كتب الكاتب الفاتح جبرا المتوفرة بمعرض الدوحة
|
Re: عندكم اطفال بيستعملوا دايبر -diaper- ?? شدوا حيلكم (Re: نادر النور آدم)
|
ولياب كدي في الأول نقول ألف ألف مبروك مقدما. و ربنا يحلكم بالسلامة. تعرف الناس هنا جاها هلع. يشتروا ساااي. غايتو انا ماشه اليوم اشتري 3 صناديق من ده Pampers Baby Dry, Size 3 (16-28 lbs.), 222 ct. الصندوق الواحد بكم و أربعين دولار. ميزانية الشهر كلو دايبر!!!
نادر، ما براك يا اخي، اللي وقعوا معاك كتار. ما ملاحظ أن البوست كلو رجال :)
محمد علي البصير، عين العقل. أصلا انت ح تشتريه ح تشتريه، حتي لو ما حصلت أزمة. أحسن تشتري الان و تشوف بيحصل شنو..
عاصم فقيري، معليش يا اخي. ان شاء الله ما يحصل أي ضرر. قول يا كريم.
أمين ولدنا، كيفك؟ كيف يا اخي الكلام ده، كوننا بنتغاط كتير ما معناها ما ممكن يكون كلامك صح نهائي. الصينيين في احتفال الأولمبياد كانوا مخلين جزء كبير من الناس اللي قدمت العرض تلبس دايبر. لانه كان عرض طويل و ما ممكن زول في النص يقول ماشي الحمام.
داليا.... كيفك؟ و الله هجمة شديدة. و انا كمان ماشه السودان نهاية السنة. أخير أشيلوه معاي من هنا.
| |
|
|
|
|
|
|
Re: عندكم اطفال بيستعملوا دايبر -diaper- ?? شدوا حيلكم (Re: smart_ana2001)
|
حمد عبد الغفار، كُر علي. الحمد لله انك سمعتا كلام أمها الصيدلانية و مشيت فحصتا ليها. متذكر ؟ انا قلت ليك قلب الأم ما في ذيه.
خالد عبد الله محمود، سلامات ما عاوزه أقول كلام و الناس تأخذه علي انك اللبن ما مفيد للأطفال. اللبن مفيد جداً للأطفال. لكن شراب اللبن الكتير بيمنع الأطفال من امتصاص الحديد و كمان بيسد نفسهم من الأكل لانه بيشبعهم. عشان كده الأطفال اللي بيشربوا لبن كتير جداً بيكون عندهم أنيميا. حتي لو كان شكلهم صحتهم كويسه و ما ضعاف. الكمية المناسبة للأطفال كبايتين حليب في اليوم بس. لو بالغتو جداً جداً 3 كبابي. و 3 دي كمان ما تعملوها كل يوم.
ود الصائم، وينك يا رجل؟؟؟ ايوه، حليب البقر الواحد ده. ما تديها اكتر من 3 كبابي في اليوم. و لو أكلت جبنة او زبادي او ايسكريم مفروض تنقصوا التلاته كبابي ديل. حاجه تانية، لو حاسس أنها كانت بتشرب لبن كتير ( عليك الله) سوقها افحص ليها معدل الحديد في الدم. بس عشان تطمئن. و لو -لا قدر الله - طلع عندها أنيميا و ادوكم حديد ( دواء) ما تدوها حليب خالص ساعتين قبل الدواء و ساعة بعده و يا رب ما يكون عندها شئ.
| |
|
|
|
|
|
|
|