|
|
 عدم إدخال هيثم مصطفى بعد الدقيقة السبعين يطرح استفهام كبير
|
فقد تقدّم الهلال بهدفين وانهار الأهلي شندي وانكشف خط وسطه ودفاعه .. وكان حينها ينقص الهلال التمريرات القاتلة والذكية لسادومبا الذي أرهقه الركض بدون فائدة !!!
ولو شارك هيثم مصطفى بعد تقدّم الهلال بالهدفين لكان الهلال أقرب للفوز برباعية أو خماسية ...
يا غارزيتو لو كانت مقصودة بقول ليك عملتها شينة وواضحة وبايخة ياخ
|
|
  
|
|
|
|
|
|
|
 Re: عدم إدخال هيثم مصطفى بعد الدقيقة السبعين يطرح استفهام كبير (Re: منتصر صلاح)
|
طبعا يا صبري إنت طلعت معظم جمهور الهلال متخلف ...وإنو وراء الهلال مدرب عالمي يفهم في الكورة أكتر مننا..
كدي دخول هيثم خليهو قلبنا إنو ما عندو لياقة وما بيعرف يجري وما بيعرف يقلع ..ياخ اقول ليك ما بيعرف كورة عديييل..
لكن رأيك شنو في حركة وقعة جمعة جينارو دي؟؟ ومن ثم إشراك المعز؟؟
ياخ سييب ده كلللو ..رايك شنو في قعاد مهند الطاهر لحدي نهاية الكورة وهو المفروض يطلع من اول ربع ساعة؟؟
ياخ سيييب ده كلللو رايك شنو في حوامة خليفة اللي لحدي أسة قايل روحو بيلعب في دافوري اولاد الحلة وبيسك الكورة محل ما هي قاعدة؟؟؟
بل سيبك من ده كلللو ما رأيك في هذا الإيكانغا اللي في أي لحظة ممكن يخسرك لاعب بالطرد المباشر وإنت في أمس الحوجة لي لاعب؟؟
بل سيبك من ده كلللو رأيك شنو في إنك تدخل بكري المدينة وتخلي معاهو سادومبا مهجمين صريحين وانت ما عندك الزول البيلعب ليهم الباص؟؟
| |
|
|
|
|
|
|
|
|
|
Re: عدم إدخال هيثم مصطفى بعد الدقيقة السبعين يطرح استفهام كبير (Re: د. ياسر عبد القادر)
|
Quote: سلامات
أعتقد إدخال علاء الدين يوسف منطقي جدا لاجل المحافظة علي الفوز...عكس ادخال هيثم...وهو لايملك اي ادوار دفاعية |
منطقي لو كُنت لاعب أمام الترجي التونسي .. فالأهلي شندي لم يكن بتلك الشراسة التي تخاف منها بإشراك هيثم مصطفى في ثلث الساعة الأخيرة من المُباراة ...
ثمّ أنّ الأهلي شندي بعد الهدف الثاني للهلال انكشف دفاعه وخط وسطه تماماً بمعنى انهار تماماً ...
| |
|
|
|
|
|
|
|
|
|
Re: عدم إدخال هيثم مصطفى بعد الدقيقة السبعين يطرح استفهام كبير (Re: صبري طه)
|
صبري الما بعرف كورة :
| Quote: والمدرّب مهما كان برضو يفهم في الكُرة ويكفي أنّه تفوق عليك بخماسية على ملعبك أيام كان مدرباً لمازيمبي .. |
وبي كلامك ده أقدر اقول برضو ويكفي أننا تفوقنا عليه في ملعبه 2 صفر والشمس حية ؟؟ و كان الهلال يومها الأقرب للصعود وأضاع مليون فرصة ؟؟
Quote: المُعز كان يقوم بعمليات الإحماء قبل حركة وقعة جمعة جينارو ذاتا .. وهذا يعني أنّ المدرّب قرّر إشراكه بغض النظر عن إصابة جمعة من عدمها (راجع شريط المُباراة)
|
ما بحتاج اراجع شريط المباراة يا حبوب فانا أشاهد الهلال بكل جوارحي وشاهدت لقطة تسخينة المعز عشان كده بقول ليك إنو دي الوهمة زاااتا!!! وقعة جمعة ما كان في ليها داعي وتسخينة المعز برضو لأنها تمثيلية سمجة مفادها إنو جمعة شكى من إصابة بين الشوطين وعليه قرر المعز التسخينة ثم وقع جمعة فتم إستدعاء المعز..
