الاغنية دي لها ما لها ..... كع - يهديها لماما وبابا - سكان القرية .. ولكل الاخوان الذين اصابتهم ملاعب الغرام بأصابات بالغه .. وكانت الاصابات في العضلة الضامه في القلب او الاناكل القلبيه و اربطة الركب القلبيه . والغضاريف الحنينه ف - ولقد اديت هذه الاصابات الي ان يترك هولاء الكباتن الملاعب الغرامية الحضراء دون رجعه .. ومنهم من رجع ومنهم من ينتظر وما بدلو تبديلا .. عاشو نفس التيه و حالة الهزيان - والاعجب كانت معظم الاصابات تاتي من أُنأس حنين - والاغرب نهائي ما في اي اعتزار !! ( يختها ليك كدا لمن تعرف حاجه ) ... وبعد فترة من الذمن يلاقيك الزول ده في الشارع وبسلم عليك بحرارة - ويقول ليك مشتاق لمصارين عواطفك وفشفاش احاسيسك والمرهفة , وانه اصابه ما اصابه بعدما قشطك واخرجك من الملاعب الغراميه خالي الوفاض وخشمك ملح ملح وعيونك مزغلله وفاغر فاااك ! .. ويقول ليك تعال الدافوري وهو عارفك انك راقد عيش من ذمان و انك تكون زميلو وتلعب معاهو في نفس الخانه !! وبكل تفائل يقول ليك تعال لنعيد سيرتها الاولي .. !! ان شالله تكومو فهمتو حاجه .. ما مهم !
وما في زول يقول لي الاغنية دي علاقتها بالموضوع ..شنو !
.................... جاي تفتش الماضي خلاص الماضي ولى زمان وجفت مقلتي الباكية ونامت من سنين أحزان ********** أرجع بالزمن مرة واتذكر حكايتي معاك تلاقي القصة جد مرة وهل راعيت شعور مضناك وكل ما تزيدني في هجرك أقول ليك زيدني ما أحلاك لا نفع التوسل ليك ولا حرماني يوم هماك ********** جيت تترجى بالدمعات أسامحك انسى أغفر ليك واجفف دمعك الغالي مسامحك ما عشان عينيك عشان تتعلم الغفران وتصفح لو زمن جار بيك وحاول لو قدرت كمان تقدر رقة الحابيك *********** وعزة نفسي مابية علي أسلم قلبي ليك تاني سنين الهجر بيناتنا وحاجات تانية حامياني ولو رجع الحنين عاود وليك من تاني وداني ولومكتوب علي أحب بحب إنسان يكون تاني
،،،،،،،،، وفي النهاية تمشي الدافوري وتقعد ليك في ركنا قصيا .. وتشجعووووووو
10-13-2012, 08:25 AM
Kabar Kabar
تاريخ التسجيل: 11-26-2002
مجموع المشاركات: 18537
غايتو الواحد لو ما رفع رجلو من الجاز شوية كان جاب ليك بتاعة عثمان مصطفى.. لكن يبدو انك ما جيت لسيرة شاكوش..و انما تأبطت شرا لأمر اخر..! الحاصل شنو؟ و الله صحي...
كل سنة و انت طيب يا حبيب..الشعب السوداني كلو مفلق يا قريبي بس قاطعها في الحشا ساكت..
يا اخوان .. لي منكم ذمن تحاياي مشكورين لتكبدكم المشاق لمواساتنا في الزي كان .. ولكن .. ترباس قال لينا .وقال ليكم .. اقعدو واطة ... والتراب في خشمكم
’’’’’ أتاريهم نسوا الريده و نسوها حتي نسوني كفاك ما تبكي يا عيوني خلاص ما تبكي يا عيوني
كفاك يا عيوني ما تبكي والجافاكي ما تسُكي ما تتألمي و تشكي الساب الحنان فكيه حقيقه الريده بتبكي خلاص ما تبكي يا عيوني كفاك ما تبكي يا عيوني
كفاك ياعيوني ما تعبتي حتي اليله ده غلبتيه منو نهلتي و شربتي سابك و ما حصل سبتي خلاص ما تبكي يا عيوني كفاك ما تبكي يا عيوني ،،،،،،،،، ببكي وببكي وببكي .. انعل ابو الدافوري واتحاد العاب القوي ..
Quote: كلام الطير في لســان كـع بوســـت بلا موضوع انت عاوز تقول شــنو ؟
يا عبدالله يا احيمر انا عايز اقول انت مالك حارق جازك !! وكرهتي في الدنيا دي الزول البقهي ........ وفي النهاية يجي يقول ليك انت عايز تقول شنو ! صبحان الله خلينا القعاد تحت النيمه عشان الانواع دي برضو لاحقنك في الاسافير !
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالله كع
Kabar
عمار محمد ادريس
فيس بوك
تويتر
انستقرام
يوتيوب
بنتيريست