كتب الكاتب الفاتح جبرا المتوفرة بمعرض الدوحة
|
قرار معتمد الخرطوم بشأن بائعات الشاي الأجنبيات سيؤدي الى كوارث
|
اصدر معتمد الخرطوم خلال الايام الماضية قرارا بمنع بائعات الشاي الأجنبيات من ممارسة العمل واعتقد ان القرار قد بدأ تنفيذه على الارض وبالنظر الى الاعداد المهولة من الاجنبيات اللائي بمارسن مهنة بيع الشاي في مختلف مناطق الخرطوم فان القرار سيعود بكوارث عدة على المحلية لا سيما وان المنازل مكتظة بالخادمات الاجنبيات ولن تستوعب اخريات بالالاف وفي ظل الحوجة المادية لمقابلة المصروفات المتزايدة في الخرطوم سيتجهن الى مهن أخرى نعلمها ويعلمها المعتمد والاخطر في الامر ان معظم هؤلاء الاجنبيات يحملن امراضا خطيرة حسب ما اثبتت الاحصائيات .
|
|
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: معتصم محمد صالح)
|
كان يجب معالجة أمر هؤلاء الاجنبيات منذ البداية وتقنين اوضاعهن حسب قوانين الهجرة واللجوء الدولية وليس بعد استقرارهن لعدة سنوات والسماح لهن بالعمل بل ان بعضهن فتحن مئات المحلات المجهزة تجهيزا كبيرا وبتصديقات حكومية مكتملة ومثال لذلك شارع النص بالديم وشارع الركشات بجبرة حيث توجد محلات مجهزة بمبالغ طائلة لا اظن انهن وحدهن قد دفعن تكاليف تجهيزها فهي تحتاج الى رؤوس اموال ضخمة ومعلوم ان من يتمتعن بحظ من الجمال والقوام يتجهن من البداية للعمل في الكافتريات وبيع الشاي والمهن التي تتطلب تعاملا مباشرا مع الجمهور بينما تتجه الاخريات للعمل في المنازل.
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: معتصم محمد صالح)
|
سلام معتصم ....
بيع الشاي مهنة تعترف بها السلطات، بدليل جباية ضريبة على هذا العمل ..... وما دام بياخدوا منهم ضريبة على قعدتهم (بنبر وكانون) .... يبقى عندهم حق في الجلوس وممارسة هذا العمل الشريف.
الشئ التاني - وهو مؤسف:
Quote: وفي ظل الحوجة المادية لمقابلة المصروفات المتزايدة في الخرطوم سيتجهن الى مهن أخرى نعلمها ويعلمها المعتمد |
لماذا قفزنا لإفتراض أن هؤلاء النسوة بدون أخلاق وسيبادرن ببيع أجسادهن إذا منعن من بيع الشاي؟ أسمحوا لهن بالعيش بكرامة أو أعيدوهن إلى بلادهن.
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: محمد أبوالعزائم أبوالريش)
|
Quote: لماذا قفزنا لإفتراض أن هؤلاء النسوة بدون أخلاق وسيبادرن ببيع أجسادهن إذا منعن من بيع الشاي؟ أسمحوا لهن بالعيش بكرامة أو أعيدوهن إلى بلادهن |
أخي المكرم / محمود
لم نقفز وانما في خطواتنا العادية سيواجهنا هذا الواقع وليس الفرض انطلاقا من واقع سابق ومعلوم لبعض مناطق الخرطوم التي كانت تحتضن بيوتا معروفة ومعلومة تدار فيها هذه المهن بذات الاجنبيات في ثمانينات القرن الماضي ووقتها لم يكن هناك بيع شاي ولا امراض خطيرة وارجو الا ندفن رؤوسنا في الرمال فالواقع معروف ومعلوم للجميع .
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: معتصم محمد صالح)
|
Quote: معلوم لبعض مناطق الخرطوم التي كانت تحتضن بيوتا معروفة ومعلومة تدار فيها هذه المهن بذات الاجنبيات في ثمانينات القرن الماضي |
نعم يا معتصم ... وصلني تماماً ما تقصد. لكني أظن أن الأثيوبيات اللائي نظلمهن بربطهن بهذه الممارسات، بينهن العفيفات ممن إضطرتهن ظروفهن لممارسة بيع الشاي .. كما أن هناك من امتهن الدعارة من الأثيوبيات والسودانيات وجنسيات أخرى، فهذه الممارسة ليست مقصورة على جنسية دون سواها.
ندفن رؤوسنا في الرمال، حينما نعزل بنات جنسية معينة لنقول أن مجتمعنا أصبح نظيفاً.
لك التحية
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: tmbis)
|
Quote: ظل الحوجة المادية لمقابلة المصروفات المتزايدة في الخرطوم سيتجهن الى مهن أخرى نعلمها ويعلمها المعتمد والاخطر في الامر ان معظم هؤلاء الاجنبيات يحملن امراضا خطيرة حسب ما اثبتت الاحصائيات . |
انا ما خايف من الملاريا .. واب عديلات القلته عند الاجنبيات ديل .. بقدرما خايف .. بكره تجيب لينا صحبيات المهن ديل .. في صفحة كبيرة .. انو لقو بتاعين الهلال قاعدين يشربو معاهم شاي بي مهن أخرى ..
ادينا الصور بي سرعة يا نيسـا .. اديتنا الليل عديل كدا
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: الفاضل يسن عثمان)
|
الأخ معتصم تحياتي قرار صائب... وفي محله بيع الشاي لا يحتاج لمجهود جسماني كبير زي الاعمال المنزليه .. وفيه مكسب وحرية لا تتوفر لدى الخادمة المنزلية. الاجنبيات لجأوا لبيع الشاي للأسباب دي ... ولسه البيوت ممكن تستوعب الخادمات.. لانه بنات البلد بقوا ما بخدموا في البيوت.. بس هم بيطلبوا كتير رغم انهم لا بتميزوا بفهم ولاخبرة ولانظافة ولا معرفة لغة.. عشان كده الناس ما بتشغلهم وإذا ما استوعبتهم البيوت .. اتمنى فعلا أن يتم ترحيلهم إلى بلادهم... وديل مش لاجئات.. ديل جايين للعمل
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: rummana)
|
معتصم يا صديق ... دا تنميط مخل جداً يحق
الاثيوبيات والاريتريات ممن اجبرتهن ظروف الحرب
سابقاً للنزوح وهسه الفقر والعوز بقي سبب آخر ....
لي عودة الي البوست ...
__________________________________________
رمانة بالغتي ياخي بيع الشاي دا واحدة من أحر المهن التي عرفتها الانسانية ديل بصحوا قبل النجمة وبقابلوا سخانة المنقد طول النهار ياخ بدون أي فترة راحة ...
Quote: بيع الشاي لا يحتاج لمجهود جسماني كبير زي الاعمال المنزليه . |
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: rummana)
|
لعل المعتصم قد اشار الى قضية كبيرة وكبيرة جداً تتجاوز معتمد الخرطوم عمر نمر وتمتد حتى تصل الى الشراكة الاستراتيجية بين السودان واثيوبيا من حيث مكونات هذه الشراكة . الهجرة الاثيوبية الى السودان ودورها فى تهديد الامن الاجتماعى الهجرة الاثيوبية ودورها فى تهديد الاقتصاد السودانى ( المعدلات الهائلة للتعامل بالعملة الصعبة خارج الجهاز المصرفى ) الهجرة الاثيوبية ودورها فى تهديد الامن القومى . تأثير العمالة الاثيوبية الثقافى والاجتماعى داخل الاسرة السودانية فى ولاية الخرطوم تأثير العمالة الاثيوبية على البطالة . المقابل السودانى الذى يعود على السودان من جراء هذا التواجد الاثيوبى لهولاء السيدات .
________
لدولة اثيوبيا كثير من كروت الضغط على السودان ولا يمكن المجازفة بطرد هولاء الاثيوبيات (لو تعلمون )
بوســت موفق وموفق جداً فى مناقشة ظاهرة العمالة الاثيوبية فى ولاية الخرطوم
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: Hani Arabi Mohamed)
|
تشكر بدردالني اسحق على محاولة اعادة البوست لمساره الصحيح بجد انا كنت مغيوظ للغاية من طمس هيتنا في شارع الديم حتى لافتات عيادات الاطباء بقت بالاثيوبية ... زمان واحد زعلان من ناس كسلا قال نحن بنمثل الجالية السودانية في كسلا اي حق اللجوء ...والعلاقات السودانية الاثيوبية والخ مهم التعاطي معاهم بجية لكن كمان قصة هويتنا دي اكثر اهمية ...والمسالة تحتاج لدراسة لان القرار المتعجل ممكن يضر المعتمد خبير بالشان القرن افريقي من خلال عمله بملفات شرق السودان من خلال جهاز الامن الوطني ولكن يبدو لي القصة تحتاج لمشاورة مختصين من وزارة الخارجية والامن الخارجي ورئاسة الجمهورية القصة اكبر من منع اثيوبيات من بيع شاي
ـــــــــــــــ (شخصيا) انا متضرر للغاية من القرار ..!!!