السيناريو والمنطق بيقول إنو المعز هو رجل المرحلة القادمة رغما عن تألق جمعة وواضح إنو غارزيتو لا يثق في جمعة ويشركه عند الحوجة فقط !!
| |
|
|
|
|
|
|
|
|
|
Re: عدم إدخال هيثم مصطفى بعد الدقيقة السبعين يطرح استفهام كبير (Re: عمر الفاروق)
|
خليفة دا اهم لاعب امس كان - يمكن ما اهم بالضبط - لكن دوره مهم جدا
هوي يا ود الفاروق اوعى تقول لي ما بفهم كورة :) غايتو انا خليفة دا زي بشة من زمن كامبوس بدورهم كدا لله و الرسول و بنبسط لما يكونوا لاعبين مع انو مرات بخذلوك
يا صبري اي منطق في الدنيا كان بقول مفروض يدخل البرنس من باب تجهيزو للمرحلة الجاية لكن الكوتش عندو راي مخالف
الواحد ما عايز يلجأ لنظرية المؤامرة ساي لكن دي كانت ح تكون اول مشاركة للبرنس بجانب عمر بخيت عكس الكور الفاتت
| |
|
|
|
|
|
|
|
|
|
Re: عدم إدخال هيثم مصطفى بعد الدقيقة السبعين يطرح استفهام كبير (Re: محمد البشرى الخضر)
|
بالعكس يا ود البشرى ..انا ما بقول خليفة وجوده ما كان مهم ..لكن خليفة عندو طاقة جبارة ومهولة ما بيعرف يستخدمها صاح..خليفة لا يصلح كلاعب تكتيكي..خليفة لاعب بيذكرني كورتنا زمانفي الحلة ..بنعتقد إنو البيمسك الكورة أكتر زول وبيلف الميدان وبيجري ورا الكورة هو المعلم..
خليفة بيسك الكورة كتيير وبيتواجد في أي منطقة في الميدان بس ما بي عقل وفهم لالالا بغرض سك الكورة ..
وده لو الفريق لاعب بي تنظيم وأي زول عارف دورو ممكن عاادي يجوطهم ..
| |
|
|
|
|
|
|
|
|
|
Re: عدم إدخال هيثم مصطفى بعد الدقيقة السبعين يطرح استفهام كبير (Re: عمر الفاروق)
|
طيب يا ودالفاروق ارجعك للموسم القبل الفات - ايام كامبوس - كم قون وكم هجمة خطيرة نتج أو نتجت بسبب اختراقات خليفة و الون تو الكان بجيدو مع المهاجمين
كان واضح انو دا تكتيك متفق عليه و خليفه اجاد تنفيذه
طبعا دا ما عذر كونك تجيب لاعب عشان جملة تكتيكية فرمالة لكن اكيد نظرة المدربين مختلفة عن نظرتنا, فكامبوس اكيد كان عندو رؤية و شغل بعتمد فيه على خليفة
حتى ميشو في كتير من المباريات كان بلعب بي خليفة وبفضلو على بشة احيانا
دا غير انو خليفة في فترة لعب في خانتين المساكين شمال ويمين و كان ما بطال خاصة في اليمين
| |
|
|
|
|
|
|
|
|
|
Re: عدم إدخال هيثم مصطفى بعد الدقيقة السبعين يطرح استفهام كبير (Re: محمد البشرى الخضر)
|
Quote: خليفة دا اهم لاعب امس كان - يمكن ما اهم بالضبط - لكن دوره مهم جدا
هوي يا ود الفاروق اوعى تقول لي ما بفهم كورة :) غايتو انا خليفة دا زي بشة من زمن كامبوس بدورهم كدا لله و الرسول و بنبسط لما يكونوا لاعبين مع انو مرات بخذلوك |
