اولا يا خي بشكرك على المتابعة على الرغم من الفيديو اكتر من ساعة لكن انت تابعت وعرفتنا بالشباب ديل
و الله في الحقيقة البرنامج عجبني شديد وخصوصا انه متنوع , وسأتابعه بإستمرار كان ربنا سهل. اغاني نوبية وحقيبة و حاجات جميلة اخير من الغناء الهابط الانتشر اليومين ديل ولعلها محاولة موفقة من مقدم البرنامج والاستاذ محمد سليمان لتغير الواقع الهابط
و الله دي محاولة كويسة من الشاب المصري ده وكذلك من الشاب السودان الغير ناطق بالنوبية وغنى بالنوبية وكأنما يتحدثها وعجبني الشاب ذو السبعة سنوات عازف الايقاعات , شكله ح ينافس مليجي .
الشباب ديل انا بديهم مليون بــــــــــــــــــــــــاص المافي شنو
09-29-2012, 08:04 AM
احمد محمد بشير احمد محمد بشير
تاريخ التسجيل: 06-17-2008
مجموع المشاركات: 14988
بالصراحة الشاب القلد النور الجيلاني ده انا ما بديهو باص نهائي .. بعدين خربط اغنية خمسة سنين للباشكاتب ود المين كان يشوف ليهُ اغنية حقيبة ولّ اي حاجة تلفق مع صوتو إختياره غيره موفق .
إنتو محمد سلمان ده تخصوصو شنو ؟موسيقى؟ وكذلك مقدم البرنامج ... بعد مرات قاعد يجامل البعض من الجماعة المتنافسين ديل
بت ربك , طبعا الطوووب , وبديها البـاص كولو :)
09-29-2012, 08:16 AM
Kostawi Kostawi
تاريخ التسجيل: 02-04-2002
مجموع المشاركات: 39989
ده عمّك الفي اللجنة اللابس جلابية وعمة وشايل عوكاز
عجبني تعليق جميل لهذا المحمد سلمان وذلك اثناء تقديم الشاب ابن جبال النوبة قال انه زار منطقة الجبال ومن الشخصيات التاريخية علي ود المي الذي يذكر اسمه في التاريخ وقال انه النوبة ساهموا في تحرير السودان من الانجليز وقال لا للعنصرية وحقو الناس ما تلخبط التاريخ وكون انه المتافس من جبال النوبة يغني لـ عبد العزيز محمد داؤود فا دي ابلغ رسالة لحملة السلاح و العنصرية فحقوا الناس ما تلخبط التاريخ ويتعايشو سواء في هذا البلد ومافي حل غير كده .
معليش يا كوستا الكلام الفوق ده يمكن يجيب ليك العنصريين في البوست الجميل ده . ناس فلانه وعلان ووو اليومين ديل شايفم اختفو من البورد بعد ما ادوا دورهم وكرهونا .
09-29-2012, 08:33 AM
مهدي صلاح مهدي صلاح
تاريخ التسجيل: 08-21-2012
مجموع المشاركات: 5103
المصري يغني (حئيبة ) زي ما عايز ... الكلام جماعتنا ... تحس بيهم ما في قمة الانفعال والفرح انو مصري بيغني باللهجة السودانية ... لسان حالهم ينطق بـ (يا سلام شوفوا المصري اللي نزل لمستوانا وراضي يغني بلهجتنا)
اللي عجبيني في المصري حرصه على الحفاظ على الطابع السوداني القح للاغنية .. مع انو في حتات ابت لهجته الاصلية الا وان تطل براسها مثلا لما جا في حتة (قلوبنا رميتن في التنور) دي حسيتو بيهو لخبط شوية ... انا بصراحة شفت الحلقة عند بثها مرة واحدة وملاحظتي دي يمكن ما تكون في محلها
09-29-2012, 08:56 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kostawi
احمد محمد بشير
مهدي صلاح
فيصل محمد خليل
وضاحة
Elmosley
فيس بوك
تويتر
انستقرام
يوتيوب
بنتيريست