كتب الكاتب الفاتح جبرا المتوفرة بمعرض الدوحة
|
(غارزيتو) شن نفرو .. قفه واللا اضان قفه ..؟
|
عشان الناس ما تتحسس لينا ساكت من موضوع غارزيتو دا .. ولو عايزين يسفرو ريكاردو اخير ليهم يسفروهو من ضو .. غارزيتو دا خلاص دربو مرق .. بقى زول (هجـرة) ساااكت غارزيتو مهاجر لي فرنسـا .. سايب ليكم السودان دا تشبعو بيهو .. بدل ما الناس تقعد تشدها لي ريكاردو في الهينة والقاسية .. وتفتش ليها في مشكلة مع الراجل ويشرطو عينا ويبوظو علاقتنا مع ناس سقراط .. وزيكو وروبيرتو كارلوس .. وبدل ما يمشو يسكسكو لينا في ميشو .. اهـا تعالو شيلو غارزيتو دا .. عسى ولعل يقدر يغلب ليكم الهلال .. وغارزيتو جاب سانييه .. تشيلو سانيية ونديكم معاهو هيثم مصطفى .. اكان تقدرو تغلبو الهلال ..
|
|
|
|
|
|
|
|
Re: (غارزيتو) شن نفرو .. قفه واللا اضان قفه ..؟ (Re: tmbis)
|
أن تفقد نتيجة مباراة واحدة من ثلاث مباريات ويكون الاداء في كل المباريات مقنع .. فهذا شئ منطقي .. أن تتعادل في مباراتين وتنتصر في واحدة .. في ظل الوضع الحالي للهلال الساعي لتقفيل الموسم وحسم البطولة .. فهذا عين العقل .. حتى وان صحب اي من المباريات بعض من سوء تخطيط في الخطة او فجأة هبط مستوى الاداء في اي من الشوطين وارتفع في الاخر .. لكن .. ان تلعب في ثلاثة مبارايات متتالية شوط واحد قط وهي الشوط الثاني من المباراة وتحرز هدفا في آخر الدقائق وزتضيع مهرجان اهداف من المهاجمين كما حدث في الشوط الثاني لمباراة المريخ .. والشوط الثاني لمباراة الخرطوم من ضياع اهداف وعدم المحافظة على التقدم .. فهذا ما يحتاج لوقفة سريعة .. الأكثر ريبة وشك .. هو طريقة التغيير أو التبديل العجيبة التي انتهجها غارزيتو في بدايات الشوط الثاني ومن دقائقه الأولى خاصة في مباراة الأمل .. وخطورة ذلك طيلة مجريات الشوط .. ما هو الغرض الواضح لغارزيتو من خلال تلك المغامرة لو تجاوزنا كل المنطق وحسابات الكورة ..؟ ما هو مقابل سكوت الاطار الفني التابع لغارزيتو خالد بخيت وابو شامة .. ومن الذي يقيم تجربة وأداء هذا الغارزيتو خلال مجريات المباراة .. وماذا يحدث عقب كل مباراة في تصحيح الأخطاء ومراجعتها .. والتحدث عن المباراة بشكل كامل ..؟
| |
|
|
|
|
|
|
Re: (غارزيتو) شن نفرو .. قفه واللا اضان قفه ..؟ (Re: طلحة عبدالله)
|
Quote: وبعدين إتا قلبت مع الخيانة وبقيت هلالابي معارضة واللا شنو يا رشاشة ؟ هههههه |
العنصري اب قفـه طلحــة عبد الله .. والله معارضة للدين .. معقولة ياخ الواحد يقعد يتفرج كدا .. وجايبين لينا ناس تنطط لينا فوق راسنا وغصبا عننا ..؟ وكل واحد شايل لينا (بقج غباينو) .؟
وااي كورة الواحد بقى يحضر فيها التسعين دقيقة وفترة ما بين الشوطين قلبو يدق ..؟
| |
|
|
|
|
|
|
Re: (غارزيتو) شن نفرو .. قفه واللا اضان قفه ..؟ (Re: tmbis)
|
ما هو حجم التجاوزات من مجلس إدارة الهلال وما مدى تعاطفه مع غارزيتو حيال ما يتداول في ساحة الاعلام الرياضي حاليا .. فضيحة ما ادلى به غارزيتو مع أحدى المجلات الفرنسية عن مشجعي الهلال .. وعن لعيبة الهلال وعن الشعب الكروي ..؟ هل ما ادلى به حقيقة ام انها نسج خيال . (وشتل) كروي يقوم به البعض .. هل من الصعب الحصول على المجلة التي جا منها الخبر .. أو حتى الجهة التي بثت الخبر .. علما انه اصبح بالامكان كل ذلك .. اذا ثبت صحة ما تداول .. هل المجلس بمعزل عن كل ذلك ..؟ وهل عموم ابناء الهلال ، ينتظرون ما هو اكبر مما اقدم عليه غارزيتو ..؟ وجلوسا مكتوفي الأيدي ..؟ وهل اصبح من يقومون بأمر الهلال على درجة عالية جدا من الهشاشة حيال ما يمارس ضدهم .. من قبل غازريتو ..؟ لماذا لم تتم اي محاسبات من اللجنة الفنية التي مخول لها مراجعة مستوى المدرب في المباريات السابقة .. بل تقييم شامل للفرقة .. وفق تقارير واحصائيات .. خاصة وأن الفريق في مرحلة حاسمة لا تحتمل اي تراخي فني .. أو انها مرحلة حصاد الموسم سواء أن كان المحلي أو على المستوى الأفريقي ..
