كتب الكاتب الفاتح جبرا المتوفرة بمعرض الدوحة
|
يا ناس البنوك والحسابات استشارة فنية عاجلة وبرضو ممكن القانونيين
|
سلام عليكم اهل البورد وكل ربع وانتو طيبين
وتشكرات وسلامات لكل من مر معزيا مواسيا
عندي مشكلة مالية بخصوص تحويل فلوس الوضع كالاتي الجهة المفروض تحول القروش حولتهم لي ورتني انهم من بنكهم حيمشو لياتو بنك ومنه لياتو بنك لحدت ما يصل حسابي
المستندات دي دة كلها مصورة وعندي منها نسخ او مش مصورة كابشرد
المبلغ المفروض يصل وصل حوالي اقل من عشرة في المية منه والباقي ببح الكلام دة من شهر ستة وسبعة يعني شهر ستة تم الارسال وشهر سبعة نزل جزء من المبلغ من الجهة المرسلة ومن حينها لا حس ولا خبر اتواصلت مع الجهة المرسلة وقدمو لي ما يفيد انهم ارسلوه
اها السؤال او الاستشارة كيغ يمكنني تتبع المبلغ الي لم يصل يعني ابدا من وين الجهة المرسلة قالت لي نحن لحدي هنا خلاص رسلنا ليك ما يفيد انه المبلغ تم ارساله اها الاجراء شنو اذا كان متابعة او اجراء قانوني والله ما عارفة اسوي شنو مع العلم الجهة المرسلة في بلد وحسابي في بلد تاني والكورسبوندنس بانكس كل واحد في جهة كيف الدبارة
تحياتي
صفية
خارج النص توجد مكافاة
|
|
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: Safia Mohamed)
|
سلام
البنك الذي قام بالتحويل عبر المراسلين هل كان يسمح لهم بخصم مصروفات من المبلغ المحول ؟؟ هذه المعلومة تكون مذكورة في مستندات التحويل من البنك المرسل احصلي عليها و لو وجدت ان مصاريف الحويل تخصم من اصل المبلغ استخلفي الله و طالبي البنك الذي قام بالتحويل عن مدي قانونية خصم مصاريف تحويل كبيرة عن طرق المراسلين . مع كل هذا راجعي تقلبات سعرالصرف في حالة اذا ما كان التحويل بعملةغير العملة التي وصل بها الي حسابك
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: osman righeem)
|
سلام استاذ رعثمان
Quote: البنك الذي قام بالتحويل عبر المراسلين هل كان يسمح لهم بخصم مصروفات من المبلغ المحول ؟؟ هذه المعلومة تكون مذكورة في مستندات التحويل من البنك المرسل احصلي عليها و لو وجدت ان مصاريف الحويل تخصم من اصل المبلغ استخلفي الله و طالبي البنك الذي قام بالتحويل عن مدي قانونية خصم مصاريف تحويل كبيرة عن طرق المراسلين . مع كل هذا راجعي تقلبات سعرالصرف في حالة اذا ما كان التحويل بعملةغير العملة التي وصل بها الي حسابك |
اولا ما في صرف العملة واحدة المرسلة والمستلكة ثانايا انا نزل في حسابي فقط 8% من المبلغ المرسل يعني ما في في العالم عمولة بتصل 92% من المبلغ ولا شنو
شكرا للافادة ووقت التعليق
تحياتي صفية
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: Safia Mohamed)
|
سلام يا افكاتو
يا احمد موسى انا فاهمة حاجة من المستندات العندي في كابشر كدة رموز وحاجات واحدات فيهم اسمي ورقم الحساب وحاجات ما عارفاهم قدر ما قريت الافادة اللي انا طلعت بيها انه المرسل رسل المبلغ كامل بناءا على مراسلات لكن طبعا الارسال ما تم مباشرة لبنكي في كورسبوندنز بانك اتنين ما واحد اها القروش راحن وين ولا نقصن وين الله اعلم
مع تحياتي وشكري على التعليق
صفية
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: Safia Mohamed)
|
د. صفية تحية وسلام.
معلومة بدائية للمشاركة لغاية ما يجى الجهابزة لمساعدتك.
اى تحويل بنكى لليورو لابد ان يمر ببنك مراسلة فى المانيا. واى تحويل بنكى للدولار الأمريكي لا بد ان يمر بالولايات المتحدة . واى تحويل بنكى للجنيه الاسترلينى لابد ان يمر بانجلترا. مثال: لو تم تحويل 100 يورو من السودان الى مصر القريبة دى. المسار حيكون كالاتى: السودان- المانيا- مصر. ويلزم ان يكون للبنك المعنى فى السودان بنك مراسلة يتعامل معه. واى بنك يمر به المبلغ المحول يتم خصم رسوم التحويل. وفى النهاية 100 يورو تصل - بعد خصم التحويل- الى 8 يورو فقط.
