|
Re: هل تعرف صاحب الصورة? ما اسمه و مهنته? الرجاء المساعدة! (Re: محمد البشرى الخضر)
|
محمد بشرى الخضر
تحياتي
انا طبعا ما عندي اي غرض في خلقة ربنا, على الاقل لأني انا ذاتي شين و دشن! في الفيسبوك هناك بوست حول الشخص صاحب الصورة, و هناك تعليقات بأنه واحد من كبار جلادي بيوت الاشباح, و يبدو انه كان يخفي اسمه اثناء تعذيب ضحاياه, و اخيرا ظهر على التلفزيون و عرفه عدد من ضحاياه و عايزين يعرفوا اسمه الحقيقي. و انا قلت اوسع دايرة البحث و اجيب الموضوع لسودانيز بس دا غرضي
| |
|
|
|
|
|
|
Re: هل تعرف صاحب الصورة? ما اسمه و مهنته? الرجاء المساعدة! (Re: haroon diyab)
|
Quote:
يوميات البشير
كتب المناضل ناجى موسى:
و بينما أنا أشاهد قناة السودان بالأمس بالصدفة .. وجدت هذا الشخص أمامي فأنتفضت من مكاني و ركضت أبحث عن هاتفي حتى أصوره و لكن لم أوفق و أنتظرت أراقب قناة السودان حتى إعادة نشرة الأخبار و تمكنت أخيرا هذا الصباح من تصويره .... لقد كنت أضرب داخل مكتب هذا الشخص و هو يقول لي سوف تكون معنا في جهاز الأمن و كنت أرفض و هو يأمر الأمنجي الذي يقف بجانبي أن يضربني .و هو يبتسم بإستفزاز و يقول لي سوف تكون معنا في اخر المطاف فإختصر الطريق !! أتمنى من لديه معلومات عن هذا الأمنجي أن ينشرها عنه فيبدو أنه يعمل في وظيفة أخرى بالإضافة لدوامه بالقرب من مقر الحرس الجمهوري في مكاتب جهاز الأمن. |
ناجي موسى هو عضو قرفنا
| |
|
|
|
|
|
|
Re: هل تعرف صاحب الصورة? ما اسمه و مهنته? الرجاء المساعدة! (Re: خضر الطيب)
|
في تقديري لم ياتي متاخر واسحب انه اتى لانه يبحث الاجابة عن سؤاله والاجابة على سؤاله مهم له وللجميع خاصة في ظل سحب البوست الاول اعتقد ليس هنالك تاخير او تقديم في مثل هذه المواضيع خاصة في ظل غياب الحقائق عن الشخص الذي يقال انه يهين في الظلام الانسان الذي كرم المولى عزوجل وفي ذات الوقت يقف على راس مؤسسة تعمل على مساعدة المسلمين لاداء احد اركان الاسلام هذا التناقض يجب فك شفرته يخلق من الشبه اربعين ادعو الله صادقا ان لايكون الرجل الذي يفوج المسلمين للحج هو الرباطي المعني يعنى يخلق من الشبه 40
| |
|
|
|
|
|
|
Re: هل تعرف صاحب الصورة? ما اسمه و مهنته? الرجاء المساعدة! (Re: بدر الدين احمد موسى)
|
تحيات و سلام يا شباب و شكرا على المساعدة و مزيدا من فضح خفافيش الظلام
نادر تحياتي مهم نفضح هولاء الازلام
دكتورنا سيف النصر سلام مش بالله غريبة انه زول بلا ضمير يسموه وزة طويل و عريض و وزة!
ايمن الطيب
هههههههه مش بالله
محمد ابراهيمنا المهندس ايوة و الله نسأل الله السلامة ياخ! لما واحد يكون ما عنده غير اذية بني ادم بكون زيو و زي اي مرض مؤذي
هارون دياب عايز تودي البوست الخور? ههههههه ياخ غرضنا شريف و الله!
عبدالعزيز عيسى شكرا يا عزيز الكلام دا هو الدفعني اجيب الصورة هنا!
هجو مختار
شكرا ياخ على وضع اسم هذا الكارثة هنا شوف بالله يكون اسمه محمد المصطفي على من جاء رحمة للناس و يكون هو فظ و غليظ القلب!