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: Hani Arabi Mohamed)
|
Quote: رمانة بالغتي ياخي بيع الشاي دا واحدة من أحر المهن التي عرفتها الانسانية ديل بصحوا قبل النجمة وبقابلوا سخانة المنقد طول النهار ياخ بدون أي فترة راحة ... |
بخاري .. تسلم يا أخي على احساسك بينا.. :) مقابلين المناقد طول عمرنا نخدم ليل نهار ونحن أمهات ثم ونحن اخوات ثم زوجات ثم بنات شي افراح شي اتراح .. لحد ما تظهر مهنة بائعة شاي حتى نلقى حد يحس بينا.. كله شغل وكله تعب وكله حار .. لكن فعلا شغل البيوت فيه مجهود جسماني أكبر .. أسمعها مني أنا عارفة... (هو جسماني ولا جثماني؟) في واحدة بنعرفها من زمن طويل بتجي تخدم في البيوت بس هسه كبرت وطبعا السكن بقى بعيد جدا..كنت بتونس معاها عن انها مفروض تنزل معاش بعد ده وتخلي الشباب يخدموا.. قالت لي بالحرف الواحد.. البنات الصغار كلهم بقوا ما برضوا يشتغلوا في البيوت لا باليومية ولا بالشهر بقوا بس بشتغلوا في الشاي ويشتروا في الموبايلات والكريمات...! (الموبايلات والكريمات دخلهم شنو بعمل الشاي شي ما ناقشتها فيه!) ياخي كفاها الونسة والشغل الحر مقارنة بالشغالة العندها مية رئيس ... لا بتصحى بمزاجها ولا بتنوم بكيفها! ست الشاي لا بتقش حوش ولا بتنضف حمامات لا بتمسح بلاط ... هسه ديل براهم كم سعرة حرارية مصروفة؟
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: الفاتح سليمان)
|
انا مع استمرار الحبشيات فى أداء عملهن الشريف فى تقديم الشاى والقهوة. ومع انعدام المقاهى فى الخرطوم وانعدام الاندية، صارت ست الشاى مكان التقاء للشباب والاصدقاء ومن ثم ينفض كل الى حال سبيله. التنظيم يتم بتقنين المساحة الكافية للمقهى واستجلاب كراسى: المهم ان يتحول المكان والاسم من ست شاى الى مقهى حديث تديره الحبشيات. الحبشيات خرجن من بلدانهن بسبب شظف العيش والفقر وجئن ينشدن الحياة الكريمة وستر الحال. ..
.. *بالمناسبة حتى لحظتى تلك لم اجلس لشرب شاى فى الشارع من حبشية او سودانية والسبب ان لدى ما يشبه الوسواس من الكبابى وطريقة تنظيفها.
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: Mahir Mohammed Salih)
|
Quote: ندفن رؤوسنا في الرمال، حينما نعزل بنات جنسية معينة لنقول أن مجتمعنا أصبح نظيفاً. |
تحياتي محمد .. واتفق معك الى حد ما ..
Quote: ده قبل المشروع الحضاري
هسع بنات البلد ما بيقدروا ينافسوهم ديل |
شكرا وليد
Quote: ا ما خايف من الملاريا .. واب عديلات القلته عند الاجنبيات ديل .. بقدرما خايف .. بكره تجيب لينا صحبيات المهن ديل .. في صفحة كبيرة .. انو لقو بتاعين الهلال قاعدين يشربو معاهم شاي بي مهن أخرى ..
ادينا الصور بي سرعة يا نيسـا .. اديتنا الليل عديل كدا |
المشكلة يا تامبا في المهن الاخرى دي .. الصورة في الطريق
Quote: معتصم:
ماعرفنا القصد شنو. انتقادك لقرار معتمد السجم والرماد دي, ولا امتعاضك من التواجد الاثيوبي بالعاصمة. شكلك مبسوط وزعلان من خدمات احد الكافتريات, |
تحياتي اخي الفاضل ..
قصدي واضح ومعروف للجميع ..
Quote: وإذا ما استوعبتهم البيوت .. اتمنى فعلا أن يتم ترحيلهم إلى بلادهم... |
اتفق معك تماما يا رمانة ..
Quote: معتصم يا صديق ... دا تنميط مخل جداً يحق
الاثيوبيات والاريتريات ممن اجبرتهن ظروف الحرب
سابقاً للنزوح وهسه الفقر والعوز بقي سبب آخر ....
