|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: ابوحراز)
|
Quote: والله دي كارثة حقيقية 00 كعناها سعر { الطلح } حا يرتفع في السعودية حليل شنطتنا الراحت وكانت مليانة طلح !!!! |
هههههههههههههههههههههه ههههههههههههههههههههه هههههههههههههههههههه
أوسكار ياحبيب والله ،،
مشكلة كبيرة والله ، وخصوصاً على ما أذكر أنو كانت عندك تجربة تربتيك قاسية ،،
==== الطلح براه؟؟ والله لا أنسى مطلقاً منظر كرتونة (أنبشكت في السير) واللالوب والقنقليس والنبق ماخدين راحتهم في أرضية مطار الملك خالد : المشكلة صاحبها عمل نايم منها وأصبحت ترش بسخاء في كل الإتجاهات !!
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: ابوحراز)
|
Quote: والله دي كارثة حقيقية 00 كعناها سعر { الطلح } حا يرتفع في السعودية حليل شنطتنا الراحت وكانت مليانة طلح !!!! |
هههههههههههههههههههههه ههههههههههههههههههههه هههههههههههههههههههه
أوسكار ياحبيب والله ،،
مشكلة كبيرة والله ، وخصوصاً على ما أذكر أنو كانت عندك تجربة تربتيك قاسية ،،
==== الطلح براه؟؟ والله لا أنسى مطلقاً منظر كرتونة (أنبشكت في السير) واللالوب والقنقليس والنبق ماخدين راحتهم في أرضية مطار الملك خالد : المشكلة صاحبها عمل نايم منها وأصبحت ترش بسخاء في كل الإتجاهات !!
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: احمد محمد احمد عتيق)
|
Quote: ناس بدات تمام ..وفجاة قلبت ..وصارت اسوأ طيران للخرطوم .من حيث المعاملة ومن حيث الشحن ..ويكفي انها الشركة الوحيدة التي تدفعك حق موية زمزم ..اتخيل .. |
الحبيب عتيق تحياتي،،
والله أنا أشهد أنو ناس أحسن طيران أتعامل معه (بالذات للسودان) ، نعم هم very strict بخصوص الوزن وخدمات الضيافة، ودا المفهوم الأساسي الذي قامت عليه الشركة ، لكنهم بالمقابل : very punctual ولا تحتاج لمطاردة مكاتبهم : كل شيء أونلاين ، وتضمن معهم ألا يتطاول أحد ويزحلقك من أي حجز عملتو ، وهذا في ظني هو الأهم أن تكون رحلاتكم منضبطة من حيث المواعيد وراحة الحضور للمطار ، وفوق لي كدا تسافر سفر عصري : شنطة هدومك وأشياءك الضرورية وبس !!
الآن الفرصة بزنس لناس السودان في توفير الحاجيات التي كنا نقتنصها من أسواق العالم وندفع عليه وزناً أكثر من قيمتها في كثير من الأحيان لندرتها في السودان ،،
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: محمد علي البصير)
|
Quote: شكراً أستاذ عبد اللطيف على هذا التنويه الهام
بس المشكلة بكرة يقولن الباخرة وبس
ويا باب شريف وسع مراقدك ومداخلك
سؤال ـ هل القانون دا بشمل كل شركات الطيران
غايتو ناسنا ديلاك أخر من يصلهم قانون الأياتا ـ لو كان فعلاً القانون دولي |
موسيقارنا العزيز : لا شكر على واجب ، وأهي فرصة ياخ نوفر على الناس فلوس كانت ضايعة بالسنين في الدلاقين!! هههه
القانون هنا في الخطوط السعودية متسامح شديد : باقي الخطوط والبريطانية على وجه الخصوص 23 كيلو فقط وشنط واحدة ولا تقبل الوزن الزايد،، وشوف الغريبة : يعني لو معاك 5 تذاكر لا يحسبون المجموع يعني الخمسة مسافرين يكون وزنهم 23 × 5 ، لأ : كل مسافر شنطة واحدة 23 كيلو ماتزيد وقية ، (يعني موش شنطة 20 كيلو وشنطة 25 عشرين مثلاً)،،
ناسنا ديلك بكونوا سمعوا الخبر من البوست دا ، وحيفيدوكم لاحقاً،، أحد
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: محمد إبراهيم علي)
|
Quote: سلام استاذنا بالنسبة لينا في السودان المسموح به شنطة واحدة 32 كيلو وشنطة اخري بمبلغ 350 ريال حتى وزن 23 كيلو واي زيادة اخرى وحتى 32 كيلو تدفع 60 دولار (225 ريال ) يعني الشنطة التانية يمكن ان تصل 575 ريال اي بسعر الكيلو الزائد حوالي 18 ريال فمثلا لو ابوحسين ده وعندو وصية دفعو حق الكيلو 40 ريال وختت الـ 22 في جيبك لووووول
|
هندسة : مشتاقون ،،
والله أبو حسين دا ماتضمنو هو وشلة الأمنجية المعاهو ،، فاكرهم؟؟ بيروحو المساكين زي حلاتنا : دا لو البورد اتكرم علينا وطلعنا من حكاية كيزان دي،،،
سلمت ياحبيب!!
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: Hani Arabi Mohamed)
|
الأخ هاني لك التحايا
والله ياما دفعت أموال طائلة في هذا الموضوع!! والغريبة الكل يشكي ويندب حظه فيما دفع لشيء لا يسوى!!
فرصة ندرة لتصحيح المسار للقدامى أو لبداية جادة ومفيدة للمغتربي الجدد،،
-------
حزن في البطحاء وسويقة وباب شريف (وياريت القصمان كمان بالمرة بعد افتتاح مصفاة الذهب هههههه)
وفرحٌ في سعد قشرة والسوق العربي وحتى سوق ابوجهل !!
بهذه الطريقة عادي الواحد يمشي ويك اند الخرطوم ويجي راجع مع تذاكذ ابو تلتمية ريال (دي على فكرة فئة في طيران ناس بدون شنطة خاااااالص - سمسونايت بس) هههههه
سلمت اخي هاني وربي يسهل علي الجميع
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: البحيراوي)
|
Quote:
أستاذ عبد اللطيف
تحياتي - يا زول الحاجة أم الإختراع
وبكرة شوف كلامي دا في الإجازات الجاية
بحيراوي
|
صديقي العزيز بحيراوي لك تحياتي،،
ذكرني كلامك بمقولة للراحل إسماعيل الأزهري وهو يرد على الكلامات حول تشييد منزله (لست متأكد من صحتها) كان يقول ( كلما سألوني من أين لك هذا أجبتهم بطابقٍ آخر)!!
كمان هسى ناسنا ديل كل ما تحاصرهم بجيهة بلقو ليهم نفاج!! المرة دي مفروض يكونوا فرحانين لهذا القرار،،
ومن هنا أناشد الأخد دكتور كرار التهامي بإعفاء المتأخرات على كثير من المغتربين لأنها حتكون العائق الوحيد من عودتهم بعد أن إنتفى موضوع الهدايا بأمر شركات الطيران،،
أخي دكتور كرار : والله دا طلب حقيقي ليس من أجل المغتربين انفسهم بل من أجل الأمهات والآباء والزوجات والأهل الذين يقتات الشوق أفئدتهم تحرقاً لرؤية ذويهم المتعللين بعدم القدرة على السفر بسبب المتأخرات!!!
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: خالد عبد الله محمود)
|
Quote:
Quote: طيب كده أرخص يا جماعة لأنو حسب ما أعرف إنو زمان وزن الكيلو الزائد 29 ريال .. و لا ما كده ؟
|
انت وين يازول ، اختفيت مع جوارديولا ؟؟ ههه
كلامك صاح ، ارخص كتير بس بحسابات معينة لي زول كان بسافر في حدود الشنطتين!!
لكن لو حسبتها تاني بتلقى وكأن السعودية الآن بتديك زي 40 وبتسامحك في عشرة مجان زي زمان وبتحاسبك على الباقي؟؟
هي عموماً فرصة طيبة لنا لتغيير هذه الثقافة المضنية ونتبع طريقة سفر أقل رهقاً من جميع النواحي،، اولها القروش وثانيها العتالة!!
تصدق أن أحد أسباب هذا القرار (حسب افادة مدير ادارة مبيعات في وكالة سفر) أن الشركات العالمية وجدت أن ماتدفعه لعلاج عمال التحميل أكثر من ما تجنيه من رسوم الشحن، خصوصاً أن الكثير من التجاوزات تحدث في السماح بوزن زايد في كاونترات المطارات!!!
Quote:
Quote: * عبد اللطيف البكري الحظ مرقكم أمس و نمتو مبسوطين لكن حتعرفو حاجة في الكلاسيكو إن شاء الله
|
حظ شنو يازول : مدربنا المعتوه دا لاعب بخمسة ارتكاز؟؟ دا والله مانصيح!! ألونسو وخضيرة واسيان وهيجوايين ديل اناةفي فريق حلتنا مابسجلهم!! الكلاسيكو دا والله لو ترك لي امر اختيار التشكيلة تاخدو أكتر من شنطة هههههه
بس تخيلت منظر ناس برشلونة في آخر دقيقة وهدف رونالدو : أصابهم في مقتل والله
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: عبد اللطيف بكري أحمد)
|
العزيز عبد اللطيف
تحياتي ومساء النور والسرور
وقت جات المناسبة خليني أنقل ليك وجعة ما قادر ألقى ليها علاج ويا ريت نطرقها على خفيف أو حملها فوق السحاب لصاحبك كرار التهامي . يا أخي في جدة هناك سودانيات وصلن للسعودية بالسمبك . آي والله بالسمبك ولا جواز ولا حاجة وحالياً يعملن تحت كبرى 8 .
والمهم أنهن يقمن بعمل كبير جداً لصالح أسرهن بالسودان. من الشاي والأكل السوداني .
وربما تطفح على السطح أحياناً سلوكيات غير حميدة . لكن علينا بالغالبية .
بحيراوي
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: آدم صيام)
|
Quote: الأستاذ/ عبداللطيف تحياتي
أولا بالتبادي،عنوانك استفزازي بالحيل.
بعض الحـــــــل
سوق معاك الوليدات في السفرة بتلقى مافي دفع تب للوزن الزايد وتبر والديك!
الغريبة لمن يكون عندك 9 خالات لزم وتشيل ليهن تياب حرير مشدر!!!
ياأخي تنسى أنو في جنة خالص خليك من التخليص الهين ده!
|
تحياتي أخي العزيز صيام وشرفنا بمرورك،، ياريت يكون عنواني كما وصفته حتي يستفزنا أجمعين كي نتحرك بجد لوقف المهازل التي تحدث في الميزان!!
شيء جميل أن تفرح من هم حولك خالات وعمات وجيران كمان، بس ماتكون في القلب حسرة لما تدفع في هذه الهدايا اسعاراً مضاعفة
ربنا يبلغنا رضاء والدينا اجمعين،،
تحياي ياحبيب
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: التيجاني عبد الباقي)
|
Quote: لا بد من تغيير ثقافة السفر والعفش المرافق وتطورات شركات الطيران تتري بسرعة ودون توضيح للراكب بصورة متانية المهم الراكب دفع حق التذكرة ولا يوجد refund مررت بالتجربة مع ناس والموظف اصيب بمغص مني لاني قست الشنط بالضبط 23 كيلو اجمالي 46 كيلو من البيت والتاكيد في المطار عند الجماعة بتاعين التغليف |
الحبيب تيجاني ،، سلام وشكراً على إثراء النقاش بتجارب شخصية وقريبة الحدوث،،
الآن قد حق علينا أن نغير عاداتنا بالسفر وللأسف لم يكن ذلك بمبادرة منا بقدر ما سيكون إمتثالاً لأمر هيئات الطيران،،
فكرة الطرود هايلة والله لو كانت منضبطة في مواعيدها وhandling يكون بإحترام،،
الآن الشركات الكبيرة أصبحت تتفادى التكاليف العالية وانهاء نظرية المخزون الضخم وتجميد رؤوس اموال في هذا المخزون وذلك اعتمادا على شركات dhl , ups, aramex وغيرها ، فقد اصبحت شريكا اساسياً في تسهيل وتسريع وصول الطلبيات للمواد وقطع الغيار في فترة وجيزة،،كذلك ساهمت في تنشيط التجارة الالكترونية والشراء أونلاين لما تريد،، أظننا نعاني من المقاطعة في هذا الجانب،،
شكرا استاذ تيجاني وتحياتي التي تعرف لمن نتقاسم فيه المودة والاحترام، والدنا العظيم الاستاذ عبد الباقي محمد عبد الباقي!!
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: عبد اللطيف بكري أحمد)
|
تحياتي اخ عبداللطيف وزوار البوست
هي ثقافه الخمخمه والشيل البدون فهم وبدون تركيز والمجاملات االتي سوف تتغير بتفكير جديد مع مرور الوقت او بحد القانون كما اري الان ...
لي عده طرف في السفر :
في 2004 تقريبا كنت مقيم بالسعوديه وقررت ان اسافر بعربيتي لاقضي اجازة بالسودان حملت ما يهمني من الاغراض في العربيه ولم اعمل سبت في اعلي السياره وكان مسافر معي احدالاصدقاء وكان شرطي الوحيد ان يحمل معه شنطه واحده ويشحن باقي عفشو لاني ما حاعمل سبت في عربيتي وقبل علي مضض .. كانت عربيتي الوحيده في الباخره البدون سبت اذا استثنينا العربات الجديده في ميناء سواكن وجدت تعنت غريب من رجال الجمارك لانهم شكو باني احمل شئ في عربيتي كيف جاي من السعوديه بي عربيه وما شايل عفش .. وطلبو مني ان اشيل مقاعد العربيه ليفتتشوها .. رفضت ذلك وطلبت منهم يشيلوها بنفسهم ويرجعوها زي ماكانت بعد التفتيش .. المهم تكلمت مع احد الضباط وقلت ليهم بالحرف الواحد يعني لازم اعبي عربيتي دلاقين عشان تقتنعو اني ما مهرب حاجة ؟؟؟ قلت ليهو انا ثقافه الدلاقين دي ما مقتنع بيها وحق دلاقيني شايلو ناشف .. غايتو الراجل اقتنع واراحني من خلع المقاعد :) :) دا يسمو شنو غير ثقافه عامه وغريبه جدا ... غايتو مع الزمن وكتره السفر علمنا الاسره ان لا يتوقعو خمخمه واصبحو ميقنين .. عارفين الزول دا بجي بي شنطه هدومو بس وكل زول يشيل حقو ناشف ويتصرف ... العاوز دلاقين يتدلقن والعاوزه كريمات تتكرم :) مستثناه من الامر بت اختي صغيره قالت لي مره يا خالو ما تجيب لينا قروش انا عاوزه هدوم عشان ماما بتشيل القروش تصلح بيها البيت ... ::) ثقافه متوارثه :) :)
في نفس السفره احدي الاسره اعطتني شوال ( اي والله شوال ) فسيخ مملح اوصلو لي بتهم في السعوديه طبعا تركت الشوال في مكانو وما جاملتهم ابدا .
لي صديق يعمل بالسعوديه ايضا وكتير الحضور للسودان عاني ما عاني من الشيل والتحميل الفارغ فوضع شروط اعتقد انها رائعه .. كان ما بشيل اي حاجة لاي زول الا دواء فقط .. غير كدا كان بخت ميزان في البيت تجيب كيلو تدفع حق وزنو تجيب ميه كيلو تدفع حق وزنها.. يقول ليك انا بوصل ليك لحدي بيتنا ناسك يجو يشيلو حاجتهم انا مابدفع حق اجازتي وزن زايد واقضي اجازتي اوصل بيها حاجات لي ام صفقا عراض والحاره ثلاته وتسعين .. :)
ثقافه الدلاقين والخم البجيب الهم دي حقو الناس تخليها وتكون عمليه .
وبنرجع للبوست دا كان الوزن زاد علينا ... :)
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: 3mk-Tango)
|
سلام يا بو خالد
في منبرك الاقتصادي - حليل أيام المنبر الاقتصادي -
المهم في الموضوع التوعية تجنباً لمشاكل التعبئة والتفريغ ثم إعادة التعبئة في المطار أمام العالم بمختلف شعوبه
والسودانيين والسودانيات يتصببون عرقاً ويحاولون تمرير العفش - مجاملة- مع موظفي الكاونتر المتشددين في حزمهم
الله المستعان وأجرك ثابت يا بوخالد طبعاً جهاز المغتربين يفك الناس دي في التأشيرة وينتظرهم في العودة بغرض الجباية ...
أمس في المطار واحد سوداني يلبس جلابية ومركوب جنينة وراسـه عاري بدون طاقية ولا عمة .... شئ لا ترضاه لوقار السوداني ..
Quote: هناك حل اضافي لللذي لديه اسرة ممتدة ولا فكاك من الهدايا والتترون عليهم بالطرود البريدية سعر الكيلو 5ريال تقريبا دون ادني مسئولية 30 كيلو للطرد =160 ريال وتصل خلال اسبوع اقصاه
|
بهذه المناسبة أرسلت طرد في 15 رمضان ... معظمه عبارة عن مواد غذائية _لرمضان- وحتى اليوم لم يصـل .... احتفظ بالإيصالات طبعاً.. مع التحية
أحمد الشايقي
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: 3mk-Tango)
|
حكاية ال 32 كيلو دي من زمان في المطارات الأوربية كحد أعلي للشنطة الواحدة والسبب هو كما ذكر الأخ عبداللطيف عمال الشحن الجوي بقوا يطالبوا بتعويض عن المشكل الصحية بسبب عتيل الشنط التقيلة فتم تحديد الحد الأعلي للشنطة ب 32 كليو ولا علاقة لها بالوزن المسموح به للفرد وهذه تحددها كل شركة طيران بطريقتها مثلا عندنا هنا لبخطوط التركية من أوسلو الخرطوم 20 كيلو بينما الهولندية 40 واللوفتهانزا أظن 30
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: أسامة البلال)
|
الأخ عبد اللطيف و زوار البوست سلام..
لاحظت تركيز الجميع على شجب ثقافة الهدايا و التقرب للجميع بما فيهم الأطفال و نشرح الفرح فى وطن يتوسد حزناً و يلتحف أحزان.
عندما نقول بأن السودان بلد متميز نعنى العلاقات الأسرية و الاجتماعية الفريدة و ثقافة التهادى هى إحدى الأوجه المشرقة فيها. و حقيقة مافى زول
فى الدنيا زينا. و الأنتوا بتشوفهوا (مخمخم) على حد قولكم، أنا بقول يا سعادة هذا الشخص ( كم من الأطفال سيفرح بفعله هذا) و حقيقة أغبطه على فعله
و طوبى للمخمخمين للأهل و الأقارب و الأصحاب و الجيران..
مافى فى الدنيا زينا و نحنا بنتذكر كل حبوبة و خالة و جارة وحيدة. مافى زينا و نحنا بنجلب النبق و اللالوب لى أولادنا فى أمريكا و أروبا رغم توفر كل شئ
لكنها رائحة الأرض!!
و حتى الطلح و الشاف و الما شاف زاتوا!! فده إحتفاء بالثقافة و الأصول فى أبهى تجلياته..
نفخر بالسودان و كل الحاجات السودانية (إلا الحاجات زى حرق السفارة الألمانية مثلا) لووووووول
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: Abuzar Omer)
|
Quote: الأخ عبد اللطيف و زوار البوست سلام..
