|
جاروا أهلك..هل هي للأمي أم لسيد عبدالعزيز؟؟؟؟
|
السؤال دا بالمناسبة لأنه محركات البحث فيها
نسب للأغنية لكلا الشاعرين العملاقين...
غايتو أنا البعرفو إنها كلمات الأمي والله تعالى أعلم..
جارو اهلك وجورهم امر بالبعاد والامر الامر في ديارم حجبو القمر
البديع الساحر الفكر بالجمال والحياء انشكر حسنو يرمي الزول في وكر شوفتو تسكر من غير سكر للقلوب ياصحي احتكر كي يخلف خالد الذكر
مفخر الاجيال والدهر حسنو اعجب على ماظهر في خدودو الحياء ازدهر والطبيعه تناجي الزهر تدي منظر جذاب بهر زي نجوم السماء في النهر
البهيج النضر الاغر يزدري البراق بالثغر المحشم من الصغر منو كل الناس في بغر فيه شارد الحسن استقر
من عيونو كيف المفر كم بأفئده واعيات ظفر محيو فيه البدر السفر وجيدو جيد الظبي النفر كل عهد الحسن الوفر زول ويوزن مليون نفر
حبي هاك القول الابر والعيان يغنيك عن خبر كم نظرت في دهري العبر نظرة الي الحياة اعتبر الجزع في الناس والصبر شفنا طوع القضاء انجبر
لو بحجبو الامر الصدر مابحجبوا دمعي اللنحدر كل شي ان صفا اوكدر في ايادي القضا والقدر اما دهري ان صد او غدر البعرفوا الوفاء ماندر ..
.
|
|
|
|
|
|
|
|
Re: جاروا أهلك..هل هي للأمي أم لسيد عبدالعزيز؟؟؟؟ (Re: ABUHUSSEIN)
|
الاخ محمود جارو اهلك حسب علمي من كلمات الامي ولكن هل يفتى وصديق الموج في البورد، غايتو رايي ده خليهو لامن يجيك صديق الموج بالاكيده لانو هو مرجعنا في الحقيبة ولا يعلى عليه واحتمال يكون حضر الزمن الاتقالت فيهو الاغنية دي زاتو ،،، لوووووووووولز
لك تحياتي وشكرا على الاغنية الجميلة ...
تحياتي : ياسر العيلفون
| |
|
|
|
|
|
|
Re: جاروا أهلك..هل هي للأمي أم لسيد عبدالعزيز؟؟؟؟ (Re: Mahmoud Mustafa Mahmoud)
|
محمود ......سلام وجاءك الدكتور بالقول الفصل وخير القول ما قال ود القرشى...
لكن ده كوم و صورة البروفايل حقك كوم تانى رحم الله صديقى الاثير المادح الفلته الشيخ على المبارك والله يا محمود من ما شفت الصورة طوالى جاتنى فى اضانى شوقك شاوينى طه او (طاهى على طريقة شيخ على ) الساكن ام صينى وصلاة الله الباعثنا ،وابن سليمان تؤسسنا او تؤثثنا انطقها كما تريد وشكلها كما تشاء فكلها صحيحه كريم يا بارى ثلثنا ،عشرناه و سدسنا ،ربعناه و خمسنا وعشر معشارو ما قسنا كنت اتردد عليه باستمرار فى الجزر او فى الفتيحاب وكنت ابتدر الحديث معه بهذه الابيات كان يقول لى : (صلى الله عليه وسلم )وبصوته الخفيض يقول لى: لكن يا صديق يا اخوى مع كوكو دى وهوى يشير الى اصوات الفؤوس تهوى على اللحم رحم الله شيخى وملاذى واستاذى على المبارك رحمة توسع له فى المرقد،،،،
| |
|
|
|
|
|
|
Re: جاروا أهلك..هل هي للأمي أم لسيد عبدالعزيز؟؟؟؟ (Re: صديق الموج)
|
صديق يا موج يا صفوة...حبابك..
Quote: لكن ده كوم و صورة البروفايل حقك كوم تانى رحم الله صديقى الاثير المادح الفلته الشيخ على المبارك والله يا محمود من ما شفت الصورة طوالى جاتنى فى اضانى شوقك شاوينى طه او (طاهى على طريقة شيخ على ) الساكن ام صينى وصلاة الله الباعثنا ،وابن سليمان تؤسسنا او تؤثثنا انطقها كما تريد وشكلها كما تشاء فكلها صحيحه كريم يا بارى ثلثنا ،عشرناه و سدسنا ،ربعناه و خمسنا وعشر معشارو ما قسنا كنت اتردد عليه باستمرار فى الجزر او فى الفتيحاب وكنت ابتدر الحديث معه بهذه الابيات كان يقول لى : (صلى الله عليه وسلم )وبصوته الخفيض يقول لى: لكن يا صديق يا اخوى مع كوكو دى وهوى يشير الى اصوات الفؤوس تهوى على اللحم رحم الله شيخى وملاذى واستاذى على المبارك رحمة توسع له فى المرقد،،،، |
وسعادتك كنت وين لما البوست دا اتفتح؟؟؟ الله يسامحك يا صديق ياخي...