لي عودة الي البوست ...
|
في انتظارك يا باخ .. واثق في انك ستفيد هذا البوست كثيرا
Quote: لدولة اثيوبيا كثير من كروت الضغط على السودان ولا يمكن المجازفة بطرد هولاء الاثيوبيات (لو تعلمون ) |
شكرا فكي اسحق .. تحياتي وتقديري
Quote: عارف ليه الناس بتسك في النسوان في رزقهم الحلال المحترم |
شكرا اخي الفاتح
Quote: جود الضيوف في البلاد يحتاج إلى وقفة ... تراعي كافة الجوانب القانونية والسياسية والاقتصادية والاجتماعية والانسانية |
وهو كذلك يا هاني
Quote: (شخصيا) انا متضرر للغاية من القرار ..!!! |
تحياتي استاذ احمد .. ربنا يرفع الضرر
Quote: انا مع استمرار الحبشيات فى أداء عملهن الشريف فى تقديم الشاى والقهوة. ومع انعدام المقاهى فى الخرطوم وانعدام الاندية، صارت ست الشاى مكان التقاء للشباب والاصدقاء ومن ثم ينفض كل الى حال سبيله. التنظيم يتم بتقنين المساحة الكافية للمقهى واستجلاب كراسى: المهم ان يتحول المكان والاسم من ست شاى الى مقهى حديث تديره الحبشيات. الحبشيات خرجن من بلدانهن بسبب شظف العيش والفقر وجئن ينشدن الحياة الكريمة وستر الحال. |
تحياتي اخي امبدة
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: rummana)
|
شكراً يا نيستا على إيراد هذه الخبر .. وشكراً Ombadda على مداخلتك، وأضيف اليها أنني شخصياً أعرف عدد من بائعات الشاي الأثيوبيات في الديم نساء شريفات عفيفات وبيربوا في يتامى.. أنا ما عارف ليه بنستكتر عليهن انهن يتكسبن ويسترزقن، طالما ما في مخالفة للقانون أو إرتكاب ما يستوجب المساءلة القانونية، فالاولى أن يتم تقنين أوضاعهن..
بقت على المسكينات ديل !!
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: عاطف عمر)
|
لا للتنميط..
ثانيا مفروض يكون في قوانين ولوائح ثابتة تنظم اوضاع اللاجئين تحدد واجباتهم وتكفل حقوقهم*.. عشان ما يجي زعيط او معيط يصدروا قرار كل صباح دون دراسة او دراية..
ده الفرق بيننا يا عاطف عمر وبين الدول التي تخصص وظائف معينة لمواطنيها أوالمقيمين فيها بصورة دائمة..
يعني يا رمانة الأثيوبية ما عندها حق انها تحدد وين تشتغل حتى وان لم تخالف اي قانون؟ يا تشتغل خادمة في البيوت او يتم ترحيلها الى بلدها؟ كلام عجيب ومؤسف جدا..
___ *طبعا لن يحدث ذلك في دولة المشروع الحضاري التي فشلت في توفير أعلاه لمواطني البلد فهل ستنصف الضيوف؟
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: نجوان)
|
قرار معتمد الخرطوم خاطيء ، ومشكلتنا في السودان أن نصيغ القرارات وننفذها دون الرجوع للدراسات والحلول والآثار التي ستترتب عليها القرار ، من حقنا أن نحافظ على مواردنا وأن نعطي الأولوية لبني جلدتنا في كافة الأعمال ، ومن حق الغريب أو الأجنبي أن يعيش معززاً مكرماً بيننا ، وهنا يفصلنا القوانيين والأحكام التي تنظم عملية التواجد الأجنبي بالبلاد ، وفي ما يختص ببائعات الشاي الأجنبيات أرى من حقهن العمل ما دام أن تواجدهن في البلاد بطريقة رسمية ولكن بشرط التنظيم وإتباع إجراءات معينة ومنها على سبيل المثال .
1/ يتم الأشراف على بائعات الشاي من قبل المعتمدية من جميع النواحي أولها :-
* الحصول على أذن عمل في مجال بيع الشاي وذلك مقابل مبلغ مالي يتم تحديده بعد الدراسة حسب الدخل اليومي . * أن تتحصل بائعة الشاي على كرت صحي يفيد بأنها خالية من الأمراض المعدية وذلك من جهة طبية رسمية . * أن تحدد منطقتها الجغرافية حسب موقع سكنها .
علماً بأنني لأ أفوت إجازة في السودان وإلا شربت شاهيهن ، وقد لا أهتم أن كانت البائعة سودانية أم أجنبية وبقدر ما أهتم بالجلوس مستمتعاً بالشاي .
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: نجوان)
|
تحياتي وسلامات نجوان
Quote: لا للتنميط..
ثانيا مفروض يكون في قوانين ولوائح ثابتة تنظم اوضاع اللاجئين تحدد واجباتهم وتكفل حقوقهم*.. عشان ما يجي زعيط او معيط يصدروا قرار كل صباح دون دراسة او دراية..
