|
|
|
 Re: لو لحاظ عينيك صدف راسي الجماد غير شك دك الحجارة وهمدا (Re: ABUHUSSEIN)
|
دائما أبو صلاح يصف العيون الجميلة بالناعسه وأظن النعاس في العيون صفة جماليه وخاصة إذا اجتمع مع الكحل الطبيعي ويقول في أغنية جوهر صدر المحافل ( ليك جوز عينين نعسان وكاحل ) بينما في أغنية من مناظر الحفلة الجميلة قال في وصف العيون ( الظبى الناعسه الكحيله ) أما في أغنية من قليبو الجافي قال ابوصلاح في وصف العيون ( صاحي سياف لحظك والطريف نعسان ....ليك رشرش قاطع جندل الفرسان ) وفى أغنية قلبي همالو لم ينسى ابوصلاح وصف العيون فقال ( الشادن المكحول قلبي يصبالو ...وأخشى من لحظو ومن رمى نبالو ) وكذلك لم ينسى وصفها بالناعسه حيث قال فى البيت الذي يليه ( وطرفو ناعس نام وطرفى يصحالو ).
وفي أغنية ياربيع في روض الزهوروصف العيون بالعيون الحور وكذلك بالسيوف المهندة حيث قال.....
صابنى ظبيا عيناه حور ......والده بد ر واماته حور
سيف مهند طرفه الجسور.....وفى خدوده النار والبحور
في خدوده الماء والبحور هذا المعنى الجميل أخذه الشاعر عمر البنا فأجاد في أغنية زهر الروض نور حيث قال ...
في تصوير محاسنك قد جل السميع
وضع الماء والنار في خديك جميع
والراح بين فاك والبرق اللميع
نور سطع وحلل دمعي نزل هميع
وسبب نزول دموع عمر البنا هنا هو النور الذي سطع من أسنان الملهمة والذي وصفها بالبرق لشدة لمعانها وبياضه
أيضا ابوصلاح في نفس أغنية ياربيع في روض الزهور قال في وصف العيون ....
ديسو وافر كامل الغذور .......صيد عيونو الرماش فزر
واللحاظ ما بتقبل عذر .........في قلوبنا تحاكى الجذر
مودتي ابو الحسين
| |
  
|
|
|
|
|
|
|
 Re: لو لحاظ عينيك صدف راسي الجماد غير شك دك الحجارة وهمدا (Re: جميلة ابراهيم السيد)
|
| Quote: ابو حسين انا محسوبة برلومة ومكتوبة بي قلم الرصاص مالك داير تجيب لي الهجوم بالفلس دة ههههههه |
خايفة من شنو يا برلومة( )
الكلام قالو أبو حسين و مسئول عنو أبو حسين ... أقول ليك حاجة من دخل بوست أبو حسين فهو آمن
قولي أي حاجة ما في زول بسألك ...
بعدين خبرتك في الفيس بوك كبيرة يعني صاح برلومة لكن مُش أوي....
| Quote: اسمح لي اقدم هدية لبوستك الجميل دة |
شكراً للهدية الجميلة ...
تحياتي و إحترامي
| |
|
|
|
|
|
|
|
|
|
Re: لو لحاظ عينيك صدف راسي الجماد غير شك دك الحجارة وهمدا (Re: ABUHUSSEIN)
|
يا ابو حسين
الحقيبة دي ما بسمعها اي زول، بتسمعها الناس الراقية والرايقة بس
غايتو امنت بسودانيز اونلاين دا، خلانا منفصمى الشخصية ، الواحد كتابتو في بلد وشخصيته الحقيقتية في بلد تاني
هل لك مانع يا ابو صلاح الجديد انت من ان نرفد هذا البوست ببعض من اغاني الحقيبة؟
ثم
هل لك قصائد غنائية تريد بيعها؟ 
| |
|
|
|
|
|
|
|
|
|
Re: لو لحاظ عينيك صدف راسي الجماد غير شك دك الحجارة وهمدا (Re: محمد عمر الفكي)
|
| Quote: لو لحاظ عينيك صدف راسي الجماد غير شك دك الحجارة وهمدا |
ابوحسين يا قريبي
كلامك دا حسع ما رطانة عدييييييييل
عشان كدا انا بقول انك رطاني زينا وعامل فيها ود عرب
تعرف يا ابوحسين
بوستك دا حيكون رائع ويكتمل ابداعها
عندما يأتي الشيخ صديق الموج
صديق الموج موسوعة في اشعار واغاني الحقيبة
وايام ام درمان ولياليها وفنانيها وشعائرها
انا ارسلت رسالة للاخ السر قدور
ان يستعين ويشرك معه الاخ صديق الموج
وانا في رأي الشخصي ان صديق الموج ملم اكتر من السر قدور
| |
|
|
|
|
|
|
|
|
 Re: لو لحاظ عينيك صدف راسي الجماد غير شك دك الحجارة وهمدا (Re: حمزاوي)
|
Quote: يا ابو حسين
الحقيبة دي ما بسمعها اي زول، بتسمعها الناس الراقية والرايقة بس
غايتو امنت بسودانيز اونلاين دا، خلانا منفصمى الشخصية ، الواحد كتابتو في بلد وشخصيته الحقيقتية في بلد تاني
هل لك مانع يا ابو صلاح الجديد انت من ان نرفد هذا البوست ببعض من اغاني الحقيبة؟
ثم
هل لك قصائد غنائية تريد بيعها؟ |
أهلا بيك أبو عمر
أرفد البوست بي أي شئ حا تكون أسوأ من دخلتك دي يعني .....
| |
|
|
|
|
|
|
|
|
|
Re: لو لحاظ عينيك صدف راسي الجماد غير شك دك الحجارة وهمدا (Re: ABUHUSSEIN)
|
Quote: ابوحسين يا قريبي
كلامك دا حسع ما رطانة عدييييييييل
عشان كدا انا بقول انك رطاني زينا وعامل فيها ود عرب
|
غايتو يا حمزاوي عايز تسلبط فيني ساكت ...
ياخ إنت غير قل هو الله أحد ما حافظ حاجة تصلي بيها الفرض و السنة و تقول أنا قريبك .....
و ل عايز تغطي على رطانتك مع الشايقية سامية حامد .....
| |
|
|
|
|
|
|
|
|
|
Re: لو لحاظ عينيك صدف راسي الجماد غير شك دك الحجارة وهمدا (Re: Safia Mohamed)
|
Quote: في الاول قلت تشابه علي البقر
ثم اتى من يؤكد
عموما
اذا دة من سلسلة موضة بوتسات الايام دي زي ما اشارت جميلة
فقد اخطات في اختيار الصورة
عموما ايا كان
استمتعت بالكلمات والغنية المصاحبة |
أهلاً Safia Mohamed
البوست ما تبع الموضة البوست عن أبيات شعر فيها وصف للعيون
و ما عارف الخطأ شنو في إختيار الصورة
فالصورة واحدة لي عيون بغض النظر عن جنسها
يعني البوست عن الشعر و ليس عن الصور
إديك العافية
تحياتي و إحترامي
| |
|
|
|
|
|
|
| |
ABUHUSSEIN
طارق جبريل
خضر الطيب
Ahmed al Qurashi
جميلة ابراهيم السيد
محمد عمر الفكي
Safia Mohamed
فيس بوك
تويتر
انستقرام
يوتيوب
بنتيريست