خضر الطيب يبرأ الاسم ياخ معقول في زول اسمه بدرالدين و يكون بعمل كدا ? هجو جاب الاسم تب! فعلا يا خضر انا شلت الخبر من صفحة معاوية عبيد الصايم
علاء الدين صلاح محمد وين انت ياخ طولنا منك? ايوة يا علاء مفروض نفضحهم ليل و نهار لغاية ما يطير النوم من عيونهم!
| |
|
|
|
|
|
|
Re: هل تعرف صاحب الصورة? ما اسمه و مهنته? الرجاء المساعدة! (Re: بدر الدين احمد موسى)
|
الزول ده يا جماعة ضابط كبير في جهاز الأمن وتقريباً كان برتبة عميد
وكان مسؤول عن أمن المجلس الوطني وقاعة الصداقة .. وسبق أن أصدر
أمراً بمنعي من دخول المجلس الوطني بعد إغلاق صحيفة الوطن في ديسمبر
2002م .. وتدخل عدد من الزملاء الصحفيين البرلمانيين بينهم الزميل عبدالحميد
عوض عضو المنبر برفع إحتجاج لرئيس البرلمان أحمد ابراهيم الطاهر الذي نفى
علمه أو صلته بقرار منعي من دخول مبنى البرلمان
| |
|
|
|
|
|
|
Re: هل تعرف صاحب الصورة? ما اسمه و مهنته? الرجاء المساعدة! (Re: فيصل محمد خليل)
|
سلام يا بدرالدين وكل المتداخليين
اود التنبيه الي نقطة مهمة
كل البوستات التي تهم الامن وتختص بفضحه يجب ان لا نستجيب فيها للاستفزاز ولا ننجر وراء التعليقات البذيئة والالفاظ البذيئة لاننا بذلك نكون قد قتلنا الموضوع الاساسي واي الفاظ تقود لسحب البوست والمستفيد هو موسسة التعذيب وجهاز الامن من السحب مع تقديري لكل من ولجوا الي بيوت التعذيب وبيوت الاشباح في ظل الانقاذ لكن علاج ذلك لايتم بانهزامنا امام الجلاد
فارجو الانتباه حتي لايستفيد جهاز الامن ولا تموت القضية فلا تستجيبوا للاستفزاز
| |
|
|
|
|
|
|
Re: هل تعرف صاحب الصورة? ما اسمه و مهنته? الرجاء المساعدة! (Re: abdelrahim abayazid)
|
Quote: سلام يا بدرالدين وكل المتداخليين
اود التنبيه الي نقطة مهمة
كل البوستات التي تهم الامن وتختص بفضحه يجب ان لا نستجيب فيها للاستفزاز ولا ننجر وراء التعليقات البذيئة والالفاظ البذيئة لاننا بذلك نكون قد قتلنا الموضوع الاساسي واي الفاظ تقود لسحب البوست والمستفيد هو موسسة التعذيب وجهاز الامن من السحب مع تقديري لكل من ولجوا الي بيوت التعذيب وبيوت الاشباح في ظل الانقاذ لكن علاج ذلك لايتم بانهزامنا امام الجلاد
فارجو الانتباه حتي لايستفيد جهاز الامن ولا تموت القضية فلا تستجيبوا للاستفزاز |
| |
|
|
|
|
|
|
Re: هل تعرف صاحب الصورة? ما اسمه و مهنته? الرجاء المساعدة! (Re: فيصل محمد خليل)
|
سلام يا هجو مختار مالك يا زول مكرهنا في اسمنا ... بتقول Quote: صاحب الصوره اسمه محمد المصطفي |
انا من دربي دا ماشي المحكمة اغير اسمي الغريب في الامر انو الزول ماشي الحج .. امان الناس دي صدقت في القالوهو فيهو .. اخير يلم قروش حجو ويمشي يشوف ليهو مشروع مزرعة واللا كبه حامية .. الله بسامح في حقو .. لكن حق الناس ولا بعشم فيهو وياويل من دعا عليه مظلوم .. وياويل من ارهق من ردد الشهاده مسلما
| |
|
|
|
|
|
|
Re: هل تعرف صاحب الصورة? ما اسمه و مهنته? الرجاء المساعدة! (Re: محمد حيدر المشرف)
|
إبداع يا ود المشرف هنا جرّيت نص الميدان Quote: أسجل إعتراضى على تعليقات الاصدقاء هنا والتى تشير لمسألة الشكل والملامح .. |
وهنا جرّيت النص التاني Quote: ولو كان أجمل أهل الأرض جميعا, هل ينقص ذلك من ذنبه شيء ؟! |
