لك التحية اختي راوية على هذا اللحن والكلمات الجميلة والاداء الجميل فالاغنية من كلمات شاعرنا الجميل المرحوم حسن الزبير وهو شاعر رقيق كالنسمة لقد عرفته عن قرب وسعدت جدا بمعرفته هذه ربنا يتقبله بالاحسان فقد كان انسان بكل ما تحمله هذه الكلمة .. اما عن الرومانسية في الاغنية فهي فعلا مليئة بالرومانسية والعتاب الجميل الرقيق وبالجد بتريح الاعصاب والبال ,,, ومرحلة بكاء العيون في الريد دي ما اظن هسة في زول قاعد يصل ليها يا راوية ولا رايك شنو ؟؟ غايتو نحن ناس الحب القدييييييييييييم وياما بكينا بس وقشينا دموعنا بالدس ... وهدية ليك هاك كلمات الاغنية الجميلة ( الاصل ما بيبقى صورة ،، ولك وافر تحياتي مع تمنياتي برومانسية وفيرة وجميلة ,,,
تحياتي : ياسر العيلفون
الأصل ما ببقي صورة كلمات / الشاعر حسن الزبير غنـاء/ الطــيب مدثــر
ليه حياتنا إخترت غيرا فيها أحلامنا وكلامنا فيها حاجتنا الصغيرة كيف تغطي الصورة صورة ريدنا داك يا سيدي كلو يبقى ماضيك بالضرورة ***** أيه لقيت فيهو الجديد ريدتو من حاجات بقولا أو ليك قرب اماني بينا ما قادر تطولا هل قدر يكسر غرورك هل هو في الأحلام بزورك هل هـو بالجـد بيـعرف لعبة الريده وأصولا ****** هل صحيح راقي ومهندم هل ببكي الريد عيونو هل عرفتو ما بتندم في الليالي القاسي طولا الف مبروك يا مخير أنت بتبيع المشاعر البصر دون البصائر والأصل ما ببقى صورة
11-29-2012, 07:56 AM
ياسر السر
ياسر السر
تاريخ التسجيل: 08-06-2010
مجموع المشاركات: 3204
وهاك دي زيادة رومانسية لانو غنانا السوداني ده يا راوية فيهو شجن ورومانسية مبااااالغة بس نحن ما بناخذ بالنا ليهو ..
لو تصدق
كلمات: عبد العزيز جمال الدين ألحان وأداء : عبد الكريم الكابلي
أنا لو تصدق يا شباب عمري المفتق شلت كل الريد مشاعر حلوة نديانة و خصيبة و اشتهيت يهلّ وعدك لي هناء و أفراح وطيبة آه لو بتعرف كيف تهش أشواقنا تهتف لعيونك كيف يلح الشوق ويسأل كيف ترق أشواقنا ترمز لعيونك كيف يغالي الشوق ويسأل ونحن من خلف المدى الفرقنا طول لو بتعرف نرسم الليل في البعاد جنة لقاء نبني تعريشة حنان طول بدا ونعانقه في اعماقنا باقات من مرح تجعل صبانا الغالي زغرودة فرح حتى الكلام لوجيتنا ما بنحكيه بنفس الحروف كلماتنا تتفجر غزل بين كل فاصلة تعيش ظروف والشوق دوام يغري الخيال يسرح وبى حسنك يطوف احلامنا تتناثر أمل في كل روضة تضوع قطوف
عليك الله شوفي الكلام ده جميل كيف ,,,
تحياتي : ياسر العيلفون
11-29-2012, 07:59 AM
Rawia
Rawia
تاريخ التسجيل: 11-23-2002
مجموع المشاركات: 8396
الاخ العزيز مصطفى عبيد شكرا كتيييير على أميمة الخليل والمشاركة إستمتعت بيها صوتها وطريقة الاداء والجو عموما ذكرني فنانة مصرية إسمها حنان ماضي للاسف ولانها بتفتكر إنها ماجميلة كانت رافضة الظهور والغنا عشان كدا عمرها الفني كان قصير غنت في مقدمات بعض المسلسلات وكان عندها أغنية جميلة ياريت اتذكرها مرسي ومرحب بزيارتك دائمن
11-29-2012, 08:30 AM
Rawia
Rawia
تاريخ التسجيل: 11-23-2002
مجموع المشاركات: 8396
الاخ عمار زمان كان في لقاء تلفزيوني بين أحمد المصطفى وحسن عطية كانوا بيتونسوا ويسألوا بعضهم ويغنوا المهم قالوا انه في أغنية بتاعة أحمد المصطفى لما يجوا يطلبوها منه بيقولوا ليهو غني لينا السلام الجمهوري اها في أغنيات كدا منزلتها بالظبط مكان السلام الجمهوري قطعا المصير منهم ميرسي وتسلم كتير ياخ ومرحب بتكرار زياراتك
11-29-2012, 08:46 AM
Rawia
Rawia
تاريخ التسجيل: 11-23-2002
مجموع المشاركات: 8396
راوية دى قطع شك مهكرة والله صحى قاعدين لينا عشرة سنوات فى البكان ده لما بقينا جدود حتى تترومنس لينا ؟ ممكن تنزلو لى اعنية جدودنا زمان وصونا على الوطن؟ لووووووووووووووووووووووووووووول،،،
11-29-2012, 12:31 PM
تيسير عووضة
تيسير عووضة
تاريخ التسجيل: 12-20-2005
مجموع المشاركات: 7136
ياسر العيلفون أنت عارف أنا إنتظرت قدر شنو عشان أشوف مداخلة ليك في بوست لي ومزيلة بالامضا الشهير
مبسوطة من حركة الامضا دي ومتابعاها أغلب الاحيان آمال إيه؟ برجع ليك الصباح بإذن الله لو حيينا مع الاخ الفاضل بلة
الأخت الشفيفة راوية اولا شكلك رجيتي وفي انتظار مداخلتي كملتي الصبر كلو ،، بس انا ما كنت عارف ويا ريت كنت عارف ،، ههههههههههههه ( مع الاعتذار للاغنيتين) ثاني شي اشكرك على تعليقك حول الامضاء : فالامضاء له بعض الاسباب والتي من ضمنها انو انا لو كتبت ياسر السر في ناس كتار ما بتعرفني باسمي الحقيقة وذي ما تقولي اللقب غطى على الاسم الحقيقي .. ثالث شي اشكرك على متابعتك لمداخلاتي المتواضعه وده شي اسعدني واتمنى ان اكون عند حسن ظنك وظن الجميع بي دوماً ورابع شي في انتظار عودتك واتمنى ان لا يطول الانتظار واكمل الصبر كلو ،،،
وخامس شي :: تحياتي : ياسر العيلفون
11-29-2012, 12:38 PM
صديق الموج
صديق الموج
تاريخ التسجيل: 03-17-2004
مجموع المشاركات: 19433
ياراويه والله العظيم من امس ده دايره اخش بيت البكا ده .... لكن قلت والله الا اجيك بالموجب بتاعى غايتو بنجيك تانى ... بالببيكي الريد عيونو ... تحياتى للجميع ... سلام للجميع ...
11-29-2012, 11:24 PM
Dr. Moiz Bakhiet
Dr. Moiz Bakhiet
تاريخ التسجيل: 05-20-2004
مجموع المشاركات: 9044
نلتحف ببردة الشوق العشبية ظنا انها تعطي الدفء وان اذدهي بها الق الذكريات.....تتماوج في هداة الليل الحكايات القديمة لنتابع خواطرنا وهما سرمديا...يوقظنا النوم لنحلم باغاني اللقاء ولكن هيهات...سهد يحكي للنجيمات اسرار الهوي فتذوب لحظات احلامنا يقظة خوفا من الافتضاح اذا عرف النجم اسرار موتنا حبا...ولقاءاتنا طربا...
ايها الطيف توقف عند احلامنا الجديدة...القصيدة.... عيونك كانو في عيوني....
بستنشقك ... وأكتم هواك جواى..على مر الزمن وتعيشى فيني على الدوام وأبداً..أبداً ما أتَنَفّسِك .. تتخللى الروح والمسام وأتخطى بيك سخف الصغائر واللئام.. وأحبك تانى ومن جديد وابداك معاى انا ياسلام وأحدثك ... عن الزول البرسل فيك الأغنيات ومن الصِغَر كان بيعشقك تزدهر فينى الفصول ولما أنِمْ انا بغناك قامتى بتطول... وابقى قادر انى اتمدد على طول الزمن ومن المحن ... ومن المحن ياعازة يا أم الكرام وحدة نضالنا بتحرسك... ومن المحن ياعازة يا أم الكرام أنا والمعاى بنحرسك..
11-30-2012, 07:48 AM
عادل الباهي عبدالرازق
عادل الباهي عبدالرازق
تاريخ التسجيل: 10-18-2010
مجموع المشاركات: 4905
راوية السُكره هي الرومانسية فاتتك وين كايسه توقدي نارا في شماشرة البورد اما ياسر عيلفون ده .. والله حكايتو حكاية انا بقول اريتو ب.... وزغاريدو هو اسمعا انا في لندن اكان بعد الكلام البجيب الكلام ده كلو ولسع حضرتو عامل رايح ....وما فاهم
شدي حيلك يا يا اغلى من عينى .. واحلى من ابتسامك واحن من المحنه....... فى رقه سلامك
الزارعا الله يا بتي تقوم في شارع الظلط
12-01-2012, 06:56 AM
Hololy
Hololy
تاريخ التسجيل: 08-30-2006
مجموع المشاركات: 1266
راويه ياخى تيسير عووضة طايره كان داير تخرب على رومانسيتى بالله سمعتى القال ليها: ضى بسمتك زى بصمتك ما بتوجد غير فى مرايتك و رسمتك شوفى ليك تفرد!! اخخخخخخخخخخخخخخخخخخخخخخخخخ،،،
12-01-2012, 07:58 AM
khaleel
khaleel
تاريخ التسجيل: 02-16-2002
مجموع المشاركات: 30134
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة