كتب الكاتب الفاتح جبرا المتوفرة بمعرض الدوحة
|
يا بورداب الخرطوم مساعدة عاجلة جداً
|
عندي واحد اجنبي جاي يعيد معاي في السودان اول حاجة الفنادق بتكون مشغولة ايام العيد , والبيت ما ضيق عليهو بس بخاف من قطعة الكهرباء وما شابه تانيا يودهو وين دا؟ عليكم الله اقترحوا ليهو برنامج تلاتة يوم
|
|
|
|
|
|
|
|
Re: يا بورداب الخرطوم مساعدة عاجلة جداً (Re: محمد عمر الفكي)
|
Quote: عاوزه يطلع بصورة ايجابية جداً عن السودان |
الواحد يكون سايق ليهو معاهو باكستاني يجي يقول سايق معاي أجنبي ........... والله صحي غايتو البعرفوا أنا ما دام ماشي معاك اصلو ما حيطلع بصورة ايجابية .. ..
___ يا مان خلي الزول يشوف الحاجات طبيعية جدا بلاش تكلف ودي حتديهو صورة حقيقية عن السودان وبعدين بورداب الخرطوم غايتو برنامجهم معروف سلفاً عوضية سمك .وقندهار يعني اكل في اكل طلعوا بره الخرطوم الدندر او كسلا وهكذا (دواليبك) وقع ليك
| |
|
|
|
|
|
|
Re: يا بورداب الخرطوم مساعدة عاجلة جداً (Re: محمد عمر الفكي)
|
قندهار كمكان شعبي يصلح ..
زيارة للمتحف القومي ومتحف الخليفة ..
تأجير مركب قبالة قاعة الصداقة والطواف في منطقة المقرن ملتقى النيلين كأجمل بقعة في العالم ..!
قهوة ليلية في شارع الفلل الرئاسية ..
وجبة غداء سمك عند شعيب أو عوضية في الموردة ..
| |
|
|
|
|
|
|
Re: يا بورداب الخرطوم مساعدة عاجلة جداً (Re: ناذر محمد الخليفة)
|
Quote: قندهار كمكان شعبي يصلح ..
زيارة للمتحف القومي ومتحف الخليفة .. تأجير مركب قبالة قاعة الصداقة والطواف في منطقة المقرن ملتقى النيلين كأجمل بقعة في العالم ..!
قهوة ليلية في شارع الفلل الرئاسية ..
وجبة غداء سمك عند شعيب أو عوضية في الموردة .. |
كاااااااااااااااااااااك
كلامي الحبر حقو ما نشف ياخ ناذر يا صاحب والله أنا طالبك ديل كلهم أوع تنكر بعدين ....... والله صحي
| |
|
|
|
|
|
|
Re: يا بورداب الخرطوم مساعدة عاجلة جداً (Re: محمد عمر الفكي)
|
Quote: الواحد يكون سايق ليهو معاهو باكستاني يجي يقول سايق معاي أجنبي ........... والله صحي |
غايتو تواضعنا دا وصلنا لمراحل نتكلم مع البشاري!!!!! الله في
Quote: غايتو البعرفوا أنا ما دام ماشي معاك اصلو ما حيطلع بصورة ايجابية |
Quote: زيارة للمتحف القومي ومتحف الخليفة ..
تأجير مركب قبالة قاعة الصداقة والطواف في منطقة المقرن ملتقى النيلين كأجمل بقعة في العالم ..! |
زيارة المتاحف معقولة يا ناذر اما قصة المركب دي الا تكون قاصد تسود منبر بكري 3 يوم من الله ما خلقك لاقاك بطحاني بعرف يعوم؟ قهوة الفلل الرئاسية دي ما بعرفها يا ناذر اديني خبرها شنو؟
ايمنوف الشوق كميات والله نحيلك الى ردنا الاول على المدعو البشاري من دون شوك في الحلق احمد التجاني ربنا يستر بس عارف سالني من شنو؟ قال لي ممكن تجيني ملاريا هناك؟
Quote: ناذر يا صاحب والله أنا طالبك ديل كلهم أوع تنكر بعدين ....... والله صحي |
كدي النقضى انا اول يا الامين، شرحو يا ناذر
| |
|
|
|
|
|
|
Re: يا بورداب الخرطوم مساعدة عاجلة جداً (Re: محمد عمر الفكي)
|
Quote: من الله ما خلقك لاقاك بطحاني بعرف يعوم؟ |
بدل حاجات ناذر دي سوق الأجنبي دا ســوق تمبول يضرب كبدة ابل وشية زي الشية حيأخد صورة ممتازة عن السودان ياخ أنا غايتو جاي احضر حفلة ابو عركي والله لو لميت فيهو الا أقول ليهو الزول دا يسوقك تمبول بس
| |
|
|
|
|
|
|
Re: يا بورداب الخرطوم مساعدة عاجلة جداً (Re: الامين موسى البشاري)
|
Quote: أنا غايتو جاي احضر حفلة ابو عركي والله لو لميت فيهو الا أقول ليهو الزول دا يسوقك تمبول بس |
حفلة عركي دي وين ومتين؟ بالمناسبة لو معيد في السودان رسل لي تلفونك في الخاص عشان نتقابل هناك ان شاء الله
Quote: ما تنســـى تديهو يشـــرب البتاع داااااك عشان الهيضومة بس عليك الله ما تفهمني (غلت) |
قصدك ياتو؟ العرقي ولا البنقو؟
| |
|
|
|
|
|
|
Re: يا بورداب الخرطوم مساعدة عاجلة جداً (Re: محمد عمر الفكي)
|
يا ابو حميد .. ما عليك إلا تسوي ليهو زي مراسل الجزيرة (الخليجي) أيام الإنتخابات المخجوجة .. زولك من المطار .. على السلام روتانا .. محل السكن الاستديو التحليلي بتاع الجزيرة كا منصوب في أعلى فندق الهيلتون وللا برج الفاتح ما متأكد المهم المراسل دا يومي بطلع مع السواق من روتانا للاستديو التحليلي السواق طبعا فاااالح .. روتانا - شارع المطار - شارع المك نمر - شارع النيل - الهيلتون
بعد ما الانتخابات انتهت سؤلوهو رايك شنو في الخرطوم .. قال واللللله إنها باريس العرب يا شيخ
| |
|
|
|
|
|
|
Re: يا بورداب الخرطوم مساعدة عاجلة جداً (Re: هويدا شرف الدين)
|
Quote: نحن في اصدقاء السياحة مستعدين ان نجهز له برنامج سياحي جاذب وشامل
ولقد سبق ان قمنا بعمل برنامج زيارة المتاحف للوفد الشبابي الكوري الذي زار السودان
مؤخرا ووجد الترحيب من الوفد ووزارة الشباب والرياض ووزارة السياحة
صلاح غريبة - رئيس اصدقاء السياحة السودانية |
ياالبطحانى اها جوك اخصائى السياحة ...سلمو ليهم وامشى (اتراوش) (واتهاوش )* مع اهلك البطاحين وارتاح من القصة دى ...
* اتهاوش من الهوشة ..,والهوشة فى التراث السودانى وعند البطاحين تحديدا حالة تصيبهم عند حضور الضيوف ..(الضيوف الما اجانب طبعا) .....لانو الحالة التى يمر بها صاحب البوست لم يتم تصنيفها بعد فهى لاتمت للهوشة بصلة ...وتقترب من الخوفة فى تعريفها العام ...
| |
|
|
|
|
|
|
Re: يا بورداب الخرطوم مساعدة عاجلة جداً (Re: محمد عبدالرحمن)
|
مشكور يا استاذ صلاح (دا كان شفت البوست دا تاني ) يا محمد عمر (اول مرة اخاطب رقبتي بالشكل دا) بس عشان الكيمان تنفرز بنقولك يا حمادة المشكلة انه حاجاتك البتقول فيها دي انا دربها بوين ما بعرفه، فلا شفت برج الفاتح الا وهو اساسات والسلام روتانا دا بسمع به سمع يا هويدا انا ولد بحري قسماً بالله لما امشي الخرطوم نفسي دا بتضايق ما برتاح الا لما اقطع الكوبري راجع على بحري لكن فينسيا دا ان الله حيانا بنتعشى فيهو تب.
Quote: الحالة التى يمر بها صاحب البوست لم يتم تصنيفها بعد فهى لاتمت للهوشة بصلة ...وتقترب من الخوفة فى تعريفها العام ... |
يا ابو حميد والله خايف اكضب عليك، خايف من التقصير وانه ما اعكس ليهو صورة كويسة عن بلدي. بعدين صلاح غريبة ياتو البسلمو رقبة؟ صلاح غريبة دا بوست ما تسلمو ليهو من ناحية الاكل والشراب مافي مشكلة، مشكلتي في الفسحة غايتو انت اتقفلت علي تب بوديهو البطانة
| |
|
|
|
|
|
|
Re: يا بورداب الخرطوم مساعدة عاجلة جداً (Re: ناذر محمد الخليفة)
|
Quote: يا أمين بشاري هي عليك الله الخرطوم فيها شنو غير الأكل والشراب والنوم ههههههه
بعدين يا خي دي وصفات خاصة بالخواجات غنت لمن تجي عندي ليك برنامج مختلف .... بس أمسك الخشب ..!! |
تسلم يا ناذر ياخ! وعارفك ما بتقصر لكن كدا شوفوا لينا حل لأخوي الكاشف دا .. ..
__ الزومي متضايقي .... والله صحي
| |
|
|
|
|
|
|
Re: يا بورداب الخرطوم مساعدة عاجلة جداً (Re: الامين موسى البشاري)
|
تحياتي ليكم المهم لازم يزور الاخ أبو الزهراء ودا جزء مهم من البرنامج (عشان يعرف الحياة في السودان وأنت نعسان) وأنتو أحرار ود القاضي قاليكم نصيه بالله فكروا فيها العيد ما عندكم يا ناذر ليه كدا الاجنبي يعني ينوم من سبعه وقندهار والمتاحف شنو الفوضي أمكن يكون من القارة العجوز
| |
|
|
|
|
|
|
Re: يا بورداب الخرطوم مساعدة عاجلة جداً (Re: Elmoiz Abunura)
|
انتو السيد نائب رئيس اتحاد الكتاب السياحيين زعل ولا شنو؟
ابو الزهور ان شاء الله نزورك بس خايف نجيك يقولو لينا في توتي
Quote: ليزمين سفارى فى شارع 41 بالعمارات لصاحبه صلاح الامين |
والله يا المعز وما طالبني حليفة لو ما كتبت لصاحبه صلاح الامين كانت قايلو نوع سندويتشات جديد دا فندق ولا شنو دا؟ صلاح الامين دا فك امواج ولا شنو؟
| |
|
|
|
|
|
|
Re: يا بورداب الخرطوم مساعدة عاجلة جداً (Re: محمد عمر الفكي)
|
ود الفكي اي حتة الا ما يعرف بشقق سلطان الفي نمرة 3 عديت معاهم يومين زي السم!! الكهرباء قطعت اربعة وعشرين ساعة والجعلي عدى يومه خنق نضافة الشقة بفاتورة منفصة اول ما تدخل يجردو املاعق والكبابي ويحررو بيها محضر استلام وتوقيع وشهود شقتي اتحجزت لزول تاني وانا قاعد فيها ودافع اضافة لفظاظة الادارة عن تجربتي لا انصح احد بالاقامة فيها
ويعدين تعال ..شنو البشاري والبطاني...عندكم سبق جمال والا شنو؟؟
| |
|
|
|
|
|
|
Re: يا بورداب الخرطوم مساعدة عاجلة جداً (Re: معاذ حسن)
|
Quote: ويعدين تعال ..شنو البشاري والبطاني...عندكم سبق جمال والا شنو؟؟ |
معاذ حسن
كيفك يا حبيب ...... أخوي الكاشف دا عايز يقشــر بالبنغالي بتاعو دا وأنا نصحته قلت ليهو وديهو سوق تمبول يضرب كبدة ابل وشية لامن يقتنع وبالمرة يفرجوا في سباق الجمال لكن ما سمع كلامي
عارف مرة مشى معاي واحد صاحبي سعودي جنو صيد والله اصلو ما اتكلفت ليهو وتركتوا يشوف البلد على طبيعتها شاف السمح وشاف الشين وكان مبسوط للطيش .. ..
