كتب الكاتب الفاتح جبرا المتوفرة بمعرض الدوحة
|
|
 يا أهل المهجر .. عندكم مشكله (التأصيل) دي ولا أنا براي ؟!
|
التأصيل لي أي أكل وشراب ولبس وموسيقى على انها (زي حقت السودان) ؟!
الدكوة دي ما خشنه (زي حقت السودان) ليه ؟
اللحمه ما محل (سودانيين) عشان تكون (زي حقت السودان) ؟!
الجبنة دي طرية شديد ما ناشفه ومالحه (زي حقت السودان) ؟!
طيب انا حاجات السودان دي اجيبها من وين ؟ 
|
|
  
|
|
|
|
|
|
|
 Re: يا أهل المهجر .. عندكم مشكله (التأصيل) دي ولا أنا براي ؟! (Re: محمد عبد الماجد الصايم)
|
Quote: الدكوة دي ما خشنه (زي حقت السودان) ليه ؟
اللحمه ما محل (سودانيين) عشان تكون (زي حقت السودان) ؟! |
كنتي متغدية معانا ؟
شرفني قبل يومين شاعرنا وأستاذنا (...)
كنت واعداهو على لحمة "سودانية" زي حلاوة قطن على حد تعبيري
عملت شية صاج بي بهارات سودانية
وسلطة طماطم بي دكوة سودانية
في نص الأكل سرح كدااااا
قال لي طعم زي دا أنا ما ضقتو على سنين غربتي الممتدة إلا في أم درمان
تقولي لي تأصيل 
| |
|
|
|
|
|
|
|
|
 Re: يا أهل المهجر .. عندكم مشكله (التأصيل) دي ولا أنا براي ؟! (Re: تيسير عووضة)
|
Quote: في نص الأكل سرح كدااااا
قال لي طعم زي دا أنا ما ضقتو على سنين غربتي الممتدة إلا في أم درمان |
عارفه يا تايسا , مرات الجو المصاحب للحاجات بيخلي الحاجات ياها الحاجات
يعني فكره انك قلتي ليهو حاتعملي ليهو اكل سوداني والطماطم بالدكوه وكدا
دخلتوا في الاجواء اكتر من (الطعم) زاتو
مره واحد صاحبنا (مافي داعي لذكر الاسماء) جابوا لينا عصير برتقال في حته ,
(وصاحبنا اصلا ما بيشرب عصير برتقال محفوظ) ناس البيت ادوهو احساس انو برتقال
معصور من المزرعه هسي صحبك
قشط الكبايه , وقال : يا سلالالالالالالام فعلا العصير الفريش عندو طعم (زي حق السودان)
بعد شويه جيت داخله ليهو بي جركانه (المراعي) الفاضيه ههههههههه
تأصيل زي التأصيل ياخ
| |
|
|
|
|
|
|
|
|
 Re: يا أهل المهجر .. عندكم مشكله (التأصيل) دي ولا أنا براي ؟! (Re: محمد عبد الماجد الصايم)
|
Quote: غايتو لمن أجي من السـودان بكون زي الطالع الخـلا!!
أي حاجة ممكن أشيلا معاي بختها في الكرتــونة!!
جبنة عادية + مضفرة + شامبيون + بزيانوس!
بالإضافـة لشحنة الأخشاب المصروفة لكل راكب سوداني |
محمد عبدالماجد الصائم (بالحمزه)
أنت ما قالوا ليك في المدرسه زمان : فهم (السوعال) نصف الاجابه ؟!
ياخ طيب اها بعد الحاجات دي ما تكمل .. بتقعد تدق جرس لي ام روان
في انو وش الباميه ما ياهو (زي حق السودان) ؟
وبالمناسبه , الجبنه المضفره الفي التميمي ما زي حقت السودان
| |
|
|
|
|
|
|
|
|
|
Re: يا أهل المهجر .. عندكم مشكله (التأصيل) دي ولا أنا براي ؟! (Re: محمد عبد الماجد الصايم)
|
Quote: الموضوع دا في الجبنة بالذات!
هسي عندنا واحدة مسيييييخة!!
والمسخا أكتر إنها جات بعد ما جبنة السودان خلصت! Re: يا أهل المهجر .. عندكم مشكله (التأصيل) دي ولا أنا براي ؟! (Re: عصام علي أحمد)
|
Quote: ياعاصم الديك ده واحد بشجع هلال السودان مع انه فى هلال سعودى برضو
وبشجع برشلونة وهنا تكمن مشكلته مع التاصيل |
وبيصر انو نعمل عصير قونقوليز مع العشا بالرغم من انو دي بلد البيبسي,
وعربيتو فيها سيديهات لي (بادي) و (الشيخ البرعي ), بالرغم من انو راشد الماجد مكسر الدنيا
Quote: غايتو ياداليا ماعندنا مشكلتك دى هنا فى دبي لانه المحلات السودانية على قفا من يشيل
وزوجتى بتتسوق من هنا وكانها فى السودان |
هنا عندنا (غبيراء) على قولت صحبتي والاجر على الله !
كلو متوفر .. من البهارات السودانيه لحدي الجلاليب والعراريق وزيت السمسموالمقاشيش !!
طبعا جبنه مافي .. وفسيخ مافي .. ديل لو عندكم رسلوهم ليناعلى جناح السرعه غايتو
تحياتي للمدام من على البعد وربك يسهل ونجيكم انشالله :)
| |
|
|
|
|
|
|
|
|
|
Re: يا أهل المهجر .. عندكم مشكله (التأصيل) دي ولا أنا براي ؟! (Re: omer osman)
|
Quote: شخصياً هسي دي عندي :
(دكوة خشنة + لحمة من محل سودانيين + جبنة ناشفة ومالحة + مكتبة)
للمقايضة العاجلة والسريعة بي إقامة عامل تربية مواشي |
لو كان هذا العرض تم توجيهه بشكل جيد .. إلى جهة الاختصاص .. كان تم البت في أمرك .. أو التفكير ..
لكن اهـو دا الله ودي حكمتو .. الفرصة تجي مرة واحدة في العمر ..
عليك الله جبنتك دي خليها معاك ودكوتك دي .. انا عايز فسيييييييييييييييخ .. فسيخ زي بتاع السودان
وشكرن
التوقيع
جهة الاختصاص
| |
|
|
|
|
|
|
|
|
|
Re: يا أهل المهجر .. عندكم مشكله (التأصيل) دي ولا أنا براي ؟! (Re: omer osman)
|
| Quote: للمقايضة العاجلة والسريعة بي إقامة عامل تربية مواشي |
حاتجي تلقى (المواشي) كلها بقت (سواكني سوداني) ,
وفي الضحيه اضانك تتقلع بسبب السودانيين العايزين لحمه سودانيه
وحدها لاشريك لها !!
وب مناسبه كلامك دا يا جنابو , لمن امشي السودان بلقى جيراننا
بيتفننوا في عرض الارياح والتياب ويقولوا ليك : جابتها لي خالتي من دبي
ولاحظتا انو البقالات البتبيع بضاعه مستورده هي الاكثر رواجا !!
في أقامة (منجح مؤتمرات) تنفع معاك يا جنابو
| |
|
|
|
|
|
|
|
|
|
Re: يا أهل المهجر .. عندكم مشكله (التأصيل) دي ولا أنا براي ؟! (Re: محمد عبد الماجد الصايم)
|
Quote: والله يا عاصم انت الايامات دي ما مضمون ..
بقيت لما اجي اقرا ليك مداخلة لي زول يا زول كاتب ليك مداخلة .. إلا اقلب هووووبا قدام الكمبيوتر .. |
تعرف يا تمبس أنا كنت مسافر لي سفرة طويلة كدا برة المملكة
ولحد أسي مما رجعت لي أسبوعين لكن التوقيت ما ظابط معاي حتى القهوة الهوينة دي طعمها لسه ما ركب في الراس
فخليك معانا واحدة واحدة
لمن التروس تتقعد في مجاريها
| |
|
|
|
|
|
|
|
|
|
Re: يا أهل المهجر .. عندكم مشكله (التأصيل) دي ولا أنا براي ؟! (Re: omer osman)
|
مشيت مرة سوق اللحم في البطحاء المكان المفضل لدي لشراء ما تحوي البطون من كبد وكلاوي وام فت فت
وكمونية وخلافو
المهم هنا البنغالة الشغالين وبحكم الوجود الكبير للسودانيين بقو عارفين حاجاتنا كلها
عادي جدا تطلب ام فت فت او كمونية او كوارع وما في داعي تشرح
اها مرة بعد ما شلت ام فت فت قلت للبنغالي عايز بول
قام قال (تجاري ولا اصلي ) !!!!!
طبعا زالت دهشتي بعد ان افهمني التجاري زايدينو موية مش اي حاجة مما دار في راسي ساعتها
بس برضو ام فت فت بتاعة بقرنا الكناني ما زي ام فت فت بقر المزارع ده ولا حتى البول بتاعهم طاعم زي بتاعنا
نحن في الحتة دي بتاعين تاصيل اكتر من الجبهجبة زاتهم
| |
|
|
|
|
|
|
|
|
|
Re: يا أهل المهجر .. عندكم مشكله (التأصيل) دي ولا أنا براي ؟! (Re: حمزاوي)
|
يا دكتورة الجرسة فوق ام كم
ياخ وقسما لما أعرج ذات مرة على السعودية دي أشعر وكأني في سوق أم درمان
أو في قلب السوق العربي لا فرق، نفس الدكاكين التى بها دخان أسود على الحيط وذات
الطواقي الملونة ما بين أحمر وأخضر قد أعتلت الرؤوس المزدحمة قدام بتاع
الكاشير في مطعم ريحة شيتو ضاربة وشطوطو يسيل لها اللعاب وتجري من رائحتها
الدموع ..الخ الخ ..