| |
|
|
|
|
|
|
Re: (غارزيتو) شن نفرو .. قفه واللا اضان قفه ..؟ (Re: صبري طه)
|
Quote: يا تمبس .. غايتو أنا تغيير الثلاثة لاعبين دُفعة واحدة دي ما قادر أبلعها كلو كلو ... |
والله انا لحدت الان يا صبري ما قادر اتخيل انو في مدرب في الدنيا دي ممكن يعمل كدا والله مدرب في رابطة ناشئين ما يعمل كدا .. ياخ حارس المرمى دا اهم لاعب في الميدان .. كيف تتناسى انو ممكن تحصل ليهو اي حاجة خاصة وانو تبديلاتك دي تمت في بداية الشوط بالضبط .. قدامك خمسة واربعين دقيقة .. يعني ضع في حساباتك انو خطتك دي فشلت وفعلا فشلت الخطة النزل ليها تلاتة دفعة واحدة .. اها ح تعمل شنو في حالة اصابة الحارس وانت لسة ما جبت ليك حتى ولو هدف واحد ولا حققت واحد في المية من تبديلاتك العشوائية دي .. بعدين .. ليه ماف تدخل من المساعدين المعاهو ..؟ دا معناتو انو ماف اي تقديرات .. وفشل زريع وهم عبارة عن تنابلة فقط وليس لهم اي رؤية فنية وليس لهم اي فكر كروي .. إذ لا يعقل ان يقع في الخطا المدرب الرئيسي .. ويشاركه في نفس الخطا اتنين جالسين بجانبو ..
| |
|
|
|
|
|
|
Re: (غارزيتو) شن نفرو .. قفه واللا اضان قفه ..؟ (Re: طلحة عبدالله)
|
براك بتدخل نفسك في حتات ضيقة يا طلحـة . الفتنة نائمة دعها نائمة في نومها ..
والله حسع دي يخت ليك سؤال تقراهو من الشمال لليمين ومن اليمين للشمال ما تعرف فوقو حاجة .. اخير ليك انا العنصري دا مالك بتهبش .. ؟
Quote: وواقف غالبا أو مغلوبا مع غارزيتو |
عليك الله اقيف كويس ما وقفته .. اها غارزيتوك دا ما بلزمنا .. خلاص انتهت صلاحيتو معانا .. الكورة الفاتت كانت اخر مسمار في نعش العلاقات الحميمة بين الشعبين الفرنسي والهلالي .. اقرب كورة زولك دا عملت اي حركة من حركاتو البيض دي .. أو قول تعادل الهلال اقوليك حاجة .. لو الهلال غلب عشرين وما دقه لينا كفر كدا .. ومتعنا في عضمنا دا .. غارزيتو دا طوالي يلملم لينا عدتو .. وسلطاتو وتتبيلاتو الفرنسية وبابا غنوجو .. نحن راسنا دا بندفع فوقو قروش .. والهلال دا لما نقعد نحضر ليهو كورة عايزين الكورة تدخل لينا راسنـا شفت كيف .. يا عنصري ..؟
| |
|
|
|
|
|
|
Re: (غارزيتو) شن نفرو .. قفه واللا اضان قفه ..؟ (Re: صبري طه)
|
Quote: شوف ليك حاجة غير كُرة القدم دي وأمشي باريها ... (لاحظ أنا قُلت ليك باريها مُش تشجعها) ... |
والله ياخ انا اجد نفسي ميال لي فكرة أخونا صبري طـه في طرحـو والنصيحة التي اسداها لي المنظراتي طلحتة العنصري .. من ناحية أخرى يا صبري حقو (تسالو) لي رايو شنو في الاتفاقية الاطارية الخيرة وفي الحركة العمله ود البشرى امبارح بالليل دي
| |
|
|
|
|
|
|
Re: (غارزيتو) شن نفرو .. قفه واللا اضان قفه ..؟ (Re: طلحة عبدالله)
|
Quote: كيف يكون ذلك كذلك يا هذا ؟ |
.. والله يا عنصري من اليوم القلت لي فيهو الكدارة البدخلوها في المويـة بتاعت دافوري العصرية .. وانا رميت طوبتك .. كزول بتجيب الكورة من ورا القوون .. خليك تكون لاعب جوه . .. انت شكلك الباك (البكش) اللاعب مش كدا ..؟ مش كدا يا عنصري ..؟ .. ياخ زمانك البرازيل تكون داقه كفـر زي الترتيب .. يقوم ( فالدير بيريز) يزلق ليهو كورة واحدة يطمم بطنك عمرك كلو ..
| |
|
|
|
|
|
|
Re: (غارزيتو) شن نفرو .. قفه واللا اضان قفه ..؟ (Re: tmbis)
|
Quote: الكدارة البدخلوها في المويـة بتاعت دافوري العصرية
|
حتي كمان بالامارة ناس البيت لما يجوا يعرفوني مشيت وين طوالي بمشوا يشوفوا حوض الموية لو لقوها معناتو متوفر بكثرة في جخنون من جخانين الحوش الكبير .. ولو لا فالميدان جاهو بلا ..
| |
|
|
|
|
|
|
|