Quote: تم خلال اللقاء تناول أزمة الصحافة الرياضية وبحث السبل اللازمة للقضاء على ظاهرة الشغب التي استفحلت مؤخراً
"خلال" دي بتدي إيحاء إنو (أزمة الصحافة الرياضية) كانت موضوع هامشي ضمن الأجندة! وسعادتنا يرى إنو ما تم هذا الاستدعاء من قبل جهاز الأمن إلا لأنه يرى أن الصحافة الرياضية هي السبب الرئيسي في إثارة الشغب
Quote: لبينا الدعوة التي قدمها لنا الإخوة في جهاز الأمن والمخابرات الوطني
ماشي "دعوة"، لكن: من لم يلتزم بتوجيهات جهاز الأمن التي يرسلها خلسة، بين كل كوب شاي وقطعة جاتوه، خلال هذا النوع من الدعوات قطعاً سيصله (استدعاء) لا لبس فيه
09-30-2012, 07:08 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
توجيهات شنو يا قريبك قال ليك آلية تضم فيمن تضم جهاز الأمن هيم سيلف ومش كدا وبس سعادة الفريق قال ح يتابعها بنفسه بالرغم من ادراكي لمدى الضرر الذي يسببه ترك الحبل على الغارب بالنسبة للصحافة الرياضية و مشجعي الأعمدة لكن كراهية في جهاز النحس دا أخير لي الصحافة الرياضية بي سجمها و رمادها ولا يجو الفقر ديل يستلموها
09-30-2012, 08:23 PM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
Quote: بالرغم من ادراكي لمدى الضرر الذي يسببه ترك الحبل على الغارب بالنسبة للصحافة الرياضية و مشجعي الأعمدة لكن كراهية في جهاز النحس دا أخير لي الصحافة الرياضية بي سجمها و رمادها ولا يجو الفقر ديل يستلموها
معاك يا ود البشرى طبعا لم نورد الموضوع فرحة بتدخل الجهاز (يا هذا )، إنما أوردناه لنثبت رأينا القديم (هلال مريخ تدار من القصر الجمهوري) الدولة بثقلها كله خاشة في موضوع هلال مريخ دا ومعولة عليه كتير في حكاية لهي الناس عنها وتدخلها في مشكلة هيثم (رغم نتائجه الكارثية مستقبلا) خير دليل المحير ناس كبار وشغلتهم الكورة يجيو يقولوا ليك (الكاش عندنا)! كاش مين يا بو كاش إنتا!! دي قروشنا القلعتها مننا حكومة السجم دي وأدتها لـ"ولدنا" في القلعة الحمراء فديوك العدة الرياضية يفهموا كويس إنو مسموح ليهم بالفنجطة وكسير العدة، بس يبعدوا من حاجة تجيب مظاهرات
آخر خبر: هلال مريخ خط (أحمر)
09-30-2012, 08:41 PM
ابو عثمان ابو عثمان
تاريخ التسجيل: 12-15-2002
مجموع المشاركات: 1389
خلاص يللا كل واحد يطمئن .. جهاز امننا الوطني غير استراتيجية ارهاب الناس وخطف اولاد الناس وبنات الناس واستضافة خلق الله في البيوت الاسمها ايه .. وعمل الاسمو ايه ....اصبح الامر من الان فصاعدا اجتماع في اجتماع
ومن سعادته محمد مصطفي مجذوب يهدي لادارتي هلال ----مريخ وصحفيي الرياضة ويهديها بشكل خاص لكل اللذين يلعبون في الزمان الضائع من رجال النيابات العامة والخاصة ورجال القضاء الاشاوس وبتاعين حرية الفكر والراي
اشرف جهاز امن شنو يجتمع مع الناس وزارة الداخلية مفروض تفرض سلطتها وتوفر السلامة للمواطن يعني قصة كل مره الناس ترمي بالحجارة في كل كورة دي اسمها فوضه نحنا ما نعلق الشماعه في الاعلام كل مره لان اصلا موضوع الاعلام دا منتهي جدا وزي ما شايف لكن مفروض تكون في عقوبات حتى من الاتحاد العام للاندية لان ممكن تحصل كارثه بسبب هذه الظاهره يعني قصة الاجتماع بمسؤولين من هلال مريخ دي شغله ميته هسه امس بشاهد لي في كورة لافيها هلال ولا مريخ برضو شايف الناس بترمي اللاعبين بالحجارة لازم تكون في قرارات حاسمه لهذه الفوضى ....
Quote: الموضوع الرئيسي كان مناقشه اداء فريقهم ضد المريخ والهلال وعدم اهتمام الصحافه الرياضيه بفريق الخرطوم
الناس ديل عندهم قنزب ربك، وقادرين يعملوا تيم أقوى من هلال مريخ ويجيبوا محترفين "على أعلى مستوى" موش زي المواسير (وارقو) وإيفوسا، لكن ما حيعملوا كدا عشان ما يسحبوا البساط من تحت هلال مريخ أصحاب القاعدة الكبيرة المغيبة احتمال يفكروا في كدا لقدام
10-01-2012, 02:55 PM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
Quote: اشرف جهاز امن شنو يجتمع مع الناس وزارة الداخلية مفروض تفرض سلطتها وتوفر السلامة للمواطن
ببساطة الإنقاذ تستغل الرياضة لأغراض سياسية تخصها لأنو زي ما قلت محاربة الشغب من اختصاص الشرطة وليس أمن الدولة عشان نكون موضوعيين يا وليد: ظاهرة العنف الاستشرت مؤخرا سببها أطراف عديدة لكن إعلام ديوك العدة هو المتسبب الأكبر فيها ضعف الاتحاد دا بمباركة الدولة ذاتها، عشان يكون أداتها لحظف توازن هلال مريخ لما كان في رئاسة الاتحاد زول قوي زي شداد الدولة ذاتها حاربته لدرجة حظروا سفره خارج السودان!!
10-03-2012, 00:36 AM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ashraf el-Halabi
محمد البشرى الخضر
ابو عثمان
محمد مصطفي مجذوب
walid shingrai
وليد عبد اللطيف
فيس بوك
تويتر
انستقرام
يوتيوب
بنتيريست