أحمدي سيدك أنك ما هنا أو في أي مكان تاني غير السعودية ..
اتو بتؤولو إيه يا اخوانا ؟
| |
|
|
|
|
|
|
|
|
|
Re: يا أهل المهجر .. عندكم مشكله (التأصيل) دي ولا أنا براي ؟! (Re: طلحة عبدالله)
|
أها كمان انوريكم عماكتي انا عماكة عديل مش تأصيل
تأصيل دي مطورة شوية لانها جات بعد الجاهلية
.
.
بناكل فترييييييييتة عديل كدا ومن وين ؟ من حواشتنا بترعة العركي اول بيت القسم التاني ههههههه
قطع قنقر واجففوا في التقا وطاحونة جاد الله ود الكريل مباشرطا
واتصل عليهو من هنا والطاحونة تسوي دق دق كك كك كك حجر وسير تزر الكـلب البقول انا انا
جاد الله
آآآآآآي آآآآآآآآي معاك معاك قلت شنو
دققو دقااااااااااق يا جاد الله دقاااااااق يا جادالله
عارفو عارفو ماش الرياض عارفو ما تلخمنا اسمع الحجر للاخر
.
.
وحرم قبل شوية بتصل بسعل من التلاتة كيلات جاية متين ؟
قالوا لي صالح جاي قريب لكن بالطيارة وبرضو بنرسلا معاهو ....
ومعاها ملوة ويكة وشرموط وشطة قبانيت
اها تاني في شنو
كسرة كان لقمة كان رهيفة بملاح شرموط وشطة
وأئ حاجة غير كدا ما ما باكلها
ودائما اقول لاولادي انا حاجة امي مابتعرف اسمها ما باكلها كلو كلو .... اها في عماكة اكتر من كدا
قالت تأصيل قالت
مع تحياتي دكتورة داليا وبعلك الكريم ( بعلك دي غايتو عجيبة ) هههههه
| |
|
|
|
|
|
|
|
|
|
Re: يا أهل المهجر .. عندكم مشكله (التأصيل) دي ولا أنا براي ؟! (Re: طلحة عبدالله)
|
داليا سلام وكيفنك وكيف زميل البورد؟؟؟
مشكلة التأصيل بالنسبة للسودانيين بالذات مشكلة ومشكلة متأصلة منذ عهد بعيد لأنهم ولوفين وما بحبوا يغيروا حاجاتهم بسهولة..يعنى عندك موس ناسيت ومعجون سيجنال 2 والناشونال ده غير ألأكل ويكتنا فى شنطتنا ودكوتنا فى البرطمانية والفسيخ..
لكن أيمان أختى دى البزيانوس ده غلبنا معاها فيهو مرة جبنة ضربت ليها خرطموية تلفون وخسرت فيها أكثر من قيمتها بعرف إن الجبنة السودانية عندها لاتقارعها ولا الدنماركية ولا الجن ألأحمر ذاتو..
Quote: اها بعد الحمد قال انا قرداش ده لازم اديهو نموذج(وقرداش اسم اخ بالتركى تقابلها بالانجليزيهbrother()
|
هى قرداش وللا أركداش..غايتو أنا لما مشيت شابكم ليكم أركداش جك جوزال....
التأصيل ألتأصيل ألتأصيل ولا التبديل....تقديرى وإحترامى لكل المرور
| |
|
|
|
|
|
|
|
|
|
Re: يا أهل المهجر .. عندكم مشكله (التأصيل) دي ولا أنا براي ؟! (Re: ismeil abbas)
|
ههههههههههههههههههه
| Quote: عليك الله جبنتك دي خليها معاك ودكوتك دي .. انا عايز فسيييييييييييييييخ .. فسيخ زي بتاع السودان |
ياتامبا ياخي الايام دي شغالين لينا تحايل بعملوا لينا التونه فسيخ شفت جنس دا الواحد لايعرف ياكل لايعرف يبكي
اها كمان في واحد من السودان شغال معاي ارسل ليه البيك وهو يرسل لي جبنه سودانية
| Quote: مشكلة التأصيل بالنسبة للسودانيين بالذات مشكلة ومشكلة متأصلة منذ عهد بعيد لأنهم ولوفين وما بحبوا يغيروا حاجاتهم بسهولة..يعنى عندك موس ناسيت ومعجون سيجنال 2 والناشونال ده غير ألأكل ويكتنا فى شنطتنا ودكوتنا فى البرطمانية والفسيخ.. |
ياسمعه ياخي متشتاقين والله
عارف قبل كم يوم مديرة مدرسة طلبت مني بعض الاشياء وانا قلت ليها بختار ليك اشياء توفر ليك
قلت ليها ماتعملي عليك شغل السودانيين اهو جنس كلامك دا الراديو ناشيونال والتلاجه ادمرال والمعجون سيجنال 2 الميدرة ضحكت
لكن تخيل في النهاية اشتريت ليها حيب طلبها الشغله دي نفسيات والله ...
