وطن مالك زمام أمرو ومتوهج لهب جمرو وطن غالى نجومو تلالى فى العالى إراده سياده حريّه مكان الفرد تتقدم.. قيادتنا الجماعيّه مكان السجنِ مستشفى مكان المنفى كليّه مكان الأسري.. ورديّه مكان الحسره أغنيّه مكان الطلقه عصفوره تحلق حول نافوره تمازج شُفّع الروضه ح نبنيهو البنحلم بيهو يوماتى
وطن للسلم أجنحتو ضدّ الحرب أسلحتو عدد مافوق ما تحتو مدد للأرض محتله سند للإيدو ملويّه ح نبنيهو.. البنحلم بيهو يوماتى وطن حدّادى مدّادى ما بنبنيهو فرّادى ولا بالضجه فى الرادى ولا الخطب الحماسيّه وطن بالفيهو نتساوى نحلم.. نقرا نتداوى مساكن كهربا ومويه.. تحتنا الظلمه تتهاوى نختّ الفجرِ طاقيّه وتطلع شمس مقهوره بخط الشعب ممهوره تخلي الدنيا مبهوره إراده وحده شعبيّه
حمدا لله الف علي علي السلامة شاعر الشعب (محجوب شريف)
لبيد حبيبى وشريانى كيف حالك واحوالك ؟ عساك طيب واهلا بيك معانا فى البيت الكبير ملاحظة صغيرونة الصورة كبيرة شديد لو سمحت صغر الحجم عشان البوست بقى مفتول والصور ما واضحة لانها كبيرة شديد تسلم حبيبى عمتك اخت ابوك بالمحبة والاخاء
10-13-2012, 03:56 PM
abdulhalim altilib
abdulhalim altilib
تاريخ التسجيل: 10-16-2006
مجموع المشاركات: 4050
شكراً علي المرور ، أُستاذ محمد السُني دفع الله وشكراً علي التنبيه الأُستاذة / سلمى الشيخ سلامة أتمنى أن أكون قد توفقت في تعديل الصور ، لم أستطع أن أظهرها بالحجم المطلوب نظراً للتقنية المحمول ، ولكن أتيت بالروابط للصور بحجم مناسب ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة