|
|
|
 Re: ياجماعة حوش بكري ده مسكون ولا كيبوردنا ده مهبوش ؟؟؟؟؟ (Re: وضاحة)
|
,وضاحة سلامات
والله دي سكنة عديييييل
تصدقي اخش من الباب يقول ممنوع
اقنب اتاوق من الشباك عاااااااادي
وما كدي بقدر كمان وبالشباك ده اكتب رسالة مسنجر وحكمة الله بتمشي
لكن اجي اكتب موضوع او أرد علي موضوع الجماعة الساكنين يشتغلو معاي قرف
اسي لي يومين بتفرج بس من مقاعد البدلاء
وده بكون من شنو ده؟؟؟
| |
 
|
|
|
|
|
|
|
|
Re: ياجماعة حوش بكري ده مسكون ولا كيبوردنا ده مهبوش ؟؟؟؟؟ (Re: عمر محمد ابراهيم)
|
اسي جنس ده بكون من شنو؟؟؟
انا غايتو عندي احتمالين لا ثالث لهما ياهم الدفقتهم ليكم فوق في العنوان ده
لو في فقيه من الحوش يفتينا يا اخوان .
عندنا مساعد طبي في منطقة كدي زول طيب خالص يجيهو العيان يشتكي ليه بأعتبارو الحكيم الوحيد في الحلة المساعد الطبي يقوم يعيش ليك مع قصة المريض وينسي خالص انو الحكيم
المريض يقول ليه : عندي حمي وانجخاخة وخمة نفس
المساعد الطبي بعد يسمع كل الشكوي يقوم يقول للمريض : حاجة غريبة يااخي ده بكون من شنو ده؟؟؟
اسي يا جماعة ده بكون من شنو ده؟؟؟
| |
|
|
|
|
|
|
|
|
|
Re: ياجماعة حوش بكري ده مسكون ولا كيبوردنا ده مهبوش ؟؟؟؟؟ (Re: عمر محمد ابراهيم)
|
د. عمر محمد ابراهيم.
تحية طيبة.
وبعيدا عن موضوع البوست. اعذرنى،تطفلت على بيانات البروفايل ووجدت انك رئيس منظمة مساعدة المرضى الفقراء وانا كطبيب اعمل داخل الخرطوم لدى الرغبة بالانضمام لتلك المنظمة ومستعد للمساهمة بالوقت.
بشرط الا تكون المنظمة لها أنتماء سياسى- سواء موالى او معارض. وان يكون المرضى معدمين مساكين.
| |
|
|
|
|
|
|
|
|
|
Re: ياجماعة حوش بكري ده مسكون ولا كيبوردنا ده مهبوش ؟؟؟؟؟ (Re: ombadda)
|
ombadda
,وعليك السلام
ومرحبا بك في منظمة لا انتماء سياسي لها سوي مساعدة اهلنا الفقراء من المرضي وقد عملنا علي اقامة قوافل طبية للهوامش مجانا وقمنا كذلك بعلاج حالات معدمة كان اخرها مساهمتنا في تسفير مريض يعاني من ورم بالدماغ وقد ساهم الأخوة في البورد هنا بفعالية عالية الا انه قد توفي هناك عليه الرحمة
اهلا بك ويمكن مراسلتي علي الخاص
| |
|
|
|
|
|
|
|
|
|
Re: ياجماعة حوش بكري ده مسكون ولا كيبوردنا ده مهبوش ؟؟؟؟؟ (Re: عمر محمد ابراهيم)
|
د.عمر سلامات
انت ما تسمع كلام وضاحة الشيطانة الضلالية دي  دي عايزة تجهجهك .... اظن انت بتعاني من العداد الخاص بالمداخلات ............... قبل فترة كان بتكتب مليون بوست ومداخلة في اليوم ........ لكين بكري وقف الحكاية دي وعمل عدادات -بالصراحة ما عارف بكري عمل عدادات لي شنو- , يعني انت بتكون عندك مداخلات معينة في اليوم واظن انها 50 مداخلة ..... واظن انت عدادك كِمل , و الله اعلم , اما قصة شياطين وما عارف ايه بتاعة وضاحة ده فدى كلام خزعبلات .
| |
|
|
|
|
|
|
|
|
Re: ياجماعة حوش بكري ده مسكون ولا كيبوردنا ده مهبوش ؟؟؟؟؟ (Re: احمد محمد بشير)
|
كدي يا دكتور النحدسك بالحصل لي مع أحمد محمد بشير الفوق ده.
قبل خمسة دقايق بس، كتبت ليهو رد في بوست الشبح محمد فرح ..... عاينت للرد كويس وعملت (إرسال) ........... توووووشك الشاشة ودتني للمنبر العام .... عاينت في البوست ما لقيت الكلام الكتبتو.
محمد معانا ما تغشانا.
كدي النرسل الرد ده ... ونشوف يحصل شنو.
| |
|
|
|
|
|
|
|
|
|
Re: ياجماعة حوش بكري ده مسكون ولا كيبوردنا ده مهبوش ؟؟؟؟؟ (Re: عمر محمد ابراهيم)
|
Quote: تصدق حتي العداد ده ما قاعد اكملو لو في اليوم 50 دي غايتو انا ماكملتها براي الا يكونوا (جماعة وضاحة ) بكتبوا معاي
شكرا للفتوي يااخي وربنا يفرج الكرب |
معليش انا كنت مفتكرك بتعاني من العداد ..... كان كده الحكاية دي فيها إنّ , خصوصا ابو الريش امّن على الملاحظة دي ... في شـــــــــنو يا وضاحة , الشياطين دي شنو ههههههههههه
| |
|
|
|
|
|
|
| |
وضاحة
ombadda
احمد محمد بشير
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست