتحرك واستبقيت الشاكية والمتهم وطلبت منهم الدخول الى مبني
القسم ، الكمساري الذي كان يظن نفسه قد القي القبض على كارلوس
شخصياً لم يشاء ان يغادر قبل ان يمنحي تحية ظن انها عسكرية
معها خبطة رجل اصابة رجله الاخري قبل ان تصيب الارض
وهي بلاشك كانت التحية الاسواء التى تلقيتها في حياتي.
| |
|
|
|
|
|
|
|
|
|
Re: الحدس في العمل الشرطي توجد (قصص قصيرة) (Re: omer osman)
|
دخلت مكتب الضابط المناوب وجلست على الكرسي ووقفت المراة
والصبي امامي ومن خلفهم بعض افراد المباحث ،، اها ياجماعة الحاصل
شنو ؟ ردت المراة والله ياجنابو انا كنت شايلة مطبقتي في يدي وفجأة حسيت
انو في زول سحب المطبقة مني واتلفت لقيت الولد ده جنبي طولت كوركت
وقلت ياجماعة انا اتنشلته !!! طوالي الناس جاطت ومسكو الولد ده لانو كان
اقرب زول لي لكن قدر ما فتشنا الولد والبص ما لقينا المطبقة !!!
| |
|
|
|
|
|
|
|
|
|
Re: الحدس في العمل الشرطي توجد (قصص قصيرة) (Re: omer osman)
|
ابداً والله العظيم ياجنابو انا ما نشلت الحاجة دي وانا ما نشال والدموع
تتقاطر من عينيه انا صحي شماشي لكن ما نشال !!!
اسكت ياكضاب ومعاها رصعة في قفاه رد به احد افراد المباحث على كلام
الولد ما لازم تكضب وتنكر لكن نحن الليلة بنوريك شغلك !!! تعرف ياجنابو
زي ديل نحن بنعرفم كويس بنشل وبجدع المطبقة او الجزلان بشباك البص
من غير ما زول يلاحظ وينزل المحطة الجاية يرجع يشيل الحاجة النشله.
كدي دقيقة يازول ما تضرب الشافع ده ساي وانتي ياخالة تعالي معاي المكتب
التاني ..........
| |
|
|
|
|
|
|
|
|
|
Re: الحدس في العمل الشرطي توجد (قصص قصيرة) (Re: omer osman)
|
ليه عملتي كده ؟ سؤال رميته في وجه الخالة
دموع وصمت ودموع وبكاء مكتوم !!!
انا ما عاوز بكاء انا عاوز إجابة انت ليه عملتي كده ؟
غباء وبلادة مني ياجنابو !!! لمن الكمساري بدأ يلقط في القروش
من الركاب فجأة اكتشفت انو مطبقتي مافي !!! ارتبكت وخجلت وما
عرفت اعمل شنو !!! والكمساري ولد قليل ادب شفتو اتكلم مع زول كلام
فارغ عشان قال ما معاهو قروش !!! فكرت سريع انو اقول مطبقتي اتنشلت
!!! وخفت واتخلعت لمن ناس البص اتهموا الولد ده !!! وما عرفت اعمل شنو !!!
| |
|
|
|
|
|
|
| |
omer osman
Mohammed Awad
ساميه حامد
ياسر عبدالكريم محمد
فيس بوك
تويتر
انستقرام
يوتيوب
بنتيريست