تحيات للدكتورة وضيوفها
| |
|
|
|
|
|
|
|
|
|
Re: يا أهل المهجر .. عندكم مشكله (التأصيل) دي ولا أنا براي ؟! (Re: ismeil abbas)
|
يا دكتورة إزيِّك..
طبعاً أنا زول بلدي جداً وشعبي خالص، بتاع مُلاحات وكِسر
وجني وجن ناس هارديز وكنتاكي ، والشغل المصري والشامي، مكـchـنهم وما بطيقهم
عشان كده قصة ما زي حقت السودان دي عملت لي وجع أضان..
الخروف المضبوح ومختوم بختم السودان حقنا البايخ داك
الحكومة تقول ليك ما زي طعم السودان!!
الفواكه، البهارات، الملح (!!) زيت السمسم بتاع النصر ما زي حق السودان!!
ياخ معقولة بس!!
ياخ أم وجدان وأختها الجو من السودان ديل، بقوا مدورين في الأسطوانة دي!!
عندنا واحد صاحبنا حلبي (حريف مطبخ) من أولاد بانت شرق ، أيام بيت العزابة، كان مدلعنا دلع
والحلب طبعاً معلمين عضة كبار (إكّيلين) من الطراز الفريد
الزول ده كان بيجيب سردين في علب حمراء كده، وبعد أقل من عشرة دقائق
يخت ليك صحن فسيخ، لو ما شفت العلب قدامك ما ح تصدق إنو ده ما (فسيخ السودان)..
عمتو لمن كانت تجي الدوحة زيارة كانت بتجيب ليهو حمام محشي ، محمر وجاهز
وفسيخ ولحم ضان (سوداني) ودكوة وشمار، هذا الى جانب (الملاحات) التي كان يطلبها
وده كلو مطبوخ وجاهز !!! الجماعة ديل خطيرين والله..
المهم.. النجيضة جبتيها يا دكتورة، القصة كلها التهيوء النفسي..
شخصياً وباعتباري من (معلمين) الفول، بظبط فول أحسن من حق ابراهيم الحبشي زاتو..
وبما يتوفر من مدخلات التظبيط هنا .. يمين تاكلي ما تدي (زميلك)..
عند زياراتي للرياض، بيكون واحد من أهم البرامج (فطور الرياض) ياخي ده مبالغة
بوصل في المساء غالباً، وبكون تعبان من السواقة فبديها نومة..
لو صحيت بدري بطلع مع قاسم، والفطور بيكون في واحد من المطاعم اليمنية..
لكن متعتي أصحى متأخر وأطلع براي، وأقرب تكسي على غبيرة..
ياخ أنا بضرب (كمونية) كده حتى أخشى على نفسي ، وأشفِّق سيد المطعم..
غايتو عندكم كمونية فعلاً (معمولة بحب) ، بتذكرني أمي والله ..
ما حصل قعدت لكمونية في إحدى مطاعم الرياض إلا وهاتفت - لحظتها - أمي الله يديها العافية
وأوصيتها بالكمونية خيراً..
يا أهل الرياض ، عضوا على كمونيتكم بالنواجز، فأنتم والله في نعمة ما حاسين بيها ساااااي..
وخليكم من أوهام التأصيل، ودي ما وزي حقت السودان، دبّروا حالكم بالموجود وخلاص..
ياخ السودان زاتو بقى ما زي حق السودان!!!
-----------
الأخ ود ناس البيت، ريحتني (بالقنقوليز) المسائي ده والله، يا حبذا لو كان شديد البرودة وبالجك..الله ياخ..
عليك بمنتجات شركة النصر، مبالغة ، ده أنا بجيبو بالكرتونة.. مرضة بعيد عن السامعين..
أبعد عن الـSoft Drinks.
| |
|
|
|
|
|
|
|
| |
داليا الكباشى
Asim Fageary
محمد عبد الماجد الصايم
تيسير عووضة
Mayada
omer osman
عصام علي أحمد
tmbis
محمد إبراهيم علي
طلحة عبدالله
حمد عبد الغفار عمر
عبدالله ود البوش
ismeil abbas
وليد عبد اللطيف
smart_ana2001
فيس بوك
تويتر
انستقرام
يوتيوب
بنتيريست