وهنا جريت القون و أكّلتو النجيلة و بعد دا انت و الشبكةQuote: هذا مع التحفظ على مسالة الذنب دى وحتى يتم التثبت منها تماما .. |
ثم اديتها الكشّافات بي دي باليا يا دكتور .. باليا
| |
|
|
|
|
|
|
Re: هل تعرف صاحب الصورة? ما اسمه و مهنته? الرجاء المساعدة! (Re: محمد البشرى الخضر)
|
ود المشرف المشرف
و الله يا المشرف, كل زول معلق من تعليقه, زي; ما كل شاة معلقة من عرقوبها المهم لدي انه صلاح المليح اثبت انه ضابط امن. وهناك كلام ناجي موسى و نقله عبد العزيز عيسى عن تجربة شخصية مع السيد محمد المصطفى في مكاتب الامن, و انه اصدر الاوامر مباشرة لتعذيبه, اكثر من كدة مافي اثبات. الا اذا كان مطلوب نجيب اثر كل كف او سوط او مسمار او عقب سجاير على اجسام الضحايا و عليها امضائه الذي يستخدمه في البنك! الترند trend بتاع تكذيب اي بوست يمس ناس الامن, يا المشرف, هو ظاهرة سودانيزاونلاينية تقودها اتيام من الامنجية و المؤلفة قلوبهم ليكونوا امنجية و الطامحين ليكونوا امنجية و يقدمون عرابين لجهاز الامن ليعرف جودة خدماتهم, و ايضا, من لهم اغراض شخصية. يا المشرف انتبه!
| |
|
|
|
|
|
|
Re: هل تعرف صاحب الصورة? ما اسمه و مهنته? الرجاء المساعدة! (Re: بدر الدين احمد موسى)
|
يا بدر ود موسى ..
انا بعرف الزول دا منذ ان كان شاباً غضاً حتى تزوج وخط المشيب فى رأســه جداول ... اى زول قا لكلام عن هذا الشخص دونه المحكمة داخل السودان / خارج السودان لاثبات اى شى ضده .. لكن محاكمات سودانيزاونلاين دا عبارة عن ( بقجة قبائن اى زول بيجئ يطرشها وما بيقش خشمو حتى )
________
لعلمك الزول دا ما اعرفــه عنه ... 18 سنة متصلات يحج العام تلو العام ويعلمه كل من حج خلال السنوات العشر الماضيــة
____________
ثم دا ضابط امن شنو دا البيقعد فى المجلس الوطنى لتأمين المنشأة 18 سنة العايز يفتح بلاغ يفتحويكتب الوصول الى المذكور بإرشاد بدر الدين اسحاق احمد اها قصرت مع المناتلين ناس المليح ديل ..
| |
|
|
|
|
|
|
Re: هل تعرف صاحب الصورة? ما اسمه و مهنته? الرجاء المساعدة! (Re: بدر الدين اسحاق احمد)
|
ود اسحق تحياتي
دا الكلام! اذا هو انكر او ينكر ان اصدر اوامر لتعذيب ناس منهم ناجي موسى, عليه اخذهم للمحكمة و انت عارف الاجراء الاسلامي القراني في "الحتة دي" ههههههه يعني التلاعن! يجي يقول ان لعنة الله عليه (اي محمد المصطفى) ان كان من الكاذبين, و انه لم يعذب احد و بالتحديد ناجي موسى. و بعد داك موضوع ناس ناجي محسوم. تتوفر ليهم محكمة عادلة, و لو لم يثبتوا انه كان شغال في الامن في الفترة التي يدعون انه عذبهم فيها, و دي معلومات مفروض تتوفر من دفاتر الحضور و الغياب لدى جهاز الامن, و شهادة ناس الامن الكانوا شغالين و سادين وردية تحت القسم على القرآن و يتم تسليم المعلومات للمحكمة, بس ما يطلعوا زي العربي الاخدوهو للشهادة و واحد حاول يذكره ان الحليفة على القران خطرة فقال ليهو "ها مش كتابهم دا و الله افككه ليهم ورقة ورقة حليفة شنو آآ زول " هههههههه و لو دا كله طلع ادعاء من غير دليل, يبقى تجني, خليهم يسجنوهم او يغرموهم او العقوبتين معا قصرنا معاه!? ود اسحق في مظالم كتيرة الله حا يسأل عنها, و التغطية عليها ما حا تفيد, لكن نحن عايزين ان العدالة تتوفر للناس الان.
| |
|
|
|
|
|
|
|