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: Safia Mohamed)
|
سلامات يا صفية وزوارها.. وليه القانونيين برضو .. لو إنت في امريكا كنتي قدمتينا مع أكيد احترامي للبنكيين والمحاسبين ..
Quote: الجهة المرسلة قالت لي نحن لحدي هنا خلاص رسلنا ليك ما يفيد انه المبلغ تم ارساله |
بالإضافة لآراء الزملاء.. طبعا الكروسبوندنس عندهم عمولتهم المعلومة لدى الجهة البتتعامل معاهم ياصفية.. كلام ناسك الفوق دا مابنفي عنهم المسؤولية القانونية مادام المبلغ المستلم لا يطابق المرسل.. والسبب لأنهم بياخذو رسوم تحويل فوق المبلغ المراد تحويله.. إلا إذا أودع مبلغ التحويل دون اخذ رسوم من المودع الرئيسي ( زولك الأرسل ليك).. وطبعا الفرضية دي منعدمة بدليل الرسالة الوصلتك من الجهة المحوله وفيها المبلغ كامل.. طبعا الجهة المحولة ليك اذا أوصلت الحوالة ليدك بواسطة طرف غيرهم أي بنك آخر.. دا معناه في اتفاق تعاقدي بين البنكين.. والأتعاب هنا بدفعها البنك المرسل للبنك المرسل إليه.. والأتعاب دي بتكون قيمتها محسومة سلفا في الاتفاق .. ومعروفة لدى البنك الرسل ليك الحوالة .. وتلقائيا بضيفها لرسوم التحويل التي يأخذها من الشخص الجا يحول ليك.. بره المبلغ المراد تحويلة .. إذا كان ما قلتيه هو ردهم النهائي تبقى محتاجة لمحام.. واذا المدينة الانت فيها بها مكتب خدمات اجتماعية .. احتمال يكون عندهم مكتب للمساعدات القانونية .. دي وجهة نظر مبدئية لحين الاستماع لتكييف بقية الزملاء .
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: Abureesh)
|
Quote: معلومة بدائية للمشاركة لغاية ما يجى الجهابزة لمساعدتك.
اى تحويل بنكى لليورو لابد ان يمر ببنك مراسلة فى المانيا. واى تحويل بنكى للدولار الأمريكي لا بد ان يمر بالولايات المتحدة . واى تحويل بنكى للجنيه الاسترلينى لابد ان يمر بانجلترا. مثال: لو تم تحويل 100 يورو من السودان الى مصر القريبة دى. المسار حيكون كالاتى: السودان- المانيا- مصر. ويلزم ان يكون للبنك المعنى فى السودان بنك مراسلة يتعامل معه. واى بنك يمر به المبلغ المحول يتم خصم رسوم التحويل. وفى النهاية 100 يورو تصل - بعد خصم التحويل- الى 8 يورو فقط. |
أمبده تقديري الكلام الفوق دة ما عارف صحته الان ولكن بالتأكيد كان غير صحيح حتي مغادرتي للسودان في النصف الثاني من التسعينات يعني مثلا حساب بنك النيلين الرئيسي كان في كريدي ليونية لندن وأي تحويل للبنك في الخارج بيرسل بنك النيلين تعليمات له بسداد مبلغ كذا للبنك الفلاني مبلغ محدد وهو الذي يشوف اقرب حساب له للحساب المحول الية ويقوم يعمل تحويله مثال لذلك
قام أ من الناس بتحويل الف دولار من حاسبة لدي بنك النيلين لحساب ب من الناس لدي بنك دبي الوطني فرع أبوظبي ووجه بنك النيلين بنك كريدي ليونية بلندن بالسداد وعمل التحويل يقوم كريدي ليونية بأمر بنك بنك HSBC في أبوظبي بالسداد بعد ان يقوم بتوفير معلومات المستفيد والمبلغ له يعني مافي بنك امريكي او مراسل تدخل في الموضوع وتتم القيود بين البنوك ( السداد ) كالتالي يقوم بنك النيلين بخصم المبلغ المحول + العموله من حساب العميل أ وإضافة مبلغ التحويل وجزء من العموله ( حسب الاتفاق بين المصرفين ) كعموله للبنك المراسل لحساب كريدي ليونية طرفهم وقيد باقي المبلغ في حساب عمولات محصله كعموله او أرباح له من هذه العملية عند استلام كريدي ليونية لإشعار بنك النيلين يقوم بخصم المبلغ من حساب بنك النيلين طرفهم وإضافة المبلغ بعد خصم عمولته لحساب HSBC طرفهم بعد ان يكون قد ترك جزء من العموله لبنك HSBC وهكذا يفعل بنك HSBC مع بنك دبي الاسلامي الذي يقوم بقيد المبلغ. لحساب العميل او المستفيد النهائي لكن قد يكون الذي تحدثت انت عنة بسبب الحصار المصرفي علي السودان الان ان كان بالفعل يحصل هذا تقديري