يا ود البُشرى في أساسيات كدا لو انعدمت في لاعب الكُرة مفروض يشوف ليهو حاجة غيرها ... (خليفة + بكري المدينة) ديل جو الهلال كيف ؟
Quote: يا صبري اي منطق في الدنيا كان بقول مفروض يدخل البرنس من باب تجهيزو للمرحلة الجاية لكن الكوتش عندو راي مخالف
الواحد ما عايز يلجأ لنظرية المؤامرة ساي لكن دي كانت ح تكون اول مشاركة للبرنس بجانب عمر بخيت عكس الكور الفاتت |
بالضبط كدا يا ود البُشرى ... وعليك الله شاهد المُباراة بعد الدقيقة سبعين .. بتلقى إنّو وجود هيثم مصطفى سيكون منطقي وفي كل الأحوال بافتراض تجهيزو وبافتراض إنّو كان سيشكّل إضافة ستزيد من عدد الأهداف ...
ياخي أنا حنّيت عديل كدا على سادومبا وعلى مجهودو وجريهو في الفاضي ... (لاعب سريع زي سادومبا بس أضبط ليهو الباص بين قلبي الدفاع أو لوب خلفهما) وهذا ما يجيده هيثم مصطفى ...
| |
|
|
|
|
|
|
|
|
|
Re: عدم إدخال هيثم مصطفى بعد الدقيقة السبعين يطرح استفهام كبير (Re: صبري طه)
|
والله فعلا سادومبا كان يحنن وخصوصا مع غياب كاريكا رغم انو كاريكا تسعين في المية من عكسياته غلط لكنو على الاقل بريح المهاجم التاني من الرجوع للنص وفتيش الكورة
بالنسبة لخليفة و بكري و اساسيات الكورة يا صبري دا الهلال الفريق السوداني ما برشلونة عشان يجيب التيم كلو باستاندرز عالمية , محليا كدا وسط اللعيبة السودانيين الأغلبهم اتعلموا الكورة في الرابطة و دافوري الحلة بعتبر خليفة وبكري ما بطالين وبباصوا على الأقل
هسي كد خلونا من الفات عايزين تنظير في التشكيلة للمباريات الجاية وهي مباريات مهمة وخطيرة على ضوء المستجدات
المستجدات هي كالآتي : واحد اقتناع غارزيتو باللعب باربعة مدافعين أخيرا
و احتمال اقتناعه باشراك البرنس
و عودة عمر بخيت و إلى حد ما - لنفترض - تحسن مستوى علاءالدين و يوسف محمد
حتى صالح الأمين كخيار لقلب دفاع تاني كان جيد في كورة الأمل - ما عارف أمس ما أشركه ليه
عايزين تنظيركم فيالتشكيلة ال مناسبة
| |
|
|
|
|
|
|
|
|
|
Re: عدم إدخال هيثم مصطفى بعد الدقيقة السبعين يطرح استفهام كبير (Re: محمد البشرى الخضر)
|
عارف يا ود البشرى وبما إنك قلت تنظير فأنا عندي قناعة تامة بمقدرات اللاعب السوداني بي إنو يلعب أييي خانة توكلها ليهو بي سبب تربيتنا الكروية الغلط وطريقة تعلمنا للكورة في الحواري والدوافير..
عليه وبناء على هذه المعلومة انا عندي قناعة شديييدة إنو علاء الدين يوسف ممكن يلعب ليك قلب دفاع مع مساوي زي الترتيب وبدون أييي مشاكل بس تركز عليهو في كم تمرين في الخانة دي عشان ما يسرح ويحن لي إنو لاعب وسط ..
بالتالي تصبح تشكيلة الهلال في خط الدفاع سيف مساوي علاء الدين بويا وكايا ..
