|
Re: حفل أبو عركي البخيت بالخبر ليلة الخميس 18 اكتوبر والدعوة عامة (Re: نادر)
|
العزيز نادر ان شاء الله سنحاول تلافي سلبيات حفل السنة الماضية حتى يخرج الحفل بشكل يليق بعركي وجمهوره. استراحة اللؤلؤة هي نفس الاستراحة التي اقيم بها حفل السنة الماضية وللذي لم يحضر حفل السنة الماضية استراحة اللؤلؤة تقع بعد قرية العزيزية الترفيهية وأنت قادم من دوار العزيزة. وسأقوم بتنزيل كروكي لموقع الحفل. ولأي استفسار أرجو الاتصال على الأرقام التالية:
0509905744 0500456535 0569101557
مشتاقين يا نادر وتحياتي للمدام والشاب محمود
| |
|
|
|
|
|
|
Re: حفل أبو عركي البخيت بالخبر ليلة الخميس 18 اكتوبر والدعوة عامة (Re: بدري محمد بدري)
|
تحياتي يا احمد ونلتقي على ضفاف عركي الفسيحة، ويا لها من لقيا، يا بدري مافي سلبيات في الحفل الماضي سوى كثرة الرقص بعبط وغباء، هسع عركي لما يقول (يوم رحيلك من البلاد دارك مرصعة بالسواد) رقيص شنو بالضبط يعني؟ والأدهى وأمر انو الرقيص يتطلب رشاقة وحسن مظهر، وجماعتنا الجوة الساحة ما شاء الله يا أرض تحمّلي ما عليك، أمنعوا الرقيص والبعامة والذهاب للفنان للتحية (التبشير) ومافي عوجة تب، لا عاوزين سندوتشات لا موية ولا بارد والله صحيّ
| |
|
|
|
|
|
|
Re: حفل أبو عركي البخيت بالخبر ليلة الخميس 18 اكتوبر والدعوة عامة (Re: شهاب الفاتح عثمان)
|
ناس المنطقة الشرقية السعودية الدمام والخبر انتم على موعد
مع الفنان الكبير ابو عركي البخيت مساء الخميس القادم ١8 اكتوبر
العاشرة مساء بصالة اللؤلؤة قرب قرية العزيزة الترفيهية بطريق شاطئ نصف القمر بالخبر
فئات التذاكر
١٠٠ ريال للفرد و٢٠٠ ريال للعائلة
للحجز والتذاكر
٠٥٠١٥٤١٢٨٢ بدري محمد بدري
0500456535محمد صلاح
٠٥٦٩٩٠٦١١٢ خالد بشارة
٠٥٠٠٨٨٠٨٨٩ عبدالله السفاح
| |
|
|
|
|
|
|
Re: حفل أبو عركي البخيت بالخبر ليلة الخميس 18 اكتوبر والدعوة عامة (Re: أحمد ابن عوف)
|
عزيزي احمد الله يعين وتقضي مشاغلك قبل العيد وتقدر تستمتع بالعيد وأبشرك قالوا خرفان اقل من ألف ريال مافي. بالنسبة للكروكي بحاول انزله لكن مبدئياً كالتالي وانتا جايي من الدمام أو الخبر بطريق الظهران السريع تطلع بالمخرج بتاع الثقبة كأنك ماشي على جسر البحرين وتمشي طوالي لغاية ما يجيك دوار العزيزية تلف يمين مع الدوار وتمشي في اتجاه شاطئ نصف القمر (الهالفمون) تجيك قرية العزيزية الترفيهية على يمينك أمشي مسافة أربع كيلومترات حتلاقي استراحة اللؤلؤة على يمينك على الشارع مباشرة.
التذاكر متوفرة في الاستراحة - تذكرة فردية (100ريال) عوائل (200ريال).
| |
|
|
|
|
|
|
Re: حفل أبو عركي البخيت بالخبر ليلة الخميس 18 اكتوبر والدعوة عامة (Re: أحمد ابن عوف)
|
تعالوا نغنى غنى الايام الجايه كتير ونفرح بيها سماء السودان تعالوا نلم الوان الطيف الفى الخرطوم ابناء شعبى والفى امدرمان تعالوا نفكر ايه البيحصل فى السودان الجوع.. المرض.. الخوف الشك عدم اطمئنان هد الانسان تعالوا نقعد نحسب خطونا من ما اخدنا الاستقلال لحدى الآن.. اتقدمنا ولا اتأخرنا اتأخرنا ولا اتقدمنا.. سؤال مطروح لى كل فئه من فئة الشعب بالف سؤال: دم اجدادنا بيحرض فينا على الحرية وبيذكرنا عشان ما نحافظ على وحدتنا الوطنية بس مكتسابتهم بصراعاتنا وبخلافاتنا دفناها وبقت منسية... حقو نشوف من وين بتجينا مشاكلنا ومنو البيعطل حركة شعبنا بالزندية ونجيبوا ونحاسبوا بعدالة وبديمقراطية انا شايف الجوع بيطل من وقت لاخر ليه!! وبلدنا سهول اطفال بيتشردوا فى الطرقات وبياكلوا الذل ومنو المسئول والحرب لعينة وممتدة وبتحصد فينا ويا للهول ويا للهول وبلدنا الغاليه ام الخير فيها كمان ظهر البترول اشياءنا بتنتاقض وفى الواقع نحنا كتير وكتير بندور فى الحلقة الواحده كما البندول.. نكسرها كيف!! الحلقة الواحدة دى نكسرها كيف!! ونمدها جسر يوصلنا والدنيا عجول.. يا حكامنا الدنيا عجول ياساستنا الدنيا عجول يا جنرالتنا الدنيا عجول يا ساداتنا الدنيا عجول
شكراً نادر أبو الأستاذ .. شكراً بدري .. على الدعوة الجميلة ونجيكم في ساعات أجمل إن شاء الله ..
| |
|
|
|
|
|
|
|