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: Abureesh)
|
سلام يا استاذ الزبير
Quote: البنك المرسل منه الفلوس هو المسئول اولا وأخيرا البنك الoriginator وهو البنك الذي قمتي بالتحويل عن طريقة هو المسئول بتقديم ما يفيد ان البنك الدافع قد دفع وكم دفع وعليهم تقديم صورة من أشعار السداد لكي او صورة من التلكس ( أنا من زمن التلكس فمعذرة ) هذا اولا وثانيا ليس من حق البنك المراسل المفترض به سداد المبلغ خصم اي مبالغ كعمولات بل علية قيد عمولته ان وجدت علي حساب البنك الامر originator هذا بعد التأكد من ان الأشعار الذي تحملينه لا يتضمن اي أشعار بعمولات اخري مستحقة بمعني ان كان التحويل بمبلغ 1000 دولار والعموله 10 دولارات وانت سددتي الف وعشرة دولار ولا يوجد علي ظاهر المستند اي إشارة لعموله تستقطع من اصل المبلغ عند الاستلام وكذلك علي خلف الأشعار توجد اتفاقية تحويل في العادة ان لم يكن بها ما يفيد بان هناك عمولات اخري فليس من حق البنك المسدد خصم اي عموله هذا من ناحية ال law of banking ولكن في العادة البنوك بتستقطع جزء من المبلغ المحول كعموله ولكنها بتكون أقصاها عشرة دولارات ان كان المبلغ اكثر من الف دولار او خمسة دولار ان كان المبلغ اقل من الألف دولار ولكن في مل الأحوال لا يمكنك الحصول علي اي مستندات الا من البنك الذي قمت بالتحويل منه وهو المطالب بالحصول علي مستند من ال corespondent بتاعة بتمام السداد ثالثا وأخيرا دة ال law of banking الذي درسناه وكذلك الpractice of banking الذي مارسناة لكن ان كان في همبته ما حضرنا زمانها فدة يحول لأخونا احمد موسي لأني شايفة كاتب في بوست مجاور انو صغير ما حضر زمن النميري تقديري للجميع |
وشكرا على التوضيح والافادة المطولة فعلا معلومات قيمة ومفيدة الكابشر العندي بيوضح انه مفروض يرسل مبلغ كدا لفلان حسابه كد والسويفت كدة دة في مستند واحد المستند التاني فيه اسماء بعض الكورسبوندنز بانكس بس ما واضح انه استلم ولا ما استلم فيه انه الكروسبورندنز حق السويفت دة هو بنك كدة وكدة وبعد داك ارقام كتيرة بس ما فيهم رقم حسابي
يعني بناءا على كلامك ان اطلب من الجهة المرسلة تفاصيل سير المبلغ ويوروني الكورسبوندنز بانك تحديدا ويجيبوا من افادة انه ارسلها للكورسبوندنز التاني واجيبو منه افادة انها ارسلها لبنكي بعد داك اشيل الورق دة كلو وامشي لناس البنك حقي اقول ليهم وينا قروشي دي الجات عبر كدة وكدة بتاريخ كدة غايتو دة ملخص كلامك الفهمتو كان فهمتو غلط وريني
مع خالص الشكر والتقدير
صفية
خارج النص: احمد موسى شنو الما حضر زمن نميري حسع من شوية منزل ليه صورة في الفيس عجووووووووز قدر جدي ههههههههههه
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: Safia Mohamed)
|
سلام يا دكتور امبدة
Quote: معلومة بدائية للمشاركة لغاية ما يجى الجهابزة لمساعدتك.
اى تحويل بنكى لليورو لابد ان يمر ببنك مراسلة فى المانيا. واى تحويل بنكى للدولار الأمريكي لا بد ان يمر بالولايات المتحدة . واى تحويل بنكى للجنيه الاسترلينى لابد ان يمر بانجلترا. مثال: لو تم تحويل 100 يورو من السودان الى مصر القريبة دى. المسار حيكون كالاتى: السودان- المانيا- مصر. ويلزم ان يكون للبنك المعنى فى السودان بنك مراسلة يتعامل معه. واى بنك يمر به المبلغ المحول يتم خصم رسوم التحويل. وفى النهاية 100 يورو تصل - بعد خصم التحويل- الى 8 يورو فقط. |
شكرا على التعليق لكن صعبتها يعني يعني في زول محولين ليه 100 دولار يقوم يستلم دولار مبالغة بس
عموما في حالتي المرسل قانونا مفروض يتكفل باي نفقات يعني مافي خصومات دة اولا ثم ثانيا اصلا هو المبلغ جاي عبر القارات من امريكا للقاهرة يعني سودان ما معانا
المهم تحياتي مرة اخرى
خارج النصك بالله كتر لينا من صورك اللذيذة مفتقدنها شايفنك قبلت سياسة ومعاهدات......... وش اخدر
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: Safia Mohamed)
|
استاذ محمد سلام وشكرا على الافادة
Quote: سلامات يا صفية وزوارها.. وليه القانونيين برضو .. لو إنت في امريكا كنتي قدمتينا مع أكيد احترامي للبنكيين والمحاسبين ..
Quote: الجهة المرسلة قالت لي نحن لحدي هنا خلاص رسلنا ليك ما يفيد انه المبلغ تم ارساله
بالإضافة لآراء الزملاء.. طبعا الكروسبوندنس عندهم عمولتهم المعلومة لدى الجهة البتتعامل معاهم ياصفية.. كلام ناسك الفوق دا مابنفي عنهم المسؤولية القانونية مادام المبلغ المستلم لا يطابق المرسل.. والسبب لأنهم بياخذو رسوم تحويل فوق المبلغ المراد تحويله.. إلا إذا أودع مبلغ التحويل دون اخذ رسوم من المودع الرئيسي ( زولك الأرسل ليك).. وطبعا الفرضية دي منعدمة بدليل الرسالة الوصلتك من الجهة المحوله وفيها المبلغ كامل.. طبعا الجهة المحولة ليك اذا أوصلت الحوالة ليدك بواسطة طرف غيرهم أي بنك آخر.. دا معناه في اتفاق تعاقدي بين البنكين.. والأتعاب هنا بدفعها البنك المرسل للبنك المرسل إليه.. والأتعاب دي بتكون قيمتها محسومة سلفا في الاتفاق .. ومعروفة لدى البنك الرسل ليك الحوالة .. وتلقائيا بضيفها لرسوم التحويل التي يأخذها من الشخص الجا يحول ليك.. بره المبلغ المراد تحويلة .. إذا كان ما قلتيه هو ردهم النهائي تبقى محتاجة لمحام.. واذا المدينة الانت فيها بها مكتب خدمات اجتماعية .. احتمال يكون عندهم مكتب للمساعدات القانونية .. دي وجهة نظر مبدئية لحين الاستماع لتكييف بقية الزملاء . |
الجهة المرسلة هي بتتحمل كافة نفقات الارسال بناء على الاتفاق بيناتنا وهي ارسلت ما يفيد ان المبلع تم تحويله بالكامل بس لمن نزل في حسابي مش نزل مبلغ شوية عشان نقول عمولة كان الموضوع هين ولا سالت منه
لكن نزل ما يعادل 8% من اجمالي المبلغ علما بان المبلغ ما شوية فاحتمال انه القنصان همولة ما وارد ابدا اها حسع انا ما عارفة الموضوع بس بنك ومتابعة ولا محتاجة قانوني
انا عندي مشكلة متابعة يعني ما ساكنة في نفس البلد الفيه حسابي معتمدة على الماستر كارد
ونتمنى انها ما تصل اجراءات قانونية بناءا على كلام الزبير انا اواصل مع الجعة المرسلة لحد ما توريني سير التحويل وتم كيف؟ حتى اجي لبنكي
مع كامل شكري وتقديري لزمنك ورائك
صفية
خارج النص: نحن كان عايشين في امريكا كان دة حالنا غايتو نشيل ونقدم في الوتري عسى ولعل تصيب
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: Safia Mohamed)
|
استاذ ابو الريش سلام
Quote: لامات صفيـة
البنك المرسل الأصلى يتراسل مع بنك مقاصـة clearance واحد فى نيويورك.. وبنك نيويورك يرسل المبلغ لبنكك أينما كان حسب الإسوفت كود أو الراوتنج نمبر.. مافى بنوك تانية فى النص. ما تصدقى.