لاحظت تركيز الجميع على شجب ثقافة الهدايا و التقرب للجميع بما فيهم الأطفال و نشرح الفرح فى وطن يتوسد حزناً و يلتحف أحزان.
عندما نقول بأن السودان بلد متميز نعنى العلاقات الأسرية و الاجتماعية الفريدة و ثقافة التهادى هى إحدى الأوجه المشرقة فيها. و حقيقة مافى زول
فى الدنيا زينا. و الأنتوا بتشوفهوا (مخمخم) على حد قولكم، أنا بقول يا سعادة هذا الشخص ( كم من الأطفال سيفرح بفعله هذا) و حقيقة أغبطه على فعله
و طوبى للمخمخمين للأهل و الأقارب و الأصحاب و الجيران..
مافى فى الدنيا زينا و نحنا بنتذكر كل حبوبة و خالة و جارة وحيدة. مافى زينا و نحنا بنجلب النبق و اللالوب لى أولادنا فى أمريكا و أروبا رغم توفر كل شئ
لكنها رائحة الأرض!!
و حتى الطلح و الشاف و الما شاف زاتوا!! فده إحتفاء بالثقافة و الأصول فى أبهى تجلياته..
نفخر بالسودان و كل الحاجات السودانية (إلا الحاجات زى حرق السفارة الألمانية مثلا) لووووووول |
أخي أبوذر سلامي وتقديري وشكراً على مرورك الكريم،، بالعكس ، معظم الذين مروا من هنا علقوا على موضوع الوزن الزائد وثقافة السفر المضني لنا كشعب!! كذلك الخسائر الكبيرة التي نتكبدها غير المشاوير وجري الاسواق لشراء أشياء هي في الاصل موجودة في اسواق معظم المدن السودانية،، في الماضي كان الأمر مبرراً أيام الندرة في حليب الاطفال والملبوسات والتياب السودانية والذي منو زي ارياح الشيلة وتبعاتها،،
شهدت في أكثر من مناسبة بعض التياب المشغولة في السودان ترسل للملكة بغرض التجارة وبعضها هدايا وبأسعار افضل من هنا؟؟
البعض ايضاً أفاد بأنه يشارك بالكاش بدلاً من الملبوسات وذلك لحوجة الناس للمال لأشياء اخرى كالعلاج ورسوم الدراسة وغيرها،،
أنا شخصياً رأيت أن تحمل الأشياء الخفيفة الوزن ومعقولة السعر - يابوذر ياحبيب : احنا بنشيل كيلو البن بحوالي 30 ريال وبندفع عليه 20 ريال وزن وعلى ذلك قس : صابون ، معجون، حلاوة بالكيلو والله في ناس بيشيلو صابون بدرة وشوال حليب بودرة وعصير تانج غير الطلاب !! كراسات ودفاتر وطحنية وجبنة بوك وشوكلاتا وهلم جرا ، ياخ معقول بلدنا دي فاضية للدرجة دي؟؟؟
الحاجة دي بقت راسخة في عقليتنا: حتى أولادنا البيدرسو في آسيا وأوربا بشيلو نفس الحاجات (تجربة شخصية والله) : يقول ليك التونة هنا أحسن ههههههه
الآن عصر التغيير : بنطلون جينز وكم تي شيرت وهاندباق وقروشك في جيبك!!! ولا أريح والله!!
قلت هذا الكلام لصديقي : قال لي موافق على كل ماجاء به بس بعد اتزوج فلبينية - يعني الخمخمة كلها رماها في السودانيات ،، والمايك معاك!!
بس كلمة اخيرة بخصوص الماشاف : جرب منتجات بديلة ( nectar products) مثلاً ههههه سلمت ياخوي
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: أسامة البلال)
|
Quote: حكاية ال 32 كيلو دي من زمان في المطارات الأوربية كحد أعلي للشنطة الواحدة والسبب هو كما ذكر الأخ عبداللطيف عمال الشحن الجوي بقوا يطالبوا بتعويض عن المشكل الصحية بسبب عتيل الشنط التقيلة فتم تحديد الحد الأعلي للشنطة ب 32 كليو ولا علاقة لها بالوزن المسموح به للفرد وهذه تحددها كل شركة طيران بطريقتها مثلا عندنا هنا لبخطوط التركية من أوسلو الخرطوم 20 كيلو بينما الهولندية 40 واللوفتهانزا أظن 30
|
اخي العزيز اسامة سلام وامنياتنا لكم بالتوفيق في تلكم البلاد الانيقة،،
الشركات الاجنبية مريحة في قطامتها ، وتعاملنا معها زي الصيدليات : يوم واحد مافي زول بيطلب تخفيض لثمن دواء او اي منتج معروض في صيدلية،،
يتفوقون علينا في التوعية : يعني في مطار هيثرو المضيفات الارضيات دائماً من ضمن تحذيراتهم يسألن : هل قام أي شخص بإعطائك أي مواد لحملها في حقائبك هذه؟ السؤال دا مستحيل موظف سودانير يسأله لمسافر سوداني،،
البريطانية 23 كيلو فقط وال klm والاماراتية والقطرية في حدود 30 كيلو على ما أعتقد،،
بعض الشركات تضع ميزان إضافي للحقائب اليدوية عند بوابات الدخول للجوازات ، وغالباً اما يطلبو منك تخفيض الزائد أو لو تكرموا خالص يحملوها عنك لشحنها مع بقية العفش وغالباً تكون فيها بعض الاجهزة القابلة للكسر،، وجب الانتباه !!