ده الفرق بيننا يا عاطف عمر وبين الدول التي تخصص وظائف معينة لمواطنيها أوالمقيمين فيها بصورة دائمة.. |
مع التأكيد على صحة مطالبتك بوجود ( قوانين ولوائح ثابتة تنظم اوضاع اللاجئين تحدد واجباتهم وتكفل حقوقهم ) إلا أن ( العمالة ) الإثيوبية الموجودة في البلاد لا ينطبق عليها وصف ( لاجئين ) فهذه عمالة أتت سعياً للعمل . واجب الدولة ( أى دولة ) تنظيم سوق العمل بما يكفل حقوق مواطنيها ( في المقام الأول ) للإستفادة من فرص العمل المتاحة . ومن ثم تستقدم أو تسمح باستقدام عمالة لتنفذ ( الشواغر الموجودة ) أى تلك المهن التي لم تجد من مواطنيها من يقوم بأدائها . ليس هذا فحسب بل وتتمدد مسؤولية الدولة لـ ( خلق فرص عمل لمواطنيها ) وليس في الأمر بهذا المعنى أى تنميط
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: عاطف عمر)
|
أخي معتصم فكرتك قامت علي ترك الامر خوفا من الأسواء واعتقد انها فكرة غير موفقة لان بيع الشاي سواء كان من سودانية أو اجنبيه ممكن ( ممكن) يكون مدخل لهذا الأسواء اضافة لان مهنة بيع الشاي رغم الاختلاف حولها لكن ينبغي ان لا تدخل دائرة المنافسة
لكن اذا كنت تري الخوف من الاجنبيات فلماذا لم تطالب بمنعهن من الدخول بدون عمل أصلا وهذه يقول عنه الفقهاء ( سد الذرائع )
تحياتي
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: علي الكرار هاشم)
|
الاخ معتصم مدخل لتعليقي على الموضوع هجرة أصحاب النبي صلى الله عليه وسلم الى الحبشة
Quote: قال الله تعالى { والذين هاجروا في الله من بعد ما ظلموا لنبوئنهم في الدنيا حسنة ولأجر الآخرة أكبر لو كانوا يعلمون } ( النحل:41) قال قتادة – رحمه الله - " المراد أصحاب النبي صلى الله عليه وسلم، ظلمهم المشركون بمكة وأخرجوهم حتى لحق طائفة منهم بالحبشة، ثم بوأهم الله تعالى دار الهجرة، وجعل لهم أنصاراً من المؤمنين " .
وكان الذي دعى الصحابة لتلك الهجرة عدة أساب، منها شدة العذاب الذي لاقاه الصحابة من المشركين، حيث استخدم المشركون شتى أنواع العذاب لكي يفتنوا الصحابة عن دينهم، وكان نشر الدعوة خارج مكة المكرمة، وتكوين قاعدة تحمي العقيدة سبباً رئيساً آخر لتلك الهجرة.
وهكذا هاجر أول فوج من الصحابة إلى الحبشة في السنة الخامسة للبعثة، وكان هذا الفوج مكوناً من اثني عشر رجلاً و أربع نسوة، كان في مقدمتهم عثمان بن عفان رضي الله عنه ، ومعه زوجته رقية بنت رسول الله صلى الله عليه وسلم، وكان رحيلهم تسللاً تحت جنح الظلام حتى لا تشعر بهم قريش، فخرجوا إلى البحر عن طريق جدة، فوجدوا سفينتين تجاريتين أبحرتا بهم إلى الحبشة، ولما علمت قريش بخبرهم خرجت في إثرهم، وما وصلت إلى الشاطئ إلا وكانوا قد غادروه في طريقهم إلى الحبشة، حيث وجدوا الأمن والأمان، ولقوا الحفاوة والإكرام من ملكها النجاشي الذي كان لا يظلم عنده أحد، كما أخبر بذلك النبي صلى الله عليه وسلم . |
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: المكاشفي الخضر الطاهر)
|
Quote: ومما يستفاد من أحداث الهجرة إلى الحبشة :
1- الصبر على الشدّة والبلاء في سبيل الله فلقد لاقى النبي صلى الله عليه وسلم وأصحابه في مكة المكرمة، من الشدّة والأذى ما يصعب على غيرهم احتمالُه.
2- ثبات المؤمنين على عقيدتهم ودينهم الحنيف، دون الخضوع لضغوط الأعداء.
3- شفقة النبي صلى الله عليه وسلم على أصحابه ورحمته بهم، حيث أشار عليهم بالهجرة إلى الحبشة.