الإحتمال الوحيـد هو إنك بعت حاجة للزول الرسل القروش، وفى هـذه الحالة البنك ينزل القروش شوية شوية خلال اسبوعين تلاتـة.. الاسباب والتفاصيل دا محل يسعهـا
الان ما تحتاجين القيام به هو الحصول على إستمارة الإرسال من الشخص المرسل.. وهى نسخـة من إستمارة مطبوعة بالكمبيوتر يسلمها له موظف البنك.. فى هـذه الإستمارة يوجد إسم بنك المقاصـة فى نيويورك وارقام حسابك وتواريخ الإرسال... الخ يمكنك إعتماد هـذه الوثيقـة لمواجهـة الجهة المرسلـة، وتوجيههم لأخذ دليل منهم على إستلامك المبلغ.. فلا يأخذوا دعواهم على بياض..
فى بعض الإحيان بنك المقاصـة فى نيويورك يحجز المبلغ، لأسباب خاصـة بالرقابة الأمريكية على البنوك، فلا يعيده ولا يحوله الى الوجهـة النهائية إلا بعد وقت، وغالبا يعاد المبلغ الى البنك الأصلى. |
هي كمان دي جهة جديدة اولا الاجتمال الاول ما وارد القروش هي عبارة عن استحقاق لي من الجهة المرسلة (مرتب)
الجهة المرسلة جهة اعتبارية وفعلا رسلو لي كابشر من كمبيوتر فيه رقم حسابي واسمي والمبلغ واسم البنك والسويفت كود لحد هنا نحن كويسين الموضوع اخد وقت يعني من شهر سبعة ولظروف تواجدي خارج البلد الفيه حسابي ما عرفت المعلومة ( معلومة انه المبلغ نزل ناقص يعني نزل 8% منه فقط- ) دي الا شهر تسعة فاتواصلت مع الجهة المعنية وهم اكدو انه المبلغ تم ارساله في التاريخ المعني رسلت ليهم الاستيت منت بتاع البنك قام قال لي هنا انتي ما نازل في حسابك مبلغ ومبلغ قلت ليه لا دة جاي من الجهة المعنية ققام تاني قال لي انا راجعت مع ناس الحسابات ومبلغك ارسل كامل وهنا انا احترت اتبعه وين ناس بنكي ولا المرسل ولا الكورسبوندنز بانك عشان كدة فتحت البوست بالمناسبة حكاية الحجز ممكن تكون واردة لانه ارسال مبالغ كبيرة من امريكا للشرق الاوسط برضو احتمال وارد نبدا نبحثه
ربنا يسهل وما يكون اتحجز
وشاكرين ومقدرين على الافادة والزمن مع تحياتي صفية
خارج النص: اكون انا مصنفة مع القاعدة عشان كدة حجزو قروشي يارب ولا شنو
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: Safia Mohamed)
|
Quote: يعني بناءا على كلامك ان اطلب من الجهة المرسلة تفاصيل سير المبلغ ويوروني الكورسبوندنز بانك تحديدا ويجيبوا من افادة انه ارسلها للكورسبوندنز التاني واجيبو منه افادة انها ارسلها لبنكي بعد داك اشيل الورق دة كلو وامشي لناس البنك حقي اقول ليهم وينا قروشي دي الجات عبر كدة وكدة بتاريخ كدة غايتو دة ملخص كلامك الفهمتو كان فهمتو غلط وريني
|
أستاذة صفية لا ما صاح انتي ما عندك شغله ان كان هناك كروسبدنز واحد او عشرة وما عندك شغل بيهم دة بيعتبر internal work للبنك الانتي طلبتي منه التحويل هو حول مباشرة او عن طريق وسيط انتي دة ما شغلك انتي تطلبي من مصرفك ان يعطوكي إفادة مكتوبة من المصرف المسدد بالمبلغ المسدد وذلك بعد التوضيح لهم ان المستفيد النهائي لم يستلم كل المبلغ وهم المطالبين بمخاطبة مراسليهم وإفادتك . أنا في الحقيقة ما عارف انتي في اي بلد ولكن ان كنتي في العالم الاول او دول الخليج وخاصة الامارات يمكنك مقاضاة البنك بعدم ايفائة بالتحويل حسب طلبك ودة ما صعب إثباته ان كان لديكي إشعار الإضافة في حساب المستفيد
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: الزبير صالح الزبير)