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: 3mk-Tango)
|
عمك تنقو !!
معقولة ياخي جيران في الحارة دي لعقد من الزمان اول مرة تشرفنا بالزيارة؟؟؟ هههههه
مشاركة ثرة دون شك ، ووجب علينا مواجهة أنفسنا ، فالآن يستحيل حمل شنطة ولا شيلة لأحد ،، ببساطة كأنو بقول ليك شيل لي شنطتي دي وخلي عفشك!!
زي حكاية واحد يتصل عليك ولما ترد يقوم التلفون يشاورك : ياخ الزول دا عايز يسجل المكالمة دي على حسابك ، رأيك شنو؟؟؟ وانا عارف الزول الطرف التاني للمكالمة دي عندو قروش اكتر مني!!!!
حدثني صديقي قبل قليل أن إحدى قريباته جاءت الدمام في كورس لمدة اسبوعين وراجعة ،، ضرب ليها زوج صديقتها قال ليها عندي بعض اغراض لصاحبتك، قالت ليه جدا،، يوم السفر جاب ليها شنطة فيها خمسة وعشرين كيلو ولم يدفع لها اي مبلغ وانحاش،، جاء عمها يوديها المطار وشاف الشنطة ، سألها الشنطة دي وزنها ستمائة ريال ، عندك قروش؟؟ اجابت بالنفي ، قال ليها انا والله ماعندي برضو !! وطبعاً رفض انها تشيلها واتصل على صاحبنا قال ليه تعال لو سمحت استلم اغراضك،،
--- كنت مرة مسافر من الرياض لبريطانيا ، شقيقتي الكبرى عندها هوس تجارة : قامت جابت لي حاجات بسيطة اسلمها لاختنا في بريطانيا وهي حتبيعهم وتجيب ليها القروش معاي،،
قلت ليها الحاجات دي بتربحك كم : قالت لي 400 - 500 ريال ،، قلت ليها هاك دي اربعمائة ريال وخليها معاك ههههههه!!!
احداث واحداث آن لها ان تغيب !!
ياعمك تنقو وين كنت في الرياض ، انحنا شيوخ هنا لي ربع قرن يمكن نكون اتلاقينا!! سلمت اين ماكنت
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: فيصل محمد خليل)
|
Quote: البريطانية 23 كيلو فقط وال klm والاماراتية والقطرية في حدود 30 كيلو على ما أعتقد،، |
استفسار للمختصين :
الحد الادني لوزن الشنط كان لا بد يكون 15 كيلو نسبة لان الكثير منا يعاني من مشاكل الظهر والغضروف والدهن في العتاقي !!! وكيف لسيدة تحمل رضيع وتسافر لوحدها ماذا تفعل !!! وهناك العديد من الحالات المشابهة كبار السن - الاطفال بدون مرافق علي طريقة ابو مروه وهكذا ولا تذكر لي ان عمال المطارات سيقوموا بالواجب لان اغلب المطارات نظام help yr self وتقدم خدمات خاصة لذوي الاحتياجات الخاصة فقط علما ان الكثير من المطارات الوصول الي الكاونتر يكون عبر مسافة مقدرة مما يضطر المسافر لسحب العفش لمسافات طويلة وبالتالي 3 قطع للراكب مناسبة شركات الطيران حتي الحكومية منها نظمت نفسها في مواجهة الراكب الذي لم يتحسب لهذه القرارات ولا بد من لجان العناية بالمستهلك ان تتحرك لتعديل هذا الوضع المجحف
لك التقدير اخي عبد اللطيف لفتح هذا الخيط المهم
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: التيجاني عبد الباقي)
|
عبداللطيف بكري وضيوفه الكرام سلام وتحية . . غايتو انا اصلو ما عندي مشكلة مع الطيران بركب بهدومي اللابسن بس فااااااااضي لكن دا من هناااااااااااااك من بلدنا حرم غيار الهدوم نخليهو ونجي بالهدوم اللابسنها . . لكن من هناااااااااا يا زول هووووووي الطيرن دا الا لفاتحة والموت اللحمر بحر المالح طمححححححح ابو التقيلة ...... براميل وشوالات كبس . . والله يا عبداللطيف انا آخر مرة مشيت قبل سفرتي الاخيرة لوفاة اخوي طبعا بالمالح اربعطاشر قطعة من برميل لشوال كبير زي شوال الكبس ومعاي اولادي ( نحن ستة ) مسموح لينا مجان 600 كيلو انقر طلع الوزن كم ... 850 كيلو يعني طن علا شوية وحرم ملح ابوحراز البضحك فيهو دا انا شايل منو خمسة كيلو ملح . . غايتو فهمي دا اصلي ما بغيرو كان انطبقت السماء على الوطا انا عارفو فهم عميكة لكن مريحني واللعوج راي والعديل راي . . تحياتي واحترامي
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: عبدالله ود البوش)
|
لطفى .. تحياتى .. آخر مرة مشينا العمرة أنا والبوليس .. قابلنا ودعمتها فى المطار .. لقانا شايلين لينا شنطة واحدة وصغويرة .. قال لينا وينو عفشكم ؟؟ قلت ليهو ياها الشينطة دى !! قال لينا : ياسلام الظاهر عليكم ناس راقين وبتفهموا !! قلت ليهو : وفر كلامك ده لغاية ما تجى توصلنا المطار ونحن راجعين السودان .. عشان تآآآآمن !! ... وقد آآآآمن !!