الوسط ما عايز إجتهاد وبدون تشدد وميول لي هيثم ..
عمر بخيت ..هيثم مصطفى ..نزار حامد..مهند الطاهر..
الهجوم كاريكا وسادومبا ..
على أن تحل المشكلة بين كا ريكا وهيثم مصطفى فانا ينتابني شعور أن كاريكا لديه مشاكل مع تواجد هيثم مصطفى في التشكيل وكأني بمدثر يحاول أن ينتزع نجومية هيثم ليدخل هو قلوب الجماهير كرقم واحد ..
| |
|
|
|
|
|
|
|
|
|
Re: عدم إدخال هيثم مصطفى بعد الدقيقة السبعين يطرح استفهام كبير (Re: محمد البشرى الخضر)
|
تبقّى للهلال خمس مُباريات في الكونفدرالية بافتراض وصوله للمُباراة النهائية ...
ضغط هيثم مصطفى في التدريبات لوصوله لدرجة عالية من الجاهزية للعب على الأقل ثلاث مُباريات أساسياً من المُباريات المتبقية يُعدّ منطقياً لدرجة بعيدة مع الاعتماد على مهاجمين اثنين بدلاً من ثلاثة مُهاجمين ...
لنضرب بهيثم مصطفى عصفورين بحجر واحد وهما:-
1- عامل الخبرة
2- صناعة الأهداف
| |
|
|
|
|
|
|
|
|
 Re: عدم إدخال هيثم مصطفى بعد الدقيقة السبعين يطرح استفهام كبير (Re: مرتضى احمد عبد القادر)
|
Quote: تشكيلة الهلال في خط الدفاع سيف مساوي علاء الدين بويا وكايا ..
الوسط ما عايز إجتهاد وبدون تشدد وميول لي هيثم ..
عمر بخيت ..هيثم مصطفى ..نزار حامد..مهند الطاهر..
الهجوم كاريكا وسادومبا .. |
ابصم بالعشرة على تشكيلة عمر الفاروق وكان غارزيتو مصر على 3 مهاجمين يلعب 4 3 3
الدفاع: مساوي .. علاء الدين .. بويا .. كايا
الوسط : عمر بخيت .. نزار حامد .. هيثم مصطفى
الهجوم: كاريكا .. وسادومبا على الأطراف وسانية جوه الصندوق
| |
|
|
|
|
|
|
|
|
|
Re: عدم إدخال هيثم مصطفى بعد الدقيقة السبعين يطرح استفهام كبير (Re: مرتضى احمد عبد القادر)
|
يا مورتا مقارنة خليفة و بشة من ناحية المحبة لله كدا :)
لكن ياخوانا ما تظلموا خليفة, الراجل دا كم كورة حلانا من زنقة عديل كدا وكان سبب في هدف الفوز
بالنسبة لتشكيلة عمر اعتقد هي الأنسب بس رجع علاء ارتكاز و لعب صالح الأمين محلو, علاء الدين زي ما قلت ممكن يجيد قلب الدفاع لكن ما في وقت للتجريب و الراجل شارب خانة الإرتكاز شراب و بجضمها تمام
و اغلب الظن غارزيتو ما ح يلعب البرنس و مهند و كاريكا سوا لازم يضحي بواحد منهم وغا لبا البرنس
بعدين وين سانيه في تشكيلتك يا فاروق
| |
|
|
|
|
|
|
|
|
|
Re: عدم إدخال هيثم مصطفى بعد الدقيقة السبعين يطرح استفهام كبير (Re: محمد البشرى الخضر)
|
و بتالنسبة لبويا الزول عاجبني شديد من ناحية التزامو بأدوارو الدفاعية ومقدرته على عكس الكورة للمهاجمين و الشوت وإن كان مقل في كدة و الحاجة دي من غاب هيثم مصطفى ما شفناه سواها وما عارف العلاقة شنو يمكن انطباعات ساكت
لكن اعيب عليه اللعب العنيف الغير مبرر و الحصول على الانذارات المجانية ودي مشكلة اغلب لعيبة الدفاع - حتى مساوي احيانا بياخد كروت بدون داع , أمس والله يستاهل كرت لكن لقى الكيني الضحاكة دا حنكو بكلمتين واعتذر للاعب قبل ما يمشي عليه فعفاه ساكت
| |
|
|
|
|
|
|
|
|
|
Re: عدم إدخال هيثم مصطفى بعد الدقيقة السبعين يطرح استفهام كبير (Re: محمد البشرى الخضر)
|
يا ود البشرى سانييه ده انا ما عاجبني ولا أقول ليك ما قدرت أفهمو!!!!