|
استاذ الزبير شكرا مرة اخرى دقيقة طيب واحدة واحدة أQuote: ستاذة صفية لا ما صاح انتي ما عندك شغله ان كان هناك كروسبدنز واحد او عشرة وما عندك شغل بيهم دة بيعتبر internal work للبنك الانتي طلبتي منه التحويل هو حول مباشرة او عن طريق وسيط انتي دة ما شغلك انتي تطلبي من مصرفك ان يعطوكي إفادة مكتوبة من المصرف المسدد بالمبلغ المسدد وذلك بعد التوضيح لهم ان المستفيد النهائي لم يستلم كل المبلغ وهم المطالبين بمخاطبة مراسليهم وإفادتك . أنا في الحقيقة ما عارف انتي في اي بلد ولكن ان كنتي في العالم الاول او دول الخليج وخاصة الامارات يمكنك مقاضاة البنك بعدم ايفائة بالتحويل حسب طلبك ودة ما صعب إثباته ان كان لديكي إشعار الإضافة في حساب المستفيد |
طيب بالتفاصيل عشان تقدر تفتي لي كويس المبلغ مرسل من نيويورك لحسابي في القاهرة مرسل من جهة اعتبارية (مرتب) يعني ما فيه خصموات ناي رسلو لي كابشر كالاتي: Payment reference number- a number Payee- my name Amount _a number Currency- USD payment method- SWFT creation date- number value date- number Bank sift code: number country- Egypt account number- number International bar- blank
'اها في كاشتر تاني فيه رقم السويفت واسماء بنوك في السعودية ووارقام هديدة
يلا في حسابي نزل من نفس الجهة المرسلة ما يعادل 8% من المبلغ اللي هم مفروض يرسلوه
اها ابدا من وين يعني حسع دي كابشر ما موري الجهة المرسلة منو موري المبلغ بس ولسوء الحظ في ذات الوقت عندي مبلغ مقارب ليه نزل لي من جهة مشابهة بس ما مكتب نيويورك
المهم يعني الكابشر دة بيفيد اني امشي بيه لبنكي ولا بكونو عاوزين حاجة تانية وشنو ممكن يطلبوه مني عشان اطلبه من الجهة المرسلة هذا مع العلم انه انا عندي مشكلة وقت انا مقيمة في ليبيا وما عند ي اجازة يعني بسافر يوم واحد القاهرة عشان اتابع الموضوع دة فعاوزة تكون حاجات مكتملة
وشكرا ليك كتير وغلبتك لكن نسوي شنو الجهل مصيبة
صفية
خارج النص: ادي العيش لخبازه ولو ياكل نصه
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: Safia Mohamed)
|
الأحت صفية عندك طريقتين للضغط على البنوك لتستلمي حقوقك
الطريقة الأولى تتقدمي بشكوى ضد بنكك (الموجود فيه رقم حسابك) لدى البنك المركزي التابع له، يعني لو كنت مقيمة في السودان لدى بنك السودان، أو كنت في السعودية لدى مؤسسة النقد العربي السعودية لجنة تسوية المنازعات المصرفية، وهكذا... وتقدمي لهم المستندات التي تفيد بتحويل المبلغ لحسابك
والطريقة الثانية أن تخطري الجهة التي حولت لك المبلغ بأنك لم تستلمي المبلغ كاملا وتقدمي لهم مستندات تفيد ذلك... وتطلبي منهم أن يتقدموا بشكوى لدى البنك الذي حولوا منه (الموجود به حسابهم) ويمكنهم في حال عدم تعاون البنك معهم أن يتقدموا ضده بشكوى لدى البنك المركزي
وحقك الأساسي هو في مطالبة الجهة التي أرسلت لك المبلغ (إذا كان لديك معهم عقد ما يلزمهم بالتحويل) وتكون المطالبة حسب جهة التقاضي المذكورة في العقد بينكم تحت بند (التحكيم) وهو البند الذي يحدد جهة التحكيم في حالة نشوء نزاع
أما إذا كان المحول من أفراد الأسرة أو المعارف فحقكم يكون عند البنك المحول منه والذي استلم مبلغ التحويل.
