كتب الكاتب الفاتح جبرا المتوفرة بمعرض الدوحة
|
الطريقة الجديدة لعلاج" ابو الشهيق" .. وهذه هي امريكا
|
نشرت الصحف الأمريكية بالأمس ان شلة من الجنود كانوا يتسامرون في قاعدة عسكرية ويشاهدون مباراة كرة القدم في التلفزيون( والحاجة الغريبة الكرة بيلعبوها باليد ويسموها كرة قدم) وفجأة اصاب احدهم نوبة من " ابو الشهيق" وبقية العرب بيسموه" الفواق" واراد احدهم ان يعالجه من هذه النوبة وذلك عن طريقة يخلع بها صاحبنا وفجأة صوب مسدسه نحو راس هذا المسكين واطلق عليه رصاصة واحدة نفذت من عينه إلى داخل رأسه وأرداه قتيلا في الحال.. طريقة سريعة لعلاج ابو الشهيق .. مش كده.. وكل حاجة في امريكا ممكنة .. وهذه هي امريكا .. بلد حرية التعبير .. وحرية اختيار العلاج المناسب للمرض المناسب.. وطبعا تم القبض على القاتل..و وقال في اقواله انه كان يريد ان يخلعه فقط كي يزول منه ابو الشهيق ولم يكن يدري ان مسدسه محشو برصاص حقيقي وليس رصاص فشنك...ولكن المدعي العام قال بان هؤلاء الجنود كانوا يحتسون الخمر وكانو سكارى وهم يشاهدون مباراة كرة القدم..
|
|
|
|
|
|
|
|
Re: الطريقة الجديدة لعلاج" ابو الشهيق" .. وهذه هي امريكا (Re: سيف النصر محي الدين)
|
بقية العرب الأولانيين ديل هم المسيرية في غرب السودان.. وقبيلة اخرى هاجرت من السعودية في قديم الزمان ويسكنون شرق السودان.. وهؤلاء هم العرب في السودان وهم يمثلون اقل من واحد في المائة من سكان السودان .. اما بقية اهل السودان فهم من الأصل الزنجي .. اما اللغة العربية فتعلمناها في المدارس . والعرب اتغشوا فينا وسمونا عرب وكمان وافقوا على انضمامنا للجامعة العربية... واوعك تكون قايل نفسك عربي؟؟؟( وجه مبتسم)
| |
|
|
|
|
|
|
Re: الطريقة الجديدة لعلاج" ابو الشهيق" .. وهذه هي امريكا (Re: اميرة السيد)
|
Quote: أضغط بالسبابة والأبهام على منتصف الجبهة فوق الحاجبين مباشرة (نفس خط عمود الأنف)
عملتها وفي ثواني راح أبو الشهيق
|
,,,,,,,,,,,,,,,,,,
عزيزي حمد فعلا شيوخنا الكبار عندهم طرق علاج لكثير من الأمراض التي تحير الناس... وفي ناس بيقولوا لمن يجيك ابو الشهيق اشرب موية كثيرة وبجغمة كبيرة .. وما عارفة الكلام ده صحي ولا مبالغات ساكت؟؟
| |
|
|
|
|
|
|
Re: الطريقة الجديدة لعلاج" ابو الشهيق" .. وهذه هي امريكا (Re: اميرة السيد)
|
Quote: لو واجد جمبنا جاهو أبو الشهيق طوالي ينطوا فيهو تلاتة أو اربعة ويدوهو أب دلدوم في فقرتو وأبو الشهيق بيروح ..
طريقة مجربة ..
|
,,,,,,,,,,,,,,,,,,,,,
والله يا ناذر برضه احسن وأخف من ضرب الرصاص .. على الأقل الزول البيدوه اب دلدوم بكون حي بعدما يستحمل آلام الضرب والله يديك العافية ويبعدك من ابو الشهيق
| |
|
|
|
|
|
|
Re: الطريقة الجديدة لعلاج" ابو الشهيق" .. وهذه هي امريكا (Re: حسن محمود)
|
سلام يا علي دفع الله بالنسبة لـــــ"ضحوية" ممكن تعمل الاجراءات التالية: - اذا بترضع طبيعي لازم تنظموا الرضعات بحيث انها تكون كل ساعتين و ما تطولوا المسافة بين الرضعة و التانية عشان البت ما ترضع بسرعة و بلهفه الشي اللي بيؤدي الى انها تبتلع كمية من الهوا و اللي بدوره يؤدي الى انتفاخ المعدة مسببا الصغط على الحجاب الحاجز فيحصل ابو الشهيق او الفواق-بالفصحى- او الزغطة - عند المصريين- او الفهقة-عند السعوديين و عرب الخليج- او الـ hiccups or hiccough "بالانجليزي". - اذا بترضع صناعي لازم برضو تتنظم اوقات الرضاعة و لازم تتأكد انو الحلمة الصناعية بالمقاس المطلوب و فتحتها ليست اكبر من اللازم و قدر الامكان تكون الزجاجة مرفوعة اثناء الرضعة حتى لا يدخل الهواء للمعدة. - بعد الرضعة -في الحالتين الطبيعي/الزجاجة- لابد من اخراج الهواء بالطريقة المعروفة: ترفع الطفلة على الكتف و تربت على ظهرها برفق الى أن يخرج الهواء الزايد. -يمكن استخدام ملعقة صغيرة من الـــ corn syrup.
| |
|
|
|
|
|
|
Re: الطريقة الجديدة لعلاج" ابو الشهيق" .. وهذه هي امريكا (Re: خالد علي محجوب المنسي)
|
أميرة تحياتي و بتك عسسولة يا استاذ علي ربنا يحفظها و يزيل عنها كل ما يزعجها
و ازيدك من الشعر بيت يا أميرة عن حوادث امريكا الغريبة ، حدث في فريجنيا الاتي واحدة ساكنة في بيت براها و اخوها ساكن جارها ، بالمساء شعرت بحركة غريبة و كركبة ما عادية اتصلت باخوها ، جاء يشوف الحاصل شنو شاف ليهو واحد لابس قناع اسود و بعاين من الشباك للبيت جوة المهم ولا كدب خبر طوالي طلع مسدسه و طاخهو ، في النهاية اتضح ليهو انه دا ولده ذو الخمسة عشر او ستة عشر عاماً ، مسكين اشتري ليهو لبسة للهالوين و جاي يهزرمع عمته ، رااااح فيها
غايتو الله يكفينا شرها البلد دي و بالنسبة لي ابو الشهيق النبي تسألي سفيان نابري دا هو بعالج ابو الشهيق كيف ؟ هههههه
| |
|
|
|
|
|
|
Re: الطريقة الجديدة لعلاج" ابو الشهيق" .. وهذه هي امريكا (Re: heba Elmahi)
|
أميرة سلام
Quote: والعرب اتغشوا فينا وسمونا عرب وكمان وافقوا على انضمامنا للجامعة العربية |
موش كدة وبس ... يقال بأن العرب وافقوا على انضمامنا لجامعة الدول العربية مجاملة لعبد الناصر, والأغرب من كل هذا أن الدولة الوحيدة التى تجرأت وذكرت هذهـ المعلومات هي ذلاتها لم تبق لديها شئ من العروبة
وفيما يخص ابو الشهيق غايتو نحن بنقول ليه سكيي Sekaih وعلاجه بكتم النفس لمدة دقيقة واحدة وبالتالي لا شهيق لا زفير ... شوفت كيف علاج ابو الشهيق ؟
| |
|
|
|
|
|
|
Re: الطريقة الجديدة لعلاج" ابو الشهيق" .. وهذه هي امريكا (Re: الفاتح شلبي)
|
Quote: اراد احدهم ان يعالجه من هذه النوبة وذلك عن طريقة يخلع بها صاحبنا وفجأة صوب مسدسه نحو راس هذا المسكين واطلق عليه رصاصة واحدة نفذت من عينه إلى داخل رأسه وأرداه قتيلا في الحال.. |
الكمدة بالرمدة. والله صحي.
Quote: علاجه بكتم النفس لمدة دقيقة واحدة وبالتالي لا شهيق لا زفير .. |
يا الفاتح قالو في اثناء كتم النفس تبلع ريقك.
سلآم لأميرة وضيوفها الكرام...
| |
|
|
|
|
|
|
Re: الطريقة الجديدة لعلاج" ابو الشهيق" .. وهذه هي امريكا (Re: الفاتح شلبي)
|
سلامات الأميرة وناسها
تمام يا الفاتح شلبى كتم النفس ولثوانى فقط " ودا أنا شفت فى فيلم قديم زمان
إنتو لسع ما اتولدتوا بطله بول نيومان ، وهو فيلم أمريكى إسمه الخائن the traitor
وقصته إنه كان بول نيومان فى الحرب ، وبعدين جبن فى صد هجوم معين وتم قتل أخيه ،
وبعودته عقدت له محكمة عسكرية .