الزول ده زي ما قلت ليك يا لعاااب شديييد يا كعععب شديييد ونحن العاملين ليهو هاالة!!
سانييه نجح في إنو يبصصر في كل مباراة ودي ميزة المهاجم ..لكن سانييه ده مخو مقفل مرات ولمن يحاول يستلم الكورة من برة ال18 بتروح ليهو الكورة فلا هو بيطلع باص صاح ولا هو بيراوغ صاح!!
قعدت اتابع في سانييه ده في كمم كوورة ..الزول ده معدل الباصات الغلط عندو ما بيفوتو فيها إلا مهند الطاهر..إضافة لي إنو يفتقد لي صناعة التمريرات القاتلة ..
ياخ امبارح شوفت تعاملو مع الباص لي سادومبا؟؟ ياخ ده بس قضاء وقدر ودفاع الأهلي كان كعب..
سانييه أثبت إنو لاعب من طينة ناس وليد طاشين صاح وفعلا نفتقد لي لاعب يجيد ضربات الراس منن الزمن داك لكن سانييه لاعب ما بينفع تلعب ليهو هيثم مصطفى لأنو ثبت شرعا سانييه لا يجيد التعامل مع الإنفرادات ..
ومعظم إنفرادات سانييه بتمشي الكشافات..
| |
|
|
|
|
|
|
|
|
|
Re: عدم إدخال هيثم مصطفى بعد الدقيقة السبعين يطرح استفهام كبير (Re: محمد البشرى الخضر)
|
| Quote: لكن اعيب عليه اللعب العنيف الغير مبرر و الحصول على الانذارات المجانية ودي مشكلة اغلب لعيبة الدفاع - حتى مساوي احيانا بياخد كروت بدون داع |
دي مشكله كثير من السودانيين يا ود البشرى وهي الافتكاك او الاستخلاص دا على حسب راي مصطلحات ناس الرياضه
ودي ليها تامرين معينه طبعا ولكن من شب على شي شاب عليه
واكبر مشكلنا عندنا امكن الناس لم تلاحظ ليها وهي اننا بتعلم كورة القدم ونفهم بعد سن الخمسه وعشرون
والحاجه دي من زمااااااااان اها لمن نصل السن دا خلاص الناس تشب فيك وتقول ياعجوز ويا شنو ويا شنو
ودي تركيبة اي لاعب سوداني بالمناسبة على مر الزمان والتاريخ بنفهم كرة القدم متاخرين
اما قبل ذلك على حسب موهبتك اي شي بتعمله وقد تتوفق احيانا
يعني زي ماقلت فاول مساوي دا مافي ليهو داعي وفاول ايكانقا دا مفروض يرحلوهو باقرب طياره الى بلده
| |
|
|
|
|
|
|
|
|
 Re: عدم إدخال هيثم مصطفى بعد الدقيقة السبعين يطرح استفهام كبير (Re: وليد عبد اللطيف)
|
والله دا الفرق بين الهلالاب .. والصفوة
ياخ حوارات زي دي .. حقو يجيبوها في عالم الرياضة ..
اموووووت واشوف لي بوست فاتحو صفوة بيحمل الفكر والنقد والمثاقفة .. والدافوري الجميل دا ..
والله معلمين يا اولاد حقو يودوكم الجزيرة .. إن شاء الله الجزيرة HD
..