مع تحياتي
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: Safia Mohamed)
|
كان كدة الايفون فايف ما جا لان الاخ المصري لا يعمل في المتحد عموما سأتصل الصباح وأشوف معاة ان كان يستطيع المساعدة لكن اقصر طريق ليكي مافي مصر بل في الولايات المتحدة والبنك المرسل للتحويل ولم تجاوبي علي سؤالي هل حاولتي ان تبرزي صور المستندات المعاكي للاخوة المصريين وماذا كان ردهم اذا كان معاكي باسبور امريكي ادخلي لمدير الفرع واشرحي الموضوع مع الإيحاء علي خفيف بانك سوف تذهبين لرئاسة البنك او للسفارة لأنك تضررتي وبشدة من التأخير
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: الزبير صالح الزبير)
|
لا لا اليفون دة ما محل فصال اعتبره جا
انا بصراحة لمااخدت الاستيتمنت كنت في ظروف ووفاة الوالدة ما انتبهت انه ما نزل وجيت اجعة طواالي بجاي في يوم 24 بمشي القاهرة وبقدم ليهم المستندات واشوف رايهم شنو
لو قعدو يعملو حركات برجع لزولي داك يجيب لي من البنك ما يفيد تحويل المبلغ
والمهم انشاء الله القصة تكون خطا في التسجيل وقروشي تجيني
او ممكن تكون حظر لان المبلغ كبير
يا زول لا عندي جواز امريكاني ولا غيروا ياهو الاخدراني دة
عموما شكرا ليك صفية
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: الزبير صالح الزبير)
|
من موقع المصرف المتحد http://www.theubeg.com/wps/portal/!ut/p/c5/04...nt/ARUB/arHome/home/
Quote: الحوالات الواردة من الخارج
ü يقوم المصرف المتحد باستقبال الحوالات الخاصة بالأخوة المصريين العاملين بالخارج و الإخوة العرب و الأجانب المقيمين بمصر من إنحاء العالم و ذلك من خلال شبكة بنوك و شركات تحويل أموال تغطى معظم دول العالم و ذلك بالجنية المصري و الدولار الامريكى و اليورو الاوروبى للمستفيدين في جمهورية مصر العربية.
ü يتم إضافة قيمة الحوالة بصورة أليه لحساب المستفيد (في حالة وجود حساب للمستفيد لدى المصرف المتحد) بطريقة سريعة أو الصرف نقدا للمستفيد و ذلك خلال وقت قصير من ورود الحوالة و بنفس العملة. و ذلك يتم من خلال شبكة فروع المصرف المتحد البالغ عددها 40 فرع منتشرة في معظم إنحاء الجمهورية.
ü يمكن للمستفيد في حالة وجود حساب له بالمصرف المتحد سحب المبالغ المحولة إليه من خلال ماكينات الصراف الآلي و ذلك في غضون دقائق من إرسالها من اى مكان في العالم.
لمزيد من المعلومات:-
ü يرجى الاتصال على الخط الساخن 19200 (24 ساعة طوال الإسبوع)
ü يرجى زيارة أقرب فرع من فروع المصرف المتحد |
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: Adil Osman)
|
سلام يا صفية وربنا يلمك في قوشك في اقرب وقت..
بس معرفة المبلغ مهم في الحتة دي لانو عمل التقديرات بكون صعب بالنسبة المئوية وحاشرح ليكي ليه...
اولا اتفق مع معظم الاخوة القالوا انو المتابعة تبدأ من البنك الاول الذي ارسلت منه الحوالة وعليهم عمل ما يعرف بالـــtrace للحوالة ..
ورغم انك ذكرت انو العملة المحولة واحدة من امريكا للقاهرة لكن غالبا المشكلة ليست في البنك المرسل ولا البنك المستلم المشكلة غالبا
في الـــ intermediary bank في هذه التحاويل يجب ان يصر المحول على عمل special instruction بان تتم الحوالة بالدولار
لان البنوك الوسيطة تقوم بتحويل المبالغ المحولة للعملة المحلية للبلد المحول له بسعر غالبا ما يكون تعبان وعندما يصل المبلغ للبلد المحول
له يقوم البنك المستلم بتحويل المبلغ للدولار وبالسعر المحلي لان الحساب بالدولار وبي كدة يكون المبلغ فقد قيمته ...
الخلاصة انك ما تستلمي/تسحبي المبلغ الان...عليك بمخاطبتة الجهة المرسلة وان تطلبي منها تعمل trace واذا استدعى الامر
amendment للحوالة بتعريف البنك الوسيط ان هذه الحوالة ذاهبة لحساب بالدولار - البنك المحول والوسيط والمستلم كلهم بياخدوا عمولات
من الحوالة بس بتكون بسيطة ولا يمكن ان تصل 92% من المبلغ.....