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: أيمن الطيب)
|
Quote: والله ياخوانا منظر محزن ومؤلم جداً تلقى الأسر السودانية تفرغ في حاجياتها بالمطار لتخفيض الوزن الزائد ، عند النظر إلى هذه الأشياء تجد الكثير منها لا يسوى هذا العناء !! مع كامل إحترامي لإرتباط الناس كل بمقتنياته ، لكننا يجب أن نعرف أن الحكاية الآن أصبحت مكلفة بالحد الذي يجب فيه إعادة النظر وتحكيم العقل في أخذ ماخف وزنه وزادت قيمته ولا يوجد مثيله في السودان!!
والله من وراء القصد |
هذا هو المختصر المفيد الرائع يا حبيبنا وخيطك أروع
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: عماد موسى محمد)
|
Quote: عند النظر إلى هذه الأشياء تجد الكثير منها لا يسوى هذا العناء !! مع كامل إحترامي لإرتباط الناس كل بمقتنياته ،
|
هاك شوف المقتنيات دي والإرتباط بيها؟؟
عندي واحداً صاحباً لي جاب أمه زيارة عشان تنفس المره... الحاجة قعدت ليها زي 6 شهور،، وكل مره تطلب من صاحبي يجيب ليها شنطه وتقعد جوه الغرفة تستف فيها... لما الشنط وصلن 5 شنط زولي الفار لعب في عبو خاصة وأنه الحاجة لسه ما دخلت السوق؟؟؟؟؟ قام أتجسس عليها لقاها ليك ململه أي حاجة وتحشر تحت السرير لغاية الشنطة التالية ما تصل وتعبيها...!! مشى يشوف الحاجات شنو؟؟ لقاها ليك كلها ناس أكياس البلاستيك وعلب الحلاوة الفارغة وبرطمانيات القزاز؟؟؟؟
ساعتها لقى تفسير لخفة كيس القمامة اليومي الذي يخرجه من الشقة؟؟؟
المهم في النهاية الشنط بقت 8 والراجل في السفر أتورط في أكثر من 5 آلاف ريال عفش زايد ولا قال بغغغغغغغغغمممممممم...... قلت ليه يعني كان رقدت المره 40 يوم النفاس دي في مستشفى ما كنت دفعت قدر ده......!!!!!
(إنشاء الله تكون آمنت كما آمن نسيب ود خالتك أب دية؟؟؟؟؟)....
الشايقي http://www.youtube.com/watch?v=WjNosdjuv7s
[email protected] http://alkatwah.com
.
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: أيمن الطيب)
|
الناس الببدلو الدلاقين بالعدة سوقهم حيقيف لكن عجبنى وسر بالى لانه النساء السودانيات عنده عقدة دلاقين التقول فى المحلة الماشين ليها دى مافى دلاقين
مرة يا عبد اللطيف جاية من اليونان كانت معاى شنطة واحدة وصغيرة سواق التكسى لمن ركبت سالنى ـ حننتظر عفشك لسه ما طلع ؟ قلت ليهو ياهو دا عفشى قال لى ـ عاينى الزولة ديك ، قبل شهر جات من اليونان وشايلة اكتر من العفش دا استغربت طبعا للكميات المهولة من الشنط والكراتين زال العجب لمن عرفت انها تاجرة شنطة
لاخواتنا السودانيات البتشترو بيهو الدلاقين دا احسن تقدموه لاهلكم ولا اتبرعو بيهو للطلاب والطالبات البكونو ما قادرين يدفعو رسوم الدراسة
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: عبد اللطيف بكري أحمد)
|
الاخ عبداللطيف .. تحياتي .. وشكرا على تثقيف الأمة السودان التي كتبت عليها الغربة الطويلة ليس من أهداف مداخلتي هداية الناس بتقليل المحمول .. فقد بلوت المر من ثمره ..