اها ادوني الفاتحـة انا الليلة ما عندي نفس تنظير وكتابة لكن بالجد استمتعته والله ..
غالبين تمتعوا الواحد مغلوبين تمتعوا الواحد .
| |
|
|
|
|
|
|
|
|
|
Re: عدم إدخال هيثم مصطفى بعد الدقيقة السبعين يطرح استفهام كبير (Re: tmbis)
|
يا تمبس ياخ مش زمان بيسألوا الشفع إنت عايز تطلع شنو؟
انا كنت بقول ليهم محلل رياضي !!! :) :)..
مشيت التلفزيون القومي وانا مخلص الثانوي عشان أقدم في وظيفة محلل رياضي أو معلق رياضي ..
ناس كمال حامد شبكوني ليك جيب الشهادة السودانية وجيب وجيب ووقتها انا كل أوراقي كانت مع ناس الجامعة ولا وين ما عارف !!
لما مشيت جبتها شبكوني التقديم إنتهى ..
أسة عليك الله ما كنت أخير ليكم من نقد ؟؟ يشبكك التحليل كللو باسولي ده كان بيلعب في بامبوزو وانتقل مع أسرته لي مدينة كوماسي وشارك مع فريق بوكاتي أتواااتو البنيني التابع لي شركة كهرباء مومبسا ..
والله تمشي تفتش الأطلس تلقى الحاجات القالا دي كلللها ماف ..بس زولك بيستغل غياب المعلومة عند المشاهد..:)
| |
|
|
|
|
|
|
|
|
|
Re: عدم إدخال هيثم مصطفى بعد الدقيقة السبعين يطرح استفهام كبير (Re: tmbis)
|
Quote: والله دا الفرق بين الهلالاب .. والصفوة
ياخ حوارات زي دي .. حقو يجيبوها في عالم الرياضة ..
اموووووت واشوف لي بوست فاتحو صفوة بيحمل الفكر والنقد والمثاقفة .. والدافوري الجميل دا ..
والله معلمين يا اولاد حقو يودوكم الجزيرة .. إن شاء الله الجزيرة HD
.. |
يا تمبس .. تواجدك مهم مع هذه الكوكبة النيّرة .. وبرضو لو عملت تحليل كامل كدا للمُباراة تكون ما قصّرت .. ولو تلخيص بس ...
Quote: اها ادوني الفاتحـة انا الليلة ما عندي نفس تنظير وكتابة لكن بالجد استمتعته والله ..
غالبين تمتعوا الواحد مغلوبين تمتعوا الواحد . |
ما عندك نفس ولاّ مدّخروا لأخونا عبداللّطيف بكري بعد معركة الكلاسيكو الإسبانية ...
| |
|
|
|
|
|
|
|
|
|
Re: عدم إدخال هيثم مصطفى بعد الدقيقة السبعين يطرح استفهام كبير (Re: مرتضى احمد عبد القادر)
|
Quote: فالأهلي شندي لم يكن بتلك الشراسة التي تخاف منها بإشراك هيثم مصطفى في ثلث الساعة الأخيرة من المُباراة ...
ثمّ أنّ الأهلي شندي بعد الهدف الثاني للهلال انكشف دفاعه وخط وسطه تماماً بمعنى انهار |
تماماً ...
أبدا...شكل يعقوبو صداعا كبيرا لدفاع الهلال...,وربنا ستر...وبعد دخول السعودي شكل مع النعيم ثنائية عملت شوية إزعاج....دخول علاء الدين كان منطقي بحسب أن يضمن النتيجة...,لو دخل هيثم....وأحرز أهلي شندي أي هدف...الوضع ممكن يكون مزري
| |
|
|
|
|
|
|
| |
منتصر صلاح
عمر الفاروق
د. ياسر عبد القادر
محمد البشرى الخضر
مرتضى احمد عبد القادر
وليد عبد اللطيف
tmbis
فيس بوك
تويتر
انستقرام
يوتيوب
بنتيريست