هذه الفرضية تكون قائمة وقوية جدا في حالة انكي متاكدة ان الجهة المرسلة ارسلت المبلغ المستحق كاملا بالدولار...
تحياتي..
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: Safia Mohamed)
|
إزيك يا صفية...
ما عليك الا أن تبلغي الجهة الحولت ليك القروش وترسلي ليهم نسخة من التحويل النزل في حساب البنك المصري وغالبا بكون نزل في حسابك بتاريخ ومعلومات محددة...
دا طبعا بعد ما تقولي لي ناس البنك المصري...كدي راجعوا مع المصري النزل بيانات التحويل دي أكيد ناسي ليه صفرين تلاتة والله كمان مستكتر علي القروش...أنا قروشي ما شوية كدي
اذا قاموا قالوا ليك والله دي ياها القروش الجاتنا تقومي ترسلي لي جماعتك... ..وتقولي ليهم إنتو مستهبلين واللا شنو ...يفتح الله ... حرّم ديل لا بشيلن ولا حاجة... يا تحولوا لي قروشي كاملة وبالدولار يا كمان بركب أجيكم...واي قرش صرفتو وزمن ضيعتو بدفعكم ليه..
وأوكد لك إنك ماك مسعولة تعملي تريس لي القروش دي جات من وين وبي وين...الجماعة الحولوا ليك وبنكهم مسعولين يوصلوا ليك قروشك دي صرة في خيط.
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: ذواليد سليمان مصطفى)
|
الاخت صفية السلام عليكم اعطيك المفيد والمختصر بحكم تعاملي لسنين طويلة مع الارسال والاستقبال للفلوس. تمسكي اوراق الاستلام للمبلغ المحول (ايصالات الاستلام في حسابك ) وارسالها الى
الجهة التي قامت بارسال او تحويل الفلوس اليكي ,وهو يقوم باخطار البنك الذي قام بالتحويل
ان المبلغ الحقيقي الذي يجب ان يستلم وصل ناقصا .وهنا تبدأ عملية التقصي من البنك المرسل
ولابد ان يعطوك كل المبلغ المستحق ومعه اعتذار عن ما لحق من تأخير وكذا . هذا بحكم تجربتي الخاصة
وشكرا وربنا يوفقك تحياتي ويدوم الود .
| |
|
|
|
|
|
|
Re: يا ناس البنوك والحسابات استشارة فنية عاجلة وبرضو ممكن القانونيين (Re: حسين نوباتيا)
|
استاذ حسين سلام
Quote: لام يا صفية وربنا يلمك في قوشك في اقرب وقت..
بس معرفة المبلغ مهم في الحتة دي لانو عمل التقديرات بكون صعب بالنسبة المئوية وحاشرح ليكي ليه...
اولا اتفق مع معظم الاخوة القالوا انو المتابعة تبدأ من البنك الاول الذي ارسلت منه الحوالة وعليهم عمل ما يعرف بالـــtrace للحوالة ..
ورغم انك ذكرت انو العملة المحولة واحدة من امريكا للقاهرة لكن غالبا المشكلة ليست في البنك المرسل ولا البنك المستلم المشكلة غالبا
في الـــ intermediary bank في هذه التحاويل يجب ان يصر المحول على عمل special instruction بان تتم الحوالة بالدولار
لان البنوك الوسيطة تقوم بتحويل المبالغ المحولة للعملة المحلية للبلد المحول له بسعر غالبا ما يكون تعبان وعندما يصل المبلغ للبلد المحول
له يقوم البنك المستلم بتحويل المبلغ للدولار وبالسعر المحلي لان الحساب بالدولار وبي كدة يكون المبلغ فقد قيمته ...
الخلاصة انك ما تستلمي/تسحبي المبلغ الان...عليك بمخاطبتة الجهة المرسلة وان تطلبي منها تعمل trace واذا استدعى الامر
amendment للحوالة بتعريف البنك الوسيط ان هذه الحوالة ذاهبة لحساب بالدولار - البنك المحول والوسيط والمستلم كلهم بياخدوا عمولات
من الحوالة بس بتكون بسيطة ولا يمكن ان تصل 92% من المبلغ.....
هذه الفرضية تكون قائمة وقوية جدا في حالة انكي متاكدة ان الجهة المرسلة ارسلت المبلغ المستحق كاملا بالدولار...
تحياتي.. |
وشكرا على ةقتك والتوضيح
كما تكرمت واخرون سابدا المتابعة من المرسل انشا ء الله تحياتي صفية
| |
|
|
|
|
|
|
|