ثم لدي أسئلة محددة وليتك تفيدني بإجابات واضحة إن تيسرت:
للمسافر من السعودية للخرطوم ..
(1) لو كان معه شنطة واحدة كم مطلوب يكون وزنها لكي لا يدفع عليها؟
(2) لو كان معه شنطتين .. كم مطلوب يكون وزن الشنطة الثانية ليدفع الـ 350 ريال فقط؟
شكراً .. وفي إنتظار إفاداتك
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: Mohamed Abdelgaleel)
|
الاخ عبد اللطيف وزواره الكرام
تنويه هام
اصدرت الخطوط السعوديه تنويه هام وعاجل لكل وكالات السفر والسياحه بالمملكه جاء فيه
عاجل وهام
الساده وكلاء السفر والسياحه \ المحترمين
نحيطكم علما بان العفش المصاحب للركاب المسافرين الى محطتى القاهره والخرطوم هو قطعتين بوزن ( ٢٣ ) كيلو غرام لكل قطعه ابتداء من تاريخ ٠٨اكتوبر ٢٠١٢ وحتى ٣١ ديسمبر ٢٠١٢
لابلاغ منسوبيكم وعملاء السعوديه الكرام
شاكرين ومقدرين تعاونكم
| |
|
|
|
|
|
|
Re: ياخوانا ماتمشوا المطارات بشنط كتيرة : الحكاية دي إنتهت!! (Re: Mohamed Abdelgaleel)
|
Quote: الاخ عبداللطيف .. تحياتي .. وشكرا على تثقيف الأمة السودان التي كتبت عليها الغربة الطويلة ليس من أهداف مداخلتي هداية الناس بتقليل المحمول .. فقد بلوت المر من ثمره ..
ثم لدي أسئلة محددة وليتك تفيدني بإجابات واضحة إن تيسرت:
للمسافر من السعودية للخرطوم ..
(1) لو كان معه شنطة واحدة كم مطلوب يكون وزنها لكي لا يدفع عليها؟
(2) لو كان معه شنطتين .. كم مطلوب يكون وزن الشنطة الثانية ليدفع الـ 350 ريال فقط؟
شكراً .. وفي إنتظار إفاداتك |
الاخوة الافاضل زوار البوست التحية ليكم والتقدير على ماجاء من تجارب مفيدة لنا في مستقبل معاملاتنا مع السفر والوزن الزائد،،
اخي محمد،، ردي هذا طبعا سيشير لرد الاخ علي بالتعميم الجديد من الخطوط السعودية، وقد كنت أظن ان الاخ علي كتب الرقم مقلوب تلاتة وعشرين بدل اتنين وتلاتين
لكن من الواضح تزمر المسافرين من حكاية الشنطة الواحدة ،،
القرار السابق يامحمد ببساطة أن يكون في حالة السفر للسودان شنطة واحدة مجانيا بشرط ألا يتجاوز وزنها 32 كيلو في حالة التجاوز يفرغ الزائد في شنطة منفصلة ويدفع عليها مبلغ (حوالي مائة دولار) مهما كان وزنها بحيث لا يتجاوز 32 كيلو بالامس كنت في كاونتر السعودية وشاهدت اعلان على الكاونتر ان الوزن 25 كيلو فرري والشنطة لاتزيد عن 32 ، مافهت الموضوع وسألت الموظف وهو برضو اجابتو غير مقنعة وماقدر يجاوب سؤالي ما إذا كان يتحتم على المسافر دفع فرق سبعة كيلو بقيمة 100 دولار ام لا!!!
المهم في الموضوع يابوحميد، وبناءا على التعميم من قبل اخي علي ، فالواضح انو السعودية رجعت لل 46 كيلو مجانية بس تكون على شنطتين لأن المقصود بالموضوع في الاصل هو عمال الشحن والتفريغ ورفضهم التعامل مع اي شنطة تفوق في زنتها 23 - 25 كلجم،،
وجاء زيادة عليه : مافي مطلقاً امكانية وزن زيادة بنفس الطريقة السابقة بحيث يكون الزول مسافر لوحده ويحق ليه يشحن ان شاء الله عشرة شنط طالما في مقدوره ان يدفع او يجد من يمشي له جزء منهم ويدفع الباقي: فعلاً حركة بايخة جدا وفيها خطورة زيادة وزن الطائرة وهو سبب من ضمن اسباب سقوط الطائرات في السودان!!
السفر لامريكا مستثنى من موضوع شنطة واحدة ، وللضمان اخي محمد مسافر ع السعودية شيل ليك شنطتين وزن كل واحد 23 كيلو، في النهاية لو طلع القرار صحيح حتسافر ب 46 ك مجان، واذا كان غير صحيح حتدفع 300 - 400 ريال ، وفي كل الاحوال احسن بكتيييير من زمان وارخص واظرف في العتالة وسرعة الحركة ومتعة السفر تحياتي للجميع،،
| |
|
|
|
|
|
|
|