المادح على المبارك..صلاة الله الباعثنا على محمد ري...ْنا.. طرب من نوع آخر
ورحمة الله الواسعة على روح شيخ علي المبارك...
..
مرورك لطيف فعلاً وإضافة لها ما بعدها إن شاء الله..
..
.
| |
|
|
|
|
|
|
Re: جاروا أهلك..هل هي للأمي أم لسيد عبدالعزيز؟؟؟؟ (Re: Mahmoud Mustafa Mahmoud)
|
Quote: وسعادتك كنت وين لما البوست دا اتفتح؟؟؟ الله يسامحك يا صديق ياخي...
المادح على المبارك..صلاة الله الباعثنا على محمد ري...ْنا.. طرب من نوع آخر
ورحمة الله الواسعة على روح شيخ علي المبارك...
..
مرورك لطيف فعلاً وإضافة لها ما بعدها إن شاء الله..
|
محمود سلام من تانى ياخى انا مع قيامة ساس يسوس الخير فايتنى والشر فايتنى والله لم الحظ ذلك الخيط الوسيم لكن اصبرى لى بس اروق شوية،،،
| |
|
|
|
|
|
|
Re: جاروا أهلك..هل هي للأمي أم لسيد عبدالعزيز؟؟؟؟ (Re: Mahmoud Mustafa Mahmoud)
|
الأخ محمود وضيوفه نعم جاروا أهلك للشاعر المرحوم سيد عبدالعزير الشكر لدكتور ودالقرشي وصديق الموج سدنة الحقيبة علي المعلومات , واضيف أيضا ان جاروا أهلك وردت في ديوان أخر للشاعر سيد عبدالعزيز وهو قصة حياته واجمل أشعاره اعداد التجاني حسين واحمد سيد عبدالعزيز ص 100 =101 والكتاب اصدار دار الأشقاء للطباعة والنشر , وهناك مشكلة حقيقية في الأنترنت يورد بعض الأشخاص معلومات عن طريق الخطأ , بحسن نية ولكن بعجلة وسرعة ودون الرجوع لا أي مصادر , وبمرور الزمن تصير المعلومة الخاطئة هي الصحيحة وتضيع كثير من الحقوق , وأسمح لي يا أخ محمود أن اناشد الاخوة والأخوات الذين يكتبون في الأنترنت مراعاة محاولة التأكد من المعلومات التي ينشرون ولكم شكري.
| |
|
|
|
|
|
|
Re: جاروا أهلك..هل هي للأمي أم لسيد عبدالعزيز؟؟؟؟ (Re: صلاح النصري)
|
الأستاذ صلاح النصري،،،
يسعد أيامك إن شاء الله..
Quote: نعم جاروا أهلك للشاعر المرحوم سيد عبدالعزير الشكر لدكتور ودالقرشي وصديق الموج سدنة الحقيبة علي المعلومات , واضيف أيضا ان جاروا أهلك وردت في ديوان أخر للشاعر سيد عبدالعزيز وهو قصة حياته واجمل أشعاره اعداد التجاني حسين واحمد سيد عبدالعزيز ص 100 =101 والكتاب اصدار دار الأشقاء للطباعة والنشر , وهناك مشكلة حقيقية في الأنترنت يورد بعض الأشخاص معلومات عن طريق الخطأ , بحسن نية ولكن بعجلة وسرعة ودون الرجوع لا أي مصادر , وبمرور الزمن تصير المعلومة الخاطئة هي الصحيحة وتضيع كثير من الحقوق , وأسمح لي يا أخ محمود أن اناشد الاخوة والأخوات الذين يكتبون في الأنترنت مراعاة محاولة التأكد من المعلومات التي ينشرون ولكم شكري. |
يا سلام عليك أخي صلاح...وعلى ذوقك وأدبك في "المناشدة"..
شخصياً قاعد أحاول أبدا الاستجابة للمناشدة بتاعتك دي اعتباراً من البوست الحالي..
تسلم على الإضاءة الرائعة..
..
.
| |
|
|
|
|
|
|
Re: جاروا أهلك..هل هي للأمي أم لسيد عبدالعزيز؟؟؟؟ (Re: محمد الأمين موسى)
|
العزيز محمد اللمين موسى...
Quote: هذه الأغنية البديعة التي احتفت بقافية الراء لدرجة الإشباع... هذه الأغنية من الأغنيات التي تطرب الوجدان وتنعش الروح... أخونا خدر حلق بها بعيدا ناشدا الإمتاع والصفاء. |
مية بالمية بدون إشري على قول دعاية هيد آند شولدرز..
شكراً لحضورك يا جميل..