وهكذا هيأ الله لعباده المؤمنين المستضعفين المأوى والحماية من أذى قريش وأمَّنهم على دينهم وأنفسهم ، وكان في هذه الهجرة خير للمسلمين، إذ استطاعوا -فضلاً عن حفظ دينهم وأنفسهم - أن ينشروا دعوتهم، ويكسبوا أرضاً جديدة تكون منطلقاً لتلك الدعوة، ومن كان مع الله كان الله معه.. |
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: علي الكرار هاشم)
|
Quote: إلا أن ( العمالة ) الإثيوبية الموجودة في البلاد لا ينطبق عليها وصف ( لاجئين ) فهذه عمالة أتت سعياً للعمل . |
احنا متفقين يا عاطف.. مفروض يكون في قوانين تنظم وتفي بمسؤوليتها تجاه المواطن، اللاجيء والذي قصد البلد باحثا عن عمل.. المشكلة في العشوائية والقرارات البحلم بيها المسؤول بالليل ويجي ينفذها الصباح دون اي مرجعية قانونية او غيرها.. ده غير الممارسات الناتجة عن وجهات النظر والآراء الشخصية.. الخدمة العامة مفروض تكون محمية من كل هذا.. بعدين -ملاحظة جانبية- هضم حقوق غير المواطنين لا أعتبره نصرة للمواطن.. بل هو مؤشر سيء وطرف السوط لا بد ان يصل المواطن عاجلا او آجلا لانه المصدر واحد
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: عاطف عمر)
|
Quote: اجب الدولة ( أى دولة ) تنظيم سوق العمل بما يكفل حقوق مواطنيها ( في المقام الأول ) للإستفادة من فرص العمل المتاحة |
طيب الدولة دي رأيها شنو في العلاج اللي بقى في الأردن ومصر ووصل مرحلة استقدام الاطباء الأردنيين والروس الى السودان بل وفتح مستشفيات خاصة بأسماء تلك الدول وب عمالة أجنبية بينما يهاجر أبناء الدولة من الاطباء الى بلاد الله الواسعة لانعدام الوظيفة وضعف المرتبات !!
والدولة رأيها شنو في استبدال عمال النظافة في المستشفيات والمرافق العامة بالعمالة الاسيوية !! والدولة رايها شنو في المطاعم اللي بقت معظم عمالتها اثيوبية وارترية ومصريين وسوريين ؟!
موش دي كلها فرص عمل ؟! ولا بقت على ستات الشاي يعني ؟!
نحن -كسودانيي المهجر - مشتتين في كل بلاد الدنيا ، وشغالين في مختلف المجالات والبلدان مفتوحة لينا على مصراعيها ونلقى كل التقدير والاحترام ، بل وبنزعل جداً لو تم حرماننا من وظيفة او ترقية وخصص بها احد أبناء البلد !! وبنشتكي لي طوب الارض وبندور فيلم الاضطهاد والعنصرية ونطالب ان تكون المفاضلة على اساس الكفاءة !
طيب ليه ماتكون المفاضلة على اساس الكفاءة في مهنة ست الشاي دون النظر الى الجنسية ! ودا طبعا ما حايحصل الى يكون في قالب نظامي وصحي لتقنين المهنة ..
انا عن نفسي شايفة انو المهن المحتاجة لي تقنين وتنظيم كتيرة .. البنية الطبية والهندسية وصحة البيئة والتعليم .. الخ بعد ينتهوا منهم انشالله كل زول يشرب شايو في بيتو ((:
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: داليا الكباشى)
|
هذا المعتمد لم يوفق في ما ذهب اليه النبي صلى الله عليه وسلم أمر الصحابة رضوان الله عليهم بالهجرة الى الحبشة حيث الامان والاطمئنان واليوم عندما يهاجر الينا الاحباش نقابلهم بهذه الصورة غير حميدة هذا فيه نكران للجميل وعدم رد الخير بخير مثله المعتمد متوخوف من انحراف الشباب اقول له انت السبب وحكومة الولاية كذلك إذ انكم لم تمكنوا هؤلاء الشباب ولم تفتحوا لهم فرص العمل ولم تفعلوا مشاريع كي يستقر على اثرها الشباب بددتم اموال الدولة في لاشيء ولا ادري تذهب تلك الاموال طيب الحبشيات ديل هاجرن الى السودان للتكسب لماذا تمنعوهن للتكسب من عمل مشروع لهن في بيع الشاي والاطعمة لماذا تمنعوهن وتتركون نساء البلد يعملن في تلك الاعمال ؟؟؟ وسوق المدينة في عهد النبي صلى الله عليه وسلم كان يعمل فيه كل الجنسيات الفرس والعرب واليهود والاحباش وغيرهم ولم يمنعهن النبي صلى الله عليه وسلم الطبيبات السودانيات يذهبن الى الخليج والسعودية ويعملن لماذا لم تفرض السعودية حجر على عمل السودانيات ؟ هذا قرار غير موفق افتحوا فرص العمل للشباب وبدل من تبديد مال الدولة في فقاعة مشاريع استقرار الشباب ارجو ان تفتحوا فرص العمل للشباب كي ينتجوا صدقوني لو منعتم الحبشيات فان الحال سيذداد سوءا
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: داليا الكباشى)
|
Quote:
طيب الدولة دي رأيها شنو في العلاج اللي بقى في الأردن ومصر ووصل مرحلة استقدام الاطباء الأردنيين والروس الى السودان بل وفتح مستشفيات خاصة بأسماء تلك الدول وب عمالة أجنبية بينما يهاجر أبناء الدولة من الاطباء الى بلاد الله الواسعة لانعدام الوظيفة وضعف المرتبات !!
والدولة رأيها شنو في استبدال عمال النظافة في المستشفيات والمرافق العامة بالعمالة الاسيوية !! والدولة رايها شنو في المطاعم اللي بقت معظم عمالتها اثيوبية وارترية ومصريين وسوريين ؟!
موش دي كلها فرص عمل ؟! ولا بقت على ستات الشاي يعني ؟!
نحن -كسودانيي المهجر - مشتتين في كل بلاد الدنيا ، وشغالين في مختلف المجالات والبلدان مفتوحة لينا على مصراعيها ونلقى كل التقدير والاحترام ، بل وبنزعل جداً لو تم حرماننا من وظيفة او ترقية وخصص بها احد أبناء البلد !! وبنشتكي لي طوب الارض وبندور فيلم الاضطهاد والعنصرية ونطالب ان تكون المفاضلة على اساس الكفاءة !
طيب ليه ماتكون المفاضلة على اساس الكفاءة في مهنة ست الشاي دون النظر الى الجنسية ! ودا طبعا ما حايحصل الى يكون في قالب نظامي وصحي لتقنين المهنة ..
انا عن نفسي شايفة انو المهن المحتاجة لي تقنين وتنظيم كتيرة .. البنية الطبية والهندسية وصحة البيئة والتعليم .. الخ بعد ينتهوا منهم انشالله كل زول يشرب شايو في بيتو ((:
|
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: Hani Arabi Mohamed)
|
سلام نجوان أنا شايفة عاطف عمر عقب علي مداخلتك بصورة أكتر ترتيب من أي تعقيب أكتبه وبتفق معاه تماما الاثيوبيات وغيرهم جايين يحسنوا وضعهم المادي زينا نحن في دول البترول ... أنا ما شايفة فرص كتيرة ليهم للعمل لانهم ما مؤهلات حتى لخدمة البيوت اللي هي أي بت بتفهم فيها .. لا بعرفوا عربي ولا انجليزي.. فيهم الما دخلت مدرسة خالص وكتير منهم عمرهم بين 15-17 سنة يعني حسب قانون الطفل عندنا لا زالوا أطفال.... قولي لي انت ممكن يشتغلوا شنو؟ طبعا العامل في دول تانية بتترسل ليه الفيزا في بلده بالوظيفة الحيشغلها..يعني بجي من بلده وشغله معروف ومكتوب في جوازه .. ويتم استخراج الاقامة ليه بنفس الوظيفة... الاثيوبيات أو غيرهن لما يجوا السودان ما بجوا بفيزا مسبقة... أنا ما عارفهم بدخلوا البلد كيف أصلا .. كل العارفاه انهم بيدفعوا قروش لاشخاص من قبل ما يجوا وطول فترة وجودهم في السودان
نجوان من سنوات وأنا اتمنى انه الحكومة تعمل حاجة تستوعب ستات الشاي أو معظمهم، تفتح مصانع مطاعم مقاهي أي حاجة المهم توفر سبل عيش بطريقة خاضعة للتنظيم لميات النساء المنتشرات في كل ركن في المدن ومحلقين حولهم مجموعات من العطالة (معليش ولياب) حتى أمام المستشفيات والمستوصفات وعيادات الأطباء .. منظر غير حضاري أبدا وفي الغالب غير صحي... وبدل بذل المجهود ده قررت الحكومة تاخد منهم رسوم .. عدد ستات الشاي كبير بما فيه الكفاية نحن ما محتاجين نزيده بالأجنبيات... ولا ستات الشاي محتاجين لمنافسة من الاجنبيات أو مزاحمة في أكل العيش ... ولا محتاجين في عمل الشاي نشوف منو الأكثر كفاءة .. يعني منو البتعرف تبتسم أحسن من التانية أو الابتسامتها أجمل يا أمبدة وداليا... بعدين على فكرة الشغل في البيوت هو أفضل فرصة ليهم للعمل بدون الدخول في زنقة الاقامة القانونية...مع العلم بأنه في السودان أي شي بيصبح قانوني بالرشاوى والواسطة .. أنا مع تنظيم العمل وتطبيق القانون بخصوص اقامة الاجانب وعملهم في السودان... بس كلنا عارفين انه حياة الناس ماشة بالرشاوى والواسطة .. ترحيلهم في حالة عدم وجود عمل يستوعب (مؤهلاتهم) مساعدة ليهم مش ظلم وترتيب بيت لينا..