وبخصوص أبو الشهيق أو الفاقة ( ويمكن جاية من كلمة جوع أوحاجة = فقر )
المهم كما يقول أخونا . . . إنه قام بول نيومان حضر سكران من حفلة كاربة ،
وضاربه ليك أبو الشهيق فقامت زوجة أخية المقتول ( الهالك )
ما يجينا واحد يقول دا نصرانى كيف تقول الميت أو الشهيد ،
المهم زوجة أخيه قامت طلبت منه الوقوف أمامها
ومسكت بأصابع يديها على فقرته = وهى بين الرقبة والكتف
وطلبت منه أن يأخذ نفسا عميقا ويكتمه داخل صدره لمدة ثوانى
( لأنه يا الفاتح دقيقة صعبة على الإنسان ) وبرضه الدقيقة دى كان أخدت كتير من وقت الفلم .
المهم هو نوع من العلاج كنت دائما أستعمله مع نفسى ومع غيرى
- بس ما طاشمين
بعدين يا أميرة فين أشعارك وأشيائك الجميلة ودا ما يعنى إنه مواضيعك دى ما جميلة .
بل جميلة يا بتنا وسلام لكم جميعا ونفسى قام من الكتابة الكتيرة صديق ضرار
صد صيق ضرار
| |
|
|
|
|
|
|
Re: الطريقة الجديدة لعلاج" ابو الشهيق" .. وهذه هي امريكا (Re: صديق_ضرار)
|
Quote: غايتو الله يكفينا شرها البلد دي و بالنسبة لي ابو الشهيق النبي تسألي سفيان نابري دا هو بعالج ابو الشهيق كيف |
,,,,,,,,,,,,,,,,,, اها يا سفيان .. انا وهبة بنسألك انت بتعالج ابو الشهيق( الفواق كيفن)؟؟؟ حلفناك بالله كان ما وريتنا والله يدك العافية
| |
|
|
|
|
|
|
Re: الطريقة الجديدة لعلاج" ابو الشهيق" .. وهذه هي امريكا (Re: اميرة السيد)
|
عزيزي خالد على محجوب
بعد ما تقرأ الاجابة على سؤالك والمكتوب تحت، حول الـ 25 قرش لحسابي في البنك.. وان شاء الله تكون بالقديم .. والجواب يتضمن كمان الوقاية...
اذا الأم بترضع طبيعي لازم تنظم الرضعات بحيث انها تكون كل ساعتين و ما تطول المسافة بين الرضعة و التانية عشان اطفل ما يرضع بسرعة و بلهفه الشي اللي بيؤدي الى انه يبتلع كمية من الهوا و اللي بدوره يؤدي الى انتفاخ المعدة مسببا الصغط على الحجاب الحاجز فيحصل ابو الشهيق او الفواق-بالفصحى- او الزغطة - عند المصريين- او الفهقة-عند السعوديين و عرب الخليج- او الـ hiccups or hiccough "بالانجليزي". - اذا بترضع صناعي لازم برضو تتنظم اوقات الرضاعة و لازم تتأكد انو الحلمة الصناعية بالمقاس المطلوب و فتحتها ليست اكبر من اللازم و قدر الامكان تكون الزجاجة مرفوعة اثناء الرضعة حتى لا يدخل الهواء للمعدة. - بعد الرضعة -في الحالتين الطبيعي/الزجاجة- لابد من اخراج الهواء بالطريقة المعروفة: ترفع الطفلة على الكتف و تربت على ظهرها برفق الى أن يخرج الهواء الزايد. -يمكن استخدام ملعقة صغيرة من الـــ corn syrup.
( ومشكور سيف النصر وحنحول ليك نسبة) وآسفة لتغيير بعض الحروف ) والله يدبكم العافية
| |
|
|
|
|
|
|
Re: الطريقة الجديدة لعلاج" ابو الشهيق" .. وهذه هي امريكا (Re: Galaleldin Abdalla)
|
Quote: عزيزي خالد على محجوب
بعد ما تقرأ الاجابة على سؤالك والمكتوب تحت، حول الـ 25 قرش لحسابي في البنك.. وان شاء الله تكون بالقديم .. والجواب يتضمن كمان الوقاية... |
العزيزة أميرة التحية سلااام أولاً كنت متوقع الأجابة الخزعبلة لكن أجدت وقلتي حديث طيب علمي مؤسس جائزتك عليه خمسين قرش وبالقديم لكن عشان أرسلها تحتاج لرسوم تحويل أنا ماشي العيد السودان اعطيني عنوان اسلمها فيه
لكن يا ستي نحن ولاد حبوبات كان الطفل عندما يجي أبوالشهيق يقطعوا خيط من وسادة نومه وتبلها أمه بريقها وتلصقها في جبهته وتصدقي مع أنها خرافة ابتكروها وصدقوها كثير ما تصدق كنت أفكر في هذا الموضوع كثير كيف تكون المصادفة بين تجربة لا أساس لها من علم قد أكون مخطى
أن الطفل ينشغل مع وضعوا والأنشغال ينسي والله أعلم ولازم يكون هناك سبب شاهدت مرات عديدة زمان الامهات كنَّ يفعلن هذا وكما توصلن نساء بربر لابتكار الحلومر مشروب صحي في رمضان بالتجربة ودون علم لفائدة البوهرات التي تضاف إليه أنه مشروب يقطع العطش برضو لازم الخيط عندو سر كدي فكر ي معاي يكون شنو السبب ؟؟؟ تحياتي ومودتي
| |
|
|
|
|
|
|
Re: الطريقة الجديدة لعلاج" ابو الشهيق" .. وهذه هي امريكا (Re: Galaleldin Abdalla)
|
Quote: Quote: ÛÇíÊæ Çááå íßÝíäÇ ÔÑåÇ ÇáÈáÏ Ïí |
Heba Almahi
Salam
why you asking God
call red sea travel and get a one way ticket to Sudan
very easy |
...................
عزيزي جلال الدين واذا هبة قطعت تذكرة اتجاه واحد بدون رجعة .. حتاكل من وين في السودان وعندك ليها شغل بماهية كفاية للسكن . علما بان الايجارات زي ما بنسمع ما اقل من 2000 دولار شهري... وانت احسبها بالسوداني... وبعدين اشمعنى بوكالة البحر الأحمر للسفر .. تذاكرها رخيصة ولا شنو؟؟ واذا كان كده ورينا العنوان!! والله يديك العافية
| |
|
|
|
|
|
|
Re: الطريقة الجديدة لعلاج" ابو الشهيق" .. وهذه هي امريكا (Re: heba Elmahi)
|
Quote: اها يا سفيان .. انا وهبة بنسألك انت بتعالج ابو الشهيق( الفواق كيفن)؟؟؟
|
Quote: وفيما يخص ابو الشهيق غايتو نحن بنقول ليه سكيي Sekaih وعلاجه بكتم النفس لمدة دقيقة واحدة وبالتالي لا شهيق لا زفير ... شوفت كيف علاج ابو الشهيق ؟ |
سفيان نابري بستعمل الطريقة بتاعة كتم النفس دي داااايما" و انا بستغرب جدا" فيه و الحقيقة بضحك فيه لاني كنت قايلة الفكرة من إختراعه ( بعيد عنكم عنده إختراعات عجيبة ) بس أهو الفكرة طلعت عندها مرجعية في الموروث الشعبي
| |
|
|
|
|
|
|
Re: الطريقة الجديدة لعلاج" ابو الشهيق" .. وهذه هي امريكا (Re: اميرة السيد)
|
سلامات يا أميرة وياجماعة نترحم على المسكين الراح فطيس دافي الاول ووالله أنا مرات بيزهجني ومابيرضى يروح بالساهل وتكوني في محل مافيهو موية ففكرة المسدس دي معقولة وممكن تبقى حل وكدا وشايفة البوست عمر وجاب وبقى مرجع عديل بستأذنك أشارك خالد دا في الطرادة الاول
Quote: طيب عرفنا العاقل يخلع لو كان عنده ابوالشهيق لو شاطرة وريني الطفل ( الخزعبلة البسوها لي شنو لو جاو ابوالشهيق ؟؟؟ ) اجيبي علي السؤال وليك طراضة ... 25 قرشا
|