.. .
| |
|
|
|
|
|
|
Re: جاروا أهلك..هل هي للأمي أم لسيد عبدالعزيز؟؟؟؟ (Re: صديق الموج)
|
هسى البوست دا يدخلوه كيفن ؟ خاتى لينا صورة شيخنا الجميل على المبارك وسالتنا عن اغنية يؤديها حبيبنا الجميل وشيخ الطرب الاصيل بادى محمد الطيب رحمة الله عليهما على المبارك وبادى فبينهما تمددت افرع محبتنا شجرتها لاتمس جذورها سوى القلب مبذولة محبتهما للناس والحب والحياة على المبارك يشجينى حد البكاء التقيه دائما "كنت " على باب الاذاعة يجئ بالبوكس التايوتا مبتغيا فضل الجمال الذى كان يبثه من خلال عديد برامج فى الاذاعة ايام كان البلد يلمنا ويجئ شيخى بادى محمد الطيب "ابونا وحبنا وساكن حينا " كان يجاورنا فى الحى لذلك كانت معظم حفلاتنا يحييها بادى والما غنى ليهو بادى ما عرس ...! شكرا ليك يا جميل على هذا العالم الجميل الذى ادخلتنا متنه
| |
|
|
|
|
|
|
Re: جاروا أهلك..هل هي للأمي أم لسيد عبدالعزيز؟؟؟؟ (Re: سلمى الشيخ سلامة)
|
(الأخ) (الأستاذ) (المخرج) الإذاعي "سلمى الشيخ سلامة"...
كيفك يا ست الناس؟؟ علك طيبة يمة؟؟
Quote: هسى البوست دا يدخلوه كيفن ؟ |
كأنك السحابة تستأذن الأرض الهطول...
صبي في أي حتة وفي أي وقت ومن أي الأبواب ادخلي..
كنت سأقترح عليك همساً وجهراً أن: ادخلي من باب المحبة..
فإذا بك أووووووووولريدي عارفة الباب بجنس الكلام دا:
Quote: خاتى لينا صورة شيخنا الجميل على المبارك وسالتنا عن اغنية يؤديها حبيبنا الجميل وشيخ الطرب الاصيل بادى محمد الطيب رحمة الله عليهما على المبارك وبادى فبينهما تمددت افرع محبتنا شجرتها لاتمس جذورها سوى القلب مبذولة محبتهما للناس والحب والحياة على المبارك يشجينى حد البكاء التقيه دائما "كنت " على باب الاذاعة يجئ بالبوكس التايوتا مبتغيا فضل الجمال الذى كان يبثه من خلال عديد برامج فى الاذاعة ايام كان البلد يلمنا ويجئ شيخى بادى محمد الطيب "ابونا وحبنا وساكن حينا " كان يجاورنا فى الحى لذلك كانت معظم حفلاتنا يحييها بادى والما غنى ليهو بادى ما عرس ...! |
ثم إنك في خيطنا عن شيخ علي قدس الله سره ..تفضلت بجميل الكلام
وحديث العارفين...فما عدمناك..ولا حرمنا الله طلتك المليحة..
سلِمتِ يا سلمى بت الشيخ سلامة..
..
.
| |
|
|
|
|
|
|
Re: جاروا أهلك..هل هي للأمي أم لسيد عبدالعزيز؟؟؟؟ (Re: Mahmoud Mustafa Mahmoud)
|
الاخ العزيز محمد مصطفي لك التحايا اضافة لكلام دكتور القرشي وعمنا صديق الموج سمعت باضاني الراحل بادي محمد الطيب في برنامج اسماء في حياتنا زكر انه كيف تحصل على هذه الاغنيه وعند من وجد اللحن لانه لايوجد تسجيل موثق للحن بصوت سرور وحينما تطرق للشاعر زكر ان كاتبها هو سيد عبدالعزيز وسمعت باضاني برضو مره علي مصطفي (الدكشنري) نسبها لسيد عبدالعزيز
| |
|
|
|
|
|
|
Re: جاروا أهلك..هل هي للأمي أم لسيد عبدالعزيز؟؟؟؟ (Re: حمزه بابكر الكوبي)
|
العزيز حمزة الكوبي..سلام جاك..
Quote: اضافة لكلام دكتور القرشي وعمنا صديق الموج سمعت باضاني الراحل بادي محمد الطيب في برنامج اسماء في حياتنا زكر انه كيف تحصل على هذه الاغنيه وعند من وجد اللحن لانه لايوجد تسجيل موثق للحن بصوت سرور وحينما تطرق للشاعر زكر ان كاتبها هو سيد عبدالعزيز وسمعت باضاني برضو مره علي مصطفي (الدكشنري) نسبها لسيد عبدالعزيز |
ولو إنه بعد "حديس" دكتور أحمد القرشي لم يعد هنالك من شك
في نسب الأغنية لشاعرها العملاق سيد عبدالعزيز ، إلا أنه تأكيدك
برضو بيخدم المصالح العليا لهذا البوست..خاصة عندما يتم إيراد أسماء
زي بادي وأسماء في حياتنا وعمنا علي مصطفى الدكشنري وسيد عبدالعزيز
كدا ما خليت ناقصة للسيرش إنجين...
تسلم ياخ..
..
| |
|
|
|
|
|
|
|