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: rummana)
|
Quote: أنا ما شايفة فرص كتيرة ليهم للعمل لانهم ما مؤهلات حتى لخدمة البيوت اللي هي أي بت بتفهم فيها .. لا بعرفوا عربي ولا انجليزي.. فيهم الما دخلت مدرسة خالص وكتير منهم عمرهم بين 15-17 سنة يعني حسب قانون الطفل عندنا لا زالوا أطفال.... |
دا ياهو التعميم المخل زاتو يا رمانة !! مجال العمل المنزلي والهاوس كيبينق تبرع فيه الاثيوبيات الى حد كبير ، واخطفي رجلك هسي لي اي منتدى او قروب نسائي سوداني حاتلقي الطلبات على الحبشيات لا تعد ولا تحصى .. بل وان معظم البيوت في السودان اصبحت لا تستغني عن وجود الخادمة الحبشية لوفائها واخلاصها وتفانيها في العمل .. بل وان الإثيوبية في بعض الاحيان تتعامل مع البيت كانو بيتها (يعني القصة ماتوزيع ابتسامات وخلاص)!
(بتنا) الحبشية الجميلة (أمينة ) وأقول بتنا ولا اقول خادمتنا لانها فعلا بقت بت البيت ! في رمضان ونحن فاطرين عند عمتي ، شايلين ملاحات وحاجات فطور ، وبعد ان فرغنا دخلت أمينة مطبخ عمتي وغسلت عدتنا بسرعة ولمتها في الأكياس .. ونحن طالعين لقت (مغرفة) من عدتنا منسية على طاولة الحلويات .. خطفتها بسرعة وغسلتها وشالتها في الكيس طبعا ماما اتحرجت جداً وقالت ليها بي ظرافة : ما مشكلة يا أمينة ما ضروري بيجيبوها مرة تانية ردت ليها أمينة بعفوية : لكن داااا حقناااا يا ماما (هههههههههه)
دا التفاني اللي انا بقصدوا في العمل .. وبالمناسبة ما (اي) بت بتفهم في شغل البيت !! وبالمناسبة تاني .. إدارة البيت وشغلوا من أصعب المهمات على وجه الارض ! (لا تبخسونا اشيائنا ياخ) !! الغريبة انو ردك لي بخاري فوق بيناقض كلامك دا .. خاصة انك حسبتيها ليهو بالسرعات الحرارية (:
عاطف عمر يا صديق .. السلام موصول من القلب الى القلب يا صاحب (: وربنا ما يجيب زعل (: دي ونسة ساي (: بالمناسبة انا ما بتكلم عن السعودة بس .. بل عن جميع بلدان المهجر ! السودانيين بيزعلوا لو (ولد البلد) اترقى قداموا باي معيار غير الكفاءة والاقدمية ! ونتشرف بيك في جنبات الربع الخالي (: واحنا ف ديك الساعة ((:
| |
|
|
|
|
|
|
Re: قرار معتمد الخرطوم بشأن بائعات الشاي الأجنبيات سيؤدي الى كوارث (Re: عاطف عمر)
|
كيفك يا رمانة..
انا معاك تماما ومية مية انه الدولة عليها عبء تنظيم مهنة بيع الشاي ووضع ضوابط تحفظ كرامة وسلامة اخواتنا ديل وتعكس مظهر حضاري للمدينة والبلد عموما.. بس ده ما موضوعنا الأساسي..
بس اختلفت معاك في من يحدد ما يجب او لا يجب ان تشتغله الأثيوبية المقيمة في السودان.. صراحة ما بهم انا وانتي نقول شنو لأنه القرار لصاحبة الشأن.. ودي نقطة المحك هنا.. طالما الأثيوبية دي انسانة راشدة، قاعدة في السودان ولها حق العمل دون مخالفة القانون فهي من تحدد عايزة تشتغل شنو..
اذا عملوا مؤهلات رسمية لبيع الشاي، فكل من لا تملك تلك المؤهلات، اثيوبية وغير اثيوبية لا يحق لها ممارسة المهنة.. واذا الدولة في قانونها الخاص بالعمل تنص على انه بيع الشاي للسودانيات فقط، فبه لكن ان يقيس ويفصل كل مسؤول حسب مزاجه هذا غير مقبول ومفروض يكون غير قانوني ايضا..
دي حقوق انسان يا رمانة.. ان يختار كل واحد منا سبل الرزق التي تناسبه طالما لا تخل بالقوانين..
_____
Quote: ترحيلهم في حالة عدم وجود عمل يستوعب (مؤهلاتهم) مساعدة ليهم مش ظلم وترتيب بيت لينا.. |
تاني.. بنحدد لغيرنا مصلحتهم وين.. هم رأيهم شنو؟؟
| |
|
|
|
|
|
|
|