|
Osly2
|
الزول دا من أوسلى.. وأوسلى دى فى الشمالية والشمالية داخل حدود السودان لم يطالبوا باﻹنفصال بعد!
|
|
|
|
|
|
|
|
Re: Osly2 (Re: Balla Musa)
|
يقرأ المنبر من تحت لفوق.. يبدأ ببوستات اﻹغتصاب الرجالى ثم النسائى ويمر على التهليل والتكبير عند كل "غزوة" لفحول الحكومة.. ثم ينتهى بالقبلة السكرى وانا والنجم والمسا!!
| |
|
|
|
|
|
|
Re: Osly2 (Re: Balla Musa)
|
Quote: العايز يرحب بيه يدفع رسوم المرور فعندنا مشروع جير لبوابة دخوله |
أخي العزيز د. Balla Musa
بما أن الزول هولنا، فأنا متبرع بشوال جير، ودفع رسوم العبور عن أول عشرة بورداب
للترحيب بأخونا الحبيب Osli2
وألف مرحب بعودته..
| |
|
|
|
|
|
|
Re: Osly2 (Re: Balla Musa)
|
Quote: يبقالي انا لا هني دفعت رسوم عبوري.. |
مرحب ود الياس
خلاص كتبناك فى الكشف الأولانى..
أصلوا الكشف عايزين نزيعو فى دار اللزاعة..
| |
|
|
|
|
|
|
Re: Osly2 (Re: Balla Musa)
|
Quote: يا بلة انت ما عارف؟
اوسلى محكوم عليه ب50 سنة مرت منها 4 |
سلام يا النصرى
أظنك تشير للحكم الذى أصدره عليه العمدة فى العصر السلجوقى عندما أحضر السلطان الى مضيفة العمدة على حمار أعرج.. وبعضهم قال أن الرواية مفبركة والرواية الحقيقية أنه أكل من الرطب قبل أن يقوم له رأسا وذلك عند العمدة حرام فحكم عليه بالردة ولكن تدخلت الواسطة فحولتها الى مشك ومن يومها حرم أوسلى أكل البلح إلا بعد أن يتقطر منه العرق!!
| |
|
|
|
|
|
|
Re: Osly2 (Re: Balla Musa)
|
Quote: الزول دا من أوسلى.. وأوسلى دى فى الشمالية والشمالية داخل حدود السودان لم يطالبوا باﻹنفصال بعد! |
يا دكتور الحكومة طلعت اذكى مننا لم تترك لنا حتى التفكير فى الانفصال قولى كيف ؟ حصرتنا ما بين القيف والصحراء
القيف الهدام شايف شغلو معاهو والصحراء تشيل وتردم فى رمالا فوقنا والرقعة الزراعية بقت اقصر من فساتين الامريكانيات والارض الكان مالكها واحد بقت مملوكة ل 50 ال خمسين دى ما ليها اى علاقة بجرة السر كاونده كما تتبرأ من اشارة المسنوح النصرى امين التحت ديك
فكرنا فى مشروع خلوى نقاوم به زحف الرمال واعتداء الهدام وفك ارتباط ال 1X50
اها يا و د موسى العميان شايل المكسر والعندو شوية مليليمات داخرن والعندها غويشة من زمن قطع الرحط جمعوا الكافى ل وضع كروكى ومسح الارض وتسجيلها بصورة فايتى الرسمية
جاتنا الحكومة وقرمت من الواطة للمناصير المهجرين من السد قلنا خير وبركة كفانا ال كم طاشر الف فدان الفضلت لينا هو يا بلة اتقرم السودان كلو مشروعنا كمان شنو ؟ بس المصيبة قرمتنا بلا تعويضات بترول وبلا حريات اربعة وفى الزمن العلينا بقت الحكومة اجوع من الناس الجوعتهم ما كفاها الشئ القطعتو شالت باقى الواطه فوق راسا تجلب فيها فى سوق الله واكبر
وقد قال قائلهم الناس ديل لو خلينا ليهم المشروع بزرعوه نخيل والنخلة زائد النخلة بيبقن غابة والغابة مغرية للتمرد
اها عرفت سبب عدم تمردنا حتى الان ؟
| |
|
|
|
|
|
|
Re: Osly2 (Re: osly2)
|
يا أوسلى حركات الجلابة دى خليها يعنى عايز تفهمنى فى حكومة الشوايقة والجعليين دى ناس أوسلى مامستفيدين؟
ياخى سمعنا قالوا دخل الفرد عندكم بقى 1800 دولار ..
| |
|
|
|
|
|
|
Re: Osly2 (Re: Balla Musa)
|
Quote: أخي العزيز د. Balla Musa
بما أن الزول هولنا، فأنا متبرع بشوال جير، ودفع رسوم العبور عن أول عشرة بورداب
للترحيب بأخونا الحبيب Osli2
وألف مرحب بعودته.. |
كتر خيرك وبارك الله فيك عوض الله ود احمد الطيب حفيد العلامة المرحوم ود عبد المجيد
شوال الجير وصل للدكتور فى منسوتا وبما انه ومن الممكن ان تنازعه نفسه للحج هذا العام فارجو الا ترسل الظهر على نفس العنوان العشرة المبشرين بتبرعك اخشى الا يكون فيهم جنى وياسر طيفور وللاحتياط ضف اليهم قريبك طارق جبريل
تحياتى ليك وللمعاك من جم
| |
|
|
|
|
|
|
Re: Osly2 (Re: إسماعيل وراق)
|
والله خبر سعيد بعودة الغايب
زمن يا اوسلى زكرتنى شقاوه ومنتى وسودان عزه وووووووووووووو
وان شاء الله البركه فينا وفيك والرحمه والمغفرة لاختنا المرحومه( ام درمانيه)
و الله نادر ما اعلق ودايما متصفح لغاية ما شفنا خبر وصولك فقلنا نجرب القلم كان
فيه حبر ..
حمد لله على السلامة ولنا عودة و الغريبة نفس صورة البروفايل ( كانت معاك فى الزنزانه)
الشايقية دايما حويطين ما بفرطو فى حقهم
شكرا لناقل الخبر وكتر خيرو ون شاء الله دائما اخبارو سعيدة .
----------------------------------------------------
كانت ايام سعيدة وزمن جميل
ود الابيض
..........
| |
|
|
|
|
|
|
Re: Osly2 (Re: حمد اسماعيل)
|
Quote: شكرا لناقل الخبر وكتر خيرو ون شاء الله دائما اخبارو سعيدة .
|
ياحمد ده ماياهو دكتور سكوت زاتو انت الكبر حصل وله شنو
| |
|
|
|
|
|
|
Re: Osly2 (Re: عبد المنعم سيد احمد)
|
Quote: كتر خيرك وبارك الله فيك عوض الله ود احمد الطيب حفيد العلامة المرحوم ود عبد المجيد
شوال الجير وصل للدكتور فى منسوتا وبما انه ومن الممكن ان تنازعه نفسه للحج هذا العام فارجو الا ترسل الظهر على نفس العنوان العشرة المبشرين بتبرعك اخشى الا يكون فيهم جنى وياسر طيفور وللاحتياط ضف اليهم قريبك طارق جبريل
تحياتى ليك وللمعاك من جم |
مرحباً حبيبنا Osli2
الدكتور ده قول رسلنا ليهو الجير والظهر وين يلقا بابا في منسوتا دي يشخبط فيهو إلا كان يشخبط حيطتو اللت الفيسبوك ونجي نعلق لايكاتنا
ووصيتك في جني وود طيفور وود جبرين ما بنقصر فيها جني نفرش ليهو بساط مبهرج من مقالات خال الرئيس الإنبطاحية من بوستيك ده لحدي الربع الجايي يضحك فيها ملء شدقيه وود طيفور نفرش ليهو بساط برتقالي موشى بشموع الحرية من بوستيك ده لحدي 21 أكتوبر وود جبرين نهديهو عشرة شنط ريحة سرتية ومحلبية وبت السودان ويجهز لينا عشرة عروسات مغربيات لعشرة بورداب من الممتنعين المتمنعين نفتح بيهم عشرة بوستات أقلاها بي شريف الفحيل. أها تاني شنو.
| |
|
|
|
|
|
|
Re: Osly2 (Re: Balla Musa)
|
يا سلام يا دكتور بلة ياخي عليك الله يا كمال ارجع ياخي واكتب نضميك السمح داك ارجع يا قريبي والله ضاقتبنا
| |
|
|
|
|
|
|
Re: Osly2 (Re: طارق جبريل)
|
أوسلي يا صاحب أخبارك وصحتك، عاش من شافك.. فقدتك أيام وفاة أمدرمانية، لها الرحمة والمغفرة.. __ د. بلة سلامات..
| |
|
|
|
|
|
|
Re: Osly2 (Re: Yassir Tayfour)
|
بلة سيكوت وكمال .. اوسلي وعبدمنعم __ منعم 4 وياسر طيفور .. المك نمر
ياخ دا بوست يستاهل كرامة والله شوق وتحايا ليكم كلكم والله ويا ابو النسب اوسلي ليك تحايا وشوق خاص والله من كم يوم والله في سيرتك وقطعنا فيك وما تسالني المعاي منو
ياخ المنبر غيرك مسيخ والله يا ابو النسب ياخ
| |
|
|
|
|
|
|
Re: Osly2 (Re: عبدالله وداعه الامين)
|
تاقيت الباب و استنيتك صيفين و شتاء و رشة مطرة
نحنا نصاح إلا القراص والتجار والحاصل البحصل كل صباح
شتلاتك قبضن
الحملان كبرن بلحيل
العضمين الروكة إنزرعن
اوعك تشفق من تالانا
ولا نبقالك مشغولية
زيك واحد مستورين وما ناسين المسئولية
هي يا الزين زغرد بت ام زين جابت لها بت
ستة أولاد حتان البت
المحجوب ينشد من خبرك
شافعو محسب من يومين
التومات طيبات ونصاح
إلا غباش بلحيل آ الزين
سلام يغشاك ياود الولوفة الألوانك واضحة ومختصرة
| |
|
|
|
|
|
|
Re: Osly2 (Re: د.نجاة محمود)
|
سلام دكتور بله
مرحب بالاخ اوسلى اضافه نوعيه للبورضى
الراجل سنيرنا ..هنا .... وهناك
شفتا يا وسلى معاناتنا كيف ؟
عظيم تحياتى يا انسان ياجميل
هاك طق طق دى
| |
|
|
|
|
|
|
Re: Osly2 (Re: Balla Musa)
|
راجى التوينق بتاع جلال والرجل يجزم انه فى ال 35 دبليو من قبل يومين
جاييكم يا الاحباب الله ينعل ابو المشغولية والزمن الماحقاهو الولية
يا دكتور تلقاك داير تموت عشان تعرف خضر الطيب دا منو فى البال وحاة الغالية منية ما اقول قبل يفصح براهو
جايى اقالدكم واحد واحد بى بيانكم
| |
|
|
|
|
|
|
Re: Osly2 (Re: osly2)
|
بدرى الياس ما احلى المجادعات بين الحبيب وكمال حسن وما اقوى الروابط بين ضفتى النهر فى ذاك المنحنى
وبسراع يا نسائم اشواقى ودلنى السلام مطبوق لى اهلنا وجميع حبانا فى اوسلى التحت والفوق داك قراع مقرن مويتو بس داير شوية يروق شان يفتل حبيل يربطبو قادوسا نعس مطلوق
تامل يا بدرى شحنة الحنية فى مفردة حبيل وتخيل ما يسبق النوم من نعاس لقادوس يدور كلما دارت الثيران
لك التحية وحقك فى الجير جبتو بالزيادة
| |
|
|
|
|
|
|
Re: Osly2 (Re: osly2)
|
Quote: يا بلة انت ما عارف؟
اوسلى محكوم عليه ب50 سنة مرت منها 4 |
ههههههههههههههه
مرن 5 يا النصرى ما اربعة (خروج المحكوم بعد انقضاء عشر المدة )
اوع تواصل تشكك فى الاحكام القضائية
واعمل حسابك يا النصرى لا كبير على القانون بعد غياب الامير الكوشى
| |
|
|
|
|
|
|
Re: Osly2 (Re: osly2)
|
Quote: يا أوسلى حركات الجلابة دى خليها يعنى عايز تفهمنى فى حكومة الشوايقة والجعليين دى ناس أوسلى مامستفيدين؟
ياخى سمعنا قالوا دخل الفرد عندكم بقى 1800 دولار .. |
عندما هتف يا بله اهلنا المناصير ( عطش المشروع ادانا الجوع ) كانوا اكثر تقدما منا على الاقل عندهم مشروع عطشان رويان دى مرحلة تانية نحن لا رى لا مشروع وبعد دا كلو اولاد ( حظوة بالميلاد ) وجلابة رغم كل مظاهر البؤس
المصيبة كتلوج بشاشا غير قابل للمسح والتمزيق ولا حتى التعديل
| |
|
|
|
|
|
|
Re: Osly2 (Re: osly2)
|
Quote: وكان من اوائل رواد البالتوك
لكما التحية |
الرواد يا وراق ناس نصار وحسن 6 كيلر وابو الجكس وعمك تايسوس وسيد مرارة والمك نمر وملامح
نحن جيناهم براملة وتتلمذنا على اياديهم
لك التحية
| |
|
|
|
|
|
|
Re: Osly2 (Re: osly2)
|
سلام يا دكتور وضيوفك الكرام
اوسلي قابلتوا بعد غيبة في ازقة النت وحصل السلام .......... لكن الدخلني البوست لمة الناس الحلوة وذكريات الايام الجميلة زمن البال كان يستاهل القعدة فيهو بالساعات
د. سيكوت اوسلي منعم 4 المك نمر
اما ناس خضر الطيب ديل تسجيلات تعتبر جديدة بالنسبة للفطاحلة الفوق ديل ويا حليل نصار الادمن الصعب وسكسك ورووم تاهوو ........ الف رحمة ونور تنزل علي روح الغالية امدرمانية والوكيلة كما يسميها تاهو صلحة الكارب وحبيب الكل ود ستنا.
ومعاكم احلي مايك
| |
|
|
|
|
|
|
Re: Osly2 (Re: Balla Musa)
|
جميلة بوحريد بتاعة نيويورك موش نيويورك بتاعة ناس اوسلى لا لا نيويورك بتاعة آل كلنتون وآل بلومنبيرج
مرحب ياجميلة نورتى سودانيزاونلاين!!
| |
|
|
|
|
|
|
Re: Osly2 (Re: Balla Musa)
|
أنور أحمد الغايب سلام
أها يا أوسلى أنور دا ينطبق عليه كلام محمد سعيد دفع الله أصوات طنابيرنا الابت ياحبى فى غيبتك ترن حلفت يمين ماتجيب نغم يسعد ايامنا ويفرحن
| |
|
|
|
|
|
|
Re: Osly2 (Re: Balla Musa)
|
هههههههههههههههههه
يعنى خلاص جضمعت معرفة جميلة عشان تجئ تسـأل من خضر وبيان ؟
يا دكتور كورتك مشت تفك جميلة نيويورك صوتها ما زى كتابة جميلة دى
اعرف جميلة عشان اوريك بيان وخضر
| |
|
|
|
|
|
|
Re: Osly2 (Re: عبدالكريم الامين احمد)
|
منعم4 ود الابيض شوقى المك نمر اعزيكم فى وفاة الغالية امدرمانية والله لا زلت ازرف الدمع مدرارا لفراقها وكل ما اهبش اى شئ من وسائل التواصل اجد اسمها اوفلاين وللاسف لن تعود اونلاين مرة اخرى كانت صاحبة قلب رقيق بعكس ما توحى طريقة ادارتها للروم كانت انسانة بكل ما تحمل الكلمة من معانى