والله ياخالد كنت عاوزة أقولها أنا برضو بت حبوبات لكن مرة تانية أفضي نفسي مخسوس عشان ماتضيع علي الطرادة ________ بالنسبة لعلاج أبو الشهيق ممكن تبدا تعدد الناس القريبين منك وبتعرفهم قال إيه؟ واحد فيهم إتذكرك عشان كدا جاتك الزغطة وتفضل تعدد لغاية مايقيف الاسم البيقيف فيهو ياهو دا الزول المشتاق ليك عندي أختي ممسوخة تقعد تعد جوان ود ورد مايكل كين بول نيومان نيكولاس كيدج مايكل جاكسون أها ابو الشهيق يقيف في مايكل جاكسون تقول ...معقولة لحق يشتاق لي؟ اول أمس كنا في التلفون مع بعض _____ قالوا..... قبل ما أحكي القصة بعتذر للدناقلة مقدما قالوا الخليفة عبدالله التعايشي زعل مع الدناقلة وإتقلب عليهم قام بي ليلو داك دخلهم السجن والصباح طلع ليهم وخطب فيهم وقال: الدناقـــلة...!! أكالين الرهيفة أم هيكي لباسين زراقين عيالكم خرايين لب البحر __________ الشرح اكالين الرهيفة ام هيكي= بيحبوا ياكلوا القراصة ... والقراصة بتعمل أبو الشهيق لباسين زراقين عيالكم= إشارة للصديري الضيق البيلبسوهو خرايين لب البحر = الحواتة منهم they go in the river
| |
|
|
|
|
|
|
Re: الطريقة الجديدة لعلاج" ابو الشهيق" .. وهذه هي امريكا (Re: حسن حماد محمد)
|
Quote: بالنسبة لعلاج أبو الشهيق ممكن تبدا تعدد الناس القريبين منك وبتعرفهم قال إيه؟ واحد فيهم إتذكرك عشان كدا جاتك الزغطة وتفضل تعدد لغاية مايقيف الاسم البيقيف فيهو ياهو دا الزول المشتاق ليك عندي أختي ممسوخة تقعد تعد جوان ود ورد مايكل كين بول نيومان نيكولاس كيدج مايكل جاكسون أها ابو الشهيق يقيف في مايكل جاكسون تقول ...معقولة لحق يشتاق لي؟ اول أمس كنا في التلفون مع بعض _____ قالوا..... قبل ما أحكي القصة بعتذر للدناقلة مقدما قالوا الخليفة عبدالله التعايشي زعل مع الدناقلة وإتقلب عليهم قام بي ليلو داك دخلهم السجن والصباح طلع ليهم وخطب فيهم وقال: الدناقـــلة...!! أكالين الرهيفة أم هيكي لباسين زراقين عيالكم خرايين لب البحر __________ الشرح اكالين الرهيفة ام هيكي= بيحبوا ياكلوا القراصة ... والقراصة بتعمل أبو الشهيق لباسين زراقين عيالكم= إشارة للصديري الضيق البيلبسوهو خرايين لب البحر = الحواتة منهم they go in the river |
<<<<<<<<<<<<<<<<
والله يا رواية ضحكتيني وانا مهمومة... ويعني اختك دي ما لقت غير الأجانب المشهورين ديل يتذكروها!!!! وبعدين ما دام عاوزة تدخلي لينا التاريخ.. عاوزة اقول انا معجبة بتاريخ الخليفة عبد الله التعايشي والذي يروي التاريخ انه بطل لا يشق له غبار .. وهو عندما جاءه الموت في قرية ام دبيكرات.. وقال له اصحابه قم يا خليفة اهرب فالانجليز قربوا يصلوا لي هنا.. رفض باباء وكبرياء وقال: انا باق هنا وما بنخاف من الموت... وطبعا قرأنا في التاريخ ان الكثير من الأنصار ما كانوا مبسوطين منه لأنه بدأ يقرب في أهله بعد وفاة المهدي وبدا في انشاء السجون وتعذيب المسجونين.. ولكن طبعا في كل الروايات هناك مبالغات والحقيقة لا يعرفها إلا القليل .. والرواة الذين كانوا يحكون هذه القصص لا يوجد احد منهم حي الآن كي يكذب او يؤكد هذه الروايات... واها عرفنا معلومة جديدة ان ابو الشهيق كان بسميها الخليفة عبد الله التعايشي " ام هيكي" وبعدين يا راوية اظنك موسوعة علمية في التراث والتاريخ.. سوف استعين بك والله يديكي العافية
| |
|
|
|
|
|
|
Re: الطريقة الجديدة لعلاج" ابو الشهيق" .. وهذه هي امريكا (Re: اميرة السيد)
|
اميرة يا شقيقتي كيفك ؟ شايف ماشاء الله البوست واري معاك هههههههه طبعاً صاحبتك هبة دي متستهونة بيّ و ما قايلاني (مسقف) و (منطلع) و قايلاني بتاع نظريات سااااي . اهو الحمد لله دكتور سيف النصر جاب ليها كلام الحجاب الحاجزالكنت بقولو ليها و تقعد تضحك فوقي لوووووول. يا سيف النصر اشكرك لما تستغيث ذاتو و عليك الله كلمهم (ضحى) ههههه
و اهدي ليكم اغنية :- كتمتوا نفسو الهواء وينوووو.
شكراً يا أميرة
| |
|
|
|
|
|
|
|