برضو مرة مشينا رحلة الى جبل مرة وفجأة كدا ظهر لينا خواجة عزمناهو الغداء معانا وكان ضمن الغداء مختلف اصناف السفرة السودانية المعتادة اكتر حاجة عجبتو كسرة بملاح أم رقيقة والله الخواجة دا ضرب ضرب لامن وقف ألف أحمر بعدها شكرنا وشتت
اها صاحبي عايز يعمل للبنغالي دا شمار وتوم
| |
|
|
|
|
|
|
Re: يا بورداب الخرطوم مساعدة عاجلة جداً (Re: الصادق صديق سلمان)
|
حباب معاذ خلي السيناريو الحصل معاك دا، انا الخرطوم دي لو قالوا تعال جيب زولك دا وقعدوا فيها ونحن بندفع لك ما بعملها خلي اودي ناس السلطان ديل غايتو الجمل البشاري سمعت بيهو لكن الجمل البطحاني دا يطرشني فيهو مع انه صاحبه دا احلف لك عليهو الناقة من الجمل ما بيفرزهن يا علي شايفك اخدت موضوع ذو اليد جادي / ياخي بنهظر معاهو ، ولعلمك انا ما بتعترف بيهو شاعر الا اذا غنى ليهو عندليب السجانة ناذر الخليفة هو زاتو ذو اليد دا شقي حال ما يقع فيهو الا ود الباوقة يا الامين بنغالي شنو وغيره شنو البقشر بيهو انا لي 4 سنوات ما مشيت السودان من ظروف العمل والكفيل فحبيت القى مساعدة من الناس الهناك لا اكتر ولا اقل بعدين تعال، المعز ابو نورة دا قال لي حاجة مشيت قوقل ما عرفها ما عندك عنها خبر تحين بتعرفها؟ شيخ العوض باذن الله نتقابل والله هسى قاعد اعاين في مباريات الدوري اكان القى المريخ لاعب عشان محمد اخوك لو قاعد امشي معاهو اي كورة للمريخ ، اشتقت للضحك مع النص وبشير والنور بتاع الطماطم والله يقطع الشيكات الطيرت مننا مجدي الحلبي شيخ الصادق جزاك الله خيراً لكن ناس الخرطوم ديل زي الاخدو مني موقف خصوصاً ناذر الخليفة بعد ما بقى نائب رئيس
| |
|
|
|
|
|
|
Re: يا بورداب الخرطوم مساعدة عاجلة جداً (Re: محمد عمر الفكي)
|
Quote: يا علي شايفك اخدت موضوع ذو اليد جادي / ياخي بنهظر معاهو ، ولعلمك انا ما بتعترف بيهو شاعر الا اذا غنى ليهو عندليب السجانة ناذر الخليفة هو زاتو ذو اليد دا شقي حال ما يقع فيهو الا ود الباوقة
|
هناك كنت جادى لكن هنا بهظر يا حبيب
| |
|
|
|
|
|
|
|