احر التعازى لكم ولكل قبيلة البالتوك ولزجها عثمان الخير وابنتها
| |
|
|
|
|
|
|
Re: Osly2 (Re: عبدالكريم الامين احمد)
|
Quote: ياحمد ده ماياهو دكتور سكوت زاتو انت الكبر حصل وله شنو |
ههههههههههههه قال ناقل الخبر ولو ما لحقت صححتو كان جاء راجع وعدلها لنافخ الكير
يا منعم ود الابيض مرفوع منو القلم انت ما سمعت والكبير حتى يصغر
| |
|
|
|
|
|
|
Re: Osly2 (Re: عبدالكريم الامين احمد)
|
طارق جبرين
كيفنك يا قريبى نعل انت والمعاك مافى زول بايت القوى متابع نضمك الحلو بى لغة اهلنا والله اليسمع حسك يقول انت قاعد تقولب بين البركل وشبه
ليك كيلتين سلام
| |
|
|
|
|
|
|
Re: Osly2 (Re: osly2)
|
Quote: اما ناس خضر الطيب ديل تسجيلات تعتبر جديدة |
جميله معقول انا اكون تسجيلات جديده ؟
انا من سنة الفين فى البال
بس بحب بغير الاسماء
كل مرحلة وليها وضعها ..اصحى للون يا صديقه
| |
|
|
|
|
|
|
Re: Osly2 (Re: خضر الطيب)
|
وبعدين يادكتور بله انا البلمنى شنو مع بيان دى
يا ادمن امسك منى الحاجه دى نطت لى فى المايك
هاك المايك دا ياحنين ..لووول
| |
|
|
|
|
|
|
Re: Osly2 (Re: خضر الطيب)
|
اي زول ايام البالتوك دخل و لو لفترة بسيطة بتزكر اوسلي و المك نمر و امدرمانية (عليها الرحمة) و الاستاذة سوما ... و ناس كتار حلوين و بالتاكيد الحكيم الجميل دكتور سكوت .. (اول مرة اعرف انو دكتور بلة هو دكتور سكوت)
| |
|
|
|
|
|
|
Re: Osly2 (Re: خضر الطيب)
|
Quote: جميله معقول انا اكون تسجيلات جديده ؟
انا من سنة الفين فى البال
بس بحب بغير الاسماء
كل مرحلة وليها وضعها ..اصحى للون يا صديقه |
صاحية يا خضر عشان كدة قلت ليك مقارنة بناس دكتور سكوت
سنة الفين دي الناس ديل بدوا مباريات الاعتزال
ههههههههه
تسلم يا دكتور علي ترحيبك لكن انا وجميلة 180 اسم علي اسم
تحياتي
| |
|
|
|
|
|
|
Re: Osly2 (Re: osly2)
|
Quote: صاحية يا خضر عشان كدة قلت ليك مقارنة بناس دكتور سكوت
سنة الفين دي الناس ديل بدوا مباريات الاعتزال
ههههههههه |
لووول جميله ... دكتور سكوت دا فى مقام الوالد ياجلجل
اكيد بكون اعتزل سنة دخولى
| |
|
|
|
|
|
|
Re: Osly2 (Re: خضر الطيب)
|
يا كمال .. ياخى حمدالله ع السلامه وبركه الشفناك تانى (اونلاين)
ليك وحشه يا منقه ..
صاحبنا برضو اخبارو مقطوعه،وإنت عارفو.
تلفونى بطرف وليد .. ادنا سلك ..
بتسأل من عيال الجلابه بث !! الفيك إنعرفت!
نيل وألمى حلووتمر ونخيل وغنا وبرضو تشتكو التهميش يا (بنو أميه)..
نحن ترابنا جيرانا شايلينو معاهم .. بقينا الله والبار ..
ادونا طمبوركم .. نديكم بندقيتنا.
ما تنقطع .
شكرا د. بله.
| |
|
|
|
|
|
|
Re: Osly2 (Re: فارس موسى)
|
Quote: ادونا طمبوركم .. نديكم بندقيتنا |
والله ياودموسى كنا دايرين نشيل عدلنا ونمرق بالباب المتاقنو
ولأننا فى حضرة من نهوى والدار دار فرح والدنى قبايل عيد نخلى الرد لى ود عمتى
قوماكْ يا النضيف لي أوسلي ارح مشوار
عِن ودابنعوف ننزل هناك زُوّار
للطنبور نقيف خرسانة نبني جدار
و كلْ هجمة موسيقى عليها نفتح نار يا أحمد زمن لي مدّة فيكَ اكوس
زي المنجل التحت التبن مدسوس
في زولاً ود بلد ، مو من بلاد قابوس
علي الطنبور وحاتك شنّ حرب ضروس
كيفن يا النضيف طنبورنا فيهو بندِّي
أب نغماً حنين خلّى الخلوق منجقدي
جابودي و كِرِبْ ، أطربنا عرضة و فردي
مما قمنا نسمع فيهو لاملينا لاملانا
ذى إبل الرحيل شايلى السقا وعطشانا
لك التحية وسعيد بعودتك
| |
|
|
|
|
|
|
Re: Osly2 (Re: عبدالكريم الامين احمد)
|
Quote: سلام دكتور بله
مرحب بالاخ اوسلى اضافه نوعيه للبورضى
الراجل سنيرنا ..هنا .... وهناك
شفتا يا وسلى معاناتنا كيف ؟
عظيم تحياتى يا انسان ياجميل
هاك طق طق دى |
هلا امير الحسن والجمال كنت سنير والان اتتلمذ على اياديكم
مرحب بطقطقة خالية من البوسات
راجى الله تلم فيك زحو لى تعدمك نفاخ النار
| |
|
|
|
|
|
|
Re: Osly2 (Re: عبدالكريم الامين احمد)
|
Quote: بالجد عاد للبورد رونقه بعودة صديقي اللدود |
بت عمى الظلامية دكتور بيان فتنا البورد خلينك ظلامية وبس ورجعنا لقينا قدامك دستة القاب اقلاهن جلابية لا بيضاء لا مكوية
متابع مطاردة البعض لك وبرضو متابع خشونة كدارتك
التحية ليك وللمعاك
| |
|
|
|
|
|
|
Re: Osly2 (Re: عبدالكريم الامين احمد)
|
الجميلة جميلة ناس نصار كانوا مدين البالتوك هيبة وناس شوقى ومنعم4 كانوا عناصر الزوق والاحساس الجميل وناس حنينى وفولة (قبل السخطة ) الرقة والعذوبة وناس سيكوت والمك نمر الروح المرحة والتلميحات الذكية وناس ام درمانية وسكك العنف الثورى المطلوب وو وو وو حكايات تسكن حنايا الذاكرة لكن لا زال البال يزخر بالجمال ويلى وامير الحسن -- شرير وستو عنتر وسنارى -- الوسيم وسى بى يو بوينت و شقيق -- وست البوسات العابرة للمايكات طق طق
| |
|
|
|
|
|
|
Re: Osly2 (Re: osly2)
|
يا ابو النسب والله البورد نور
والبوست يا دكتور بله او سكوت منور بي نجوم البال ود الابيض تازيك ياخ و شوق وتحايا والله
وكان لقيت حمد اسماعيل دي والله ولا بجيب ليك خبر البركة في بوست سكوت دا وجنيلة دي شكلها من عصرنا برضو بس ما عرفتها يا اوسلي
ودي وتحياتي لي الجميع
| |
|
|
|
|
|
|
Re: Osly2 (Re: عبدالله وداعه الامين)
|
يا عبد المنعم4 واوسلى2 وسكوت وشوقى
(اول مرة اعرف انو دكتور بلة هو دكتور سكوت) زى الاخ ود نقد . عشان كده ما كترته كلامى
اصلى بتاوق من بعيد لانه اغلب الناس ما بعرفم
بتصفح البوستات المنها فايده زى البوست دا
لانى بخاف الشبك وانته عارف عندى سكرى وبخاف المشاكل
تقبلو تحيات شقاوه وBBZ و لورد وكل ناس الرووم
ومعاكم احلى مايك .
ود الابيض
| |
|
|
|
|
|
|
Re: Osly2 (Re: حمد اسماعيل)
|
ود اللبودي حمد اسماعيل كما كنت اناديك تحياتي وشوقي يا جميل
عليك تحية خاصة لي شقاوة العواليغ دا و لي bbz
طولنا منهم شديد وشقاوة دا قول ليهو تلفوني 00447961233729
| |
|
|
|
|
|
|
|